Dr Muhammad Bilal Tariq

12/01/2026

جی ہاں، بالکل ممکن ہے کہ ECG نارمل ہو اور پھر بھی مریض کو دل کا دورہ (Heart Attack) ہو رہا ہو یا ہو چکا ہو۔
یہ بات عام لوگوں کے لیے اکثر حیران کن ہوتی ہے، اس لیے وضاحت ضروری ہے۔
🔹 کیوں ECG نارمل آ سکتا ہے؟
1️⃣ شروع کے ابتدائی گھنٹوں میں
دل کے دورے کے ابتدائی 1–3 گھنٹوں میں ECG بالکل نارمل آ سکتا ہے، خاص طور پر NSTEMI میں۔
2️⃣ دل کے پچھلے حصے (Posterior Wall) کا دورہ
اگر دل کے پچھلے حصے میں اٹیک ہو تو عام ECG لیڈز میں واضح تبدیلی نظر نہیں آتی۔
3️⃣ چھوٹا یا جزوی دل کا دورہ
اگر شریان مکمل بند نہ ہو بلکہ جزوی بندش ہو تو ECG نارمل رہ سکتا ہے۔
4️⃣ پرانی تبدیلیاں یا متبادل راستے (Collateral circulation)
کچھ مریضوں میں خون کے متبادل راستے بن جاتے ہیں، جس سے
ECG واضح اشارہ نہیں دیتا۔
🔹 ECG کے علاوہ کیا ضروری ہے؟
دل کے دورے کی تشخیص صرف ECG سے نہیں ہوتی:
✅ علامات
سینے میں دباؤ یا درد
بائیں بازو، گردن یا جبڑے میں درد
سانس کا پھولنا
پسینہ، متلی، بے چینی
✅ خون کے ٹیسٹ (Troponin I / T)
یہ ٹیسٹ دل کے پٹھوں کے نقصان کو ظاہر کرتا ہے
ECG نارمل ہو تب بھی Troponin بڑھا ہوا ہو سکتا ہے
✅ Echo / Angiography
دل کے پٹھوں کی حرکت اور شریانوں کی حالت جانچنے کے لیے
🔹 اہم پیغام (Take-home message)
⚠️ نارمل ECG کا مطلب یہ نہیں کہ دل کا دورہ نہیں ہو رہا
⚠️ اگر علامات دل کے دورے جیسی ہوں تو فوراً اسپتال جانا ضروری ہے
⚠️ ECG، علامات اور خون کے ٹیسٹ—تینوں کو ملا کر فیصلہ کیا جاتا ہے...

25/12/2025

30/05/2025

Acute Anterior Wall MI.
Primary PCI.

26/03/2025

سانس لینے میں دشواری (Shortness of Breath): وجوہات اور تشخیص

سانس لینے میں دشواری (Dyspnea) ایک عام علامت ہے جو کئی بیماریوں کی وجہ سے ہو سکتی ہے۔ اس کی وجوہات اور تشخیص کے مراحل درج ذیل ہیں:

---

وجوہات:
- دمہ (Asthma) اورCOPD
- نمونیا (Pneumonia)
- دل کا دورہ (Heart Attack)۔
- الرجی (Anaphylaxis)۔
- گھبراہٹ یا اضطراب (Anxiety/Panic Attack)۔
- دل کے پٹھوں کا کمزور ہونا (Heart Failure)۔
- خون کی کمی (Anemia)۔
- موٹاپا (Obesity)۔

تشخیص:
مریض کی علامات کے بارے میں تفصیل اور معائنے کے بعد کچھ بنیادی ٹیسٹ ہیں جو ڈاکٹر تجویز کرے گا۔

ٹیسٹ (Tests)
خون کے ٹیسٹ
سینے کا ایکسرے (Chest X-ray)
ای سی جی (ECG)
ایکو کارڈیوگرام (Echocardiogram)۔
پلمونری فنکشن ٹیسٹ (PFT)

