Sehat Diary

14/07/2025

فولک ایسڈ… ایک چھوٹا قدم، ایک بڑی ذمہ داری
✍️ روبینہ یاسمین

آ ج ایک پوسٹ پڑھ کر دل کانپ گیا۔ ایک صاحب نے بیٹی کی
پیدائش کی خبر لکھی تھی ۔ خوشی کی خبر ادھوری ہے کیونکہ
بیٹی ایک ایسی کنڈیشن کے ساتھ پیدا ہوئی ہے کہ اس کی سرجری ضروری ہے۔ یہ کنڈیشن ماں کے جسم میں ایک وٹامن کی کمی کی وجہ سے پیدا ہو سکتی ہے۔

فولک ایسڈ
یہ صرف ایک چھوٹی سی گولی ہے۔
نہ مہنگی، نہ تلخ۔
نہ دن کی توانائی چھینتی ہے، نہ نیند خراب کرتی ہے۔
لیکن اگر وقت پر نہ لی جائے…
تو ایک بچہ پوری زندگی ریڑھ کی ہڈی کے بغیر، وہیل چیئر پر، درد اور خاموشی کے ساتھ جی سکتا ہے۔

Spina Bifida —سپائنا بائفیڈا
ایک ایسا لفظ جو شاید کبھی آپ نے سنا نہ ہو،
لیکن یہ بیماری ایک ماں کو زندگی بھر کے پچھتاوے میں ڈال سکتی ہے۔
کیونکہ اس کی روک تھام کی جا سکتی ہے

کینیڈا میں…
صحت کی پالیسیاں اس خاموش خطرے کو خوب سمجھتی ہیں۔
اسی لیے ہر فارمیسی پر بغیر نسخے کے، فولک ایسڈ کی گولیاں دستیاب ہیں۔
اور حمل کی منصوبہ بندی کرنے والی خواتین کو ڈاکٹروں کی جانب سے مشورہ دیا جاتا ہے کہ وہ حمل سے کم از کم 3 مہینے
پہلے روزانہ 400 مائیکروگرام فولک ایسڈ لینا شروع کر دیں۔

چونکہ کسی خاتون کو یہ علم نہیں ہوتا کہ آ یا تین ماہ بعد وہ حاملہ ہو گی یا نہیں اس لئے وہ تمام خواتین جو بچہ پیدا کرنے کی عمر میں ہوتی ہیں اور انکا ارادہ بھی ہوتا ہے انہیں ڈاکٹرز باقاعدگی سے فولک ایسڈ لینے کی ہدایت دیتے ہیں کہ کہیں ایسا نہ ہو کہ ایسی سچویشن پیدا ہو جائے کہ وہ conceive کر لیں اور تین ماہ پہلے سے فولک ایسڈ نہ لینا شروع کیا ہو

کچھ خواتین کو (خاص حالات میں) اس سے زیادہ مقدار کی ضرورت بھی ہو سکتی ہے —
اور وہ ڈاکٹر ہی تجویز کرے گا۔

یہ ایک چھوٹی سی عادت…
ایک نوزائیدہ بچی یا بچے کو مکمل دماغ اور چلنے والے قدم دے سکتی ہے۔

اگر آپ ماں بننے کا سوچ رہی ہیں — یا آپ کی کوئی دوست، بہن یا بیٹی —
تو یہ بات آگے بڑھا دیں۔

یہ علم شاید کسی کا مستقبل بچا لے۔

28/06/2025

وسطِ دریا ہیں کھڑے کوئی کنارہ بھی نہیں
ڈوبنـے والـوں کـو تنکـے کـا سہارا بھی نہیں

سب تمـاشائی تمـاشہ دیکھنـے میں ہیں مـگن
موت آنکھوں میں ہے ، بچنے کا اشارہ بھی نہیں

