Insaf Doctors Forum Peshawar

26/03/2026

انصاف ڈاکٹرز فورم خیبرپختونخوا کی کاوشیں رنگ لے آئیں: محکمۂ صحت میں 2400 سے زائد آسامیوں کی بھرتی کا عمل شروع

انصاف ڈاکٹرز فورم خیبرپختونخوا محکمۂ صحت خیبرپختونخوا کی جانب سے میڈیکل آفیسرز، ڈینٹل سرجنز اور نرسز کی بھرتیوں کے حالیہ اشتہار کا خیرمقدم کرتا ہے، اور اسے فورم کی مسلسل اور منظم کاوشوں کا عملی نتیجہ قرار دیتا ہے۔

یاد رہے کہ 5 فروری 2026 کو انصاف ڈاکٹرز فورم خیبرپختونخوا نے صوبے میں ہیومن ریسورس کی کمی کو مدنظر رکھتے ہوئے ایک جامع حکمتِ عملی کے تحت خالی آسامیوں کا مکمل ڈیٹا اکٹھا کیا، اس کا تفصیلی تجزیہ کیا، اور محکمۂ صحت کے ساتھ مشاورت کے بعد ایک جامع سمری مرتب کی تھی۔ اس سمری میں تقریباً 1425 میڈیکل آفیسرز، 250 ڈینٹل سرجنز اور 764 نرسز کی خالی آسامیوں کو مشتہر کرنے کی سفارش کی گئی تھی۔

موجودہ اشتہار اسی تسلسل کی ایک اہم کڑی ہے، جو صوبے میں صحت کے نظام کو مضبوط بنانے، ڈاکٹرز و پیرا میڈیکل اسٹاف کی کمی کو پورا کرنے اور عوام کو معیاری طبی سہولیات کی فراہمی کی جانب ایک مؤثر پیش رفت ہے۔

انصاف ڈاکٹرز فورم خیبرپختونخوا اس امر کو یقینی بنانے کے لیے پُرعزم ہے کہ:

▪️ بھرتی کا عمل مکمل طور پر شفاف اور میرٹ پر مبنی ہو
▪️ دور دراز علاقوں میں تعینات ڈاکٹرز کو مناسب مراعات اور سہولیات فراہم کی جائیں

ہمیں امید ہے کہ صوبائی حکومت اس عمل کو مزید مؤثر بناتے ہوئے فیز ٹو میں باقی ماندہ آسامیوں کی بروقت تشہیر کو یقینی بنائے گی۔

انصاف ڈاکٹرز فورم خیبرپختونخوا اور صوبائی حکومت کی مشترکہ کوششیں جاری ہیں کہ پیٹرن انچیف عمران خان کے وژن کے مطابق شعبۂ صحت میں دیرپا اصلاحات کے لیے ایک جامع اور پائیدار پالیسی تشکیل دی جائے، تاکہ ڈاکٹرز کو پیشہ ورانہ تحفظ حاصل ہو اور عوام کو مسلسل معیاری طبی سہولیات فراہم کی جا سکیں۔ یہ پیش رفت عمران خان کے صحت سے متعلق اصلاحاتی وژن کی عکاسی کرتی ہے۔

انصاف ڈاکٹرز فورم خیبرپختونخوا ہمیشہ کی طرح صوبے کے نظامِ صحت کی بہتری اور ڈاکٹرز کے حقوق کے تحفظ کے لیے پیٹرن انچیف عمران خان کے وژن اپنا مثبت کردار ادا کرتا رہے گا۔

انصاف ڈاکٹرز فورم خیبرپختونخوا
میڈیا سیل

19/03/2026

17/03/2026

‏انصاف ڈاکٹرز فورم خیبرپختونخوا کی ٹیم صوبائی صدر ڈاکٹر نبی جان آفریدی کی قیادت میں، آڈیالہ جیل کی جانب روانہ!

‏مرکزی صدر ڈاکٹر مُدیر خان وزیر اور مرکزی نائب صدر ڈاکٹر سجاد داوڑ بھی ہمراہ!

