https://www.facebook.com/105908854792149/

ESAR Health Centre, Silk Highway, Kotli Paain, Mansehra (2025)

30/08/2025

ایثار ہیلتھ سنٹر کا کام جیو نیوز پر

https://www.facebook.com/share/v/1Bd3jEvywS/

28/08/2025

وقاص خان جو ایثار کے نام سے خیبر پختونخوا کے ضلع مانسہرہ میں فلاحی ادارے کو عرصہ دراز سے چلا رہے ہیں، دیر میں قدرتی آفت آنے کے بعد انہوں نے پہلے دوست احباب سے نقصانات کی معلومات لیں، اس کے بعد ابتدائی ضروری اشیا، ڈاکٹرز اور 15 افراد کی ٹیم کے ساتھ وہاں پہنچے۔۔

https://wenews.pk/news/350775/

21/08/2025

ہماری ٹیم کل بونیر کے لیے روانہ ہو گی۔ ہم نے پندرہ ہزار فٹ پانی کا پائپ، سولر سے ریچارج ہونے والی ملٹی فنکشنل بیٹریز، مچھر مار ادویات، خواتین کی ضروریات سے متعلق سامان اور میڈیسن لے لی ہیں۔ میڈیسن میں کوشش رہی ہے کہ وہ ادویات لے کر جائیں جو ملٹی نیشنل کمپنیوں کی ہیں اور فقط ان دنوں نہیں بلکہ بعد میں بھی قابل استعمال ہوں۔ عام طور پر زیادہ ادویات کے چکر میں لوکل کمپنی کی ادویات لے لی جاتی ہیں جن کی ایفیکیسی کم ہوتی ہے۔۔

پانی کے پائپ کے لیے ہم نے ایک علاقہ منتخب کر لیا ہے۔ ہماری ٹیم مقامی والنٹیئرز کے ساتھ مل کر وہاں پانی کی سپلائی لائن بحال کرے گی۔ ان شاء اللہ

میڈیکل کیمپ کے لیے ہمارے ساتھ فیمیل سٹاف بھی جائے گا تاکہ خواتین کا علاج معالجہ اور خواتین کی ضروریات انہی کے ذریعے مہیا کر دی جائیں۔۔

اس کے علاوہ کوئی ایسی چیز جو اگر کسی کے سامنے آئی ہو تا بتا کر شکریہ کا موقع دیں۔ مزید برآں اگر آپ بھی اس سلسلے میں اپنا حصہ ڈالنا چاہتے ہیں تو ضرور آگے آئیں۔ جزاکم اللہ خیرا

15/08/2025

سیلاب اور طغیانی سے بونیر، باجوڑ، دیر اور سوات میں اموات کی تعداد سو سے بڑھ چکی ہے۔ اربوں روپے کی املاک کا نقصان اس کے علاوہ ہے۔ حکومت بشمول فوج اور امدادی ادارے اپنی جگہ کوشش کر رہے ہیں لیکن قدرتی آفت کا سکیل بہت بڑھا ہوا ہے۔ اللہ تعالیٰ خیر فرمائے ۔
وفاقی حکومت کو مزید آگے بڑھ کر حکومت پختونخواہ کی مدد کرنی چاہیے کیونکہ اس پیمانے پر تباہی سے نمٹنا صرف صوبائی حکومت کے بس کا کام نہیں۔
سابق صوبائی وزیر ڈاکٹر عامر عبد اللہ

14/08/2025

جشن آزادی مبارک

07/08/2025

الحمدللہ ایثار ہیلتھ سنٹر کے تعاون سے اک اور کنویں کا منصوبہ مکمل ہوچکا۔ دعاء کی کیجئے کہ محترمہ عافیہ گلزاری صاحبہ اور ان کے متعلقین کہ جن کے تعاون سے یہ ممکن ہوا کو اجر عظیم عطاء فرمائے۔ آمین یارب۔

22/03/2025

ایثار ہیلتھ سنٹر کے ساتھ ہم نے ایک چھوٹی مسجد تعمیر کروائی تھی۔ اس سال ماہ رمضان میں یہاں تراویح کا اہتمام ہوا تھا اور آج۔ ختم القرآن کی تقریب منعقد ہوئی۔۔

اللہ تعالیٰ سے دعا ہے کہ ہمارے ماموں جہانگیر خان مرحوم کو جنت الفردوس میں اعلٰی مقام عطا فرمائے اور ان سب دوست احباب کو دین و دنیا کی تمام بھلائیاں نصیب کرے جن کے تعاون سے ایثار ہیلتھ سنٹر اور ہمارے دیگر پراجیکٹس چلتے ہیں۔۔ آمین

