Dr Syed Javed Sabzwari

Dr Syed Javed Sabzwari It's All About Your Hearts Health Prevention and treatment of angina,heart attack,heart failure,rheumatic heart disease,heart rhythms.

Control of high blood pressure,high serum cholesterol,high uric acid. Advisory and follow up services for Angioplasty,Open Heart Surgery and Pacemaker ICD / CRT implantation. Special interest in the non invasive management of Heart Failure,Angina and heart attack. Special work on the prevention of Rheumatic Fever and Rheumatic Heart Diseases in Pakistan. Special interest is to educate both Doctors

and General Public about the cardiology. Research on Stem Cell Therapy and other measures in the management of Cardiomyopathies.

دل کی باتیں ۔پاکستان میں دل کے امراض کی شرح میں خطرناک حد تک اضافہ ہم سب کے لئے باعث تشویش ہے ۔ عوام میں دل کے امراض سے ...
09/04/2026

دل کی باتیں ۔
پاکستان میں دل کے امراض کی شرح میں خطرناک حد تک اضافہ ہم سب کے لئے باعث تشویش ہے ۔
عوام میں دل کے امراض سے بچاؤ کی تعلیم عام کریں ۔
ان تمام عوامل کو کنٹرول یا ختم کریں جو دل کے امراض پیدا کرنے کے ذمہ دار ہیں اور جن کا ہم نے اپنی مختلف پوسٹس اور وی لاگز میں بارہا ذکر کیا یے ۔
اب وہ وقت آگیا ہے کہ دل کے امراض کی شرح کو کم کرنے کے لئے ہم سب کو سنجیدگی سے سوچنا ہوگا ۔
ابھی بھی اگر ہم سب نے مل کر توجہ نہ دی تو دل کی بیماریوں کا عفریت کسی کے قابو نہیں آئے گا ۔
ہمارے نوجوان جس تیزی سے دل کے امراض خاص طور پر ہارٹ اٹیک اور دل کے پٹھوں کی کمزوری کا شکار ہو رہے ہیں ۔ یہ ہم سب کے لئے لمحہ فکریہ ہے ۔
نوجوانوں کے صحت مند دل ہی صحت مند دماغ اور مثبت سوچ کے ساتھ فکری توانائی پیدا کرکے ایک مضبوط اور مستحکم پاکستان بنا کر اسے ترقی یافتہ اقوام کی صف میں شامل کر سکتے ہیں ۔
ڈاکٹر سید جاوید سبزواری ۔
کنسلٹنٹ کارڈیالوجسٹ ۔
لاہور ۔ پاکستان ۔

09/04/2026

اپنے بچوں کو ہارٹ اٹیک ۔ ہائی بلڈ پریشر سے بچانا چاہتے ہیں تو اپنے گھر کے ماحول کو اچھا بنائیں ۔ گھر میں لڑائی جھگڑوں سے پرہیز کریں ۔
گھر کا دوستانہ ماحول بچوں کو جسمانی اور ذہنی طور پر صحت مند بناتا ہے ۔

ڈاکٹر سید جاوید سبزواری ۔
کنسلٹنٹ کارڈیالوجسٹ ۔
لاہور ۔ پآکستان ۔

طاقت کے لئے گلوکوز ڈرپ لگوانا جان لیوا ثابت ہو سکتا ہے ۔ ہم اپنے مریضوں سے اکثر یہ باتیں سنتے رہتے ہیں کہ میرا بلڈ پریشر...
08/04/2026