‏حقیقی آزادی کی اس جدوجہد میں ہم کبھی پیچھے نہیں ہٹے اور نہ ہی ہٹیں گے۔ چاہے وہ 25 مئی 2022 کا تاریخی لانگ مارچ ہو، مارچ 2023 میں زمان پارک کی مزاحمت، صوابی و اسلام آباد کے احتجاجی دھرنے ہوں یا ڈی چوک میں ظلم کے اندھیروں کے درمیان اپنی پیشہ ورانہ خدمات کی فراہمی؛ انصاف ڈاکٹرز فورم ہر محاذ پر ڈٹ کر کھڑا رہا ہے۔

‏اپنے پیٹرن انچیف جناب عمران خان کے ساتھ ہمارا عزم غیر متزلزل ہے۔ ہم نہ جھکے ہیں، نہ رکیں گے! یہ سفر جاری رہے گا، جب تک حقیقی آزادی کا خواب حقیقت نہ بن جائے!

‏⁦‪ ‬⁩ ⁦‪ ‬⁩ ⁦‪

15/03/2026

صوبائی وزیرِ صحت خلیق الرحمان کا انصاف ڈاکٹرز فورم خیبرپختونخوا کے زیرِ اہتمام عمران خان کی صحتیابی کیلئے ختم القرآن اور رہائی کے حوالے سے منعقدہ رمضان افطار ڈنر سے خطاب

افطار ڈنر میں رکن صوبائی اسمبلی ملک لیاقت علی خان، سینیٹر خُرم زیشان، مرکزی صدر انصاف ڈاکٹرز فورم پاکستان ڈاکٹر مُدیر خان وزیر، صوبائی صدر انصاف ڈاکٹرز فورم خیبرپختونخوا ڈاکٹر نبی جان آفریدی، بورڈ آف گورنرز کے چیئرمینز، مختلف ہسپتالوں کے ایگزیکٹوز، ڈی ایچ اوز، مختلف ہسپتالوں کے ایم ایس، صوبائی صدر انصاف سٹوڈنٹس فیڈریشن خیبرپختونخوا، انصاف لائرز فورم اور صوبہ بھر سے آئے ہیلتھ کمیونٹی نے شرکت کی۔

میں انصاف ڈاکٹرز فورم کی مرکزی اور صوبائی قیادت کا شکریہ ادا کرتا ہوں جنہوں نے آج ایک باوقار تقریب کا اہتمام کیا۔ اس موقع پر عمران خان صاحب کی صحتیابی، قیدِ ناحق سے رہائی، ملک کی سلامتی اور صوبے کو درپیش مشکلات کے حل کے لیے اجتماعی دعا کی گئی، جس پر میں آپ سب کا تہہ دل سے شکر گزار ہوں۔

محکمہ صحت کی ذمہ داری سنبھالے مجھے تقریباً پانچ ماہ ہو چکے ہیں۔ اس دوران جو چیز سب سے زیادہ نمایاں لگی وہ انصاف ڈاکٹرز فورم کی مثبت سوچ اور سنجیدہ انداز ہے۔ آپ اپنے مطالبات پیش کرتے ہیں لیکن ساتھ ساتھ حکومت اور قیادت کے ساتھ کھڑے بھی ہوتے ہیں۔ صوبے میں دیگر ڈاکٹرز تنظیمیں بھی موجود ہیں، مگر آپ کی سوچ اور انداز میں واضح فرق ہے۔ آپ نے ہمیشہ مسائل کو مثبت انداز میں لیا اور ان کے حل میں تعمیری کردار ادا کیا۔ اس کی سب سے بڑی وجہ ہمارے قائد عمران خان صاحب کی تربیت اور وژن ہے۔

اگر خیبرپختونخوا کے محکمہ صحت کی کارکردگی دیکھنی ہے تو ہمیں 2013 سے پہلے اور بعد کا موازنہ کرنا ہوگا۔ اسی سے اندازہ ہوتا ہے کہ کتنی اصلاحات اور بہتری آئی ہے۔ ہمارا ہیلتھ امپروومنٹ انڈیکس جو 33.5 فیصد تھا، اب 55 فیصد تک پہنچ چکا ہے۔ اس کی بنیادی وجہ صحت کے شعبے میں ہماری حکومت کی بڑی سرمایہ کاری ہے۔ آج خیبرپختونخوا کا ہیلتھ سسٹم پورے پاکستان میں نمایاں اور بہتر سمجھا جاتا ہے۔

