21/09/2024
*ڈاکٹر حضرات ٹیسٹ لکھ کر دیتے ہیں اور اکثر لوگوں کو علم ہی نہیں ہوتا کہ ان ٹیسٹوں میں فرق کیا ہے۔*
یہاں
X-Ray, CT Scan, MRI اور PET Scan
کے بارے میں مزید تفصیلی معلومات پیش کی جا رہی ہے.
1 ایکس رے (X-Ray)
زیادہ تر ہڈیوں کی ٹوٹ پھوٹ، نمونیا، دانتوں کے مسائل، اور سینے میں انفیکشن کا پتہ لگانے کیلئے استعمال ہوتا ہے۔
جسم کے مخصوص حصے کی 2D تصویر بناتا ہے جو ہڈیوں اور ٹھوس ڈھانچوں کو ظاہر کرتی ہے۔
تابکاری: کم مقدار میں تابکاری ہوتی ہے لیکن بار بار استعمال نقصان دہ ہو سکتا ہے۔
فائدہ (Benefit): تیز رفتار اور کم قیمت ہسپتالوں اور کلینکس میں با آسانی دستیاب۔
نقصانات (Disadvantages):
نرم ٹشوز، پٹھے، دماغ وغیرہ کی تفصیلات واضح نہیں ہوتی۔
2 سی ٹی اسکین (CT-Scan):
مقصد (Purpose):
نرم ٹشوز، ہڈیوں، خون کی نالیوں، اور دیگر اندرونی اعضاء کی تفصیلات دیکھنے کیلئے استعمال کیا جاتا ہے خاص طور پر دماغی چوٹ، فالج، اور کینسر کے مریضوں کیلئے مفید ہے۔
اImage: تھری ڈی (3D) تصویر فراہم کرتی ہے جس میں جسم کے اندرونی ڈھانچے کی مکمل اور تفصیلی معلومات ہوتی ہے۔
تابکاری: ایکس رے سے زیادہ ہوتی ہے اس لیے کم استعمال کی تجویز دی جاتی ہے۔
فائدہ (Benefit):
جسم کے کسی بھی حصے کی تفصیلات فراہم کرتا ہے سنگین چوٹوں کی تشخیص میں مدد کرتا ہے۔
نقصانات (Disadvantages): تابکاری کی بلند سطح تھوڑا مہنگا اور بعض اوقات خاص تیاری کی ضرورت ہوتی ہے۔
3 ایم آر آئی (M.R.I)
مقصد: دماغ، ریڑھ کی ہڈی، پٹھے، جوڑوں اور پیٹ کے امراض کی تشخیص کیلئے سب سے زیادہ استعمال ہوتی ہے خاص طور پر نرم ٹشوز کی تفصیلات کیلئے بہترین ہے
تھری ڈی تصویر بناتی ہے جو نرم ٹشوز کی بہترین وضاحت فراہم کرتی ہے۔
عمل (Working): طاقتور مقناطیس اور ریڈیو لہروں کی مدد سے جسم کے اعضاء کی تفصیلات حاصل کی جاتی ہے۔
تابکاری: بالکل نہیں ہوتی۔
فائدہ (Benefit): نرم ٹشوز جیسے دماغ، ریڑھ کی ہڈی اور جوڑوں کی بہت اعلیٰ تفصیلات فراہم کرتی ہے تابکاری کے بغیر محفوظ طریقہ ہے۔
نقصانات (Disadvantages): بہت مہنگا ہے اور زیادہ وقت طلب ہے بعض افراد کو مقناطیسی فیلڈ میں بند ہونے کی وجہ سے گھبراہٹ ہو سکتی ہے۔
4 پی ای ٹی اسکین (P.E.T-Scan):
مقصد (Purpose): جسم میں میٹابولک تبدیلیوں کا پتہ لگانے کیلئے استعمال ہوتا ہے خاص طور پر کینسر کی تشخیص اور اس کے پھیلاؤ کی جانچ کیلئے استعمال ہوتا ہے۔
عمل: مریض کے جسم میں تابکار مادہ داخل کیا جاتا ہے جو جسم کے میٹابولک ردعمل کو ظاہر کرتا ہے۔
فائدہ (Benefit): کینسر کے علاج کی کامیابی کی نگرانی میں مدد کرتا ہے کینسر، دل کی بیماری اور دماغی امراض کی تفصیلی جانچ کیلئے مفید ہے۔
نقصانات (Disadvantages): مہنگا اور تابکاری شامل ہوتی ہے وقت، طلب اور خاص تیاری کی ضرورت ہو سکتی ہے۔
یہ معلومات آپ کو بہت سی مختلف طبی ٹیسٹوں کے انتخاب میں مدد دے سکتی ہے اور یہ سمجھنے میں بھی کہ کون سا طریقہ آپ کی حالت کیلئے زیادہ مناسب ہو سکتا ہے۔
