DHQ Hospital Mianwali

05/12/2025

12/08/2025

“وزیراعلیٰ پنجاب محترمہ مریم نواز شریف کے ویژن ہسپتالوں کی اپ گریڈیشن اور ریویمپنگ کے تحت، چیف سیکرٹری پنجاب، سیکرٹری ہیلتھ پنجاب، کمشنر سرگودھا اور ڈپٹی کمشنر میانوالی کی خصوصی نگرانی میں ڈی ایچ کیو اسپتال میانوالی کے سی سی یو وارڈ (میل و فی میل) کو جدید طرز پر اپ گریڈ کر کے مکمل طور پر فعال کر دیا گیا ہے اور مریضوں کو نئے ریویمپڈ وارڈ میں منتقل کر دیا گیا ہے، جہاں سنٹرلائزڈ آکسیجن سسٹم، فلی ایکوئپڈ بیڈز اور ایڈوانس میڈیکل سہولیات دستیاب ہیں۔”
Punjab Health Reforms
Health & Population Department
Health Department Punjab

12/08/2025

ہسپتال کے revamping کے جاری کام کے باعث ڈسٹرکٹ ہیڈکوارٹر ہسپتال میانوالی کی مین بلڈنگ کا مرکزی دروازہ عارضی طور پر بند کر دیا گیا ہے۔

مریضوں و لواحقین کی آمد و رفت کے لیے متبادل راستہ مین بلڈنگ کےایڈمن بلاک کی طرف سے رکھا گیا ہے۔ تمام گائنی ایمرجنسی کے مریض اور ان ڈور ڈیپارٹمنٹ میں جانے والے مریض و لواحقین سے گزارش ہے کہ ایڈمن بلاک والی انٹرنس ، revamping کا کام مکمل ہونے تک استعمال کریں۔
آپ کے تعاون کا شکریہ۔

17/07/2025

جعلی فیس بک پیج سے متعلق اہم اطلاع

اطلاع دی جاتی ہے کہ “DHQ Mianwali Updates” کے نام سے ایک جعلی فیس بک پیج بنایا گیا ہے، جس پر ڈسٹرکٹ ہیڈکوارٹر اسپتال میانوالی سے متعلق مختلف خبریں شیئر کی جا رہی ہیں۔ عوام الناس کو مطلع کیا جاتا ہے کہ اس پیج پر دی جانے والی تمام معلومات جھوٹی، من گھڑت اور بے بنیاد ہیں۔ یہ پیج اسپتال کی ساکھ کو نقصان پہنچانے کی غرض سے بنایا گیا ہے۔

عوام سے گزارش ہے کہ اس جعلی پیج پر شائع ہونے والی کسی بھی خبر یا اطلاع پر ہرگز یقین نہ کریں اور ایسی پوسٹس کو نظر انداز کرتے ہوئے متعلقہ پیج کو رپورٹ کریں تاکہ اس کے خلاف کارروائی کی جا سکے۔

شکریہ

ڈاکٹر امیر احمد خان
میڈیکل سپرنٹنڈنٹ
ڈسٹرکٹ ہیڈکوارٹر اسپتال، میانوالی

03/05/2025

اطلاع عام۔ڈسٹرکٹ ہیڈکوارٹر ہسپتال میانوالی

اسپتال کی تزئین و آرائش (revamping) کے سلسلے میں بچوں کی ایمرجنسی (Paeds Emergency) کو ہسپتال کی پرانی بلڈنگ سے منتقل کر کے، ڈائیگنوسٹک سینٹر ٹراما سینٹر بالمقابل فی م پروسیجر روم میں منتقل کر دیا گیا ہے۔

اسپتال انتظامیہ کی جانب سے تمام عوام الناس کو مطلع کیا جاتا ہے کہ بچوں کے ایمرجنسی مریضوں کے لیے اب ہسپتال کی پرانی بلڈنگ کی بجائے ٹراما سینٹر کا رخ کیا جائے۔