ڈوب کر مرنے دیا دریا کی موجوں میں مجھے
میرے مـرنے پر کسی کا کچھ خسارہ بھی نہیں

زین جمیل

24/06/2025

دنیا ہمارے سامنے بدل رہی ہے۔ اتنی بڑی تبدیلی میں نے اپنی زندگی میں دیکھ لی۔ ایک وقت تھا کہ یہ دنیا مسلمانوں کے زخموں پر ہنستی تھی۔ ان کے دکھوں کو ڈرامہ کہتی تھی۔ ان کی تباہی اور قتل و غارت کو جائز سمجھتی تھی۔ وہ ہر جگہ دہشت گرد تھے۔ یہ پرانی بات نہیں۔ سات التوبر دوہزار تئیس سے قبل اس دنیا کا یہی منظر نامہ تھا۔ میں ایک عرصے سے مغربی دنیا میں اسلامی تحریک کے ادنی کارکن کی حیثیت سے کام کررہی ہوں۔ ہمارا حجاب، ہماری نماز، ہماری اسلامی شناخت ہر جگہ ہمیں صرف “فلاں دھماکے کی مذمت کی؟” کے کٹہرے میں کھڑا کرتے تھے۔ تقریبا آٹھ نو برس قبل فلسطینیوں نے سوشل میڈیا ظلم اور بمباری کی لائیو وڈیوز شئر کرنا شروع کیں تو ہمیں کچھ آواز ملی۔ پھر بھی خود مغرب میں رہنے والے مسلمانوں کی اکثریت ڈرتی ہی تھی۔
ساری دنیا میں امریکہ اور اس۔ کے اتحادیوں کے کردار پر پاکستانی کیسی نفرت میں مبتلا ہوں، امریکی ، کینیڈین، آسٹریلین، برٹش خود کو ہیرو اور نجات دہندہ ہی سمجھتے تھے۔ اسرائیل ان سب کی نظر میں انتہائی مظلوم تھا۔

ہم جیسے لوگ خاص چیکنگ کے بہانے امریکہ آسٹریلیا کینیڈا کے بارڈر پر روکے جاتے تھے ۔ چار لوگوں کے بئچ بیٹھ کر اتحادیوں کے کردار پر تنقید اور پاکستان، مسلمانوں اور حریت پسندوں کے حق میں بولنا بے حد مشکل کام تھا۔ مسلمان تک بے زار اور خوفزدہ تھے۔ اپنے اسپتال ایک چھوٹا سا بینڈ پہن کر جانا جس پر فری فلسطین لکھا تھا بہت انٹی می ڈیٹنگ حرکت تھی۔

اور اس کے ساتھ ہر جگہ سے مسلمانوں کی تباہی کی خبریں آتیں۔ ہم جیسے لوگ انھیں شئر کرتے اور غیروں کیا؟ خود اپنوں کے طعنوں کا نشانہ بنتے، کہ بس ہر وقت یہی رونا روتے ہو؟؟؟

اور پھر سات اکتوبر پر بہت کچھ کہنے والے دیکھے۔ بڑا کڑا وقت گذارا۔
اور ایک وقت آج ہے۔
الحمد للہ ۔ ثم ا لحمد للہ
ابھی تو آہستہ آہستہ تبدیلی کی نئی نئی صورتیں اپنی جھلک دکھلا رہی ہیں۔
جب پوری مغربی دنیا فری غزہ اور فری فلسطین کے نعروں سے گونج اٹھی۔
جب دنیا کے بڑے بڑے شہروں کے قلب سفید فام انسانوں سے بھر گئے جو پوری قوت سے چلا کر غزہ کے لئے حق مانگتے رہے۔
جب کعبے کو صنم خانوں سے پاسبان ملنے لگے۔ ان کے غموں پر رونے والے۔ ان کے لئے آواز بلند کرنے والے۔

اور آج یہ حال ہے کہ ایران اسرائیل پر حملہ کرتا ہے۔ اسرائیلی دنیا کی حمایت کے لئے تصاویر اور وڈیوز شئر کرتے ہیں۔ اور ایسی تصاویر اور وڈیوز پر ان کو گالیاں پڑتی ہیں۔ ان کا مذاق اڑایا جارہا ہے۔

