Amna Nawaz - Clinical Psychologist

10/10/2024

دنیا بھر میں آج نفسیاتی صحت کے بارے میں آگاہی کا عالمی دن منایا جا رہا ہے۔ اس سال کام کرنے کی جگہ یعنی "ورک پلیس" سے جڑی نفسیاتی صحت کو موضوع بنایا گیا ہے۔
ہمارے پیشے اور کام کاج کا ہماری نفسیاتی صحت پر بڑا مثبت اثر ہوتا ہے جس کی بدولت ہمیں آمدنی کے ساتھ ساتھ ایک شناخت اور زندگی گزارنے کا مقصد ملتا ہے۔ لیکن اس کے ساتھ ساتھ ہمارے کام کرنے جگہ ہمارے لئے بہت تلخ تجربات کا ذریعہ بھی بن سکتی ہے اگر وہاں ہم پر کام کا بے انتہا بوجھ ڈالا جائے، ہماری آمدنی سے زیادہ ہم سے کام لیا جائے، ہمیں کسی کی جانب سے ہراسانی یا تعاصب کا سامنا ہو، ہمارے ساتھ نا انصافی کی جائے، ہمارے کام یا ایمانداری کی قدر نہ کی جائے یا پھر ہمیں ایک منفی اور گھٹن زدہ ماحول میں کام کرنا پڑے۔
اس سال دنیا بھر میں اس بات کی اہمیت کو اجاگر کیا جا رہا ہے کہ ہمارے کام کاج کرنے کے ماحول کا ہماری نفسیاتی صحت پر کیا اثرات مرتب ہوتے ہیں اور ہم کس طرح اپنے کام کاج کے ماحول کو بہتر اور مثبت بنا کر اپنی نفسیاتی صحت کی حفاظت کر سکتے ہیں۔

11/09/2024

Presented a case study in the 1st International Seminar on Clinical Case Studies, organised by Department of Clinical Psychology, University of Management and Technology, Lahore.

27/08/2024

شادی کے بعد لوگ بے وفائی کیوں کرتے ہیں؟
ہمارے معاشرے میں اس حوالےسے مختلف غلط فہمیاں پائی جاتی ہیں جس کی وجہ سے بے وفا شخص سے ذیادہ اس شخص پر انگلی اٹھائی جاتی ہے جس کے ساتھ بے وفائی ہوتی ہے۔ تحقیق کے مطابق بے وفائی کی کیا وجوہات ہوتی ہیں یہ جاننے کے لئے ویڈیو لنک پر کلک کریں۔

کاونسلنگ کے لئے رابطہ نمبر 03174981919

https://youtu.be/kkcvlwf2rII?si=UG80wZX5X3iIzJwD

13/08/2024

نامور امریکی مصنف نپولین ہل نے اپنی کتاب میں لکھا کہ "جب کسی شخص کو کسی چیز کی اشد ضرورت ہوتی ہے، تو اس کے لیے یہ بہت مشکل ہوتا ہے کہ کوئی اسے وہ چیز حاصل کرنے میں اس کی مدد کرنے کی خواہش رکھتا ہو، لیکن جب کوئی اس مشکل دور سے گزر جاتا ہے، پہچان اور کامیابی حاصل کر لیتا ہے، اور اسے مزید مدد کی ضرورت نہیں رہتی ہے، تو دنیا میں ہر کوئی اس کی مدد کرنا چاہتا ہے۔
کیا آپ جانتے ہیں کہ ایسا کیوں ہوتا ہے؟ اس کی وجہ یہ ہے کہ کوئی بھی شخص ناکامی کے ساتھ منسلک نہیں ہونا چاہتا ہے اور نہ ہی اس کی مدد کرنا چاہتا ہے، جبکہ تقریباً ہر کوئی اس کی مدد کرنے کے لیے تیار ہو جائے گا جسے مدد کی ضرورت نہیں ہے اور کسی کامیاب مقام پر پہنچ چکا ہوتا ہے۔"

اگر ہم اس سادہ سے اصول کو سمجھ جاتے ہیں، تو ہم شکایت کرنا اور الزام تراشی کرنا چھوڑ دیں گے کہ ہماری مشکل میں کسی نے مدد کیوں نہیں کی، اور صرف اپنی ترقی اور کامیابی پر توجہ مرکوز رکھیں گے۔ اس کی حالیہ مثال ارشد ندیم ہے۔ جس نے اپنی توجہ صرف اور صرف اپنی ٹریننگ اور کھیل پر مرکوز رکھی، دوسروں کو برا بھلا کہنے کی بجائے اس نے اپنی محنت جاری رکھی اور آج اس نے ایسی تاریخ رقم کر دی جس کے بعد سب اس کے مداح بن گئے۔

