Dr. Naureen_kanwal

27/09/2025

🩸 ایک ان دیکھی موت کی کہانی

گاؤں کی شازیہ صرف 20 سال کی تھی جب وہ ماں بننے والی
تھی۔
غربت اور لاعلمی کی وجہ سے اس نے کبھی اینٹینیٹل چیک اپ نہیں کروایا۔جب وہ کمزوری اور چکر آنے کی شکایت کرتی تو گھر والے کہتے:یہ تو حمل میں سب کو ہوتا ہے۔ آرام کرو، ڈاکٹر کے پاس جانے کی ضرورت نہیں۔”

اسے بار بار یہی سمجھایا گیا کہ گوشت، انڈے، دودھ اور کھجور جیسی غذائیں “گرم چیزیں” ہیں، اور یہ ماں اور بچے کو نقصان پہنچاتی ہیں۔یوں شازیہ کا کھانا صرف روٹی، چائے اور کبھی کبھار دال تک محدود رہا۔
مہینے گزرتے گئے اور اس کے جسم میں خون کی کمی (Anemia) بڑھتی گئی۔کسی نے یہ نہ سوچا کہ یہی کمی ایک دن جان لے سکتی ہے۔

زچگی کے وقت جب زیادہ خون بہنے لگا تو دائی کچھ نہ کر سکی۔
شازیہ کو اسپتال لے جایا گیا، مگر اس کا جسم پہلے ہی اتنا کمزور تھا کہ وہ زندہ نہ رہ سکی۔ایک اور ماں خاموشی سے موت کے حوالے ہوگئی۔💁🏻‍♀️
یاد رکھنے” ہر حاملہ عورت کا اینٹینیٹل چیک اپ لازمی ہے۔
•آئرن اور متوازن غذا (گوشت، سبزیاں، پھل، دودھ) حمل کے دوران بہت ضروری ہیں۔
• “گرم چیزیں نقصان کرتی ہیں” ایک خطرناک غلط فہمی ہے، جو ماؤں کی جان لے رہی ہے۔

💡 آئیں اپنے گھروں اور دیہات میں یہ پیغام پھیلائیں:
“ماں کو صحت مند رکھنا، ایک نئی زندگی بچانا ہے۔
ڈاکٹر نورین کنول

27/09/2025

26/09/2025

نزہت صرف 34 سال کی تھی۔ گھر کی جان، بچوں کے لیے مسکراہٹ، اور شوہر کے لیے سہارا۔ لیکن کچھ عرصے سے وہ ایک عجیب اذیت سہہ رہی تھی — بدبو دار رطوبت (dirty, smelly discharge)، بار بار خون آنا، اور کمر کا مستقل درد۔

وہ سوچتی رہی کہ یہ کوئی عام مسئلہ ہوگا۔ لیکن جب برداشت مشکل ہو گیا، تو اسپتال پہنچی۔ ڈاکٹر نے کہا:
“ہمیں ایک ٹیسٹ کرنا ہوگا جسے پاپ اسمیئر یا سیسی ولا ٹیسٹ کہتے ہیں۔ یہ ٹیسٹ cervix (رحم کے منہ) کی جانچ کے لیے ہے۔”

رپورٹ آنے پر ڈاکٹر نے خاموشی سے نظریں جھکا لیں، پھر آہستہ بولا:
“نزہت… آپ کو Cervical Cancer ہے۔”

نزہت کی آنکھوں میں آنسو بھر آئے۔ اس کے لب کپکپا گئے:
“کاش میں نے اپنی علامات کو سنجیدہ لیا ہوتا… کاش میں نے یہ ٹیسٹ پہلے کروا لیا ہوتا۔”

اس نے اپنی سہیلیوں اور رشتہ داروں کو روتے ہوئے نصیحت کی:
“بہنوں! اپنی صحت کو کبھی نظر انداز نہ کرو۔ یہ ٹیسٹ صرف چند منٹ لیتا ہے، مگر زندگی بچا سکتا ہے۔”

ڈاکٹر نے بھی کہا:
“یاد رکھیں، Cervical Cancer زیادہ تر HPV وائرس کی وجہ سے ہوتا ہے۔ اس کے بچاؤ کے لیے HPV ویکسین بہت ضروری ہے۔

26/09/2025

25/09/2025

Honoured to be invited as a guest speaker at the District Education Authority meeting in Okara to address queries and provide clarity regarding the implementation of HPV vaccination directions. Together, the Health and Education Departments make a difference. The Expanded Programme on Immunization - Pakistan

24/09/2025

🌸 سرویکل کینسر سے بچاؤ – ہماری بیٹیوں کا محفوظ مستقبل 🌸

ڈسٹرکٹ ہیلتھ اتھارٹی اوکاڑہ کی زیر نگرانی سرویکل کینسر ویکسین مہم جاری ہے۔محترم سی ای او ڈاکٹر فواد افتخار،ڈاکٹرطارق اقبال طور (DHO اوکاڑہ)،ڈاکٹر یاسر سلیم (DDHO اوکاڑہ)،ڈسٹرکٹ کنسلٹنٹ گائناکالوجسٹ ڈاکٹر نورین
کنول اورلیفٹیننٹ کرنل سلمان (CO 68)
کی رہنمائی و تعاون سے اے پی ایس اسکول کینٹ میں والدین کے لیے آگاہی اور انٹریکٹیو سیشن کا انعقاد کیا گیا۔

