01/07/2023
**بکرا عید اور دانتوں کا درد **
بڑی عید کے بعد اکثر لوگ دانتوں میں درد کی شکایت کرتے ہیں اور میڈیسن لینا شروع کر دیتے ہیں۔
اصل میں ہوتا یہ ہے کہ گوشت کھاتے ہوئے اس کے موٹے ریشے ( fibers ) دو دانتوں کے درمیان(intra dental space ) میں پھنس جاتے ہیں۔ اگر ان ریشوں کو نہ نکالا جائے تو انکے گلنے سڑنے سے بیکٹیریا پیدا ہوتے ہیں جسکی وجہ سے مسوڑوں میں سوج ( swelling ) آجاتی ہے ، مسوڑھے پھول کر سرخ ہو جاتے ہیں اور ان میں شدید درد ہوتا ہے۔
یہ درد مسوڑوں کا ہوتا ہے نہ کہ دانتوں کا ۔۔
ایسی صورتحال میں برش کرنے، مسواک کرنے یا دوائی کھانے سے مسئلہ حل نہیں ہوتا ہے۔
بلکہ اس مسئلے کا بہترین حل دانتوں اور مسوڑوں کا خلال ( flossing ) کرنا ہوتا ہے۔
دانتوں کا خلال کرنے کے لیے ڈینٹل فلاس( dental floss) ہر ڈیپارٹمنٹل سٹور سے مل جاتی ہے ( نیچے تصویر موجود ہے )
یا پھر دھاگے کے ساتھ دانتوں کا خلال کیا جا سکتا ہے۔
خلال کرنے کے بعد نیم گرم پانی میں نمک ڈال کر یا کسی بھی ماؤتھ واش سے غرارے کریں اور رات سونے سے پہلے برش کریں۔۔
یاد رکھیں! گوشت کھانے کی وجہ سے مسوڑوں کا درد آپ درج بالا طریقے آزما کر اپنے طور پر دور کر سکتے ہیں اس کے لیے دوائی کی ضرورت نہیں ہوتی ہے۔
نوٹ : زیادہ مسئلے کی صورت میں اپنے قریبی دندان ساز سے رابطہ کریں۔