عمران خان کا وژن تھا کہ ہسپتالوں کو خودمختاری دی جائے، اور اسی وژن کے تحت ایم ٹی آئی ایکٹ نافذ کیا گیا۔ اس نظام پر تنقید بھی ہوئی لیکن اس کے باوجود عوام کا اعتماد اس پر قائم ہے۔ دور دراز علاقوں سے بھی لوگ ایم ٹی آئی ہسپتالوں میں علاج کروانے کو ترجیح دیتے ہیں۔ ہماری کوشش ہے کہ ایم ٹی آئی اداروں کو مزید مضبوط اور خودمختار بنایا جائے اور بورڈ آف گورنرز میں باصلاحیت اور اچھی شہرت رکھنے والے افراد کو شامل کیا جائے۔ اسی کے ساتھ ہم خودمختاری کے ساتھ مؤثر آڈٹ کا نظام بھی متعارف کرا رہے ہیں۔

جیسا کہ ڈاکٹر نبی جان آفریدی نے پرائمری ہیلتھ سسٹم کی بہتری کی بات کی، اس شعبے میں ابھی مزید کام کی ضرورت ہے۔ اگر پرائمری ہیلتھ کیئر مضبوط ہو جائے تو بڑے ایم ٹی آئی ہسپتالوں پر بوجھ کم ہوگا۔ اسی مقصد کے لیے جامع منصوبہ بندی کی گئی ہے۔ آئندہ چند مہینوں میں تقریباً 3000 ہیلتھ پروفیشنلز کی بھرتی کی جا رہی ہے جن میں تقریباً 2000 ڈاکٹرز شامل ہوں گے، جن میں 1500 اسامیاں میڈیکل آفیسرز کی ہیں۔

اس کے ساتھ ہم ڈسٹرکٹ ہیڈکوارٹر ہسپتالوں کی ریویمپنگ بھی کر رہے ہیں۔ نگران دورِ حکومت میں کئی منصوبے رک گئے تھے، لیکن اب دوبارہ شروع ہو چکے ہیں۔ اس منصوبے کی لاگت تقریباً 34 ارب روپے ہے اور ہماری کوشش ہے کہ آئندہ دو سالوں میں انہیں مکمل کیا جائے تاکہ ان ہسپتالوں کو ٹرشری کیئر کے معیار کے قریب لایا جا سکے۔ اسی طرح ہم ڈسٹرکٹ ہیڈکوارٹر ہسپتالوں کو بھی مرحلہ وار خودمختاری دینے پر کام کر رہے ہیں تاکہ وہ بہتر فیصلے کر سکیں۔

انصاف ڈاکٹرز فورم خیبرپختونخوا کے مطالبات میں سیکیورٹی ایکٹ اہم ہے۔ یہ ایکٹ منظور ہو چکا ہے اور اس کے رولز اینڈ ریگولیشنز کے لیے کمیٹی تشکیل دی جا چکی ہے جو ایک ماہ کے اندر اپنی سفارشات پیش کرے گی۔ اس سے ہیلتھ کمیونٹی کو مؤثر تحفظ ملے گا۔

اسی طرح ٹرینی میڈیکل آفیسرز اور ہاؤس آفیسرز کی سلاٹس کے حوالے سے میری وزیراعلیٰ اور وزیر خزانہ سے بات ہوئی ہے اور انہوں نے اس پر اتفاق کیا ہے۔ ان کے وظیفے میں بھی جلد اضافہ کیا جا رہا ہے۔ پندرہ فیصد اضافے پر اتفاق ہو چکا ہے جبکہ ہم اس سے زیادہ کی کوشش کر رہے ہیں۔ ہاؤس آفیسرز اور ٹرینی میڈیکل آفیسرز ہمارے فرنٹ لائن وارئیرز ہیں جنہوں نے ہمیشہ مشکل حالات میں اہم کردار ادا کیا ہے۔

حیات آباد میڈیکل کمپلیکس اور ایوب ٹیچنگ ہسپتال میں نئے بلاکس مکمل ہو چکے ہیں اور انہیں جلد فعال کیا جائے گا۔

آخر میں میری تمام ہیلتھ کمیونٹی سے گزارش ہے کہ 2013 سے آج تک پاکستان تحریک انصاف کی حکومت نے ہمیشہ ڈاکٹرز اور ہیلتھ سسٹم کی بہتری کے لیے اقدامات کیے ہیں۔ مگر ہمیں یہ بھی یاد رکھنا چاہیے کہ ہم سب یہاں ایک مقصد کے لیے ہیں، اور وہ ہے مریض کی خدمت۔ جو مریض تکلیف میں ہسپتال آتا ہے وہ امید لے کر آتا ہے۔ ہمارا فرض ہے کہ اپنی ڈیوٹی کے دوران اس کا خیال رکھیں، اس کا علاج کریں اور اس کے ساتھ ہمدردی اور احترام سے پیش آئیں۔