سانس لینے میں دشواری کو نظرانداز نہ کریں۔ صحیح تشخیص اور بروقت علاج زندگی بچا سکتا ہے۔

🩺 نوٹ: یہ معلومات عام آگاہی کے لیے ہیں۔ تشخیص اور علاج کے لیے ہمیشہ کسی ماہر ڈاکٹر سے رجوع کریں۔

14/03/2025

Primary PCI
دل کے دورے کے فوری علاج کے لیے ایک طبی طریقہ کار ہے۔ اس کا بنیادی مقصد دل کی شریان میں رکاوٹ کو دور کرکے خون کے بہاؤ کو جلد از جلد بحال کرنا ہے، تاکہ دل کے پٹھوں کو ہونے والے نقصان کو کم کیا جا سکے۔

Primary PCIکیسے کیا جاتا ہے؟
رکاوٹ والی جگہ پر ایک بالون پھیلایا جاتا ہے اور عام طور پر ایک سٹینٹ (چھوٹی دھاتی نیٹ) لگا کر شریان کو کھولا جاتا ہے۔


کیوں اہم ہے؟
دل کے پٹھے آکسیجن کی کمی کو زیادہ دیر برداشت نہیں کر سکتے۔ پرائمری PCI سے مریض کی جان بچانے اور دل کے مستقل نقصان کو روکنے میں مدد ملتی ہے۔

10/03/2025

دل کا دورہ (ہارٹ اٹیک) کیا ہے؟
دل کا دورہ اُس وقت آتا ہے جب دل تک خون پہنچانے والی شریانیں مکمل یا جزوی طور پر بند ہو جائیں۔ یہ عام طور پر خون کے جمنے یا شریانوں میں چربی کے جمع ہونے (پلاک) کی وجہ سے ہوتا ہے، جس سے دل کے پٹھوں کو آکسیجن نہیں مل پاتی اور وہ نقصان پہنچنے لگتے ہیں۔ فوری علاج نہ ملنے کی صورت میں یہ جان لیوا بھی ہو سکتا ہے۔

خطرے کی علامات:
- سینے میں شدید درد یا بھاری پن (کبھی کبھی بائیں بازو یا جبڑے تک پھیل جائے)۔
- سانس لینے میں دشواری۔
- پسینہ آنا، متلی یا چکر آنا۔
- بے ہوشی یا شدید کمزوری۔

بچاؤ کے طریقے:
- صحت مند غذا:تازہ پھل، سبزیاں، اور کم چربی والا کھانا کھائیں۔ نمک اور چینی کا استعمال کم کریں۔
- روزانہ ورزش:کم از کم 30 منٹ کی واک یا ہلکی پھلکی ورزش۔
- تمباکو نوشی سے پرہیز۔
- باقاعدہ چیک اپ: بلڈ پریشر، کولیسٹرول، اور شوگر کی سطح چیک کروائیں۔

یمرجنسی میں کیا کریں؟
1. اگر علامات ظاہر ہوں تو فوراً ایمبولینس کو کال کریں
2- مریض کو آرام سے بٹھا دیں۔
3- اگر ڈاکٹر کی ہدایت ہو تو ایسپرین کی گولی چبا کر کھلائیں۔

یاد رکھیں!
دل کے دورے میں ہر گھڑی قیمتی ہوتی ہے۔ علامات کو نظر انداز نہ کریں اور فوری مدد حاصل کریں۔ صحت مند عادات اپنا کر آپ 80% دل کے امراض سے بچ سکتے ہیں۔

❤️ اپنے دل کا خیال رکھیں، کیونکہ آپ کی صحت آپ کے لیے سب سے انمول ہے!