طاقت کے لئے گلوکوز ڈرپ لگوانا جان لیوا ثابت ہو سکتا ہے ۔
ہم اپنے مریضوں سے اکثر یہ باتیں سنتے رہتے ہیں کہ میرا بلڈ پریشر لو ہوجاتا ہے ۔ گلوکوز ڈرپ لگوانے سے بہتر ہوجاتا ہے ۔ طاقت آجاتی ہے ۔
عام طور پر بلڈ پریشر کا لو ہونا کوئی بیماری نہیں ہوتی ماسوائے ان کے جن کے جسم سے خدانخواستہ بہت زیادہ خون بہہ جائے یا بہت زیادہ الٹیاں اور پاخانے آکر پانی اور نمکیات کی شدید کمی کی وجہ سے بلڈ پریشر خطرناک حد تک کم ہو جائے یا کسی دوائی کے یا کسی حشرات الارض کے کاٹنے کی وجہ سے پیدا ہونے والے زہریلے اثرات کی وجہ سے بلڈ پریشر کم ہو جائے یا شدید ہارٹ اٹیک کے بعد بلڈ پریشر خطرناک حد تک نیچے گر جائے ورنہ بلڈ پریشر تو جتنا تجویز کردہ نچلی سطح پر رہے گا اتنا ہی انسان کے لئے بہتر ہوتا ہے ۔
اکثر ہم نے لوگوں سے سنا ہے کہ ہمارا بلڈ پریشر لو ہو گیا ہے اس لئے ہم گلوکوز ڈرپ لگوارہے ہیں یا ہم نے کمزوری کو دور کرنے کے لئے گلوکوز ڈرپ لگوانے جانا ہے ۔ ا گر آپ کا کھانا پینا ٹھیک ہے تو منہ کے ذریعے توانائی سے بھرپور چیزیں کھائیں اور پئیں ۔
بغیر معقول وجہ کے ڈرپس کا لگوانا تاکہ بلڈ پریشر زیادہ ہو کر کمزوری دور ہوجائے صرف ایک نفسیاتی اثر ہے اور کچھ بھی نہیں ہے ۔ اس پریکٹس کو لازمی ختم کرنا چاہئے ۔
اگر آپ کو کمزوری ہوتی ہے ۔ تھکاوٹ ہوتی ہے ۔ کام کرنے کو دل نہیں کرتا ۔ سستی اور کاہلی کا بہت غلبہ ہے تو اپنے نزدیکی ہسپتال میں جا کر ڈاکٹر صاحب کو اپنی اس کیفیت کے بارے۔ میں بتائیں ۔ وہ آپ کی ہسٹری سننے اور مکمل معائنہ کرنے کے بعد اگر مناسب سمجھیں گے تو کچھ ٹیسٹس تجویز کرکے آپ کی علامات کی وجوہات کی تشخیص کریں گے ۔ تشخیص کے بعد جو علاج ہوگا اس سے آپکی کمزوری ۔ سستی ۔ کاہلی اور تھکاوٹ سب دور ہوجائے گی ۔
کچھ مریضوں میں کمزوری کی وجہ دل کے پٹھوں کی کمزوری یا شوگر کی بیماری یا خون کی شدید کمی بھی ہوسکتی ہے ۔ ان میں بغیر تشخیص کے طاقت کے لئے گلوکوز ڈرپ لگوانا یا لگانا جان لیوا ثابت ہوسکتا ہے ۔
ڈاکٹر سید جاوید سبزواری ۔
کنسلٹنٹ کارڈیالوجسٹ ۔
لاہور ۔ پاکستاں ۔

07/04/2026

دل کی نالیوں کی صفائی ممکن ہے ۔ اس کو مختلف مراحل میں کیا جا سکتا ہے ۔ آج پہلا مرحلہ آپ کو بتاتے ہیں ۔ اس پر عمل کرنے کی کوشس کریں ۔ باقی مراحل بھی آپ کو بتاتے رہیں گے ۔ اگر ان سب پر آپ نے عمل کرلیا تو دل کی صحت کے حوالے سے آپ خود ایک اچھی اور صحت مند تبدیلی اپنے اندر محسوس کریں گے ۔
ڈاکٹر سید جاوید سبزواری ۔
کنسلٹنٹ کارڈیالوجسٹ ۔
لاہور ۔ پاکستان ۔

دل کے مریض دل کی بیماری کی وجہ سے نہیں بلکہ دل کے مرض کے خوف کی وجہ سے بیمار ہوتے ہیں کہ بس اب ہم مرجائیں گے ۔ جب کہ حقی...
05/04/2026

دل کے مریض دل کی بیماری کی وجہ سے نہیں بلکہ دل کے مرض کے خوف کی وجہ سے بیمار ہوتے ہیں کہ بس اب ہم مرجائیں گے ۔ جب کہ حقیقت میں دل کی بیماری کا تعلق موت سے بالکل بھی نہیں یے ۔
موت تو حکم ربی ہے ۔ ہر ذی نفس نے اس کا مزہ چکھنا ہے ۔
جب ان افراد کے ذہنوں سے موت کا خوف نکال دیا گیا اور دل کے مرض کی وجوہات کو کنٹرول یا ختم کرکے اور دواؤں کی خوراک ان کے مطابق دے کر اس کی پابندی کروائی گئی تو بہت سے مریض بالکل ٹھیک ہوگئے ۔ نہ ان کو سٹینٹس کی ضرورت پڑی اور نہ دل کے بائی پاس آپریشن کی ماسوائے ان چند مریضوں کے جن کی بیماری اس نوعیت کی تھی کہ انہیں سٹینٹ یا بائی پاس آپریشن کے مراحل سے گزارنا ہی پڑا ۔
دل کی بیماری تو دل کے مریضوں کو زندگی ایک نئے خوبصورت انداز میں گزارنے کی راہ دکھاتی ہے ۔
ڈاکٹر سید جاوید سبزواری ۔
کنسلٹنٹ کارڈیالوجسٹ ۔
لاہور ۔ پاکستان ۔

