Dr. Wahid Manzoor Child Specialist

14/10/2025

سردیوں کا موسم آگیا ہے اور آپ سب بخوبی جانتے ہیں کہ اس موسم میں بچوں کے سینے کے مسائل بڑھ جاتے ہیں۔

ماں کی طرف سے اکثر پوچھا جانے والا سوال ان کے بچوں کے nebulization کے بارے میں ہوتا ہے۔

تو ہم آج ان تمام سوالوں پر بات کریں گے۔

1--- ڈاکٹر صاحب! نیبولائزیشن کیسے دی جائے

نیبولائزیشن کے لیے آپ کو ڈاکٹر کے مشورے کے مطابق نیبولائزر مشین اور دوا کی ضرورت ہوتی ہے۔

عام طور پر ہم دو سے تین ملی لیٹر نارمل سلاٸن لیتے ہیں اور اگر ڈاکٹر نے مشورہ دیا تو
اس میں دوائیوں کے قطرےڈال دیں گے۔

پانچ سے دس منٹ تک nebulizations جاری رکھنا ہوتی ہے۔

2--- ڈاکٹر صاحب! نیبولاٸزیشن کے لیے کیا عمر کی کو حد ہوتی ہے

نہیں، ایسی کوئی عمر کی حد نہیں ہے۔
آپ اپنے شیر خوار بچوں کو بھی nebulize کر سکتے ہیں۔

3---ڈاکٹر! کیا میں وینٹولین، ایٹم یا کلینیل ڈراپس استعمال کر سکتی ہوں؟

اگر آپ کا بچہ کی ناک میں بندش یا کھانسی ہے تو آپ گھر پر اسے نارمل سلاٸن سے نیبولائز کر سکتے ہیں لیکن ATEM، VENTOLINE اور CLEINEL دوائیں ہیں اس لیے آپ انہیں اپنے بچے کے ماہر کے مشورے کے بعد ہی استعمال کریں کیونکہ ان ادویات کے مضر اثرات بھی ہوسکتے ہیں۔
کچھ اور سوال جو پوچھے جاتے ہیں

4-کیا بغیر مشین کے بھاپ دیں تو وو نیبولائز کرنے جیسا ہی ہے ؟
میڈیسن سے بھاپ دینے کے لیے مشین ضروری ہے ۔ سٹیم بغیر بھاپ والی مشین کے دی جا سکتی ہے۔

5۔بچہ ماسک نا لگائے تو کیا بغیر ماسک کے دئی سکتے ہیں ؟
جی دے سکتے ہیں پر بہتر ہے ماسک کا استعمال کریں۔ مشین کی نوزل کو بچے کے ناک کے پاس لے جائیں تاکہ بچہ اسے سے زیادہ سے زیادہ مستفید ہو

امید ہے کہ یہ معلومات آپ اور آپ کے خاندان کی مدد کرے گی۔

اللہ تعالیٰ ہمارے بچوں کو صحت و تندرستی کے ساتھ تمام بیماریوں سے دور رکھے۔
آمین.

اسے اپنے ساتھیوں اور دوستوں کے ساتھ شیئر کریں تاکہ وہ اس معلومات سے فائدہ اٹھا سکیں کیونکہ ہمارا مقصد بچوں کی صحت کی تعلیم ہے.

10/10/2025

چھوٹے بچوں میں نزلہ، زکام اور بند ناک کا آسان علاج

چھوٹے بچوں کو نزلہ، زکام یا سانس کی ہلکی انفیکشن کے دوران اکثر ناک بند ہونے کی شکایت ہوتی ہے۔ چونکہ بچے اپنی ناک خود صاف نہیں کر سکتے، اس لیے اندرونی رطوبتیں جمع ہو کر سانس لینے میں دشواری پیدا کرتی ہیں۔ اس سے بچہ بےچین اور پریشان ہو جاتا ہے۔

ایسی صورت میں والدین، خاص طور پر مائیں، اگر ناک صاف کرنے کا محفوظ اور مؤثر طریقہ جان لیں تو بچے کو فوری ریلیف دیا جا سکتا ہے۔ اس عمل سے:

ناک کی اندرونی رطوبتیں باہر نکل آتی ہیں

بچہ آسانی سے سانس لینے لگتا ہے

بچہ زیادہ پرسکون ہو جاتا ہے

:ناک صاف کرنے کے لیے درکار اشیاء
یہ تمام چیزیں کسی بھی اچھی فارمیسی سے آسانی سے مل سکتی ہیں:

1. Saline Nasal Drops (نمکین پانی کے قطرے)

2. Bulb Syringe یا Bulb Sucker
(یہ دو اقسام میں دستیاب ہوتے ہیں: Disposable اور Reusable، اپنی سہولت کے مطابق انتخاب کریں)

