https://youtube.com/channel/UCq32Y29mzKJ9TUQqVXb1K6g

Faiz Ul Hikmat, Muzaffargarh (2025)

11/07/2025

بیر – غریبوں کا زعفران
، غذائیت سے بھرپور پھل
بیر (Jujube) کو عربی میں سدر یا نبق، فارسی میں کنار، پنجابی میں بیریاں دے بیر، اور بنگالی میں گل پھل کہا جاتا ہے۔ یہ پھل اپنی مختلف اقسام اور رنگت کے ساتھ بے شمار فوائد کا حامل ہے۔

🔴 بیر کی اقسام اور مزاج:
سرخ بیر:
مزاج: گرم خشک
✔️ پکے، نرم اور دوا کے طور پر مؤثر۔

سبز بیر (کچا):
مزاج: سرد خشک
✔️ احتیاط سے استعمال کریں، ہضم میں بھاری ہو سکتا ہے۔

زرد مائل (پیوندی):
مزاج: گرم تر
✔️ اخروٹ جتنا بڑا، مزاج میں طاقتور۔

🌳 بیری کے درخت کی خصوصیات:
کچھ علاقوں میں اس کا درخت 10 فٹ جبکہ بعض جگہوں پر 40 فٹ تک بلند ہوتا ہے۔

بیر کا سائز مٹی اور آب و ہوا کے لحاظ سے مختلف ہوتا ہے۔

پیوندی بیری کے بیر بڑے سائز کے ہوتے ہیں اور ذائقے میں میٹھے۔

🍃 بیر اور عناب میں فرق:
عناب صرف دوا کے طور پر استعمال ہوتا ہے۔

بیر دوا اور غذا دونوں کے طور پر کھایا جاتا ہے۔

بیر زیادہ مقدار میں روزمرہ خوراک میں شامل کیا جا سکتا ہے۔

🧪 بیر میں موجود غذائیت:
پروٹین، آئرن، سلفر کی وافر مقدار

مختلف نمکیات، معدنیات اور وٹامنز

جسم میں خون، چمک اور توانائی پیدا کرتا ہے

غریبوں کے لیے زعفران اور بکرے کے گوشت کے برابر فوائد رکھتا ہے

✅ سرخ بیر کے شاندار فوائد:
🍽 نظامِ ہاضمہ:
بھوک بڑھائے

قبض، بادی بواسیر، تبخیر، متلی اور گیس ختم کرے

کھانے کو آسانی سے ہضم کرے

💪 طاقت و توانائی:
جسمانی کمزوری، چکر، تھکن کا خاتمہ

دورانِ خون کو بہتر کرے

جسم میں حرارت اور خون کی کمی کو پورا کرے

مردانہ کمزوری، جریان، سرعت، اعصاب کی کمزوری، امساک و تناؤ کے لیے مفید

🧠 دماغی صحت:
یادداشت میں بہتری

ڈپریشن، انزائٹی، فضول خیالات اور خوف کا خاتمہ

بے خوابی اور ذہنی تھکن دور کرے

🩺 دیگر امراض میں فائدہ مند:
لقوہ، فالج، رعشہ

آتشک، مرگی

پتھری، کمر درد

ماہواری کے مسائل

الرجی، دمہ، نزلہ، زکام

بچوں کے اسہال، پیٹ درد

جوڑوں کا درد، پٹھوں کی اکڑن

نظر کی کمزوری، رات کا اندھا پن

جگر کے امراض

جسم سے زہریلے مادے خارج کرتا ہے

📝 نتیجہ:
بیر نہ صرف ایک عام پھل ہے بلکہ ایک مکمل قدرتی غذا و دوا ہے جو درجنوں جسمانی، دماغی اور اعصابی امراض میں شفا بخش اثرات رکھتا ہے۔
اگر اسے چند دن باقاعدہ کھایا جائے تو جسم میں توانائی، تازگی اور قوت میں واضح اضافہ دیکھا جا سکتا ہے۔

05/07/2025

برگد (بوھڑ) ایک کمال کا درخت
یہ ایک مشہور بہت بڑا اور نہایت فائدہ مند درخت ھے، برگد کا درخت ازل سے تاریخ، نوع انسانی کا گواہ ھے،جو پرندوں کا پسندیدہ مسکن اور درختوں کا صوفی ھے، اور مختلف مذاہب اس درخت کو اپنی عبادات کا اہم جزو بھی سمجھتے ھیں،برگد کے فوائد لازوال ہیں پر ہمارے بڑوں کی یہ نشانیاں بہت کم رہ گئے ہیں،

برگد کے مشہور نام
برگد ، بڑ ،کبیر الاشجار، باسر، دوڑ ، درخت ریشہ اور انگریزی میں بینن ٹری ( banyan tree ) کہتے ھیں، اور
اسے عرف عام میں بوھڑ بھی کہا جاتا ھے، یہ ایک گھنا سایہ دار درخت ہوتا ھے، جس کی عمر ایک ہزار سال سے تجاوز کر جاتی ھے، گزرے زمانے میں بھارت اور پاکستان میں یہ درخت سڑکوں اور شاہراہوں کے کناروں پر عام تھا مگر اب ختم ہوتا جا رہا ھے اوراس پر توجہ بھی معدوم ہو گئی ھے ھمارے ملک کےتقریبا ھر دیہات میں پایا جاتا ھے اور اسے دیہات کا مرکزی درخت بھی کہا جاتا تھا جس کے نیچے چوپالیں لگائی جاتی تھیں، گپیں ہوتیں، قصے کہانیاں ، تعلیم و تربیت اور فیصلے سنائے جاتے مگر یہ ثقافت اور روایات اب ختم ھو چکیں ھیں، ہر انسان شارٹ کٹ اور وقت کی کمی کا بہانہ گو ہوتے ہوئے زندگی کے ان مزوں سے محروم ہو گیا ھے۔ اب جدید طرزِ زندگی اور مادہ پرستی کا اژدہا ہمارے سکون اور صحت مند زندگی کو نگلنے کیلئے بے تاب ھے،