11/02/2025

ذیابیطس (شوگر) سے بچاؤ کے لیے اقدامات
ذیابیطس ایک سنگین بیماری ہے، لیکن صحت مند عادات اپنا کر اس سے بچا جا سکتا ہے۔ درج ذیل اقدامات پر عمل کریں:

1. وزن کو کنٹرول کریں:
موٹاپا ذیابیطس کا بڑا سبب ہے۔ متوازن خوراک اور ورزش سے وزن کم کریں۔ BMI 25 سے کم رکھیں۔

2. صحتمند خوراک:
- مکمل اناج، پھل، سبزیاں: گندم کی روٹی، براؤن چاول، دالیں، پالک، ٹماٹر وغیرہ۔
- شکر اور چکنائی کم کریں: میٹھے مشروبات، مٹھائیاں، تلی ہوئی اشیا، اور پراسیسڈ فوڈز سے پرہیز۔
- پروٹین اور فائبر: مرغی، مچھلی، دالیں، اور سلاد کا استعمال بڑھائیں۔

3. روزانہ ورزش:
کم از کم 30 منٹ کی سرگرمی جیسے تیز چہل قدمی، سائیکلنگ، یا یوگا۔ ہفتے میں 5 دن ضرور کریں۔

4. تمباکو اور الکحل سے پرہیز:
تمباکو نوشی انسولین کی مزاحمت بڑھاتی ہے۔ الکحل کا استعمال محدود کریں۔

5. بلڈ شوگر چیک کروائیں:
اگر خاندان میں ذیابیطس کی تاریخ ہو یا موٹاپا ہو، تو سالانہ بلڈ ٹیسٹ کروائیں۔

6. پانی کا زیادہ استعمال:
میٹھے جوس اور سوڈا کی جگہ سادہ پانی پئیں۔ روزانہ 8-10 گلاس۔

7. نیند پوری کریں:
روزانہ 7-8 گھنٹے کی نیند انسولین کی حساسیت کو بہتر بناتی ہے۔

8. تناؤ کا انتظام:
مراقبہ کریں، ذکر کریں اور سٹریس کو کنٹرول کریں۔ تناؤ بلڈ شوگر بڑھاتا ہے۔

9. خاندان کو تعلیم دیں:
بچوں اور بڑوں کو صحت مند کھانے اور ورزش کی عادات سکھائیں۔

10. ڈاکٹر سے مشورہ:
اگر پرہیز کے باوجود علامات (پیاس، تھکاوٹ، وزن کم ہونا) ظاہر ہوں، تو فوری رجوع کریں۔

احتیاطی تدابیر ہی بہترین علاج ہیں۔ صحت کی حفاظت کریں!

28/12/2024

Your heart beats 100,000 times a day — that's roughly 35 million beats per year and 2.5 billion beats over the course of life.

With each beat, the heart pumps blood through a vast network of veins and arteries, delivering oxygen and essential nutrients to every cell while simultaneously removing carbon dioxide and waste.

In fact, your heart pumps so much blood that it travels about 12,000 miles (19,000 km) through your body in a single day, which is twice the diameter of Earth.

And this remarkable organ functions tirelessly, acting as the engine that keeps your body running year after year on end. The sheer number of heartbeats over a lifetime is a testament to the incredible durability and resilience of this small yet powerful organ.

What's more, from infancy through old age, the heart continuously adapts to our changing needs, whether we're exercising, resting, or experiencing stress. So remember: Taking care of your heart ensures that it can keep taking care of you.

Copied. Hashim Al Gheili

10/05/2024

آپ کی بات !
بہت سے دوست ھم سے یہ سوال کرتے ہیں کہ ھم اپنے آپکو دل کی بیماریوں سے کیسے بچا سکتے ہیں ۔ ھم اپنے آپ کو اور اپنے خاندان کے تمام افراد کو دل کی بیماریوں سے یقینی طور پر بچا سکتے ہیں بس ذرا سی احتیاط اور اپنی عادات میں مندرجہ ذیل تبدیلیاں لانے کی ضرورت ہے ۔