ہمیں اپنی ڈیوٹی دیانتداری اور حلال طریقے سے ادا کرنی چاہیے۔ اگر ہم اخلاص کے ساتھ اپنا فرض نبھائیں گے تو ان شاء اللّٰہ اللّٰہ تعالیٰ بھی ہماری مدد کرے گا اور ہمیں اس کا اجر بھی ملے گا۔

انصاف ڈاکٹرز فورم خیبرپختونخوا
میڈیا سیل

15/03/2026

انصاف ڈاکٹرز فورم خیبرپختونخوا کی جانب سے بلیک میلر غنڈاگرد جعلی پروپیگینڈا تنظیم کے نام واضح دو ٹوک پیغام:

ڈاکٹر نبی جان آفریدی نے واضح کیا ہے کہ انصاف ڈاکٹرز فورم پورے صوبے میں اپنی تنظیمی، تکنیکی اور سیاسی طاقت ثابت کر چکا ہے۔ ہیلتھ کمیونٹی میں ہمیں بھرپور حمایت حاصل ہے۔ ہم ہمیشہ برداشت، احترام اور پیشہ ورانہ اقدار کے ساتھ آگے بڑھے ہیں اور اپنے کولیگز کے ساتھ کسی قسم کی محاذ آرائی نہیں چاہتے۔

لیکن اب یہ بات صاف سن لی جائے کہ ہیلتھ کمیونٹی میں بلیک میلرز، پروپیگنڈا کرنے والوں اور جھوٹی مہمات چلانے والوں کیلئے کوئی جگہ نہیں رہی۔ جو عناصر مسلسل ہسپتالوں کے ایڈمنسٹریٹرز، ڈی ایچ اوز، ایم ایس صاحبان، کنسلٹنٹس اور ہیڈ آف ڈیپارٹمنٹس کی پگڑیاں اچھالنے اور ان کی تضحیک کرنے میں مصروف ہیں، وہ فوراً باز آجائیں۔

یہ ان عناصر کیلئے آخری وارننگ ہے۔ ہمارے صبر، اخلاص اور برداشت کو کمزوری نہ سمجھا جائے۔ اب کسی قسم کی رعایت یا نرمی نہیں ہوگی۔ اگر یہ رویہ بند نہ ہوا تو ایسے عناصر کو چُن چُن کر ہیلتھ کمیونٹی کے سامنے بے نقاب کیا جائے گا، کیونکہ ان کی ہر حرکت اور ہر سرگرمی کی مکمل تفصیلات ہمارے پاس موجود ہیں۔

اگر یہ سلسلہ جاری رہا تو انصاف ڈاکٹرز فورم بھرپور اور جارحانہ ردعمل دینے کا حق محفوظ رکھتا ہے، اور ہیلتھ کمیونٹی کو بلیک میلنگ اور منفی سیاست سے پاک کرنے کیلئے ہر ممکن قدم اٹھایا جائے گا۔

انصاف ڈاکٹرز فورم خیبرپختونخوا
میڈیا سیل

15/03/2026

انصاف ڈاکٹرز فورم خیبرپختونخوا کے زیرِ اہتمام عمران خان کی صحتیابی اور رہائی کیلئے ختمُ القرآن اور افطار ڈنر

انصاف ڈاکٹرز فورم خیبرپختونخوا کے زیرِ اہتمام عمران خان کی صحتیابی اور جلد رہائی کیلئے منعقدہ رمضان افطار ڈنر میں ختمُ القرآن کی بابرکت محفل کے موقع پر اجتماعی دعا کی گئی۔

تقریب میں صوبائی وزیرِ صحت خلیق الرحمان، رکن صوبائی اسمبلی ملک لیاقت علی خان، سینیٹر خُرم زیشان، مرکزی صدر انصاف ڈاکٹرز فورم پاکستان ڈاکٹر مُدیر خان وزیر، صوبائی صدر انصاف ڈاکٹرز فورم خیبرپختونخوا ڈاکٹر نبی جان آفریدی، بورڈ آف گورنرز کے چیئرمینز، مختلف ہسپتالوں کے ایگزیکٹو افسران، ڈی ایچ اوز، مختلف ہسپتالوں کے میڈیکل سپرنٹنڈنٹس، صوبائی صدر انصاف سٹوڈنٹس فیڈریشن خیبرپختونخوا، انصاف لائرز فورم کے نمائندگان اور صوبہ بھر سے آئے ہوئے ہیلتھ کمیونٹی کے معزز افراد نے شرکت کی۔