برگد کا درخت جب ایک خاص عمر سے بڑا ہو جائے تو اس کی شاخوں سے ریشے جھک کر زمین میں مل جاتے ہیں اور درخت کی چوڑائی زیادہ ہو جاتی ھے، اسے ریش برگد (برگد کی داڑھی) کہا جاتا ہے۔ برگد کے پتوں یا نرم شاخوں سے دودھیا رنگ کا گاڑھا محلول نکلتا ہے جسے بوھڑ کا دودھ یا شیرِ برگد کہتے ہیں، جو قابض مغلظ اور مجفف تاثیرات رکهتا ھے، اگریہ جسم پر لگ جائے تو سیاہ نشان بناتا ھے اور اگر تھوڑی دیر ہوا میں رھےتو ربڑ کی طرح جم جاتا ھے۔ اس کے پتے سبز، پھل سرخ، اور ریشِ برگد(بوھڑ کی داڑھی) سرخی مائل،بھوری ہوتی ھے۔ پھل سرخ ہو تو مائل بہ شیرینی ہوتا ھے،اس درخت کا دودھ ، کونپلیں ، پھل، چھال اور داڑهی الغرض اس درخت کے سارے انگ ھی بطور دوا مستعمل ھوتے ھیں، اللہ پاک نے اس درخت میں انسانوں کے لیے بہت زیادہ فوائد پنہاں رکھے ہیں،
پنجاب میں برگد کا سینکڑوں سال پرانا درخت ھے پنجاب کے علاوہ دنیا کے تقریبا ہر علاقے میں پایا جاتا ہے
بزرگ لوگ کہا کرتے تھے کہ
" جہاں برگد کا درخت ہو وہاں نامردی کا مرض نہیں ہوتا اور جہاں مدار(آک) ہو وہاں ٹی بی نہیں ہوتی،،
بوھڑ کا دودھ (شیرِ برگد) اور پھل کے کئی ادویاتی استعمال ہیں جو قدیم چینی و ہندی طب میں ملتے ہیں۔ اس کے پتوں کو جلا کر زخم پر لگایا جاتا تھا۔ یہ استعمال ہندوستان اور چین کے علاوہ قدیم امریکہ میں بھی تھا۔ شیرِ برگد کو جنسی کمزوری کے لیے مثلاً سرعت انزال اور منی کے کم گاڑھا ہونے کے علاج کے طور پر قدیم زمانے سے استعمال کیا جاتا ہے۔ برگد کے حوالے سے نسخہ جات حاضر خدمت ھیں،۔۔
☆ برگ برگد، ریش برگد، کونپل برگد، اور چھال برگد ہر ایک 200 گرام ،
3 کلو پانی میں رات کو بھگو دیں صبح ہلکی آنچ پر جوش دیں جب پانی ایک تہائی رہ جائے مل چھان کر دوبارہ اگ پر رکھ دیں جب بلکل گاڑھا ھو جائے تو اتار کر اس میں
اسگند ناگوری، موصلی سفید انڈین ،جینسنگ،بیج بند، تخم لاجونتی، ھموزن 30گرام، کا سفوف شامل کر کے حب نحودی تیار کریں اور 2+2 صبح و شام نیم گرم دودھ سے استعمال کریں جریان، قلت منی، سرعت انزال،ضعف باہ اور جسمانی کمزوری کے لیے مفید ھے،
استاد الحکماءحکیم محمدعبداللہ صاحب نےاپنی کتاب کنزالمجربات میں برگد کے فوائد میں ایک نسخہ تحریر کرتے ھیں جو آپ دوستوں کی نظر کررھا ھوں،
ھوالشافی:: درخت برگد کا پھل ایک کلو‘ درخت برگد کی ڈاڑھی ایک کلو‘
درخت برگد کی تازہ اور سرخ سرخ ایک کلو ، درخت پیپل کا پختہ پھل ایک کلو
درخت پیپل کی سرخ سرخ کونپلیں ایک کلو‘ درخت پیپل کی ڈاڑھی ایک کلو،اور پانی8 سیر شامل کرکےمٹی کے گھڑے میں تین چار روز بھگو رکھیں۔ چار روز کے بعد لوھے کی کڑاھی میں نرم نرم آگ پر اس حد تک پکائیں کہ آدھا پانی جل کر آدھا باقی رہ جائے تو اتار لیں اور ٹھنڈا ہونے پر ہاتھوں سے خوب اچھی طرح مل کر کپڑے سے چھان لیں اور پھر اس پانی کو بہت ھی نرم آگ پر پکائیں جب پانی گاڑھا ہوجائے تو اس وقت اتار لیں، اورایک برتن میں پانی ڈال کر آگ پر رکھیں اور اس کے اوپر اس کڑاھی کو رکھ دیں تاکہ یہ دوا پانی کی بھاپ پر پکے اور پکتے پکتے افیون کی طرح گاڑھی ہوجائے اس وقت اس کو اتار لیں اور ٹھنڈا کریں اگر ٹھنڈا ہونے کے بعد گولیاں بننے کے لائق ہوجائے تو بہتر ورنہ پھر دھوپ میں چند روز رکھ کر خشک کرلیں اور پھر نخودی گولیاں بنالیں بس دوائے مطلوب بفضلہ تعالیٰ تیار ہے۔ ترکیب استعمال: ایک گولی سے 2 گولی ہمراہ نیم گرم دودھ سے صبح و شام۔ فوائد: جریان‘ احتلام‘ منی کا پتلا پن‘ جلد انزال ہوجانا‘ عضو میں پوری سختی نہ آنا‘ وقت پر دل دھڑکنا‘ نامردی سب کیلئے مفید ہے۔

01/03/2025

‏ادرک (Ginger Juice) -یہ خون کو پتلا کرتا ھے.
یہ درد کو قدرتی طریقے سے 90٪ تک کم کرتا هے.

لہسن (Garlic Juice)
اس میں موجود Allicin عنصر cholesterol اور BP کو کم کرتا ھے.
وہ دل کے بلوکج کو کھولتا ھے.

