Dr Arshad Iqbal Khan Child Specialist

16/02/2026

ڈاکٹر ارشد اقبال خان
(ماہر امراض بچگان)
روزانہ صبح 9 سے دوپہر 1بجے تک
-----------------------------
ڈاکٹر آمنہ نیازی
(گائناکالوجسٹ)
روزانہ صبح 9 سے دوپہر 1بجے تک
-----------------------------
غلام سکینہ ہسپتال
کالاباغ میانوالی روڈ
(خواجہ آباد) میانوالی
0306-8464775

13/12/2025

06/11/2025

:تحریر
ڈاکٹر ارشد اقبال خان

"DOCTOR ZHIVAGO"

ڈاکٹر زیواگو صرف ایک رومانوی ناول نہیں، بلکہ یہ تاریخ، سیاست، مذہب، اور انسانی تقدیر پر ایک بھرپور فلسفیانہ تبصرہ ہے۔
ناول کا لکھاری "پاسٹرناک" کا اسلوب ایک شاعرانہ گہرائی اور منظر نگاری کا حامل ہے، جو قاری کو روس کے انقلابی دور کی برفانی سردی اور جذباتی تلاطم میں الجھائے رکھتا ہے۔
اس ناول کو یہ بات منفرد بناتی ہے کہ یہ روس کے انقلاب کے نظریے کی حمایت تو کرتا ہے ، لیکن اسکے ایک عام انسان کی زندگی پہ منفی اثرات کا ذکر بھی کھل کے کرتا ہے، دوسرے لکھاریوں کی طرح نہیں ، جو کہ یا تو اس انقلاب پہ مکمل تنقید کرتے نظر آتے ہیں یا پھر مکمل حمایت۔
یہ ناول ہمیں یہ بتاتا ہے کہ دنیا کے اس طاقت کے کھیل میں ایک عم انسان سادہ زندگی گزارنا چاہتا ہے، وہ شعر و شاعری کرنا چاہتا ہے، اپنے کچن کیلئے اپنے ہی آلو اور سبزیاں اگانا چاہتا ہے۔ جیسا کہ ناول میں ایک جگہ ڈاکٹر زیواگو کہتا ہے کہ
" ہر روسی اپنی اصل میں ایک کاشتکار ہے ، وہ زمینوں میں فصل اگا کر خوش ہوتا ہے "۔

ناول کا مرکزی کردار یوری " زیواگو " ایک ڈاکٹر اور شاعر ہے، جو اپنی بیوی " ٹونیا " کے وفادار ہونے کے باوجود ایک پُراسرار خاتون "لارا اینٹیپووا" کے عشق میں گرفتار ہو جاتا ہے۔
دو محبتوں کے درمیان "یوری" کی کشمکش پوری روسی قوم کی داخلی اور خارجی جنگ کی عکاسی کرتی ہے۔

ناول کی کہانی
1917ء کے انقلابِ روس، پہلی عالمی جنگ اور اس کے بعد کی خانہ جنگی کے ہنگامہ خیز دور میں ترتیب دی گئی ہے۔ لکھاری "پاسٹرناک" نے انقلاب کے نظریوں اور پھر ان نظریات کی عملی زندگی میں ناکامی اور اس سے پیدا ہونے والی ظلم و بربریت کو "یوری زیواگو" کی آنکھوں سے دکھایا ہے۔

مصنف بورس پاسٹرناک کو 1958ء میں ادب کا نوبیل انعام اسی ناول کی بدولت دیا گیا، لیکن سوویت یونین کی حکومت نے انہیں دباؤ ڈال کر انعام قبول کرنے سے روک دیا، کیونکہ ناول کمیونسٹ انقلاب کے منفی پہلوؤں کو بھی اجاگر کرتا ہے۔
اس ناول پہ ایک فلم بھی بنی ، جس نے کئی فلمی ایوارڈز اپنے نام کیے ۔

:تحریر
ڈاکٹر ارشد اقبال خان

07/08/2025

تحریر:
ڈاکٹر ارشد اقبال خان

" اگر درخت بول سکتے"