اس موقع پر اللہ تعالیٰ کے حضور دستِ دعا بلند کرتے ہوئے عمران خان، بشریٰ بی بی، تمام سیاسی قیدیوں اور حقیقی آزادی کی جدوجہد میں شہید ہونے والے کارکنان کے لیے خصوصی دعا کی گئی۔ اللّٰہ تعالیٰ سے التجا کی گئی کہ وہ عمران خان کو کامل صحت و عافیت عطا فرمائے، انہیں صبر، استقامت اور ثابت قدمی عطا کرے اور جلد از جلد رہائی نصیب فرمائے۔

اجتماعی دعا میں یہ بھی دعا کی گئی کہ اللّٰہ تعالیٰ اس ملک میں انصاف، حق اور سچ کی سربلندی عطا فرمائے، ظلم، جبر اور فسطائیت کا خاتمہ فرمائے، پاکستان کو امن، استحکام اور خوشحالی نصیب کرے اور قوم کو حق اور انصاف کے ساتھ ڈٹ کر کھڑے ہونے کی توفیق عطا فرمائے۔

اس موقع پر شرکاء نے اس عزم کا اظہار کیا کہ رمضان المبارک کے اس بابرکت مہینے میں عمران خان کے ساتھ ہونے والے ظلم، جبر اور ناانصافی کے خلاف آواز بلند کرتے رہیں گے۔ افطار ڈنر کے موقع پر عمران خان کی صحتیابی اور جلد رہائی کیلئے تین ختمُ القرآن مکمل کیے گئے اور اللّٰہ تعالیٰ سے دعا کی گئی کہ وہ ان عبادات کو اپنی بارگاہ میں شرفِ قبولیت عطا فرمائے۔ آمین۔

انصاف ڈاکٹرز فورم خیبرپختونخوا
میڈیا سیل

14/03/2026

سینیٹر خُرم زیشان کا انصاف ڈاکٹرز فورم خیبرپختونخوا کے زیرِ اہتمام ختم القرآن، عمران خان کی صحتیابی اور رہائی کے لیے منعقدہ رمضان افطار ڈنر سے خطاب

تقریب میں صوبائی وزیر صحت خلیق الرحمان، رُکن صوبائی اسمبلی ملک لیاقت علی خان، مرکزی صدر انصاف ڈاکٹرز فورم ڈاکٹر مُدیر خان وزیر، صوبائی صدر انصاف ڈاکٹرز فورم خیبرپختونخوا ڈاکٹر نبی جان آفریدی، مختلف ہسپتالوں کے بورڈ آف گورنرز کے ممبران، ایگزیکٹو افیسرز، ہسپتالوں کے فیکلٹی ممبران، صوبہ بھر کے سینئر ڈاکٹرز اور ہیلتھ کمیونٹی کی بڑی تعداد شریک ہوئے۔

انصاف ڈاکٹرز فورم کو ایک انتہائی پروقار افطار منعقد کرنے پر شکریہ ادا کرتا ہوں۔ میں انصاف ڈاکٹرز فورم کے تمام مطالبات کو آگے بڑھاتے ہوئے، انصاف ڈاکٹرز فورم کی آواز بنتے ہوئے معزز صوبائی وزیرِ صحت سے درخواست کرتا ہوں کہ یہ تمام تر مطالبات کابینہ کے سامنے پیش کیے جائیں اور یہ مطالبات منظور کیے جائیں۔ سینیٹر خُرم زیشان

مزاحمت زندگی ہے۔ ظلم کے خلاف، جبر کے خلاف کھڑے ہو جائیں۔ سینیٹر خُرم زیشان

عمران خان نے ہمیں راستہ بہت پہلے کلیئرلی بتا دیا تھا کہ فیصلہ سڑکوں پر ہوگا۔ جب تک پاکستانی قوم کھڑی نہیں ہوگی، انصاف آپ کو نہیں ملے گا۔ سینیٹر خُرم زیشان

عمران خان نے کبھی قوم کا سر جھکنے نہیں دیا، ہم عمران خان کا سر جھکنے نہیں دیں گے۔ وہ میڈیکل ریلیف لے سکتا تھا لیکن اُس نے میڈیکل ریلیف لینے سے انکار کر دیا۔ عمران خان جیل میں رہ کر بھی آزاد ہے لیکن مجھے اور آپ کو اپنی ذہنی غلامی سے خود کو آزاد کرنا ہے۔ سینیٹر خُرم زیشان

