27/06/2025
څۀ ظلم دے
ــــــــــــــــــ
د مينګورې پۀ ښار کښې د فضاګټ خواته اوولس سېلانيان د سوات سين ډوب کړل - چې پکښې ماشومان او زنانه هم وو -
دغه سېلانيان د سوات د سين له زوره ناشناوو ځکه پۀ باران کښې دغه طرف ته تلل - خو افسوس دا دے چې څلور ګنټې دغه تماشه روانه وه - خو د دې اجل وهلو مدد له هيڅوک را ونۀ رسېدۀ -
د اولس وينه نچوړوونکي دغه غاصبان د خپلو سېلونو او عياشيانو له پاره هېلي کاپټرې لري ، هر قسمه مراعات لري خو د غريب اولس له پاره هېڅ نشته -
عجيبه خبره خو دا ده چې د کبل رېسکيو نه تر کانجو صرف درې کلوميټره لار ده خو پۀ دړې ګنټو کښې هغه هم رانغلۀ - او د مرګ تماشه د خلکو د مخې روانه وه -
ويډيو ئې د کتو نۀ ده - څۀ زړۀ چوونکے منظر دے چې ماشومان او زنانه د نارينوۀ له مخې سين وړي او بيا پۀ خپله هم پۀ دغه خونړي سين لاهو شي -
دا ملک دے ؟ دا حکومت دے ؟ دا انتظاميه ده ؟ پکار ده چې پۀ دغه ټولو اېف آئي ار اوشي - او د دې مرګونو ذمه وار وګڼلے شي -