درخت (آہ بھری آواز میں):
اے انسان!
کبھی لمحہ بھر کیلئے ہو میرے سائے میں بیٹھ کر سوچا ہے؟
کہ میں بغیر کسی لالچ کے تجھے سایہ دیتا ہوں،
تیرے لیے سانس مہیا کرتا ہوں،
کبھی تیرے گھر کی چھت ہوں، کبھی تری الماری میں رکھی کتاب کا کاغذ ہوں۔

لیکن تم نے کیا کیا میرے ساتھ؟

انسان (کچھ شرمندہ ہو کر):
میں نے تو کبھی غور ہی نہیں کیا…
تم تو بس خاموش رہتے ہو،
ہمیں لگتا ہے تمہیں احساس نہیں ہوتا۔

درخت (دھیمی مسکراہٹ کے ساتھ):

خاموشی کا مطلب بے حسی نہیں ہوتا۔
ہم درد بھی محسوس کرتے ہیں،
بس تم بہرے ہو گئے ہو۔

درخت:
تم بھول گئے ہو کہ تم بھی قدرت کا حصہ ہو،
نہ کہ مالک۔
اگر درخت ختم ہو گئے تو بچو گے تم بھی نہیں۔

انسان:
اگر تم بول سکتے تو شاید ہم رک جاتے…

درخت (گہرے دکھ کے ساتھ):

کاش کہ تم سن سکتے،،
ہم تو ہر وقت تم سے محو کلام ہیں…
ہوا کے دوش پر،
پتوں کی سرسراہٹ میں،
بہار کی خوشبو میں،
اور خزاں کے پیلے رنگ میں —
ہم ہر پل بول رہے ہیں۔
ہماری بقا ہی تمہاری بقا ہے۔
اگر درخت بول سکتے،
تو ہمیں ہماری غلطیاں بتاتے۔
لیکن کیا ہم سننے کے لیے تیار ہیں؟

تحریر:
ڈاکٹر ارشد اقبال خان

31/07/2025

فری میڈیکل کیمپ
(جناح پبلک سکول سوانس)=بمقام
تین اگست / بروز اتوار
صبح 7 بجے سے 11 بجے تک
(فری چیک اپ، میڈیسن، الٹراساونڈ)

19/07/2025

"بچوں میں گرمیوں کے بخار کی وجوہات اور احتیاطی تدابیر"

تحریر:
ڈاکٹر ارشد اقبال خان

گرمیوں کا موسم بچوں کے لیے خاص طور پر حساس ہوتا ہے۔ تیز دھوپ، پسینہ، پانی کی کمی اور آلودگی کی وجہ سے بچے جلدی بیمار ہو سکتے ہیں۔

آئیے جانتے ہیں گرمیوں کے بخار کی اہم وجوہات اور ان سے بچاؤ کے آسان طریقے:

🔍 عام وجوہات:

1. ہیٹ اسٹروک (Heat Stroke):
شدید دھوپ میں کھیلنے یا باہر نکلنے سے جسم کا درجہ حرارت خطرناک حد تک بڑھ جاتا ہے۔ بچے کا جسم پسینے کے ذریعے ٹھنڈا نہیں ہو پاتا، جس سے بخار ہو سکتا ہے۔

2. وائرسز اور انفیکشنز:
گرمیوں میں گندے پانی یا غیر محفوظ کھانے سے وائرل یا بیکٹیریل انفیکشنز (مثلاً ٹائیفائیڈ، گیسٹرو، وغیرہ) ہو سکتے ہیں، جس کی پہلے علامت بخار ہوتا ہے۔

3. پانی کی کمی (Dehydration):
پسینہ زیادہ آنا اور پانی کم پینا جسم کو کمزور اور گرم کر دیتا ہے، جس سے درجہ حرارت بڑھ سکتا ہے۔

✅ احتیاطی تدابیر:

1. بچوں کو دھوپ میں باہر نہ جانے دیں .