یہ چھوٹی بات نہیں، ایران مغربی دنیا میں دہشت گرد ریاست مانا جاتا ہے۔ جس کے لیے کسی کے دل میں کوئی ہمدردی نہیں۔ اور آج ایران حملہ کرے اور مغرب کے لوگ اسرائیل کو برا بھلا کہیں؟ یہ میں نے تصور نہیں کیا تھا۔

آج اسرائیل کو مانسٹر کہا جارہا ہے جس نے خود نسل کشی کی آگ لگا رکھی ہے۔
آج ایران حملہ کرتا ہے اور مغربی دنیا کے لوگ سوشل میڈیا کی پوسٹس پر اسرائیلیوں کو کہتے ہیں تم وہی کاٹ رہے ہو جو تم نے بویا ہے۔ جب تم نے ظلم کیا تو تم کو بھی اب نتیجہ بھگتنا ہوگا۔

مکمل فتح تو ا للّٰہ کے لانے سے جب آئے گی تب آئے گی۔ اور ابھی ہم مسلمانوں کے بہت سے امتحان باقی ہیں۔ ابھی ہم نے اپنی غلطیوں کے ازالے کرنا ہیں۔ ابھی بہت کچھ کرنا ہے۔
مگر جو کچھ ابھی ہورہا ہے۔ اس کو دیکھ کر میری آنکھیں نم ہوتی ہیں۔ لبوں پر مسکراہٹ پھوٹتی ہے۔

خود میں نے کبھی عالمی منظر نامے کے اس طور پلٹنے کا تصور نہیں کیا تھا۔

ا للّٰہ اکبر کبیرا ۔ والحمد للہ کثیرا ۔ و سبحان ا للّٰہ و بحمدہ بکرۃ و اصیلا
لا الہ الا اللہ
وصدق وعدہ
و نصر عبدہ
واعز جندہ وھزم الاحزاب وحدہ
لا الٰہ الا ایاہ۔

جویریہ سعید
JS

13/06/2025

محلے کی دکان پر جانا ہے موٹر سائیکل پر جائیں گے
دوسری گلی میں خالہ کے گھر سالن دینے جانا ہے موٹر سائیکل پر جائیں گے
200 میٹر دور سکول کالج ہے موٹر سائیکل پر جائیں گے ۔۔۔
دیہاتوں میں تو اور عذاب ہے ۔۔۔
رفع حاجت کے لیے کھیتوں میں بھی موٹر سائیکل پر جانا شروع کر دیا گیا ہے ۔۔۔
بچل خان تو یہاں تک کہتا ہے کہ
ڈیرہ غازی خان میں بہت جلد تمام فقیر اور گداگر بھی موٹر سائیکل پر بھیک مانگتے نظر ائیں گے ۔۔۔۔
۔نیچے اترنے کی زحمت بھی۔ نہیں کریں گے
۔
وہیں سے۔ آواز۔ لگائیں گے ۔۔

دے جا سخیا راہ خدا تیرا اللہ ہی بوٹا لاوے گا
۔اللہ دے نام تے ڈاہ روپے تے ڈے
۔
۔
نوٹ ۔۔۔۔شوگر صرف ٹینشن سے ہوتی ہے ۔۔۔۔اس کا ہر وقت موٹر سائیکل پر چڑھے رہنے اور پیدل نہ چلنے سے کوئی تعلق نہیں ہے
۔
۔
اپ کے ہاں کیا صورتحال ہے ؟؟؟؟