خدا کے بعد پاکستان کی یکجہتی، پاکستان کی سلامتی، پاکستان کی استحکام، پاکستان کی خوشحالی کی واحد اُمید عمران خان ہے۔ عمران خان کو فوری طور پر، غیر مشروط طور پر رہا کیا جائے۔ سینیٹر خُرم زیشان

یہ نہیں ہوسکتا کہ آپ اس بحران میں عرب ممالک میں اور دیگر ممالک کے دورے کرتے پھریں کہ ہم ریجن میں سیکیورٹی چاہتے ہیں۔ اگر آپ اتنے مخلص ہو تو پہلے اپنے ملک میں استحکام لے کر آؤ۔ سیاسی استحکام کے بغیر کوئی استحکام نہیں لایا جا سکتا اور سیاسی استحکام عمران خان کے بغیر کوئی نہیں لا سکتا۔ آپ کے بس کا کھیل نہیں۔ آپ نے چار سال اُلٹا لٹک کر دیکھ لیا لیکن آپ نہیں کر سکے۔ اس کا حل صرف عمران خان کو رہا کیا جائے۔ سینیٹر خُرم زیشان

انصاف ڈاکٹرز فورم خیبرپختونخوا
میڈیا سیل

14/03/2026

رُکن صوبائی اسمبلی ملک لیاقت علی خان کا انصاف ڈاکٹرز فورم خیبرپختونخوا کے زیرِ اہتمام ختم القرآن، عمران خان کی صحتیابی اور رہائی کے لیے منعقدہ رمضان افطار ڈنر سے خطاب

میں اس پروقار تقریب میں مدعو کیے جانے پر انصاف ڈاکٹرز فورم کا شکریہ ادا کرتا ہوں۔ یہ ایک انتہائی پروقار تقریب ہے جس میں ہمارے رہبر و مرشد عمران خان کی ناحق قید اور جلد صحتیابی کے لیے اور ہمارے ناحق قید میں بند کارکنان کی رہائی کے لیے دعا کی گئی۔ اللّٰہ ہم سب کی دعائیں قبول فرمائے۔ ایم پی اے ملک لیاقت علی خان

ڈاکٹرز معاشرے کے کلیدی فرد ہیں۔ سکولز اور کالجز میں بہترین بچے ہی ڈاکٹرز بنتے ہیں۔ ڈاکٹرز نے کرونا کے دوران جو کردار ادا کیا، جوش و جذبہ اور عزم سے کرونا کے خلاف جنگ لڑی، قابلِ تعریف ہے۔ میں ہیلتھ کمیونٹی کو خراج تحسین پیش کرتا ہوں۔ ایم پی اے ملک لیاقت علی خان

ڈاکٹرز ہمارے معاشرے کے مرہم ہیں۔ میں وزیرِ صحت سے درخواست کرتا ہوں کہ ڈاکٹرز کے مطالبات منظور کیے جائیں۔ ایم پی اے ملک لیاقت علی خان

انصاف ڈاکٹرز فورم خیبرپختونخوا
میڈیا سیل

13/03/2026

انصاف ڈاکٹرز فورم خیبرپختونخوا کے زیرِ اہتمام ختم القرآن، عمران خان کی صحتیابی اور رہائی کے لیے منعقدہ رمضان افطار ڈنر کی تمام تیاریاں مکمل۔

06/03/2026

‏عمران خان کی صحت کے حوالے سے صورتحال انتہائی تشویشناک ہوتی جا رہی ہے۔ ضروری طبی سہولیات اور مکمل تشخیص کے بغیر قید ایک سنگین انسانی حقوق کا مسئلہ بن چکی ہے۔

‏ڈاکٹروں کی موجودگی کے باوجود ماہرین کے مطابق مکمل معائنہ اور علاج کے لیے انہیں فوری طور پر الشفاء ہسپتال میں منتقل کرنا ناگزیر ہے۔ متعدد درخواستیں اسی بنیادی حق کے لیے دی جا چکی ہیں، مگر اب تک کوئی عملدرآمد نہیں ہو سکا ہے۔

‏کسی بھی قیدی کو بروقت طبی سہولیات سے محروم رکھنا انسانی حقوق اور قانون کے بنیادی اصولوں کے خلاف ہے۔ ہم مطالبہ کرتے ہیں کہ عمران خان کو فوری اور شفاف طبی سہولیات فراہم کی جائیں اور انہیں بغیر تاخیر کے مناسب ہسپتال منتقل کیا جائے۔

‏⁦‪