2. زیادہ پانی اور فریش جوسز کا استعمال کروائیں:
نارمل پانی، لیموں پانی، ORS یا کھیرا جیسے پانی والے پھل فائدہ مند ہیں۔

3. ہلکی، ڈھیلی اور سوتی کپڑے پہنائیں:
تاکہ پسینہ آسانی سے خشک ہو اور جسم ٹھنڈا رہے۔

4. غیر محفوظ یا باہر کی بنی اشیاء سے پرہیز:
فاسٹ فوڈ، آئس کریم، کھلے جوسز یا کٹے ہوئے پھلوں سے بچائیں۔

5. صفائی کا خاص خیال رکھیں:
ہاتھ دھلوانا، ناخن صاف رکھنا، تولیہ/کپڑے علیحدہ رکھنا.

کب ڈاکٹر کو دکھائیں؟

بخار 3 دن سے زیادہ رہے

بچہ پانی کم پی رہا ہو

قے یا ڈائریا ساتھ ہو

جسم پر دانے یا بے ہوشی/سستی ہو.

تحریر:
ڈاکٹر ارشد اقبال خان

30/06/2025

(بچوں میں پیٹ کے کیڑوں کا انفیکشن)

تحریر:
ڈاکٹر ارشد اقبال خان

اگر آپ نے اپنے بچے کی پیشاب والی جگہ کے آس پاس سفید رنگ کے چھوٹے کیڑے دیکھے ہیں، خاص طور پر رات کے وقت، تو یہ پیٹ کے کیڑوں کا انفیکشن ہو سکتا ہے، جو بچوں میں عام ہوتا ہے۔

اہم علامات:

1. بڑے پیشاب کی جگہ پر خارش، خاص طور پر رات کے وقت۔
2. نیند میں بے چینی یا رونا۔
3. بڑے پیشاب کی جگہ پر دھاگے جیسے کیڑوں کا نظر آنا۔

علاج:

بچوں کے لیے محفوظ دوا البینڈازول یا میبینڈازول کی ایک خوراک

ہفتے بعد دوبارہ خوراک دہرائیں

گھر کے تمام بچوں کو پیٹ کے کیڑوں کی دوا دیں۔

احتیاطی تدابیر:

●ناخن چھوٹے کریں
●ہاتھ دھونا سکھائیں
●کپڑے اور بستر گرم پانی میں دھوئیں
●بچے کو روز صبح نہلائیں تاکہ انڈے صاف ہو جائیں

مکمل رہنمائی کے لیے قریبی چائلڈ اسپیشلسٹ سے رابطہ کریں۔

تحریر:
ڈاکٹر ارشد اقبال خان
غلام سکینہ ہسپتال(خواجہ آباد ) میانوالی
روزانہ صبح 8بجے سے دوپہر 12 بجے تک
0306-8464775
0333-6829011

30/06/2025

آجکل مون سون کا موسم ہے، اس حوالے سے شجر کاری کیلئے میرے فیسبک کے دوست محمد اسلم میکن کی پودے لگانے کے حوالے سے تجاویز۔
Muhammad Aslam Maken

سوال
پودا کیسے لگانا چاہیے؟

جواب
اصولی طور پر تو کسی بھی جگہ پودا لگانا ہو تو تین چار ماہ پہلے وہاں کم سے کم تین مکعب فٹ گڑھا کھود کر کچھ دن دھوپ میں کھلا رہنے دیں اسکے بعد ایک حصہ گڑھے سے نکلی ہوئی اوپر والی سطح کی مٹی ایک حصہ گلی سڑی گوبر یا پتوں سے بنی کھاد کمپوسٹ وغیرہ اور تیسرا حصہ نہر یا نہری پانی والی کھال کی مٹی مکس کر کے اس میں ایک پاؤ یوریا ایک پاؤ ڈی اے پی ایک او ایس او پی پوٹاش سو گرام زنک سلفیٹ سو گرام کاپر سلفیٹ سو گرام میٹالیکسل مینکوزیب ملا کر اچھی طرح ملانے کے بعد گڑھا بھر دیں اور کم سے کم تین ماہ بعد یا اس سے آگے جب بھی پودے لگانے کا موسم ہو اس گڑھے کے درمیان میں معیاری نرسری سے معیاری نسل اور شکل کا پودا لگا دینا چاہیے۔

فارم کنسلٹنٹ محمد اسلم میکن۔

29/06/2025

نوزائیدہ بچوں کو "گھٹی" دینا؟

تحریر :
ڈاکٹر ارشد اقبال خان
(چائلڈ سپیشلسٹ )

نوزائیدہ بچوں کو گھٹی یا شہد دینا خطرناک ہو سکتا ہے !!