آج سے اپنی خوراک سادہ کرلیں ۔ گھرکے بنے ھوئے کھانے جو تازہ سبزیوں ، دالوں اور پھلیوں پر مشتمل ھوں ۔ صرف یہی کھانے کھائیں اور اس وقت کھائیں جب شدید بھو ک لگی ھو ۔ شدید بھوک میں ھری مرچ ، لہسن ، پودینہ ، انار دانے کی چٹنی اور پانی والی سادہ موٹی روٹی بھی پلاؤ اور مرغ متنجن کا مزہ دیتی ہے ۔ گھر کا بنا ھوا اچار دل کی صحت کے لئے بہترین ہے ۔

بازار کے بنے ھوئے کھانے ، ڈبوں میں ملنے والی مرغیاں ، مچھلیاں ، کھانے ۔ بوتلیں ، ڈبے کے جوس ، ڈبے کا دودھ ، انرجی ڈرنکس سب بند کردیں ۔

تمباکو نوشی ھر طرح کی جن میں سگریٹ ، سگار ، پائپ ، شیشہ ، الیکٹرونک سگریٹ ۔ نسوار ، پان تمباکو والا ، حقہ مکمل بند کر دیں ۔

نشہ آور ادویات کا استعمال اپنی قوت ارادی مضبوط کرکے ھمیشہ کے لئے ترک کر دیں ۔

آج سے شراب اور اس کی محفل کو ھمیشہ کے لئے خیر باد کہہ دیں ۔

سیر اور ورزش کے لئے باغ ، سیرگاہوں اور اکھاڑوں کا انتخاب کریں ۔ مشینوں کا استعمال ترک کردیں ۔

موبائل فون ، کمپیوٹر کا استعمال رات کے وقت ھرگز نہ کریں ۔ رات کے وقت گھروں میں روشنی بہت ھلکی اور دھیمی کردیں تاکہ دماغ میں ان ھارمونز اور کیمیائی مادوں کے پیدا ھونے میں رکاوٹ نہ ھو جو گہری اور سکون کی نیند لانے کے ذمہ دار ہیں۔

زندگی کے تمام معاملات میں انتہا پسندی سے بچیں ۔

اگر آپ یا آپکے بچوں یا خاندان کے کسی فرد میں دل کا پیدائشی نقص یا کوئی بھی بیماری موجود ھے تو اس کا فوری علاج کروائیں ۔ غیر متعلقہ لوگوں سے مشورہ کرنے میں وقت ضائع نہ کریں ۔

موٹاپا ، شوگر کی بیماری ، ھائی بلڈ پریشر ، خون میں کولیسٹرول اور دوسری چکنائیوں کی زیادتی اور غیر متوازن باہمی تناسب ، یورک ایسڈ کی زیادتی ، اگر موجود ھیں تو انہیں کنٹرول کریں ۔

اپنے خاندان کے افراد کے ساتھ وقت ضرور گزاریں ،۔ ان کے تمام معاملات میں دلچسپی لیں ۔ بزرگوں کے ساتھ گزارا جانیوالا وقت ذہنی دباؤ کم کرنے میں بہت مدد گار ثابت ہوتا ہے ۔لیکن یہ وقت مکمل طور پر صرف خاندانی وقت ھونا چاہئے اس دوران موبائل فون اور کمپیوٹر مکمل طور پر بند ھونے چاہیں ۔
سب سے اہم بات !
دین سے محبت اور نزدیکی ۔ تنہائی میں اللہ تعا لی کے اس حکم پر جو اس نے قرآن حکیم میں ارشاد فرمایا کہ غور کرو ، فکر کرو ، تدبر کرو پر ضرور عمل کریں ۔
خلاصہ !
خوراک اور زندگی کے رہن سہن اور دوسرے تمام معاملات میں درویشی اختیار کرلیں ، یقین کریں دل کے ھسپتال خالی ھونا شروع ھوجائیں گے ۔

لیکن کیا موجودہ دور میں یہ سب ممکن ھوگا ؟؟؟؟

ڈاکٹر سید جاوید کی وال سے منقول

29/01/2024

ہائی کولیسٹرول سے بچنے کیلئے اپنے کھانے میں درج ذیل احتیاط اپنائیں۔

25/01/2024