لیموں (Lemon Juice)اس میں موجود antioxidants، vitamin C اور potassium خون کو صاف کرتے ہیں.
یہ بیماری کے خلاف مزاحمت (immunity) بڑھاتے ہیں.۔
ایپل سائڈر سرکہ (Apple Cider Vinegar)*
اس میں 90 قسم کے عناصر ہیں جو جسم کے سارے اعصاب کو کھولتے ھیں، پیٹ صاف کرتے ہیں اور تھکاوٹ کو مٹاتے ہیں۔۔
ان مقامی یعنی چیزوں کو
اس طرح استعمال میں لایئں
1-ایک کپ لیموں کا رس لیں.
2-ایک کپ ادرک کا رس لیں.
3-ایک کپ لہسن کا رس لیں.
4 ۔ایک کپ ایپل apple سرکہ ان چاروں کو ملا کر دھيمي آنچ پر گرم کریں جب 3 کپ رہ جائے تو اسے ٹھنڈا کر لیں.اب آپ اس میں 3 کپ شہد ملا لیں.
روز اس دوا کے 3 چمچ صبح خالی پیٹ لیں جس سے سارے
ساری بلوکج ختم ہو جائیں گی.
یعنی شریانیں کھل جائینگی .
إن شاء اللہ
ذرا سوچیں کہ شام کے
7:25 بجے ھیں اور آپ گھر جا رہے ھیں وہ بھی بالکل اکیلے .
ایسے میں اچانک آپ کے سینے میں تیز درد ہوتا ہے جو آپ کے ہاتھوں سے ھوتا ہوا آپ
جبڑوں تک پہنچ جاتا ہے .
آپ اپنے گھر سے سب سے قریب ہسپتال سے 5 میل دور ہیں اور اتفاق سے آپ کو یہ سمجھ نہیں آ رہا کہ آپ وهاں تک پہنچ پائیں گے یا نہیں۔ .
آپ نے سی پی آر میں تربیت لی ہے مگر وہاں بھی آپ کو یہ نہیں سکھایا گیا کہ اس کو خود پر استعمال کس طرح کرنا ہے .

*ایسے میں دل کے دورے سے بچنےکے لئے یہ اقدامات کریں۔*
چونکہ زیادہ تر لوگ دل کے دورے کے وقت اکیلے ہوتے ہیں بغیر کسی کی مدد کے انہیں سانس لینے میں تکلیف ہوتی ہے. وہ بے ہوش ہونے لگتے ہیں اور ان کے پاس صرف 10 سیکنڈ ہوتے ہیں
*ایسی حالت میں مبتلا شخص زور زور سے کھانس کر خود کو عام رکھ سکتا ہے.*

ایک زور کی سانس لینی چاہئے ہر کھانسی سے پہلےاور کھانسی اتنی تیز ہو کہ سینے سے تھوک نکلے.
جب تک مدد نہ آئے یہ
عمل دو سیکنڈ کے وقفے سے دہرایا جائے تاکہ دھڑکن عام ہو جائے.
زور کی سانسیں پھیپھڑوں میں آکسیجن پیدا کرتی ہے اور زور کی کھانسی کی وجہ سے دل سكڑتا ہے جس سےخون باقاعدگی سےچلتا ہے.

08/02/2025

انار_پھلی. 🌵𝙋𝙧𝙞𝙘𝙠𝙡𝙮 𝙋𝙚𝙖𝙧 کے فوائد
پاکستان اور دنیا میں مقبول ہوتا ہوا پھل۔ جو عام طور پر پاکستان اور بھارت میں "انار پھلی" کے نام سے بھی جانا جاتا ہے۔

یہ پھل ذیابیطس کے مریضوں کا شافی علاج ہے۔ کوئی اسکو امراض قلب میں مفید بتاتا ہے۔ لیکن بہت کم لوگ جانتے ہیں کہ یہ پھل دراصل کس درخت یا پودے پر لگتا ہے؟ *یہ پھل دراصل کیکٹس کی ایک قسم ناگ پھنی کا پھل ہے*۔ ناگ پھنی انڈیا اور پاکستان میں عام پایا جانے والا کیکٹس ہے جس کو عربی میں زقوم اور دیسی زبان میں تھوہر بھی کہا جاتا ہے۔ اس کے تنے کی شکل ناگ کے پھن جیسی ہوتی ہے جس کی وجہ سے اس کو ناگ پھنی کا نام دیا گیا ہے۔ ان پر بےشمار بڑے اور چھوٹے کانٹے ہوتے ہیں۔ اس کے پھل مختلف شکل و شباہت کے ہو سکتے ہیں۔ انڈیا اور پاکستان میں اس کی ناگ پھنی والی ا قسام کثرت سے ہوتی ہیں جس کے پھل کا رنگ پکنے پر سرخ ہوتا ہے۔ اس پھل کو کھانے سے پہلے یہ احتیاط ضرور کرنی چاہیے کہ اس کا چھلکا اچھی طرح اتار دیا جائے۔
کراچی کے ایک مشہور ماہر امراض قلب کے معالج ڈاکٹر سید نے بھی اپنے ایک مضمون میں اس پھل کا ذکر کیا ہے جس میں انہوں نے ایک مریض کو اس کے پھل کو چھیل کر توے پر ہلکا سا سینک کر کھانے کا مشورہ دیا تھا۔

انار پھلی (Prickly Pear) کے فوائد:

🌵 قوت مدافعت میں اضافہ – وٹامن C اور اینٹی آکسیڈنٹس سے بھرپور ہے۔

🌵 نظام ہاضمہ کے لیے مفید – فائبر کی زیادہ مقدار قبض دور کرنے میں مدد دیتی ہے۔

🌵 بلڈ شوگر کنٹرول – ذیابیطس کے مریضوں کے لیے مفید مانا جاتا ہے۔

🌵 دل کی صحت – کولیسٹرول کو کم کرنے میں مددگار ثابت ہوتا ہے۔

🌵 جلد اور بالوں کے لیے فائدہ مند – اس میں موجود وٹامنز جلد کو چمکدار اور بالوں کو مضبوط بناتے ہیں۔

🌵 کولیسٹرول گھٹانے کیلئے مفید ہے۔

🌵 دل کی شریانیں کولیسٹرول کی زیادتی کی وجہ سے تنگ ہو گئی ہوں، یا بلڈ پریشر کی شکایت ہو یا انجائنا کے مریض، ان کیلئے بہت مفید ہے۔

🌵 مغرب میں اس کا استعمال نشے کی زیادتی دور کرنے کیلئے صدیوں سے استعمال ہو رہا ہے ۔ بہت زیادہ شراب نوشی کے بعد ہوش و حواس گم ہونے اور سر درد دور کرنے کے لیے یہ ایک تیر بہدف دوا سمجھی جاتی ہے۔