:طریقہ استعمال

1. بچے کو اپنی گود یا بیڈ پر اس طرح لٹائیں کہ اس کا سر اور سینہ قدرے اونچا ہو۔

2. سالین ڈراپس کے 2 سے 3 قطرے ایک نتھنے میں ڈالیں اور چند سیکنڈ انتظار کریں تاکہ قطرے اندر جذب ہو جائیں۔

3. بلب سرنج کو پیچھے سے دبا کر اس میں سے ہوا نکال دیں (یہ عمل بچے کے چہرے سے ہٹ کر کریں)۔

4. سرنج کی نوک کو نرمی سے اس نتھنے میں ڈالیں جس میں قطرے ڈالے گئے تھے، اور آہستہ سے بلب کو چھوڑیں۔
اس عمل سے بلب سرنج ناک کی اندرونی رطوبت کھینچ لے گا۔

5. بلب سرنج کو سنک یا کسی کپ میں نچوڑ کر صاف کر لیں۔

6. دوسرے نتھنے کے لیے یہی عمل دہرائیں۔

یہ عمل دن میں ایک سے تین بار دہرایا جا سکتا ہے، جب تک بچے کی حالت بہتر نہ ہو جائے۔

اگر بچہ زیادہ بےچین ہو، تو ایک دوسرے فرد کی مدد سے بچے کے سر اور ہاتھوں کو سنبھال لیں۔

نتھنوں کے آس پاس کی صفائی کے لیے گرم واش کلاتھ یا نرم کاٹن سوئب استعمال کریں۔

اس عمل کے ساتھ ساتھ ڈاکٹر کی تجویز کردہ دواؤں کا استعمال جاری رکھیں۔

02/10/2025

04/09/2025

Medical Camp for Flood Emergency

18/07/2025

ویکسینیشن کے بعد بچے کی دیکھ بھال :::
ہر بچے کے لیے ویکسینیشن بہت ضروری ہے کیونکہ یہ جان لیوا بیماریوں سے بچاتی ہے۔
ویکسین کے بعد بچے کی دیکھ بھال کیسے کرنی چاہیے یہ تمام ماٶں کو جاننا بے حدضروری ہے۔ زیادہ تر بچوں کو ویکسینیشن کے بعد کوٸ مسلہ نہیں ہوتا لہزا تسلی رکھیں
۔بخار ہوجانا کافی عام ہے اور دس میں سے ایک بچے کو ویکسینیشن کے بعدہوجاتا ہے۔ بخار کو کنٹرول کرنے کے لیے بچے کے کپڑوں کو کم کریں, نارمل ٹمپریچر والے پانی کی پٹیاں کریں۔ کچھ کیسز میں پیناڈول کے قطرے بھی دیے جا سکتے ہیں .ویکسینیشن کا بخار عام طور پر ویکسین لگوانے کے بعدکچھ گھنٹوں میں ہوجاتا ہے اور زیادہ سے زیادہ اڑتالیس گھنٹے تک رہتا ہے ویکسینیشن کے بعد ٹیکے کی جگی پر سرخی اور سوجن بھی ہو سکتی ہے اس کے لیے ویکسین والی جگہ پر آئس پیک یا گیلا ٹھنڈا کپڑا لگا سکتے ہیں، اس سے سوجن کم ہو جائے گی اور بچےکو تکلیف بھی نہیں ہو گی۔
ویکسینیشن کے بعدبچے کو بارباردودھ پلائیں ویکسین لگوانے کےبعدبچے کو کپڑے ڈھیلے پہناٸیں, بچے کو راحت ہو گی
۔اس کے علاوہ اگر بچے کو کوئی ناخوشگوار ضمنی اثرات ہوں تو اپنے وکسینیشن سینٹر یا چائلڈ سپیشلسٹ سے ملیں۔

28/05/2025

سب نے کہا تھا یہ ننھا سا فرشتہ شاید نہ بچ پائے... مگر اللہ کی رحمت، ڈاکٹروں کی محنت، نرسوں کی شفقت اور والدین کی دعاؤں نے مل کر ایک معجزہ دکھا دیا!"

یہ وہ چھوٹا سا سپاہی ہے جو وقت سے پہلے ہی دنیا میں آ گیا - اتنا نازک کہ ایک قلم اس کے قد سے بھی بڑا لگتا تھا!