مزید معلومات اور رہنمائی کے لیے اسپتال انتظامیہ سے رابطہ کیا جا سکتا ہے

15/04/2025

اہلِ میانوالی کی خدمت میں ایک اہم گزارش

پاکستان میں الیکٹرانک جرائم کی روک تھام کے لیے “پریوینشن آف الیکٹرانک کرائمز ایکٹ 2016 (PECA)” نافذ کیا گیا ہے، جس کا مقصد انٹرنیٹ اور سوشل میڈیا کے ذریعے پھیلائے جانے والے جھوٹے الزامات، جالی خبریں، ریاستی اداروں کے خلاف منفی پروپیگنڈا اور آن لائن ہراسانی جیسے جرائم کی روک تھام اور ان کے خلاف مؤثر قانونی کارروائی کو یقینی بنانا ہے۔

بدقسمتی سے، آج کل سوشل میڈیا پر معزز شہریوں اور سرکاری افسران کی عزت و آبرو کو نشانہ بنانا ایک عام رجحان بن چکا ہے، جو کہ معاشرتی بگاڑ اور فردی پریشانی کا باعث بنتا جا رہا ہے۔

اسی تناظر میں، میانوالی کے ایک نام نہاد صحافی “حاکم خان” نے ماضی میں بھی متعدد بار ہیلتھ، ایجوکیشن، پولیس اور دیگر سرکاری اداروں کے اعلیٰ افسران کے خلاف جھوٹے الزامات عائد کیے، ان کی کردار کشی کی اور اپنے ذاتی مفادات اور ناجائز عزائم کی تکمیل کے لیے سوشل میڈیا کا غلط استعمال کرتا رہا۔

تاہم تعلیم یافتہ اور باشعور افسران نے معاملہ الجھنے سے بچنے کے لیے کئی بار مصلحتاً خاموشی اختیار کی، مگر حالیہ دنوں میں حاکم خان نے ایک بار پھر سوشل میڈیا (فیس بک) پر میڈیکل سپرنٹنڈنٹ ڈسٹرکٹ ہیڈ کوارٹر ہسپتال میانوالی ڈاکٹر امیر احمد خان اور دیگر سینئر افسران کے خلاف بے بنیاد اور منفی پروپیگنڈا کرتے ہوئے جھوٹے اور بے بنیاد الزامات عائدکئے۔

اس بار، ڈاکٹر امیر احمد خان نے بطور ایک ذمہ دار اور فرض شناس افسر ، قانونی چارہ جوئی کرتے ہوئے حاکم خان کے خلاف پیکا ایکٹ کے تحت ایف آئی آر درج کروائی۔ یہ ایک جرات مندانہ قدم ہے جو معاشرے میں جھوٹ اور بہتان کے خلاف قانونی مزاحمت کی علامت ہے۔

ان شاء اللہ، تمام قانونی تقاضے پورے کرتے ہوئے، عدالتی کارروائی کے ذریعے انصاف حاصل کیا جائے گا اور ذمہ دار کو قانون کے مطابق سزا دلوائی جائے گی۔

تمام معزز شہریوں سے گزارش ہے کہ سوشل میڈیا پر کسی بھی قسم کی خبر یا معلومات کو شیئر کرنے یا اس پر تبصرہ کرنے سے پہلے اس کی مکمل تصدیق ضرور کریں۔

یاد رکھیں! جھوٹی، گمراہ کن یا غیر مصدقہ معلومات کو آگے بڑھانا بھی ایک قانونی جرم ہے، جس پر آپ کو پیکا ایکٹ کے تحت کارروائی کا سامنا کرنا پڑ سکتا ہے۔

ہم سب ایک ہی شہر اور ایک ہی معاشرے کے فرد ہیں — ہماری عزتیں سانجھی ہیں۔ آئیں ہم سب سچ، اخلاق اور قانون کی پاسداری کو اپنا شعار بنائیں۔