28/05/2025

کیا آپ یہ جلا ہوا برتن دیکھ رہے ہیں؟ اس کی یہ حالت کیسے ہوئی؟

ایک برتن لیں، اس میں کچھ بھی رکھ دیں، دودھ، دہی، پانی، کوئی کھانے پکانے کی چیز اور اسے ہلکی آنچ پر پر چھوڑ دیں۔ پلٹ کر نہ دیکھیں۔ پکنے دیں، پکنے دیں۔ پکنے والی چیز پہلے بہت پک جائے گی۔ پھر پیندے کے ساتھ جا لگے گی، پھر اپنے ساتھ ساتھ برتن کو بھی جلانے لگے گی۔ اور زیادہ پکنے دیں، اب وہ برتن کی برت کو کھانے لگے گی۔ ابھی بھی پکنے دیں۔ اب برتن(پین) میں سوراخ بننے لگیں گے۔ مزید پکانے پر سارا برتن جل کر بھربھرا ہو جائے گا۔ اسے اٹھا کر کسی بھی چیز پر دے ماریں، وہ کسی کام کا نہیں بچا ہو گا۔

کھوکھلا ، ناکارہ، بے کار۔۔۔۔

یہ جو ہمارے دلوں میں برے خیالات، حسد، بغض، مایوسی، ناامیدی ہوتی ہے نا یہ آگ ہوتے ہیں۔ دھیمی آنچ یا بھڑکتی ہوئی آنچ یہ ہمارے دل کے برتن کو ایسے ہی کھا جاتے ہیں کہ کسی قابل نہیں چھوڑتے۔ پہلے نیک خیالات جلتے ہیں، پھر نیک ارادے بھسم ہوتے ہیں۔ اب اسی برتن میں اچھے خیالات بھی ہوتے ہیں، کسی کا بھلا چاہنا، کسی کے کام آنا، کسی کے یے دعا کر دینا، تھوڑی امید، کچھ یقین، نور، لیکن یہ برے خیالات کی آنچ کے ساتھ ہوتے ہیں تو وہ بھی جل کر بھسم ہو جاتے ہیں یا ان کا بس نہیں چلتا۔ وہ کچھ کر نہیں پاتے۔
اس لیے،

اپنے دل کو اس آنچ سے بچا کر رکھیں۔ یہ آنچ پورا دل، پوری ہستی کھا جائے گی۔ ہر خوشی پھیکی اور تلخ ہو جائے گی۔ اپنا دل ہرا بھرا رکھیں۔ ہریالی انسان کو سکون دیتی ہے۔ امید کی ہریالی، یقین کا سبزا، یہ آپ کو جینے کی امنگ دے گا۔ برے خیالات سے بچیں، یہ زندگی میں برے واقعات سے بچائیں گے۔ اچھا سوچیںِ، تمام اچھی چیزیں آپ کی طرف کشش کریں گی۔
اچھا گمان رکھیں، اچھے واقعات ہونے لگیں گے۔

سمیراحمید

21/04/2025

20/04/2025

https://youtu.be/7gHh-RRqHJw?si=93gUGeO7nAxyikzk
*ہربل میڈیسن سے متعلق فارماسسٹ سے گذارش*
لوگوں کی جانیں بچانے کے لیے کردار ادا کریں
فارماسسٹ کمیونٹی گروپس میں لازمی شئیر کریں

Importance of knowledge of herbal medicine for pharmacist community?

29/03/2025

https://youtu.be/r1ga6k2jSf4?si=5DEUapcdNDjPPUx6
*اس دور کی 5 انتہائی خطرناک بیماریوں کے لیے ایک ہی نایاب نسخہ*

Extremely useful Home remedy for Diabetes, obesity, infertility, sexual problems & depression ...

08/03/2025

کیا آپ نے رمضان المبارک سے پہلے اپنا وزن چیک کیا تھا؟

08/03/2025

رمضان المبارک اور صحت کے مسائل!
جانئے اس ویڈیو میں
https://youtu.be/EdJ0OV8q1yM?si=oj6k518AIgqQnX8E

Mistake in Sehr & Iftar | How to take care of Health in Ramadan ...

07/03/2025

https://youtu.be/EdJ0OV8q1yM?si=BM72beVvhXI2sAvi
*سحر و افطار میں کی جانے والی وہ بڑی غلطی جس سے امراض بڑھ جاتے ہیں*

Mistake in Sehr & Iftar | How to take care of Health in Ramadan ...