لیکن ہمارے ڈاکٹروں نے ہار نہ مانی، نرسوں نے دن رات خدمت کی، اور والدین کے صبر و دعاؤں نے اس معصوم کو زندگی کی جنگ جیتنے کی طاقت دی۔ آج یہ تصویر محض ایک بچے کی نہیں، بلکہ ایک پورے ٹیم کی محنت، پیار اور دعاؤں کی کامیابی ہے!❤️

یہ کہانی ثابت کرتی ہے کہ جب ڈاکٹروں کی مہارت، نرسوں کی توجہ، والدین کے صبر اور اللہ کی رحمت اکٹھے ہو جائیں تو ناممکن کو ممکن بنا دیتے ہیں!

ہمارا پیغام:
کبھی کسی مریض، خاص طور پر معصوم بچوں سے مایوس نہ ہوں۔ ڈاکٹروں پر بھروسہ کریں، نرسوں کی محنت کو سراہیں، اور والدین کے صبر کو سلام پیش کریں۔

16/04/2025

جب کچھ کھاتے ہوئے غذا کا ٹکڑا گلے میں پھنس جاتا ہے جس سے سانس لینا یا بات کرنا دشوار ہوجاتا ہے اور سانس کی نالی بند ہوتی محسوس ہوتی ہے __ ایک سال سے کم عمر بچے اور بوڑھے اس طرح کی صورتحال سے جلد دوچار ہوجاتے ہیں__ اور بعض اوقات یہ صورت حال جان لیوا ثابت ہوسکتی ہے

اسے طبی اصطلاح میں Throat Choking کہتے ہیں اور اس کے دو درجے ہیں

(١) جزوی طور پہ گلہ بند ہونا : اس صورت میں غذا کا ٹکڑا گلے میں پھنسنے کی صورت میں گلہ جزوی طور پہ بند ہوجاتا ہے، انسان بمشکل بول اور سانس لے سکتا ہے...آپ نے مدد کیسے کرنی ہے؟
متاثرہ شخص کو زور زور سے کھانسنے کا کہیں تاکہ پھنسا ہوا ٹکڑا باہر نکل آئے یا اُسے جھُکا کے اُس کی پِیٹھ پہ عین گلے والی جگہ پہ اپنی ہتھیلی کی مدد سے پانچ دفعہ رگڑنے کے انداز میں تھپڑ لگائیں ( مُکے نہیں مارنے) اور ساتھ ساتھ اُسے کھانسنے کا کہیں........ سیدھا کھڑا کرکے یہ کوشش نہ کریں ورنہ پھنسا ہوا ٹکڑا مزید نیچے چلا جائے گا اور نہ ہی متاثرہ شخص کو پانی پلائیں، قوی امکان ہوتا ہے کہ پانی ناک کے راستے باہر آئے گا اور مزید تکلیف کا باعث بنے گا

اگر آپ اکیلے ہیں اور آپ اس صورت حال سے دوچار ہوجائیں اور آس پاس کوئی مددگار نہ ہو تو کُرسی کی پشت پہ کھڑے ہوکے اپنے دونوں ہاتھ پیٹ پہ باندھ کے اپنے وزن کے ساتھ اپنے پیٹ پہ دباؤ ڈالیں ( طریقہ نیچے تصویر میں دکھایا گیا ہے)

(٢) گلہ مکمل طور پہ بند ہوجانا : غذا کا بڑا ٹکڑا گلے میں پھنس جانے کی صورت میں گلہ مکمل طور پر بند ہوجاتا ہے اور گلے سے آکسیجن کی آمدورفت بھی رُک جاتی ہے .... یہ کنڈیشن زیادہ خطرناک اور زیادہ تکلیف دہ ہوتی ہے... متاثرہ شخص بول نہیں سکتا، بات نہیں کرسکتا، کھانس نہیں سکتا.... ہونٹ اور ناخن نیلے ہوجاتے ہیں... آپ نے مدد کیسے کرنی ہے
متاثرہ شخص کو سیدھا کھڑا کرکے اُس کے پیچھے کھڑے ہوجائیں اور اُسے پیچھےسے جپھی ڈال کے اُس کی ناف اور پسلیوں کے درمیان اپنے دونوں ہاتھ اوپر نیچے باندھ کے اُسے اٹھانے کے انداز میں پانچ یا اس سے زائد دفعہ جھٹکے دیں. اور تب تک کرتے رہیں جب تک گلے میں پھنسی چیز باہر نہ آجائے (طریقہ نیچے تصویر میں دکھایا گیا ہے) اگر مریض بے ہوش ہوجائے تو ریسکیو کال کریں اور پروفیشنلز کے پہنچنے تک CPR کرتے ھوئے مریض کا سانس بحال کرنے کی کوشش کریں... لیکن CPR صرف اُس صورت میں مفید ہوگا جب گلہ صاف ہوچکا ہوگا۔
سب کے ساتھ یہ معلومات شئیر کریں تاکہ ایمرجینسی کی صورت میں جان بچائ جا سکے !

14/04/2025

Down syndrome