اللہ تعالیٰ ہم سب کی عزتوں کی حفاظت فرمائے اور ہمیں ہر شر و فتن سے محفوظ رکھے۔ آمین۔

والسلام

24/03/2025

مورخہ 22 مارچ 2025 کو THQ اسپتال کالاباغ سے ایک بچہ uncontrolled ذیابیطس اور میوکورمائیکوسس کے ساتھ DHQ اسپتال میانوالی منتقل کیا گیا۔ معزز ڈپٹی کمشنر میانوالی، جناب خالد جاوید گورائیہ صاحب کی ہدایات کے مطابق، بچے کو فوری طبی امداد فراہم کی گئی اور اس کے مکمل علاج و معالجے کو یقینی بنایا گیا۔ تاہم، بچے کو خصوصی اور اعلیٰ درجے کے طبی علاج کی اشد ضرورت تھی۔

بعد ازاں، ڈپٹی کمشنر میانوالی جناب خالد جاوید گورائیہ صاحب کی ذاتی دلچسپی اور خصوصی توجہ کے نتیجے میں چائلڈ پروٹیکشن اینڈ ویلفیئر بیورو کی ٹیم نے مورخہ 24 مارچ 2025 کو DHQ اسپتال میانوالی کا دورہ کیا۔ تمام ضروری قانونی کارروائیاں مکمل کرنے کے بعد، ریسکیو 1122 کی مدد سے چائلڈ پروٹیکشن اینڈ ویلفیئر بیورو کی ٹیم کے ہمراہ بچے کو مکمل طبی استحکام (Vitally Stable) کی حالت میں چلڈرن اسپتال لاہور منتقل کر دیا گیا، جہاں وہ چائلڈ پروٹیکشن اینڈ ویلفیئر بیورو کی زیر نگرانی مزید علاج حاصل کرے گا۔

اہلیانِ میانوالی سے بیمار بچے کی صحتیابی کی درخواست ہے

28/02/2025

⚕️ این سی ڈی کلینک، ڈی ایچ کیو اسپتال میانوالی –

عوام کے لیے مفت انسولین کی فراہمی اور آگاہی کے لئے انچارج این سی ڈی کلینک ڈاکٹر عمارہ انوار کا پیغام

ڈی ایچ کیو اسپتال میانوالی میں قائم این سی ڈی کلینک 2017 سے فعال ہے، جہاں روزانہ 250 سے 300 مریضوں کی اسکریننگ کی جاتی ہے۔ اگر دورانِ اسکریننگ یا کسی مستند ڈاکٹر کی تجویز پر ذیابیطس کی تشخیص ہو جائے اور مریض کو انسولین کی ضرورت ہو، تو انہیں انسولین پورٹل پر رجسٹر کر کے محکمہ صحت کی ہدایات کے مطابق بلا معاوضہ انسولین فراہم کی جاتی ہے۔

✅ اب تک 1,102 مریض رجسٹرڈ ہو چکے ہیں، جنہیں روزانہ اوسطاً 30 سے 40 انسولین کی وائلز فراہم کی جاتی ہیں۔
✅ حکومتِ پنجاب کی پالیسی کے تحت انسولین کی مفت دستیابی جاری ہے اور تاحال کسی قسم کی قلت کا سامنا نہیں۔
✅ انسولین حاصل کرنے کے لیے کسی بھی سفارش کی ضرورت نہیں۔

📌 انسولین حاصل کرنے کے لیے درج ذیل دستاویزات درکار ہیں:
🔹 شناختی کارڈ
🔹 کسی مستند ڈاکٹر کی جانب سے ذیابیطس کی تشخیص پر مبنی نسخہ (پریسکرپشن)
🔹 ہر بار انسولین لینے کے لیے پچھلی خالی وائل ساتھ لانا لازمی ہے تاکہ انسولین کے درست اور مؤثر استعمال کو یقینی بنایا جا سکے۔