05/04/2026

دل کے مریض کیا غلطی کرتے ہیں جب انہیں اچانک سینے میں وزن ۔ گھٹن ۔ بوجھ یا درد ہوتا ہے ۔
وہ زبان کے نیچے رکھنے والی گولی یا سپرے چلتے پھرتے یا گاڑی چلاتے یا موٹرسائیکل چلاتے ہوئے زبان کے نیچے رکھ لیتے ہیں یا زبان کے نیچے سپرے کر لیتے ہیں ۔ ایسا کبھی بھی نہ کریں ۔ ہمیشہ بیٹھ کر یا گاڑی ، موٹر سائیکل روک کر یہ گولی یا سپرے استعمال کریں ۔
ڈاکٹر سید جاوید سبزواری ۔
کنسلٹنٹ کارڈیالوجسٹ ۔
لاہور ۔ پاکستان ۔

پیدا ہونے والے بچے کے آنول کو ضائع مت کریں ۔ اس میں موجود خون سے دل کے ہٹھوں کی بیماری اور دوسری کئی مختلف بیماریوں کا ع...
04/04/2026

پیدا ہونے والے بچے کے آنول کو ضائع مت کریں ۔ اس میں موجود خون سے دل کے ہٹھوں کی بیماری اور دوسری کئی مختلف بیماریوں کا علاج ممکن ہے ۔
بچے کی پیدائش پر جہاں ایک نئی زندگی جنم لیتی ہے وہیں اس بچے کی پیدائش دوسرے سینکڑوں مریضوں کی جان بچا سکتی ہے اور وہ ہے بچے کے ساتھ جڑا آنول جسے عام طور پر پھینک دیا جاتا ہے ۔ اس آنول میں 60 سے 110 ملی لٹرز خون موجود ہوتا ہے ۔ یہ خون جان لیوا امراض سے بچانے والے خلیوں سٹیم سیلز سے بھرا ہوتا ہے ۔ اگر اس خون کو بچے کی پیدائش کے بعد 10 سے 20 منٹ میں نکال کر محفوظ کر لیا جائے تو
بےشمار بیمار مریضوں کا بھلا ہو سکتا ہے ۔
آنول کے خون سے 80 سے زیادہ بیماریاں جن میں دل کے پٹھوں کی بیماری ۔ خون کا کینسر ۔ تھیلیسیمیا ۔ مدافعتی نظام کی بیماریاں اور دوسری بیماریوں شامل ہیں ان کا علاج ممکن ہے ۔
آنول کے خون کو ضائع نہ کیجئے ۔ یہ قدرت کا ایک
انمول تحفہ ہے ۔ اسے محفوظ کیجئے اپنے بچوں یا دوسے مریضوں کو جان لیوا امراض کی پیچیدگیوں سے بچانے کے لئے ۔
ڈاکٹر سید جاوید سبزواری
کنسلٹنٹ کارڈیالوجسٹ
لاہور ۔ پاکستان ۔

02/04/2026

دل کی باتیں ۔
ہر ایک لفظ کی بہت اہمیت ہوتی ہے ۔ الفاظ کا چناؤ بہت احتیاط سے کیجئے سوچنے میں ، بولنے میں یا لکھنے میں ۔ کیونکہ الفاظ آپ کی ذہنی کیفیت ، تربیت ، علمی قابلیت ( تعلیمی قابلیت نہیں ) اور پس منظر کے علاوہ آپ کی شخصیت کے عکاس ہوتے ہیں ۔
ڈاکٹر سید جاوید سبزواری ۔
کنسلٹنٹ کارڈیالوجسٹ ۔
لاہور ۔ پاکستان ۔

