Nizamia family Clinic

12/02/2026

Dr.Hamid Kamal Nizami.

06/02/2026

05/02/2026

بچے اور ۔۔۔۔۔۔۔۔۔۔۔ ہم ے
:.

30/01/2026

عنبر وارثی

سر لا مکاں سے طلب ہوئی
سوئے منتہیٰ وہ چلے نبی
کوئی حد ہے ان کے عروج کی
بلغ العلیٰ بکمالہ

یہی ابتدا یہی انتہا
یہ فروغ جلوۂ حق نما
کہ جہان سارا چمک اٹھا
کشف الدجیٰ بجمالہ

رخ مصطفیٰ کی یہ روشنی
یہ تجلیوں کی ہماہمی
کہ ہر ایک چیز چمک اٹھی
کشف الدجیٰ بجمالہ

وہ سراپا رحمت کبریا
کہ ہر اک پہ جن کا کرم ہوا
یہ کلام پاک ہے برملا
حسنت جمیع خصالہ

یہ کمال خلق محمدی
کہ ہر اک پہ چشم کرم رہی
سر حشر نعرۂ امتی
حسنت جمیع خصالہ

وہی حق نگر وہی حق نما
رخ مصطفیٰ ہے وہ آئینہ
کہ خدائے پاک نے خود کہا
صلوا علیہ و آلہ

مرا دین عنبرؔ وارثی
بخدا ہے عشق محمدی
مرا ذکر و فکر ہے بس یہی
صلوا علیہ و آلہ

اے مظہر نور خدا
بلغ العلیٰ بکمالہ
مولا علی مشکل کشا
کشف الدجیٰ بجمالہ

حسنین جان فاطمہ
حسنت جمیع خصالہ
یعنی محمد مصطفیٰ
صلوا علیہ و آلہ

25/01/2026

‏نعت رسول مقبول ﷺ

فاصلوں کو تکلف ہے ہم سے اگر ، ہم بھی بے بس نہیں ، بے سہارا نہیں
خود اُنھی کو پُکاریں گے ہم دُور سے ، راستے میں اگر پاؤں تھک جائیں گے

ہم مدینے میں تنہا نکل جائیں گے اور گلیوں میں قصدا بھٹک جائیں گے
ہم وہاں جا کے واپس نہیں آئیں گے ، ڈھونڈتے ڈھونڈتے لوگ تھک جائیں گے

جیسے ہی سبز گنبد نظر آئے گا ، بندگی کا قرینہ بدل جائے گا
سر جُھکانے کی فُرصت ملے گی کِسے ، خُود ہی پلکوں سے سجدے ٹپک جائیں گے

نامِ آقا جہاں بھی لیا جائے گا ، ذکر اُن کا جہاں بھی کیا جائے گا
نُور ہی نُور سینوں میں بھر جائے گا ، ساری محفل میں جلوے لپک جائیں گے

اے مدینے کے زائر خُدا کے لیے ، داستانِ سفر مُجھ کو یوں مت سُنا
بات بڑھ جائے گی ، دل تڑپ جائے گا ، میرے محتاط آنسُو چھلک جائیں گے

اُن کی چشمِ کرم کو ہے اس کی خبر ، کس مُسافر کو ہے کتنا شوقِ سفر
ہم کو اقبال جب بھی اجازت ملی ، ہم بھی آقا کے دربار تک جائیں گے

پروفیسر اقبال عظیم

20/01/2026

‏اجنبی شہر لگے،،، صُورتِ زنداں مُجھ کو
لے چل اے موجِ ہَوا سُوئے بیاباں مُجھ کو

رات آئے ،،، تو تِرے درد کی رُت بھی آئے
چاند نِکلے تو کرے دِل بھی پریشاں مُجھ کو

مَیں بھی بُجھنے کو ہُوں اے قتل گہِ شہر مگر
یاد رکھے گی ــــــ تِری شامِ غریباں مُجھ کو

لوٹ آیا ہُوں‘ نصیبِ غمِ یاراں بن کر
راس آئی نہ ہَوائے غمِ دَوراں مُجھ کو

تُو کہ دریا پہ برستا ہے نہ صحراؤں میں
اپنی منزل تو بتا ،،، ابرِ گریباں مُجھ کو !

یُوں بھی رُسوا تھی بہت خلوتِ دِل کی خُواہش
تیری چاہت نے کیا ،،، اور نمایاں مُجھ کو

اپنا گھر کِتنا ہی وِیراں ہو‘ پھر اپنا گھر ہے
بسترِ خاک لگے،،، تختِ سُلیماں مُجھ کو

جانتا ہُوں مَیں خدوخال کی قیمت محسنؔ
آئینہ کر نہ سکے گا کبھی حیراں مُجھ کو

(شاعرِ درد)
محسنؔ نقوی ¹⁹⁹⁶-¹⁹⁴⁷
مجموعۂ کلام : (برگِ صحرا)

19/01/2026

نعت رسول مقبول ﷺ

میرا پیمبر ﷺ عظیم تر ہے،
کمال خلّاق ذات اس کی،
جمال ہستی حیات اس کی،
بشر نہیں عظمت بشر ہے،
میرا پیمبر ﷺ عظیم تر ہے

وہ شرح احکام حق تعالٰی،
وہ خود ہی قانون خود حوالہ،
وہ خود ہی قرآن خود ہی قاری،
وہ آپ مہتاب آپ ہالہ،
وہ عکس بھی اور آئینہ بھی،
وہ خط بھی نقطہ بھی دائرہ بھی،
وہ خود نظارہ ہے خود نظر ہے،
میرا پیمبر ﷺ عظیم تر ہے