19/03/2025

بظاہر معمولی دکھائی دینے والی چیزیں اکثر نہایت اہمیت کی حامل ہوتی ہیں۔ جیسے بائیک چلاتے وقت ہیلمٹ پہننا کتنا ضروری ہے اسکا اندازہ کسی بھی حادثے کے بعد سامنے آنے والی صورتحال سے بخوبی ہونے لگتا ہے۔ عام طور پر حادثات کے بعد ہیلمٹ پہننے یا نہ پہننے والوں کی حالت یکثر مختلف دکھائی دیتی ہے۔ آج ایثار ہیلتھ سنٹر میں حادثے کا شکار ہونے والے نوجوان موٹر سائیکل سوار کو لایا گیا تو اسے ابتدائی طبی امداد دیتے ہوئے معلوم پڑا کہ باقی تو کوئی خاص چوٹیں نہیں ہیں لیکن بدقسمتی سے نوجوان کا جبڑا بری طرح سے ٹوٹ چکا ہے۔ یعنی عین وہی حصہ شدید متاثر تھا جسے ہیلمٹ پوری طرح سے ڈھانپے رکھتا ہے۔ مزید تحقیق سے معلوم ہوا کہ غلطی موٹر سائیکل سوار کی تھی جبکہ اس نے ہیلمٹ بھی نہیں پہن رکھا تھا۔ حالانکہ بائیک پر پیچھے بیٹھے ہوئے شخص کو معمولی خراشوں کے علاؤہ کوئی نقصان نہیں پہنچا تھا۔

بائیک تیز رفتاری سے اورٹیک کرنے کی کوشش میں دوسری جانب کھڑی جس ہائی روف سے ٹکرائی تھی اسکا ڈرائیور نہایت تحمل کا مظاہرہ کر رہا تھا، زخمیوں کو وہ اپنی ہی گاڑی میں ہسپتال لے کر آیا اور گاڑی کا کافی نقصان ہونے کے باوجود وہ اپنی انسانی اور اخلاقی ذمہ داری بخوبی نبھا رہا تھا۔
ہم نے بھی جتنا ممکن ہو سکا ضروری طبی امداد فراہم کی اور زخمیوں کے ورثا کے پہنچنے تک ہم ٹانکے، پٹی، ٹیکے اور خون صاف کرنے کے عمل سے فارغ ہو چکے تھے۔

لیکن اس سارے معاملے میں جب زخمی نوجوان کو ایثار ہیلتھ سنٹر میں اپنے فرائض سر انجام دینے والے ڈاکٹر حمزہ خان کی ہدایات کے مطابق کنگ عبداللہ ہسپتال مانسہرہ ریفر کیا جانے لگا تب نوجوان کی والدہ نے ہائی روف کے ڈرائیور سے مخاطب ہو کر دھمکی آمیز لہجے میں کہا کہ میرے بچے کے علاج معالجے میں جتنا بھی خرچہ آئے گا میں اسکا بندوبست خود کرونگی لیکن تم یہ دعا ضرور کرنا کہ یہ زندہ بچ جائے ورنہ تمہارا وہ حشر کرونگی کہ تم دوسروں کے لئے عبرت ناک مثال بن جاو گے۔ جواباً ڈرائیور نے نہایت دھیمے لہجے، تحمل اور مہذب انداز میں کہا کہ خالہ میری تو کھڑی گاڑی کو ٹکر لگی ہے، میرا نقصان بھی بڑا ہے اور اس سارے معاملے میں میری تو کہیں کوئی غلطی ہے ہی نہیں۔ اس کے باوجود خاتون نے غضبناک آنکھوں سے گھورتے ہوئے کہا کہ میری بات یاد رکھنا اور دعا کرتے رہنا بس۔ حالانکہ ہائی روف کے دیہاڑی دار ڈرائیور نے ہسپتال کی بل جو کے اچھے خاصے ڈسکاؤنٹ کے بعد مناسب بھی ہو چکی تھی اپنی جیب سے ہی ادا کی تھی۔

بہرحال گزارش یہ ہے کہ اپنے بچوں کو بائیک چلانے کی اجازت دینے سے قبل انکی عمر اور حفاظتی اقدامات کی تسلی ضرور کر لیا کریں اور اس بات کو بھی یقینی بنائیں کہ آیا آپ کا بچا ٹریفک کے ضروری قوانین سے آگاہ ہوچکا ہے یا اسے سرکار نے بائیک یا گاڑی چلانے کا لائسنس بھی دے رکھا ہے یا نہیں؟ اگر آپ ان تمام باتوں کا دھیان نہیں رکھ رہے تو پھر دوسروں کو الزام دینے کا بھی آپ کو کوئی حق حاصل نہیں۔