01/04/2026

دل کی باتیں ۔
زندگی کی صرف ایک ہی حقیقت ہے اور وہ ہے صحت ۔ جسمانی اور ذہنی صحت ۔
اگر آپ صحت مند ہیں تو علم بھی آپ کے پاس ہے ۔ خوبصورتی بھی آپ کے پاس ہے ۔ طاقت بھی آپ کے پاس ہے ۔ دولت بھی آپ کے پاس ہے ۔ عزت بھی آپ کے پاس ہے ۔ شہرت بھی آپ کے پاس ہے ۔ اگر صحت نہیں تو علم والوں کو بے علم ہوتے ، حسین اور طاقتور لوگوں کو نحیف و نزار ہوکر خون تھوکتے ، دولت مند لوگوں کو غریب ہوتے اور بے انتہا شہرت کے حامل افراد کو گمنامی کے اندھیروں میں جاتے دیکھا ہے ۔
اپنی صحت کی قدر کیجئے ۔
ڈاکٹر سید جاوید سبزواری ۔
کنسلٹنٹ کارڈیالوجسٹ ۔
لاہور ۔ پاکستان ۔

31/03/2026

ہماری نوجوان نسل میں ہارٹ اٹیک ۔ ہائی بلڈ پریشر ۔ شوگر کی بیماری ۔ کینسر کے علاوہ نئے نئے امرض کیوں پیدا ہو رہے ہیں ۔
ہم نے قدرتی اصولوں کی خلاف ورزی کرکے قدرت کے توازن کو خراب کردیا ہے ۔ جس کا نتیجہ ہم سب کے سامنے ہے ۔
جینیٹک انجئینئیرنگ نے جہاں بہت سی بیماریوں کو کنٹرول کرنے اور زندگی کے دوسرے شعبوں میں پیچیدہ مسائل کو حل کرنے میں مدد دی ہے وہاں پر ہمیںں یہ بھی سوچنا چاہئے کہ یہ بیماریاں پیدا کیوں ہوئیں ۔ یہ مسائل پیدا کیوں ہوئے ۔ اس لئے کہ ہم نے قدرتی اصولوں سے انحراف کیا ۔ ہر جاندار ایک خاص علاقے اور خاص ماحول میں پیدا ہوتا ہے ۔ قدرت خود اس کی نشونما کرتی ہے ۔ اس جاندار کی خصوصیات کو دوسرے ماحول کے عادی جاندار میں جینیاتی طور پر منتقل کرنے سے بظاہر ہمیں کامیابی تو مل گئی لیکن اس کے جو دور رس اثرات مرتب ہوئے وہ آج کسی سے ڈھکے چھپے نہیں ہیں ۔
ہم نے قدرت سے دوری اختیار کرکے ، اسے تبدیل کرکے ماحول میں بیماری پیدا کرنے والے عوامل پیدا کر دئیے ۔ جب بیماریاں پیدا ہوگئیں تو ان کے علاج کے لئے نئی نئی کاوشیں شروع کردیں ۔ اگر ہم قدرت کے نزدیک رہتے تو نہ یہ بیماریاں پیدا ہوتیں اور نہ جینیٹک انجینئیرنگ کی ضرورت پڑتی ۔
ابھی بھی وقت ہے کہ ہم قدرت کی طرف واپس جانے کی کم از کم کچھ تو کوشش کریں ۔
اس پروگرام کو آخر تک ضرور دیکھیں ۔ آپ کی معلومات میں یقینآ اضافہ ہوگا ۔ اگر پسند آئے تو اپنے خاندان اور برادری کے افراد ۔ دوستوں اور سوشل گروپس میں ضرور شئیر کریں تاکہ ہم سب مل کر دل کے امراض کو کم یا ختم کرنے میں کامیاب ہو سکیں ۔ شکریہ ۔
ڈاکٹر سید جاوید سبزواری ۔
کنسلٹنٹ کارڈیالوجسٹ ۔
لاہور ۔ پاکستان ۔