🌵 خون کی وریدوں کو مضبوط کرتی ہے۔

🌵 الزائمر کا خطرہ کم کرتی ہے۔

🌵 وزن میں کمی کی کوششوں میں مدد گار ہے۔

🌵 جسم میں سوجن کو ختم کرتی ہے۔

🌵 وائرل انفیکشن سے لڑنے کے لیے استعمال کیا جاتا ہے۔

🌵 اس کے دیگر فوائد میں جسم کے مدافعتی نظام کو تقویت دینا، ہڈیوں اور بافتوں کو مضبوط بنانا، بڑھتی عمر کے ساتھ ہڈیوں اور مہروں کی بیماریوں اور کمزوری سے بچانا، *خون کی پیداوار میں اضافہ* کرنا، خون کی شریانوں کی لچک اور مضبوطی میں اضافہ کرنا، (اگر غور سے اس پھل کو دیکھیے تو اس کے شکل کافی حد تک دل سے مشابہ ہوتی ہے)، ہائی بلڈ پریشر اور کولیسٹرول میں کمی، دل کے دورے سے بچاؤ، کینسر کا علاج اور کینسر سے بچاؤ. اینٹی اوکسیڈنٹ، جوڑوں اور پٹھوں کی سوزش۔ خاص طور پر امراض قلب کے لیے بہت مفید ہے۔

🌵 یعنی اگر اسکے مجموعی فوائد پر ایک نظر ڈالی جائے تو یہ انسانی جسم کے لیے ایک بہترین ٹانک ہے، خاص طور پر تیس اور چالیس سال کی عمر کے بعد پیدا ہونے والی بیماریوں اور پیچیدگیوں سے بچاؤ کیلئے اسکا استعمال انتہائی مفید ہے، کیونکہ اسکا پھل سارا سال دستیاب نہیں ہوتا لہذا اسکی بنی ہوئی گولیاں یا کیپسول مستقل استعمال کر کے فائدہ اٹھایا جا سکتا ہے۔ مقامی فارما کمپنیز کو بھی اس کی طرف توجہ دینی چاہیے کیونکہ ناگ پھنی ہمارے ملک میں بکثرت دستیاب ہے اور اس کے فوائد کے پیش نظر اگر مقامی طور پر اس کے پھل سے گولیاں، کیپسول اور شربت تیار کیا جائے تو مریضوں کو بھی فائدہ ہوگا اور منافع بھی کمایا جا سکتا ہے۔ یورپ اور امریکہ میں تیار کردہ پرکلی پیئر کی تیار کردہ گولیاں بہت بک رہی ہیں۔

اس کے ایکسٹریکٹ کی بنی گولیاں اور کیپسول بھی ایک زمانے میں جرمنی اور امریکہ سے آتے تھے۔ ہو سکتا ہے کہ اب بھی دستیاب ہوں۔ اس کے لیے کسی بڑے ڈیپارٹمنٹل اسٹور کی فارمیسی کو دیکھنا چاہیے۔

دلچسپ بات یہ ہے کہ چھتر تھوہر ایک ایسا پودا ہے جو جھاڑیوں کی طرح خود بخود اگتا ہے اور بغیر کسی دیکھ بھال کے پھل پھول دیتا ہے. یہ ہر طرح کی کمزور اور قدرے کلر اٹھی زمینوں میں بھی کامیابی سے پرورش پاتا ہے. سخت سردی اور سخت گرمی اس کا کچھ نہیں بگاڑ سکتی. یہ اپنے پتوں میں اپنی ضرورت کا پانی محفوظ کرنے کی صلاحیت رکھتا ہے اور کئی کئی ماہ پانی کے بغیر گزار لیتا ہے.
یہ پھل عام طور پر ریڑھیوں پر فروخت کیا جاتا ہے اور اس کا ذائقہ ہلکا میٹھا اور خوش ذائقہ ہوتا ہے۔

31/01/2025

ترپھلا ( آ ملہ، ھریڑ، بہیڑہ )کی چائے ..
ڈاکٹرز سے تاحیات نجات

اجزاء :
ترپھلہ کا سفوف آدھی چمچ
پانی ڈیڑھ کپ
شہد ایک چمچ

ترکیب و خوراک :
پانی میں ایک چمچ ترپھلہ کا سفوف ڈالکر ابال کر چھان کے شہد ملا کے صبح نہار منہ گھونٹ گھونٹ کر پئیں.

اسکے دو سو سے زائد فوائد ھیں چند درج زیل ھیں :-
*جسم میں زائد رطوبتیں جمع ھونا
*بالوں کا قبل از وقت سفید ھونا
*جسم میں صفراء کا جمع ھونا
*جسم میں گلٹیاں بننا
*جلد کا بگڑنا پھوڑے پھنسیاں زخم بننا
*قبض کا مستقل رہنا
*معدے کا کام نہ کرنا
*آنتوں کی خشکی
*بلغم کیرہ نزلہ
*صفراوی موٹاپا
*کولیسٹرول بڑھنا
*یورک ایسڈ بڑھنا
*داڑھی کے بال سفید ھونا
*منہ پہ جھریاں سیاہیاں کیل مہاسے ھونا
*عضو خاص کی کمزوریاں
*جریان
*لیکیوریا
*رحم کے تمام مسائل
*پیشاب کے تمام امراض
*سوزاک
*آتشک
*گردے مثانے پتے کی پتھریاں
*نظر کی کمزوری
*مثانے کی کمزوری
*پراسٹیٹ گلینڈ کا بڑھنا
*ہائیپر ھونا
*دماغی کمزوری
*سٹریس
*ٹینشن
*جسمانی کمزوری
*پیشاب کی جلن
*عورتوں کے جملہ امراض مخصوصہ
*نقاہت
*چکر آنا
*بیہوشی
*غشی
*جسمانی دردیں
*بلڈ پریشر ھائی لو
*گردوں کی صفائی
*جگر کی مضبوطی
*جسم سے بلغم کا خاتمہ
*کمردرد
*پٹھوں کا درد
*لنگڑی کا درد
*کمردرد
*قوت مدافعت میں کمی

* ترپھلہ کیا ہے ؟

( آملہ + بہیڑہ +ھریڑ )
ترپھلہ ازحد مفید چیز ھے جو طب یونانی کے مایہ ناز نسخوں کا جزواعظم ھے. یہ لفظ " تری پھلہ " سنسکرت کا ھے جسکا مطلب ھے تین پھل ، جب عرب کے اطبا نے اسکو استعمال کرنا شروع کیا تو اسکو معرب کر کے "اطریفل" کا نام دیا. پہلے ھم الگ الگ تینوں کا جائزہ لیں گے پھر اسکے مجرب اور آزمودہ مرکبات پر بات ھوگی.