تحریر: آمنہ نواز
ماہر نفسیات

11/08/2024

جس طرح کسی بھی حادثے کے نتیجے میں متاثرین کو ابتدائی طبی امداد فراہم کی جاتی ہے اسی طرح شدید صدمے، غم، نقصان یا حادثے کے نتیجے میں متاثرین کو ابتدائی نفسیاتی امداد کی فراہمی بھی انتہائی اہم ہے ورنہ نقصان یا حادثے کے جسمانی زخم تو بھر جائیں گے مگر اس کے نفسیاتی اثرات دیر پا رہیں گے۔
ٹیکنیکل سروسز اسوسییشن، ایف سی کالج یونیورسٹی، اور کورین سوسائٹی آف ٹرآمیٹک سٹریس سٹڈیز کی جانب سے منعقد کی جانے والی ابتدائی نفسیاتی امداد کی ٹریننگ کی چند تصاویر۔

08/08/2024

06/08/2024

پروگرام "آج پاکستان" @ آج نیوز

05/08/2024

اگر زندگی میں کوئی بھی کامیابی چاہیے تو اس سے پہلے روزانہ کی بنیاد پر ان چار شعبوں میں کامیابی حاصل کرنا ضروری ہے:
1۔ جسمانی کامیابی - اس سے مراد ہے ورزش کرنا، صحت مند غذا کھانا، نیند پوری کرنا
2۔ ذہنی کامیابی - اس سے مراد ہے روز کچھ نیا سیکھنا، کتاب پڑھنا، تحریر کرنا
3۔ معاشرتی کامیابی - اس سے مراد ہے اپنی فیملی اور دوست احباب کے ساتھ اچھا وقت گزارنا، دوسروں کے ساتھ تعلقات کو بہتر بنانا
4۔ روحانی کامیابی - اس سے مراد ہے ایمان کی پختگی، عبادت، دعا، در گزر کرنا
اگر ہم ان شعبوں میں روزانہ کہ بنیاد پر کامیاب نہیں ہو سکتے تو کسی بھی اور شعبہ میں کامیابی ممکن نہیں۔
تحریر: آمنہ نواز
ماہر نفسیات

04/08/2024

نیند کو بہتر کیسے بنایا جا سکتا ہے اور کون سے عوامل ہماری نیند کو متاثر کرتے ہیں؟
جانئے ماہر نفسیات آمنہ نواز سے۔
۔
۔
۔
کاونسلنگ کے لئے رابطہ نمبر 03174981919
۔
۔
۔

03/08/2024

ڈاکٹر صائمہ مجید کی جانب سے منعقد کی گئی ورکشاپ جس کا موضوع تھا "نوجوانوں میں self-harm (یعنی خود کو کٹ لگا کر، جلا کر، دیوار میں مکا یا سر مار کر خود کو چوٹ پہنچانا یا پھر کسی بھی طرح سے تکلیف یا اذیت دینے) کے رجحان کی تشخیص اور اس کا علاج۔
جب کوئی نوجوان خود کو اذیت دیتا ہے یا کٹ لگاتا ہے تو والدین اور دیگر افراد خانہ کو سمجھ نہیں آتی کہ ایسی صورتحال سے کیسے نمٹا جائے۔ وہ یا تو سمجھتے ہیں کہ نوجوان توجہ حاصل کرنے کے لئے "ڈرامہ" کر رہا ہے یا پھر وہ اس قدر پریشان ہو جاتے ہیں کہ اس نوجوان کی ساری باتیں ماننا شروع کر دیتے ہیں۔ یہ دونوں ہی روئیے کارآمد نہیں۔
پہلی بات جو ایسے نوجوانوں کی فیملی کو سمجھنی چاہیئے وہ یہ ہے کہ جب بھی کوئی شخص خود کو نقصان پہنچاتا ہے تو یہ اس بات کی علامت ہے کہ اس کی نفسیاتی صحت خطرے میں ہے اور اسے اپنے جذبات کو سمجھنے اور اپنی جذباتی الجھنوں کو سلجھانے کے لئے ماہر نفسیات کی مدد کی ضرورت ہے۔
گھریلو ٹوٹکوں سے ایسے نوجوانوں کے جذباتی اور نفسیاتی مسائل میں اضافہ ہوتا چلا جاتا ہے۔

01/08/2024

رات کو نیند نہ آنا ایک عمومی شکایت ہوتی ہے۔
نیند کو بہتر بنانے کے لئے کیا کرنا چاہیے، یہ جاننے کے لئے ویڈیو لنک پر کلک کریں۔

https://youtu.be/C17J2qeoPJU?si=IHZBwCdeyG7fkC5x

کاؤنسلنگ کے لئے رابطہ نمبر 03174981919

25/07/2024

Conducted a seminar on "Career prospects in the field of psychology for young psychologists" in Department of Psychology, GC University, Lahore.