یہاں یہ امر بھی قابل ذکر ہے کہ ماضی قریب تمام پنجاب کی طرح ڈی ایچ کیو اسپتال میانوالی کے این سی ڈی کلینک میں انسولین کی دستیابی سے متعلق مختلف مسائل درپیش تھے۔ تاہم، ڈپٹی کمشنر میانوالی جناب خالد جاوید گوارئیہ صاحب کی ذاتی دلچسپی اور کاوشوں کی بدولت اب اسپتال میں انسولین دستیاب ہے اور تمام رجسٹرڈ مریضوں کو باقاعدگی سے فراہم کی جا رہی ہے۔
اور ڈپٹی کمشنر صاحب کے روزانہ کی بنیادوں پر وزٹس اور چیک اینڈ بیلنس کی وجہ سے ہسپتال اور این سی ڈی کلینک کا نظام انتہائی خوش اسلوبی سے چل رہا ہے۔

📢 آپ کی رائے ہمارے لیے اہم ہے!ڈی ایچ کیو اسپتال میانوالی کی انتظامیہ عوام کے بھرپور تعاون کی خواہاں ہے۔ اگر آپ کو کسی بھی قسم کی کوتاہی یا لاپرواہی نظر آئے تو براہِ راست اس پیج کے ذریعے یا ایم ایس آفس میں آ کر اپنے مسائل سے آگاہ کریں۔💬 ہم آپ کی قیمتی آراء اور تجاویز کو ترجیحی بنیادوں پر اہمیت دیں گے۔📢 سسٹم کو بہتر بنانے کے لیے ہمارا ساتھ دیں!آپ کے تعاون کا شکریہ

!

26/02/2025

ڈاکٹر امیر احمد خان
میڈیکل سپرنٹنڈنٹ، ڈی ایچ کیو ہسپتال، میاںوالی

میں بحیثیت میڈیکل سپرنٹنڈنٹ 17 مئی 2023 سے ڈی ایچ کیو ہسپتال میاںوالی میں اپنی خدمات سرانجام دے رہا ہوں۔

ہمارے فرائض اور اقدامات کے حوالے سے سب سے پہلے میں اللہ تعالیٰ کے حضور جوابدہ ہوں، پھر ضلع میاںوالی کی عوام اور اس کے بعد اعلیٰ حکام کے، جو ہمیں ہر لمحہ رہنمائی اور گائیڈنس فراہم کرتے ہیں۔ ان میں ضلع انتظامیہ اور پرائمری اینڈ سیکنڈری ہیلتھ کیئر ڈیپارٹمنٹ شامل ہیں، نہ کہ کسی کرپٹ اور کردار سے عاری مافیا کے۔

ہمارے معزز ڈپٹی کمشنر صاحب روزانہ کی بنیاد پر ہسپتال کا دورہ کرتے ہیں اور ہماری کارکردگی کا جائزہ لیتے ہیں۔ ان کی مستقل رہنمائی اور مشاورت سے ہسپتال کی کارکردگی روز بروز بہتر ہو رہی ہے۔

مفت طبی سہولیات

میں یہ بتاتے ہوئے خوشی محسوس کرتا ہوں کہ ڈی ایچ کیو ہسپتال میاںوالی میں آنے والے 90% مریضوں کو دوائیں مفت فراہم کی جاتی ہیں، چاہے وہ او پی ڈی، ایمرجنسی یا انڈور وارڈز میں آئیں۔

صحت سہولت پروگرام (SSP) کے تحت ہسپتال میں داخل تمام مریضوں کے آپریشن مفت کیے جاتے ہیں، اور انہیں ہر قسم کی دوائیاں و دیگر سہولیات بھی بغیر کسی قیمت کے فراہم کی جاتی ہیں۔