1. آملہ ( آنولہ ) :-
اعصاب کیلئے مقوی ھے. دل اور دماغ کیلئے مفرح ھے. معدہ کو طاقت دیتا ھے. نظر کو بڑھاتا ھے. مسوڑھوں کو مضبوط کرتا ھے. بالوں کی سیاھی کو قائم رکھتا ھے اور پیچش کو فائدہ مند ھے. اسکا مضر اثر بہت کم ھے پھر بھی دودھ ، شہد اور روغن بادام اسکی مضرت کو ختم کرنے کیلئے ساتھ استعمال کیئے جاتے ھیں.

2. بہیڑہ ( بلیلہ ) :-اسکا مزاج سرد اور خشک ھے. بلیلہ کو اکیلا بہت کم استعمال کیا جاتا ھے. اسکی مضرت کو ختم کرنے کیلئے شہد اور دیسی گھی استعمال کیا جاتا ھے

3. ھریڑ ( ھرڑ ، ھلیلہ ) :-اسکا مزاج سرد اور خشک ھے. مقوی دماغ، اعصاب، معدہ، مثانہ، سر کے چکر اور آنکھوں کیلئے مفید ھے. جاذب رطوبات ھے. بلغمی اور سوداوی مادوں کو خارج کرتی ھے. مختلف ترکیبوں سے بیسیوں بیماریوں میں فائدہ کرتی ھے.

ترپھلہ آملہ، ھرڑ اور بلیلہ کے برابر وزن سفوف کو جب بھی کسی جگہ استعمال کرنا ھو تو اسکے سفوف کو روغن بادام یا دیسی گھی سے چرب ضرور کر لیا کریں تاکہ اسکی خشکی ختم ھو جائے.

24/01/2025

املتاس : ( گرد نلی ) Cassia fistula ۔۔۔۔۔
لچھے دار پھولوں اور طبی افادیت سے بھر پور درخت
اور اس کے انگنت فوائد۔۔۔

املتاس جسے عرف عام میں شاہی درخت اور راجہ تارو بھی کہا جاتا ہے زمانہ قدیم ہی سے صحت کے لئے مفید قرار دیا گیا ہے پاکستان میں املتاس کا درخت عام پایا جاتا ہے اس کے پھل پتے جڑیں اور تنے سب ہی بے پناہ افادیت کی حامل ہیں ۔۔۔۔
مثلاً فالج کے مریضوں کے لئے پتوں کا رس اور مالش مفید ہے اس کے علاوہ پتے سوجن درد اور حدت دور کرتے ہیں زکام میں املتاس کی جڑیں جلا کر اس کا دھواں سونگھنے سے فاسد مادے خارج ہو جاتے ہیں کھانسی سے نجات کے لئے املتاس کی پھلی سے سیاہ ٹکیاں نکال کر چوسنے سے افاقہ ہوتا ہے بچوں کو اگر اپھاڑے کی شکایت ہو جائے تو اس کا گودا پیس کر عرق بادیاں میں ملا کر ناف کے چاروں طرف اور پیٹ کے نچلے حصے پر لیپ کرنے سے آرام و سکون ملتا ہے
ریاح کی تکلیف میں مبتلا بچوں کے لئے املتاس کا گودا ناف کے گرد باندھنے سے شفا ملتی ہے
السی یا بادام کے تیل میں ملا کر پیٹ پر مالش کرنے سے پاخانہ جاری ہو جاتا ہے املتاس کا گودا زبان کی حس ذائقہ ختم ہونے پر بہت مفید ہے اس کیفیت کے لئے 24 گرام گودے کا ایک چوتھائی گرم دودھ میں ملا کر ماؤتھ واش کرنے سے افاقہ ہوتا ہے

املتاس کے پتوں کا عرق جگر کے عارضے میں مفید ہے۔

املتاس کی پھلیوں کا عرق بخار اتارنے میں نہائیت مفید ہے۔

املتاس کا عرق کھانسی کے علاج کے لئے استعمال کیا جاتا ہے۔

املتاس کے پتوں کا عرق اینٹی آکسیڈ نٹ ہے۔ اس کا مطلب یہ ہے کہ یہ آپ کو چاق و چابند رکھنے کے ساتھ ساتھ آپ پر بڑھاپے کے آثار جلدی نمایاں نہیں ہونے دیتا۔

املتاس کی چھال کا عرق جسم کے کسی بھی حصے میں ہونے والی شوزش کو آرام پہنچانے کے لئے نہائیت مفید ہے۔

املتاس کے پتوں کا عرق زخم پر لگانے سے زخم بہت جلد مندمل ہو جاتا ہے۔

املتاس کی پھلیوں کا عرق کولیسٹرول سمیت جسم میں نقصان دہ چربی کا خاتمہ کرتا ہے۔

املتاس کے بیج کا عرق کینسر کے خلیات کم کرنے میں مدد گار ہے۔

املتاس کی چھال اور بیج کا عرق شوگر کے مرض میں مفید ہے۔ یہ خون میں شوگر کی مقدار کم کرنے میں مدد گار ہے۔

اسی طرح املتاس کا عرق پیراسائٹس سے پیدا ہونے والی بیماریوں میں شفا دیتا ہے۔

وچارچیکا جلد کی ایک ایسی بیماری ہے جس کی وجہ سے جلد پر مسلسل خارش سی محسوس ہوتی رہتی ہے۔ میڈیکل سائنس میں ابھی تک اس کا کوئی مستقل علاج نہیں ہے۔ البتہ املتاس کے ذریعے اس بیماری سے بڑی حد تک آرام حاصل کیا جا سکتا ہے۔

املتاس کے پتوں کا عرق معدے کے السر میں خاصا مفید ہے۔

املتاس کے پتوں کا عرق مانع حمل ہے جو مانع حمل گولیوں اور انجکشن کا متبادل ہو سکتا ہے۔