🍼 اکثر لوگ محبت یا روایت کے تحت نوزائیدہ بچے کو گھٹی (شہد، گڑ، یا دیگر مٹھاس) دیتے ہیں، مگر یہ عمل نقصان دہ ثابت ہو سکتا ہے۔

🔴 شہد میں "بوٹولزم" (botulism) کے جراثیم ہو سکتے ہیں
جو بچے کے کمزور مدافعتی نظام پر حملہ کر کے بیمار کر سکتے ہیں، سانس رکنے ، اور اپاہج ہونے کا سبب بن سکتے ہیں۔

■ گھٹی یا مٹھاس بچے کے گلے میں جا سکتی ہے
اور سانس کی نالی بند ہونے کا خطرہ ہوتا ہے۔

■ نوزائیدہ کا نظامِ ہضم ابھی مکمل نہیں ہوتا
یہ چیزیں قبض، الٹی یا پیٹ درد کا باعث بن سکتی ہیں۔

■دیسی گھٹیوں میں دی جانے والی جڑی بوٹیاں نقصان دہ ہو سکتی ہیں
جو جگر اور دماغ پر برا اثر ڈال سکتی ہیں۔

● احتیاط کیجئے، صرف ماں کا دودھ ہی بہترین غذا ہے۔

● پہلے چھ ماہ صرف ماں کا دودھ دیں – نہ پانی، نہ شہد، نہ گھٹی!

تحریر :
ڈاکٹر ارشد اقبال خان
(چائلڈ سپیشلسٹ )
غلام سکینہ ہسپتال( خواجہ آباد ) میانوالی
0306-8464775

27/06/2025

تحریر :
ڈاکٹر ارشد اقبال خان

(چینی ادب کی عظیم ہیروئن)

بہت سال پہلے چین میں ایک بہادر لڑکی ہوا مولان رہتی تھی۔ وہ نہایت ذہین، فرمانبردار اور باہمت تھی۔ اُس کے والد ایک ریٹائرڈ سپاہی تھے، مگر اب بوڑھے اور بیمار ہو چکے تھے۔

ملک پر دشمن حملہ آور ہو گئے اور ہر خاندان سے ایک مرد کو جنگ کے لیے بلایا گیا۔ مولان کے خاندان میں صرف اُس کے والد تھے — اور اگر وہ جنگ میں جاتے تو شاید زندہ نہ لوٹتے۔

مولان نے ایک بہادر فیصلہ کیا — وہ مردوں کے لباس پہن کر، اپنا حلیہ بدل کر اپنے والد کی جگہ فوج میں شامل ہو گئی۔
کسی کو بھی معلوم نہ ہو سکا کہ وہ ایک لڑکی ہے۔

مولان نے جنگ میں بہادری سے حصہ لیا۔ اُس نے دشمنوں کو شکست دی، اپنے ساتھیوں کو بچایا اور جرنیلوں سے عزت کمائی۔
آخرکار، جنگ جیت لی گئی۔ بادشاہ نے اسے انعامات دینے کی پیشکش کی، لیکن مولان نے صرف اتنا کہا:

> "مجھے کچھ نہیں چاہیے، بس مجھے میرے گھر جانے دو۔"

جب وہ اپنے گاؤں واپس لوٹی، تو سب حیران رہ گئے کہ جس بہادر سپاہی نے اتنے کارنامے سرانجام دیے — وہ دراصل ایک لڑکی تھی!