شعور لایا کتاب لایا،
وہ حشر تک کا نصاب لایا،
دیا بھی کامل نظام اس نے،
اور آپ ہی انقلاب لایا،
وہ علم کی اور عمل کی حد بھی،
ازل بھی اس کا ہے اور ابد بھی،
وہ ہر زمانے کا راہبر ہے،
میرا پیمبر ﷺ عظیم تر ہے

وہ آدم و نوح سے زیادہ،
بلند ہمت بلند ارادہ،
وہ زہد عیسی سے کوسوں آگے،
جو سب کی منزل وہ اس کا جادہ،
ہر اک پیمبر نہاں ہے اس میں،
ہجوم پیغمبراں ہے اس میں،
وہ جس طرف ہے خدا ادھر ہے،
میرا پیمبر ﷺ عظیم تر ہے

بس ایک مشکیزہ اک چٹائی،
ذرا سے جو ایک چارپائی،
بدن پہ کپڑے بھی واجبی سے،
نہ خوش لباسی نہ خوش قبائی،
یہی ہے کل کائنات جس کی،
گنی نہ جائیں صفات جس کی،
وہی تو سلطان بحروبر ہے،
میرا پیمبر ﷺ عظیم تر ہے

جو اپنا دامن لہو سے بھر لے،
مصیبتیں اپنی جان پر لے،
جو تیخ زن سے لڑے نہتا،
جو غالب آ کر بھی صلح کر لے،
اسیر دشمن کی چاہ میں بھی،
مخالفوں کی نگاہ میں بھی،
امیں ہے صادق ہے معتبر ہے
میرا پیمبر ﷺ عظیم تر ہے

جسے شہ شش جہات دیکھوں،
اسے غریبوں کے ساتھ دیکھوں،
عنان کون و مکاں جو تھامے،
کدال پر بھی وہ ہاتھ دیکھوں،
لگے جو مزدور شاہ ایسا،
نہ زر نہ دھن سربراہ ایسا،
فلک نشیں کا زمیں پہ گھر ہے
میرا پیمبر ﷺ عظیم تر ہے

وہ خلوتوں میں بھی صف بہ صف بھی،
وہ اس طرف بھی وہ اس طرف بھی،
محاز و منبر ٹھکانے اس کے،
وہ سر بسجدہ بھی سر بکف بھی،
کہیں وہ موتی کہیں ستارہ،
وہ جامعیت کا استعارہ،
وہ صبح تہزیب کا گجر (صبح صادق) ہے
میرا پیمبر ﷺ عظیم تر ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شاعر: مظفر وارثی رح

15/01/2026

ڈاكٹر حامد کمال نظامی۔

10/01/2026

❄️ بچوں کو سردی سے بچانے کی پیشہ ورانہ تدابیر

سردیوں میں بچوں کا مدافعتی نظام نسبتاً کمزور ہوتا ہے، اس لیے نزلہ، زکام، کھانسی اور سینے کے انفیکشن کا خطرہ بڑھ جاتا ہے۔ درج ذیل احتیاطی تدابیر پر عمل کر کے بچوں کو سردی کے مضر اثرات سے محفوظ رکھا جا سکتا ہے:

---

🧥 مناسب لباس

بچوں کو تہہ دار گرم کپڑے پہنائیں

سر، کان، گردن اور پاؤں لازمی ڈھانپیں

پسینہ یا نمی کی صورت میں کپڑے فوراً تبدیل کریں

---

🏠 گھریلو ماحول

کمرہ نہ زیادہ سرد ہو اور نہ بالکل بند

ٹھنڈی ہوا یا پنکھے کا رخ بچوں کی طرف نہ ہو

صبح سویرے اور رات کے وقت غیر ضروری باہر لے جانے سے گریز کریں

---

🥣 غذائی احتیاط

نیم گرم دودھ، یخنی اور سوپ استعمال کروائیں

انڈا، دالیں، سبز سبزیاں شامل کریں

کولڈ ڈرنکس، آئس کریم اور بہت ٹھنڈی اشیاء سے پرہیز

---

🫖 مشروبات

نیم گرم پانی وقفے وقفے سے پلائیں

بڑے بچوں کے لیے ہلکی ادرک والی چائے مفید ہے

---

🧼 صفائی اور انفیکشن کنٹرول

ہاتھ دھونے کی عادت ڈالیں

نزلہ زکام والے افراد سے فاصلہ رکھیں

کھانسی یا چھینک کے آداب سکھائیں

---

🛌 آرام اور نیند

مناسب نیند بچوں کی قوتِ مدافعت بڑھاتی ہے

بیماری کی صورت میں اسکول یا باہر بھیجنے سے گریز کریں

---

🌿 محفوظ گھریلو تدابیر

سرسوں یا زیتون کے تیل سے سینے اور پیٹھ کی ہلکی مالش

سوتے وقت موزے پہنانا

بڑے بچوں کے لیے نیم گرم نمکین پانی کے غرارے

---

🚨 فوری طبی مشورہ ضروری ہے اگر:

بخار 48 گھنٹے سے زیادہ رہے

سانس میں دشواری ہو

مسلسل کھانسی یا سینہ بیٹھے

بچہ دودھ یا خوراک نہ لے

---

نتیجہ:
بروقت احتیاط، متوازن غذا اور صاف ماحول بچوں کو سردیوں کی بیماریوں سے محفوظ رکھنے میں کلیدی کردار ادا کرتے ہیں
ڈاکٹر حامد کمال نظامی۔۔

08/01/2026

ڈاکٹر حامد کمال نظامی۔