املتاس کا عرق حشرات کے انڈے اور لاروے تلف کرنے کی بھی صلاحیت رکھتا ہے لہذا اسے زرعی زہروں کے متبادل کے طور پر بھی دیکھا جا سکتا ہے۔

املتاس کا عرق قبض کشا ہے۔

مجھے امید ہے کہ پاکستان کے طبی و دیگر ماہرین اس درخت کی گوناگوں افادیت کو محسوس کرتے ہوئے اسے تحقیق کا موضوع بنائیں گے تاکہ اس اہم درخت کو بنی نوع انسان کی فلاح و بہبود کے لئے استعمال کیا جا سکے

املتاس کے اوپر درج کئے گئے فوائد کو اپنے معالج کے مشورے کے بغیر مت آزمائیں۔ اللہ تعالی آپ کو صحت اور جملہ نعمتوں سے نوازے۔

املتاس (Cassia fistula) ایک جڑی بوٹی ہے جو کئی صحت کے فوائد فراہم کرتی ہے۔ اس کے فوائد درج ذیل ہیں:

1. ہاضمہ کی بہتری: املتاس کا استعمال قبض اور دیگر ہاضمے کی مشکلات کے علاج کے لئے کیا جاتا ہے۔ اس میں موجود فائبر ہاضمے کو بہتر بناتا ہے اور آنتوں کی صفائی میں مددگار ثابت ہوتا ہے۔

2. خون کی صفائی: املتاس خون کی صفائی کے عمل میں مدد کرتا ہے اور جسم سے زہریلے مادوں کو نکالنے میں معاون ہوتا ہے۔

3. جلد کے لئے مفید: املتاس کا جوس یا پاؤڈر جلد کی بیماریوں جیسے کہ چھائیوں، داغوں اور کیل مہاسوں کو کم کرنے میں مددگار ثابت ہوتا ہے۔

4. دل کی صحت: املتاس میں موجود اینٹی آکسیڈنٹس دل کی صحت کو بہتر بناتے ہیں اور خون کی روانی کو بہتر کرتے ہیں۔

5. درد میں آرام: املتاس میں قدرتی درد کش ہونے کی خصوصیت پائی جاتی ہے، جو جسم کے مختلف حصوں میں درد کو کم کرنے میں مدد دیتی ہے۔

6. مدافعتی نظام کی مضبوطی: اس میں وٹامن سی اور دیگر اہم غذائیتیں موجود ہیں جو مدافعتی نظام کو مضبوط کرتی ہیں اور بیماریوں سے لڑنے کی طاقت دیتی ہیں۔

7. کینسر سے بچاؤ: املتاس میں موجود اینٹی کینسر خصوصیات اس کے استعمال کو کینسر سے بچاؤ میں مفید ثابت کرتی ہیں۔

8. وزن میں کمی: املتاس کا استعمال جسم سے اضافی چربی کم کرنے میں مددگار ثابت ہوتا ہے۔

یہ فوائد املتاس کے مختلف حصوں جیسے پھول، پتوں اور بیجوں کے استعمال سے حاصل کئے جا سکتے ہیں، تاہم اس کا استعمال ماہر کے مشورے سے کرنا ضروری ہے۔

30/05/2024

پیلو (آدم خور درخت یا جال کا درخت) کیلشیم سے بھرپور یہ درخت برصغیر میں اکثر ویرانوں، شور زدہ زمین اور قبرستانوں میں زیادہ پایا جاتا ھے۔ قبرستانوں میں انسانی زندگیاں ختم ھوئیں اور انکی ھڈیوں سے کثیر مقدار میں کیلشیم زمین کے اندر شامل ھو گیا تو یہ وھاں جھاڑیوں یا درخت کی شکل میں کثیر تعداد میں پائے جاتے ھیں۔
اسکا پھل کھانے کے کام آتا ھے اور مختلف رنگ و اقسام کی شکل میں موجود ھوتا ھے
اسکی لکڑی اور خصوصآ اسکے پتے دانتوں کے امراض میں ازحد مفید ھیں
یاد رکھیئے کہ مسواک ھمارے آقا نبی کریم محمد صلی اللہ علیہ والہ وسلم کی سنت ھے
مسوڑوں سے خون بہنا، مسوڑوں کی سوجن دانتوں کی پیلاہٹ میں یہ ازحد مفید ھے
دائمی ریشہ، بلغم اور نظر کی تیزی کیلئے بہترین علاج ھے
حتی کہ ناک کی ھڈی بڑھی ھو تو اسکا متواتر مسواک بہت فائدہ دیتا ھے
معدہ کی خرابی اور کھانا ھضم کرنے کیلئے اسکا مسواک کرنا چاھئیے
اسکے مسواک ست نظر تیز درد سر اور عقل بڑھتی ھے
زبان پھٹی پھٹی رہتی ھو تو اسکا تواتر سے مسواک کرنا مفید ترین ھے
غرض ENT کا سب نظام اس پیلو کے درخت سے جڑا ھوا ھے

30/05/2024

السلام و علیکم ورحمة اللہ وبرکاتہ
محترم ڈیڑھ کلو دودھ ڈیڑھ کلو پانی شامل کرکے اسٹیل کے برتن میں ڈالکر گندھک کو دردرا کرکے چنے برابر دال برابر درمیانی مناسب آنچ پر پکاتے رہیں گندھک چاہے ایک کلو شامل کرلیں پک پک کر جب آدھا کلو تین پاؤ دودھ رہ جائے اس میں پھر دو اڑھائی کلو پانی شامل کردیں جب پھر آدھا کلو تین پاؤ دودھ رہ جائے ایک بار پھر دو اڑھائی کلو پانی ڈالکر پکاتے رہیں پک یک کر پانی سیاہ ہوجائے گا جب تھوڑا دودھ باقی رہے تو ٹھنڈا پانی ڈالکر ابالیں اور گندھک سے دودھ پانی سب انڈیل دیں پھر دو تین بار پانی میں ابال کر دھو لیں ایسی صاف شفاف گندھک ملے گی دل خوش ہوجائے گا
یہ جو لوگ دودھ میں بجھاؤ دیتے ہیں اس سے گندھک کی صحت پر کوئی اثر نہی پڑتا فضول کام ہے اصل کام دودھ میں گندھک کو مدبر کرنے کا طریقہ یہ ہے
شکریہ
منجانب طیب الحق مرزا''''''''''''