30/03/2026

کھانے کے بعد پیٹ کے اوپر درمیانی حصے میں ہونے والا درد اگر آرام کرنے سے ٹھیک ہوجائے ۔ اسے کبھی نظرانداز نہ کریں ۔ یہ انجائنا یا ہارٹ اٹیک کی شروع کی علامت ہو سکتی ہے ۔
ہمارے گاوں دیہات گوٹھ میں دل کی بیماری کی تشخیص بہت دیر سے ہوتی ہے ۔
دودھ سوڈا پینا صحت کے لئے اچھا نہیں ہے ۔
میاں چنوں کے نزدیکی گاوں میں رہنے والے محمد اکبر کو ہارٹ اٹیک سے بچایا جا سکتا تھا اگر وقت پر تشخیص کر لی جاتی ۔
گاوں دیہات گوٹھ میں رہنے والے افراد ابھی بھی ہسپتال جانے کے بجائے اپنے علاقے کے حکیم صاحب یا روایتی اور دیسی طریقوں سے علاج کرنے والوں کے پاس جا کر علاج کروانے کو ترجیح دیتے ہیں ۔ کوئی ایسا نظام وضع کیا جائے تاکہ ان حکیم صاحب یا دیسی طریقے سے علاج کرنے والوں کو اس بات کی تعلیم دی جائے کہ دل کی بیماری کی علامات کی صورت میں مریض کو اپنے نزدیکی بنیادی مرکز صحت یا دیہی مرکز صحت یا تحصیل ہیڈکوارٹر میں بھیج دیں ۔
ہمارے ہاں گلوکوز یا طاقت والی ڈرپ لگوانے کا رجحان بہت زیادہ ہے ۔ گلوکوز یا سرخ اور پیلے ٹیکے والی طاقت کی ڈرپ صحت کو کتنا نقصان پہنچا سکتی ہے ۔
اس کے بارے میں لوگوں کو آگاہ کرنا بہت ضروری ہے ۔
ہمارے ہاں دل کے امراض کو ختم کرنا بہت مشکل ہے ۔ اس کا صرف ایک ہی طریقہ ہے ۔ عوام الناس میں صحت کی تعلیم خاص طور پر دل کی صحت کی تعلیم کو عام کیا جائے ۔ جب تک لوگوں کو دل کے امراض سے بچاو اور علامات پیدا ہوتے ہی اپنے نزدیکی ہسپتال میں جا کر ڈاکٹر صاحب سے مشورہ کرنے کے حوالے سے شعور اور آگہی نہیں دی جائے گی ۔ ہارٹ اٹیک اور دل کے دوسرے امراض یوں ہی پیدا اور بڑھتے رہیں گے ۔
اگر آپ کو ہمارے پروگرامز پسند آئیں تو ہمارے فیس بک ، ٹک ٹاک اور یوٹیوب چینل کو اپنے خاندان اور برادری کے تمام افراد ۔ دوستوں اور سوشل گروپس میں شئیر کریں تاکہ ہم سب مل کر اپنے ملک سے دل کے امراض کا خاتمہ کر سکیں ۔ شکریہ ۔
ڈاکٹر سید جاوید سبزواری ۔
کنسلٹنٹ کارڈیالوجسٹ ۔
لاہور ۔ پاکستان ۔

ایلوپیتھک سسٹم صرف فارمیسی میں بکنے والی دواؤں کا نام نہیں ہے ۔ یہ ایک پورا تعلیمی نظام ہے جس کی بنیاد آج سے ہزاروں سال ...
29/03/2026

ایلوپیتھک سسٹم صرف فارمیسی میں بکنے والی دواؤں کا نام نہیں ہے ۔ یہ ایک پورا تعلیمی نظام ہے جس کی بنیاد آج سے ہزاروں سال پہلے حکما نے ڈال دی تھی ۔
یہ علم ، تحقیق ، جستجو ، جہد مسلسل اور بیماریوں سے بچاؤ اور ان سے نبرد آزما ہونے کا نام ہے ۔
یہ اسی محنت کا ثمر ہے کہ آج انسان کا پورا حیاتیاتی خاکہ جینوم دریافت کر لیا گیا ہے ۔
انسانی جسم کی ساخت کا مطالعہ مالیکیولر سطح پر کرنا یا جسم کے تمام اعضا کے افعال کا مطالعہ صحت اور بیماری کی حالتوں میں کرنا اسی جدید نظام کی بدولت ہے ۔
بیماریوں کی تشخیص اور علاج کے نئے نئے طریقے دریافت کرنا اور ان معذور کرنےوالی لا علاج بیماریوں پر تحقیق و علاج کی بدولت ہی آج نہ جانے کتنے گھروں میں خوشی کی لہریں بکھری ہوئی ہیں ۔ یہ سفر ابھی ختم نہیں ہوا اور نہ ہوگا جب تک یہ دنیا قائم ہے ۔ انسان کی علم کے حوالے سے نہ ختم ہونے والی جستجو اور اللہ کا ارشاد کہ سوچو ، فکر کرو ، تدبر کرو پر عمل کرکے ہی بیماریوں سے بچنے اور علاج کے مزید نئے طریقے دریافت کرکے انسانی نسل کی موت سے پہلے کی دنیا کو پر سکون بنایا جا سکتا ہے ۔
ڈاکٹر سید جاوید سبزواری ۔
کنسلٹنٹ کارڈیالوجسٹ ۔
لاھور ۔ پاکستان ۔

Address

Lahore
54000

Telephone

+923334227772

Website

Alerts

Be the first to know and let us send you an email when Dr Syed Javed Sabzwari posts news and promotions. Your email address will not be used for any other purpose, and you can unsubscribe at any time.

Shortcuts

Share

Category