اس سیشن میں والدین کے خدشات اور غلط فہمیوں کو دور کیا گیا تاکہ ہر بچی کو یہ حفاظتی ویکسین ضرور لگائی جا سکے۔

👩‍👧 والدین سے گزارش ہے کہ اپنی بچیوں کو یہ ویکسین لازمی لگوائیں تاکہ وہ صحت مند اور محفوظ مستقبل کی طرف بڑھ سکیں۔

✅ صحت مند بیٹیاں = صحت مند مستقبل

22/09/2025

کلینک کا کمرہ خاموش ہے۔ میز پر فائلیں رکھی ہیں، ایک طرف الٹراساؤنڈ مشین ہے مگر میں نے اسے بند رکھا ہوا ہے۔ سامنے مریضہ بیٹھی ہے، ساتھ اس کی ماں اور شوہر بھی۔

ماں پریشانی سے کہتی ہے:
“بیٹی، ایک اور الٹراساؤنڈ کروا لیتے ہیں نا؟ اس سے دل کو تسلی ہو جائے گی۔”

میں مسکرا کر جواب دیتی ہوں:
“آنٹی، سب خیریت ہے۔ بار بار الٹراساؤنڈ کی ضرورت نہیں ہے۔”

وہ مجھے یوں دیکھتی ہیں جیسے میرا اعتماد ان کے دل کو کم ہی چھو پا رہا ہو۔

شوہر بے چین ہو کر بول اٹھتا ہے:
“پھر کوئی ڈرپ لگا دیں۔ اس سے ماں اور بچے دونوں کو طاقت ملے گی۔”

میں تحمل سے سمجھاتی ہوں:
“ڈرپ ہر مریض کے لیے فائدہ مند نہیں ہوتی، بلاوجہ لگانا نقصان بھی دے سکتا ہے۔ اگر ضرورت ہو گی تو ضرور لگائیں گے، فی الحال سب کچھ نارمل ہے۔”

چپکے سے مریضہ کی ساس سرگوشی کرتی ہیں:
“ڈاکٹر صاحبہ، سنا ہے بعض اوقات بچہ پیٹ میں پاخانہ کر دیتا ہے، وہ بڑا مسئلہ بن جاتا ہے۔”

میں ان کی طرف دیکھ کر بڑے سکون سے جواب دیتی ہوں:
“ایسا کچھ نہیں ہے۔ ایسی باتوں پر گھبرانے کی ضرورت نہیں۔”

ماحول میں تھوڑی خاموشی چھا جاتی ہے مگر ان کی آنکھوں میں ابھی بھی سوال ہیں۔ جیسے وہ چاہتے ہوں میں کوئی سخت بات کہہ کر انہیں ڈرا دوں تاکہ وہ میری “اہمیت” مان لیں۔ مگر میں تیوری چڑھانے کے بجائے مسکرا دیتی ہوں۔

میں نرمی سے کہتی ہوں:
“میری ذمے داری صرف علاج نہیں، آپ کو تسلی دینا بھی ہے۔ آپ مطمئن رہیں، سب ٹھیک جا رہا ہے۔”

اچھی اینٹی نیٹل کیئر صرف دوائیں دینے کا نام نہیں، بلکہ ہر ملاقات پر مریضہ اور اس کے گھر والوں کو خوف سے آزاد کر کے اعتماد دینا اصل مہارت ہے۔

ڈاکٹر نورین کنول

22/09/2025

Week 29 of pregnancy # drnaureenkanwal

20/09/2025

آج DPS میں ایک یادگار لمحہ تھا، جب تبدیلی کی شروعات ہمت سے ہوئی۔

محترمہ شازیہ، جو سیکشن ہیڈ ہیں، نے اپنی بیٹی کو HPV ویکسین لگوا کر ایک شاندار مثال قائم کی — یہ صرف اپنی بیٹی کی حفاظت نہیں بلکہ دوسرے والدین کے لیے بھی تحریک ہے کہ وہ بھی احتیاط کو ترجیح دیں۔

مجھے، ڈاکٹر نورین کنول کو، اس موقع پر بطور ڈسٹرکٹ کنسلٹنٹ گائناکالوجسٹ HPV آگاہی سیشن میں شریک ہونے کا اعزاز حاصل ہوا۔ ہم سب مل کر خاموشی کو توڑ رہے ہیں، غلط فہمیوں کو دور کر رہے ہیں اور ایسی گفتگو کا آغاز کر رہے ہیں جو زندگیاں بچا سکتی ہیں

یہ صرف ایک ویکسین نہیں بلکہ خاندانوں کو بااختیار بنانے، بیٹیوں کو محفوظ کرنے اور ایک ایسی نسل تیار کرنے کی جدوجہد ہے جو قابلِ بچاؤ کینسر سے آزاد ہو۔

چھوٹی شروعاتیں ہی بڑے اثرات پیدا کرتی ہیں، اور آج DPS نے ثابت کیا کہ صحت اور تعلیم ساتھ ساتھ چلتے ہیں۔

ساتھ ہیں تو محفوظ ہیں۔ ساتھ ہیں تو مضبوط ہیں۔ ساتھ ہیں تو مثال ہیں

19/09/2025

“Empowering young minds with knowledge and protection.Together, we take a step towards a healthier, brighter future by raising awareness about HPV vaccination. 💉💪