07/11/2023

نیلا تھوتھا (Copper Sulphate)
بظاہر تو یہ ایک زہر ھے مگر اسکو اگر ڈرگ مافیا استعمال کروائے تو جائز ھے مگر حکیم کروائے تو گردے فیل ھو جاتے ہیں جیسا کہ کشتہ فولاد اگر حکیم دے تو غلط لیکن آئرن سپلیمنٹ ڈاکٹر دے تو جائز ھے
سلفر اگر حکیم دے تو غلط مگر ایلوپیتھی میں اس وقت 90 فیصد دوائیں سلفر گروپ کی آرہی ہیں۔
دراصل ایک دور تھا جب انسان اس علم سے محتاج تھا مگر اب ایک کلک پر گوگل سب کچھ بتا دیتا ھے ، پچھلے ساٹھ سال میں طب کو خوب بدنام کیا گیا مگر شاید اب ایسا ممکن نہ ھو کیونکہ اب سوشل میڈیا کا دور ھے ۔
کچھ لوگ اب بھی ہیں جو حکیم سے تو دوا لینے سے پہلے ہزار سوال پوچھیں گے اور گارنٹی مانگیں گے مگر ڈاکٹر کی دی ھوئی زہر پہ کوئی سوال نہیں ھوگا اور ڈاکٹر ڈیکاڈرون جیسا زہر کا انجیکشن لگا کر بھی داد وصول کرتا ھے ۔
ڈاکٹر دل کے علاج کے لیئے 16 لاکھ لے تو کوئی مسئلہ نہیں مگر حکیم دس ہزار کہہ دے تو گناہ کبیرہ
ڈاکٹر مہروں کے آپریشن کا 6 لاکھ کہہ دے تو کوئی مسئلہ نہیں مگر حکیم 6 ہزار کہہ دے تو جناب قیامت آجاتی ھے
المختصر یہ کہ کشتہ جات جب تیار کیئے جاتے ہیں تو انکے ذیلی اثرات ختم ھو جاتے ہیں اور انکو طب قدیم کے طریقہ کے مطابق استعمال کیا جاتا ھے ۔
کشتہ نیلا بیرونی زخموں کے لیئے ،فنگس انفیکشن کے لیے بھی استعمال کیا جاتا ھے اور خاص قسم کے کشتہ تیار کر کے خون میں انفیکشن اور زہر کو ختم کرنے کے لیئے بھی استعمال کرایا جاتا ھے ، سوزاکی زہر کا بہترین علاج ھے، بگڑے ھوئے سوزاک کو چند یوم میں ختم کر دیتا ھے اور اگر سوزاکی زہر پرانا ھو اور بلڈ میں شامل ھو تو پھر مکمل نسخہ کے ساتھ اسکا استعمال کرایا جائے تو بہت مفید ھے۔
اسکا تیل حاصل کر کے شوگر کے بگڑے ھوئے زخم پہ لگایا جاتا ھے جس سے جسم کا حصہ کاٹنے سے بچ جاتا ھے !!!!!

27/10/2023

*ناف ( Navel ) اللہ سبحان و تعالیٰ کی طرف سے ایک خاص تحفہ*
62 سال کی عمر کے ایک بوڑھے آدمی کو لیفٹ آنکھ سے صحیح نظر نہیں آ رہا تھا - خاص طور پر رات کو تو اور نظر خراب ھو جاتی تھی ۔
ڈاکٹروں نے انہیں بتایا کہ آپ کی آنکھیں تو ٹھیک ہیں -
بس ایک پرابلم ھے - کہ جن رگوں سے آنکھوں کو خون فراہم ھوتا ھے - وہ سوکھ گئی ہیں ۔
سائنس کے مطابق سب سے پہلے اللہ کی تخلیق انسان میں ناف بنتی ھے - جو پھر ایک کارڈ کے ذریعے ماں سے جڑ جاتی ھے ۔ اور اس ہی خاص تحفے سے جو باظاہر ایک چھوٹی سی چیز ھے - ایک پورا انسان فارم ھو جاتا ھے ۔ سبحان اللہ
#ناف کا سوراخ ایک حیران کن چیز ھے. : - ☆
سائنس کے مطابق ایک انسان کے مرنے کے تین گھنٹے بعد تک ناف کا یہ حصہ گرم رہتا ھے - وجہ اس کی یہ بتائی جاتی ھے - کہ یہاں سے بچے کو ماں کے ذریعے خوراک ملتی ھے ۔ بچہ پوری طرح سے 270 دن میں فارم ھو جاتا ھے - یعنی 9 مہینے میں ۔
یہ وجہ ھے - کہ ہماری تمام رگیں اس مقام سے جڑی ھوتی ہیں ۔ اس کی اپنی ایک خود کی زندگی ھوتی ھے ۔
پیچوٹی ناف کے اس سوراخ کے پیچھے موجود ھوتی ھے . جہاں تقریبا 72،000 رگیں موجود ھوتی ہیں ۔ ہمارے جسم وجود رگیں - اگر پھیلائی جائیں تو زمین کے گرد دو بار گھمائی جا سکتی ہیں ۔
#علاج .: - ☆
آنکھ اگر سوکھ جائے - صحیح نظر نا آتا ھو -
پتہ صحیح کام نا کر رہا ھو - پاؤں یا ھونٹ پھٹ جاتے ھوں - چہرے کو چمک دار بنانے کے لیے - بال چمکانے کے لیے - گھٹنوں کے درد - سستی - جوڑوں میں درد، سکن کا سوکھ جانا -
#طریقہ علاج .: - ☆
آنکھوں کے سوکھ جانا - صحیح نظر نہیں آنا - گلونگ کھال اور بال کے لیے روز رات کو سونے سے پہلے تین قطرے خالص دیسی گھی کے یا ناریل کے تیل کے ناف کے سوراخ میں ٹپکائیں اور تقریبا ڈیرھ انچ سوراخ کے ارد گرد لگائیں ۔
گھٹنوں کی تکلیف دور کرنے کے لیے تین قطرے ارنڈی کے تیل کے تین قطرے سوراخ میں ٹپکائیں اور ارد گرد لگائیں جیسے اوپر بتایا ھے ۔
کپکپی اور سستی دور کرنے کے لیے اور جوڑوں کے درد میں افاقہ کے لیے اور سکن کے سوکھ جانے کو دور کرنے کے لیے سرسوں کے تیل کے تین قطرے اوپر بتائے گئے طریقے کے مطابق استعمال کریں -
#ناف کے سوراخ میں تیل کیوں ڈالا جائے - ☆
ناف کے سوراخ میں اللہ نے یہ خاصیت رکھی ھے -
کہ جو رگیں جسم میں اگر کہیں سوکھ گئی ہیں -
تو ناف کے ذریعے ان تک تیل پہنچایا جا سکتا ھے ۔
جس سے وہ دوبارہ کھل جاتی ہیں -
بچے کے پیٹ میں اگر درد ھو تو ہینگ پانی اور تیل میں مکس کر کے ناف کے ارد گرد لگائیں چند ہی منٹوں میں ان شاءاللہ اللہ کے کرم سے آرام آ جائے گا ۔
#تناو کی کمی کے لئے ناف میں : - ☆
آب پیاز بیس گرام -
روغن ذیتون آدھ پاو -
میں جلا کے لگانے سے یہ مسلہ حل ھو جاتا ھے -
ناف کے اندر اور باہر مالش کرنے سے -
#برائے کان کے لئے : - ☆
کانوں میں سائیں سائیں کی آواز آتی ھو -
تو سرسوں کے تیل پچاس گرام میں تخم ہرمل دو عدد پیس کر ناف میں پندرہ دن لگانے سے سائیں سائیں کی آواز آنا ختم ھو جاتی ھے ۔
#قوت سماعت کے لئے : - ☆
قوت سماعت کی کمی دور کرنے کے لئے -
سرسوں کے پچاس گرام تیل میں دار چینی پیسیں -
بیس گرام جلا کے وہ تیل ناف میں لگانے سے قوت سماعت میں بہتری آتی ھے ۔
#پیٹ کا پھولنا : - ☆
پچاس گرام سرسوں کے تیل میں بیس گرام کلونجی کا تیل ملا کے ہلکا گرم کر کے ٹھنڈا کر کے لگانے سے دو ماہ میں پیٹ کنٹرول ھو جاتا ھے ☆
بڑا قبض کشا نسخہ ھے -
اگر نہانے کے بعد روغن زیتون ناف میں لگا دیں -
اور مزے کی بات یہ کہ الرجی اور زکام نہیں ھوتا -
دعاؤں کا طالب:
حکیم فیض علی دلشاد ( فاضل الطب والجراحت)
+92 3016962311 , +92 3366962311