بہادری کا مطلب صرف مرد ہونا نہیں، کردار اور انکے وقت پہ لیے گئے فیصلے اہم ہوتے ہیں۔

تحریر:
ڈاکٹر ارشد اقبال خان

27/06/2025

تحریر:
ڈاکٹر ارشد اقبال خان

اونٹ رکھنے ہوں تو دروازے بلند، اور سفر کرنا ہو تو حوصلے بلند رکھیں۔

سفر، راستے، منزلیں،،،

یہ الفاظ صرف لغت کے الفاظ نہیں، بلکہ زندگی کے گہرے تجربات کی نمائندگی کرتے ہیں۔ ہر شخص اپنی زندگی کا مسافر ہے۔ کسی کے راستے ہموار ہوتے ہیں، تو کسی کو کانٹوں سے گزرنا پڑتا ہے۔ کسی کی منزل قریب ہوتی ہے، تو کسی کو لمبی مسافت طے کرنی پڑتی ہے۔

لیکن ان سب میں جو چیز سب کو یکساں طاقت دیتی ہے،وہ ہے
"بلند حوصلہ"۔

بلند حوصلہ وہ چراغ ہے جو اندھیروں میں راستہ دکھاتا ہے، وہ پر ہے جو انسان کو اڑان دیتا ہے، اور وہ یقین ہے جو منزل تک پہنچنے میں مدد کرتا ہے۔

منزل ہمیشہ ان کو ملتی ہے جو تھکتے نہیں، رکتے نہیں، اور جھکتے نہیں۔
سفر کٹھن ہو یا آسان، راستہ سیدھا ہو یا پیچیدہ ،، اگر حوصلہ بلند ہو تو ہر منزل ممکن ہے۔

تحریر:
ڈاکٹر ارشد اقبال خان

#حوصلہ #سفر #منزل

27/06/2025

تحریر:
ڈاکٹر ارشد اقبال خان
(چائلڈ سپیشلسٹ)

بچوں میں خسرہ

خسرہ (Measles) ایک انتہائی متعدی (یعنی پھیلنے والی) وائرل بیماری ہے جو زیادہ تر بچوں کو متاثر کرتی ہے۔ اگر اس کا علاج نہ کیا جائے تو سنگین پیچیدگیاں پیدا کر سکتی ہے۔

خسرہ کی علامات:

خسرہ کی علامات :

تیز بخار (اکثر 104°F تک)

خشک کھانسی

ناک بہنا

آنکھوں سے پانی آنا (آنکھوں میں سرخی)

جسم پر سرخ دانے (سب سے پہلے چہرے سے شروع ہو کر پورے جسم میں پھیل جاتے ہیں)

منہ کے اندر سفید دھبے (Koplik spots)۔

خسرہ کیسے پھیلتا ہے؟

یہ بیماری ایک متاثرہ فرد کے کھانسنے یا چھینکنے سے ہوا کے ذریعے دوسرے بچوں میں پھیلتی ہے۔ خسرہ کا وائرس فضا میں کئی گھنٹوں تک زندہ رہ سکتا ہے۔

خسرہ کی پیچیدگیاں:

نمونیا (Pneumonia)

دماغ کی سوجن (Encephalitis)

خسرہ سے بچاؤ:

✅ خسرہ سے بچاؤ ممکن ہے اور اس کے لیے سب سے مؤثر طریقہ (Vaccination) ہے۔

بچوں کو پہلا ٹیکہ 9 ماہ کی عمر میں اور
دوسرا ٹیکہ 15 ماہ کی عمر میں لگایا جاتا ہے ۔

والدین کے لیے احتیاطی تدابیر:

بچوں کا حفاظتی ٹیکہ جات کا شیڈول مکمل رکھیں۔

بخار، کھانسی اور دانے کی صورت میں فوری طور پر ڈاکٹر سے رجوع کریں۔

متاثرہ بچے کو دوسرے بچوں سے دور رکھیں تاکہ بیماری نہ پھیلے۔

تحریر:
ڈاکٹر ارشد اقبال خان
(چائلڈ سپیشلسٹ )
غلام سکینہ ہسپتال (خواجہ آباد) میانوالی
0306-8464775