اعلیٰ حکام کے دورے اور اطمینان

ہسپتال میں فراہم کی جانے والی سہولیات کا اندازہ اس بات سے لگایا جا سکتا ہے کہ وزیر اعلیٰ پنجاب، محترمہ مریم نواز شریف صاحبہ نے ہسپتال کا دورہ کیا، تقریباً 70 سے زائد مریضوں سے بات چیت کی اور تمام طبی سہولیات پر مکمل اطمینان کا اظہار کیا۔

اس کے بعد چیف منسٹر پنجاب کے مشیر، جنرل (ر) کیانی صاحب نے ہسپتال کا تفصیلی معائنہ کیا۔ انہوں نے ہر وارڈ، ہر روم، ویٹنگ ایریا اور انڈور سیکشن میں جا کر مریضوں اور ان کے اہل خانہ سے ملاقات کی اور دستیاب سہولیات کا جائزہ لیا۔ ان کی طرف سے ہماری ٹیم کی کاوشوں کو بے حد سراہا گیا۔

اس کے علاوہ بریگیڈیئر (ر) علاء الدین بابر صاحب، انچارج کمپلینٹ سیل نے بھی ہسپتال کے ہر شعبے کا تفصیلی دورہ کیا، مریضوں اور عملے سے بات چیت کی اور ڈی ایچ کیو ہسپتال کی کارکردگی کو سراہا۔

بے بنیاد پروپیگنڈے پر وضاحت

یہ سب کچھ میاںوالی کی عوام کو آگاہ کرنے کے لیے بیان کیا جا رہا ہے تاکہ وہ سوشل میڈیا پر پھیلائے جانے والے جھوٹے اور من گھڑت پروپیگنڈے سے گمراہ نہ ہوں۔ کچھ بدعنوان، بلیک میلر اور کردار سے عاری عناصر یہ غلط افواہیں پھیلا رہے ہیں کہ ڈی ایچ کیو ہسپتال میاںوالی میں کرپشن ہو رہی ہے اور مریضوں کو سہولیات نہیں دی جا رہیں۔ میں واضح کر دینا چاہتا ہوں کہ یہ سراسر جھوٹ اور بے بنیاد الزامات ہیں۔

ہسپتال کے تمام دستاویزات اور ریکارڈ کسی بھی معزز اعلیٰ اتھارٹی کو فراہم کیے جاتے ہیں اور آئندہ بھی کیے جاتے رہیں گے۔ لیکن کسی ایسے بلیک میلر یا خود غرض شخص کو، جو صرف اپنے ذاتی مفادات کے لیے ہسپتال کی ساکھ کو نقصان پہنچانے کی کوشش کر رہا ہو، ہم بالکل جواب دہ نہیں ہیں۔

ہسپتال میں کی جانے والی نمایاں اصلاحات

ہم نے ڈی ایچ کیو ہسپتال میاںوالی میں آکسیجن کے نظام کو مکمل طور پر سنٹرلائزڈ کر دیا ہے، جس کے باعث ہر وارڈ میں ہر بیڈ پر آکسیجن کی فراہمی ممکن ہو چکی ہے۔

یہ ہسپتال پنجاب کے ان چند منتخب سرکاری ہسپتالوں میں شامل ہے جہاں وینٹی لیٹرز کی سہولت مفت فراہم کی جاتی ہے۔

وزیر اعلیٰ پنجاب کی خصوصی ہدایات پر ڈی ایچ کیو ہسپتال میاںوالی میں مختلف وارڈز کی تزئین و آرائش (ریویمپنگ) کا کام جاری ہے۔ ان وارڈز کو جدید ترین طبی سہولیات سے آراستہ کیا جا رہا ہے تاکہ مریضوں کو اعلیٰ معیار کا علاج فراہم کیا جا سکے۔

ہم نے ڈاکٹرز کی 100% دستیابی کو یقینی بنایا ہے، چاہے وہ ایمرجنسی، انڈور یا او پی ڈی ہو۔ باوجود اس کے کہ ہمارے وسائل محدود ہیں، تمام ڈاکٹرز دیانت داری اور محنت سے اپنی خدمات سرانجام دے رہے ہیں۔