23/10/2023

سرسوں کے ساگ میں قوت اور صحت کا خزانہ چھپا ہے، قدرت نے اس میں ذائقے کے ساتھ ساتھ شفاء بھی رکھی ہے۔

نرم و گداز گندلوں کا تازہ تازہ پکا ہوا ساگ ہو، مکھن اور مکئی یا باجرے کی روٹی بھی ساتھ ہو تو کھانے کا مزہ دوبالا ہوجاتا ہے، ساگ میں جب مکھن ڈال کر کھایا جائے تو اس کا اپنا ہی مزہ ہوتا ہے ۔
سرسوں کے ساگ میں کیلشیم، آئرن اور وٹامن وافر مقدار میں ہوتے ہیں جو خون بنانے کے ساتھ ساتھ بھوک میں بھی اضافہ کرتے ہیں۔

ساگ میں کیلشیئم، سوڈیم، کلورین، فاسفورس، فولاد، پروٹین جسم کو نشو نما دینے والے اجزاء اور وٹامن اے، بی اور ای کافی مقدار میں پائے جاتے ہیں.

ساگ کے بارے میں یہ بات یاد رکھنے کے قابل ہے کہ ساگ اور دودھ بڑی حد تک ایک دوسرے کا بدل ہیں اور ساگ جسم میں بڑی حد تک دودھ کی کمی پورا کرسکتے ہیں۔

16/10/2023

ککروندا(Dandelion) ایک معجزاتی پودا ہے،جو پاکستان بھرمیں خودرو اگتا ہے اور جس کو ہم بیکار جڑئی بوٹی سمجھ کر کاٹ پھینکتے ہیں۔ لیکن ترقی یافتہ ممالک میں اسے فائیو سٹار ہوٹلوں میں سلاد کے ساتھ پیش کیا جاتا ہے۔ یہ خوش ذائقہ پودا اپنے اندر کینسر کے مرض کے خلاف معجزاتی فوائد رکھتا ہے۔یہ قوت مدافعت بڑھاتا ہے، جگر کو مضبوط کرتا ہے۔

ککروندا میں پائے جانے والے کیمیائی اجزا: طاقتور اینٹی آکسائیڈینٹ خوبیوں سے بھرپور ککروندا وٹامنز، منرلز اور کھانے والی فائبر کا خزانہ ہے۔اس میں وٹامن کے، وٹامن اے، وٹامن سی، وٹامن ای اور وٹامن بی کے علاوہ فولیٹ پائی جاتی ہے۔ اس پودے کی جڑیں حل پزیر ڈائٹری فائبر سے بھر پور ہوتی ہیں۔

ککروندا کے طبی فوائد:

ککروندا کی جڑ میں کینسر کا علاج: اس پودے کی جڑیں کینسر کے خلیوں کو ختم کر دیتی ہیں اور دوسرے خلیوں کی حفاظت کرتی ہیں۔ کینیڈا کی ونڈسر یونیورسٹی کے کیمسٹری اور بائیو کیمسٹری کے ڈیپارٹمنٹ کے محققین کے تجرباتی مطالعہ سے معلوم ہوا کہ اس پودے کی جڑیں ٹیومر کے خلیوں کو نکال دیتی ہیں اور جن خلیوں کو بچانا ہے ان کی حفاظت بھی کرتی ہیں۔ ان کی تحقیق کے مطابق کیمو تھراپی سے زیادہ اچھی دوا ککروندا(Dandelion)کی جڑیں ہیں۔

Faiz Ul Hikmat

11/07/2025

05/07/2025

01/03/2025

08/02/2025

31/01/2025

24/01/2025

30/05/2024

30/05/2024

07/11/2023

27/10/2023

23/10/2023

16/10/2023

Address

Telephone

Website

Alerts

Shortcuts

Share

Category