فرحان محمد

17/03/2025

ایثار ہیلتھ سنٹر کے ساتھ ایک چھوٹی سی مسجد بنوائی تھی۔ اس مسجد میں تین وقت نماز باجماعت ادا کی جاتی ہے۔ حالیہ رمضان یہاں تراویح کا اہتمام بھی کیا گیا ہے۔ آس پاس کام کرنے والے مزدور اور راہ چلتے مسافر اس مسجد میں خدا کی بندگی کے لیے حاضر ہوتے ہیں۔۔
الحمد للہ

15/03/2025

اس ماہ رمضان بھی ایثار ہیلتھ سنٹر نے حسب سابق اپنی روایت کو برقرار رکھتے ہوئے پہلے سے کئی گنا زیادہ سفید پوش مستحق افراد کی نشان دہی کی اور ان تک رسائی حاصل کر کے راشن پہنچانے کا مناسب انتظام کیا۔ وہ مالاکنڈ سے روزگار کی غرض سے آئے ہوئے اپنے کنبے کے واحد کفیل گریجویٹ محنت کش ہوں کہ جو دوران مزدوری حادثہ کے باعث ہاتھوں کی انگلیاں کٹوا بیٹھے تھے۔ ایثار ہیلتھ سنٹر سے کوئی 35 کلو میٹر دور مانسہرہ کے مکیں شہر کی تیز رفتار زندگی اور نا مساعد حالات سے نبرد آزما اپنے پیاروں کے لئے سامان زیست پیدا کرنے والے خوددار نفوس ہوں۔ کوٹلی بالا، کڑمنگ، کوٹلی پائیں، پیماڑ، بیلہ، بھارہ زیارت اور چنڈوال جیسے دور افتادہ پہاڑی علاقوں میں بسنے والے خدا کے فضل اور اپنے زور بازو پر اکتفاء کیے غیرت مند جفاکش ہوں۔ ڈھوڈیال، اچھڑیاں اور ٹاندہ جیسے قدرے خوشحال یونین کونسلوں میں بے آسرا بیوائیں اور یتیم ہوں۔ یا بھوگڑمنگ جیسے دور دراز دشوار گزار علاقے سے تعلق رکھنے والے نابینا شخص ہوں تمام کو ایثار ہیلتھ سنٹر کی ٹیم نے رمضان کے اس بابرکت مہینے میں یاد رکھا۔ یہ تمام ایسے لوگ تھے جنہیں کسی سے مانگنے کی عادت ہے اور نہ ہی یہ اپنے حالات کا رونہ روتے ہیں بلکہ کسی نہ کسی طور رزق حلال کے حصول کے لئے اپنی بساط کے مطابق ہمہ وقت برسرِ پیکار رہتے ہیں۔

چونکہ ایثار ہیلتھ سنٹر کی ہمیشہ یہ کوشش رہتی ہے کہ جتنا ممکن ہو سکے ایسے نفوس تک رسائی حاصل کرکے کسی قدر انکے لئے آسانیاں پیدا کی جا سکیں تاہم وسائل ناکافی ہونے کے باعث بہت کوشش کرنے کے باوجود زیادہ سے زیادہ سفید پوش مستحقین تک پہنچنا ممکن نہیں ہو پاتا۔ ہماری فہرست میں مزید ایسے حقداروں کے نام شامل ہوچکے ہیں جن تک سحر و افطار کے اسباب باہم پہنچانا نہایت ضروری ہے۔ جو حضرات ہمارے ساتھ اس کار خیر میں اپنا حصہ ڈالنا چاہیں وہ ہم سے رابطہ کر سکتے ہیں۔

خداوند کریم تمام نفوس جنہوں نے راشن کی فراہمی میں بھرپور مالی تعاون کیا اور جنہوں نے سفید پوش مستحقین کی نشان دہی کی اور جو یہ اسباب حقداروں تک پہنچانے کا سبب بنے کو اس کار خیر کا پورا پورا اجر اور استقامت کے ساتھ مزید توفیق عطاء فرمائے۔ آمین یارب۔

09/03/2025

مرحوم آفتاب احمد انصاری صاحب کے ایصالِ ثواب کے لیے کنویں کی کھدائی جاری ہے۔ خدا کے حضور دعا ہے کہ ان کی کامل مغفرت فرمائے اور انہیں ابدی راحت و سکون عطا کرے۔ آمین

ESAR Health Centre

01/03/2025

ایثار ہیلتھ سنٹر کی جانب سے تمام مسلمانوں کو رمضان مبارک۔

ESAR Health Centre

30/08/2025

28/08/2025

21/08/2025

15/08/2025

14/08/2025

07/08/2025

22/03/2025

19/03/2025

17/03/2025

15/03/2025

09/03/2025

01/03/2025

Address

Telephone

Website

Alerts

Contact The Practice

Shortcuts

Share

Category