ادویات کی چوری اور غلط استعمال کی روک تھام کے لیے ہم نے ہسپتال میں او پی ڈی، ایمرجنسی اور انڈور مریضوں کے لیے علیحدہ فارمیسیز قائم کی ہیں، جہاں سے دوائیاں مریضوں کو ریکارڈ کے مطابق فراہم کی جاتی ہیں۔

جدید طبی سہولیات

ڈی ایچ کیو ہسپتال میاںوالی پنجاب کے ان چند سرکاری ہسپتالوں میں شامل ہے جہاں درج ذیل جدید طبی سہولیات دستیاب ہیں:

✔ سی ٹی اسکین
✔ آن لائن کیمسٹری اینالائزر مشین سے جدید لیب ٹیسٹ
✔ ڈیجیٹل ایکس رے
✔ بلڈ سیل سپریٹر مشین (تھیلیسیمیا اور دیگر مریضوں کے لیے)

یہ ہسپتال گزشتہ ایک سال سے “یونیورسل ہیلتھ انشورنس (UHI)” کے تحت “صحت سہولت کارڈ” کے ذریعے مریضوں کو معیاری طبی سہولیات فراہم کرنے میں اپنے ریجن میں مسلسل ٹاپ پوزیشن پر ہے۔

میڈیکل کالج کے قیام کی راہ ہموار

ڈی ایچ کیو ہسپتال میاںوالی ان منتخب سرکاری ہسپتالوں میں شامل ہو چکا ہے جہاں ایف سی پی ایس اور ایم سی پی ایس کی ایکریڈیشن، کالج آف فزیشنز اینڈ سرجنز پاکستان (CPSP) سے ہو چکی ہے۔ اس بڑی کامیابی کے بعد مستقبل قریب میں میڈیکل کالج میاںوالی کے قیام کی راہ ہموار ہو چکی ہے، جو یہاں کے عوام کے لیے ایک بہت بڑی خوشخبری ہے۔

بدعنوان عناصر کے لیے دو ٹوک پیغام

میں واضح کر دینا چاہتا ہوں کہ کسی بلیک میلر، دھمکی دینے والے یا غلط ہتھکنڈے استعمال کرنے والے شخص کو نہ میں اور نہ ہی میری انتظامیہ کوئی ٹھیکہ دے گی۔

میرٹ کی پالیسی پر سختی سے عمل کیا جا رہا ہے، اور ہر وہ شخص جو میرٹ پر پورا اترے، وہ ہسپتال میں ٹینڈر یا کنٹریکٹ کے لیے درخواست دے سکتا ہے، لیکن دھمکیوں اور بلیک میلنگ کے ذریعے کوئی شخص کسی بھی قسم کا فائدہ حاصل نہیں کر سکتا۔

ہمارا عزم

میں، میرے ڈاکٹرز، میری نرسز، میری انتظامیہ اور میرا تمام عملہ پوری دیانت داری، محنت اور لگن کے ساتھ ضلع میاںوالی کی عوام کی خدمت میں مصروف ہے اور ان شاء اللہ ہم اپنی خدمات کا یہ سفر جاری رکھیں گے۔

ہم سب کو اللہ کے حضور جواب دہ ہونا ہے، اور اسی مقصد کو سامنے رکھ کر ہم اپنی ذمہ داریاں ادا کر رہے ہیں۔

کامیابی، ترقی اور عوامی خدمت کا یہ مشن پوری توانائی اور استقامت کے ساتھ جاری رہے گا۔

والسلام!
Mianwali Online News
Mianwali First
مٹھی میانوالی نیوز
ڈسٹرکٹ ہیلتھ اتھارٹی میانوالی
Punjab Health Reforms
Health Department Punjab
Primary & Secondary Healthcare Department