https://www.facebook.com/103751845181159/

Balochistan Physiotherapy Association, Quetta Cantonment (2025)

25/06/2025

مذمتی بیان
بلوچستان فزیوتھراپی ایسوسی ایشن

بلوچستان فزیوتھراپی ایسوسی ایشن حکومت بلوچستان کی جانب سے گرینڈ الائنس کے قائدین، معزز اساتذہ کرام، اور دیگر سرکاری ملازمین پر کیے جانے والے ناروا سلوک، بلاجواز گرفتاریوں اور تشدد کی سخت ترین الفاظ میں مذمت کرتی ہے۔

ہم سمجھتے ہیں کہ اپنے جائز حقوق کے لیے پرامن احتجاج ہر شہری اور ملازم کا آئینی و جمہوری حق ہے، اور اس پر تشدد آمیز رویہ ریاستی ناانصافی، آمریت پسندی اور بنیادی انسانی حقوق کی صریح خلاف ورزی ہے۔ یہ قابل افسوس امر ہے کہ وہ طبقہ جو معاشرے کی تعمیر، تعلیم اور خدمت میں پیش پیش ہے، آج انہیں دبایا جا رہا ہے اور ان کی آواز کو طاقت کے ذریعے خاموش کرنے کی کوشش کی جا رہی ہے۔

بلوچستان فزیوتھراپی ایسوسی ایشن حکومت سے پرزور مطالبہ کرتی ہے کہ:

تمام گرفتار قائدین، اساتذہ اور ملازمین کو فوری طور پر رہا کیا جائے؛

پرامن احتجاج کو تسلیم کرتے ہوئے مذاکرات کے ذریعے مسائل کا حل نکالا جائے؛

اس واقعے کی غیر جانبدارانہ تحقیقات کر کے ذمہ داران کو قانون کے کٹہرے میں لایا جائے۔

ہم گرینڈ الائنس کے تمام قائدین، اساتذہ کرام اور دیگر ملازمین کے ساتھ مکمل یکجہتی کا اظہار کرتے ہیں اور ان کے جائز مطالبات کی مکمل حمایت کرتے ہیں۔ اگر ریاستی جبر کا یہ سلسلہ بند نہ ہوا تو بلوچستان فزیوتھراپی ایسوسی ایشن بھی دیگر تنظیموں کے ساتھ مل کر آئندہ کے لائحہ عمل کا اعلان کرے گی۔

جاری کنندہ:
بلوچستان فزیوتھراپی ایسوسی ایشن
تاریخ: 25 جون 2025

27/05/2025

پریس ریلیز 27/05/2025

*پاکستان فزیوتھراپی ایسوسی ایشن اور بلوچستان فزیوتھراپی ایسوسی ایشن کا مشترکہ طور پر وزیر اعلیٰ بلوچستان کے فوکل پرسن سے ملاقات۔*

پاکستان فزیوتھراپی ایسوسی ایشن اور بلوچستان فزیوتھراپی ایسوسی ایشن کے وفد نے صدر ڈاکٹر عمیر بلوچ کی قیادت میں وزیر اعلیٰ بلوچستان کے فوکل پرسن سید اقبال شاہ صاحب سے ملاقات کی، جس میں بلوچستان فزیوتھراپی ایسوسی ایشن کے صدر ڈاکٹر مقبول بلوچ ، سیکرٹری جنرل ڈاکٹر محسن جمیل اور پاکستان فزیوتھراپی ایسوسی ایشن کے سیکرٹری جنرل ڈاکٹر ارسلان خان ، ڈاکٹر عائشہ وقار کے علاوہ پی ایس ایف (پیپلز سٹوڈنٹس فیڈریشن) کے صدر ڈاکٹر صبور بگٹی بھی شریک ہوئے۔ اس ملاقات کا مقصد بلوچستان میں فزیوتھراپی کے شعبے سے متعلق مسائل کو اجاگر کرنا تھا، تاکہ ان پر فوری توجہ دی جا سکے۔

ملاقات میں بلوچستان میں فزیوتھراپی کے شعبے کو درپیش اہم چیلنجز پر تفصیل سے بات چیت کی گئی۔ ایسوسی ایشن کی جانب سے ان مسائل کے حل کے لیے ایک تحریری مسودہ پیش کیا گیا، جس میں چند اہم نکات شامل تھے۔ ان میں فزیوتھراپسٹ کے لیے پیڈ ہاؤس جاب کا اجراء، بلوچستان میں 500 نئی فزیوتھراپی آسامیوں کا مطالبہ، اور فزیوتھراپسٹ کے لیے ایک آزاد و خودمختار کونسل کے قیام کی ضرورت پر زور دیا گیا۔

ملاقات کے دوران وفد نے وزیر اعلیٰ بلوچستان کے فوکل پرسن کو قائل کیا کہ فزیوتھراپی کے شعبے کو صحت کے نظام میں ایک مرکزی مقام دیا جائے اور نوجوان فزیوتھراپسٹس کو روزگار کے مواقع فراہم کیے جائیں تاکہ وہ اپنی مہارت کے ذریعے عوامی خدمت میں اہم کردار ادا کر سکیں۔ اس کے ساتھ ہی، وفد نے اس بات پر بھی زور دیا کہ فزیوتھراپسٹ کی خدمات کو جدید طبی ضروریات کے مطابق بہتر طریقے سے متعارف کرایا جائے۔

وزیر اعلیٰ بلوچستان کے فوکل پرسن نے ایسوسی ایشن کی پیش کردہ تجاویز پر مکمل اتفاق کیا اور یقین دہانی کرائی کہ ان مطالبات کو سنجیدگی سے دیکھتے ہوئے ہر ممکن اقدامات اٹھائے جائیں گے۔ اس بات کی یقین دہانی سے فزیوتھراپی کے شعبے کے لیے ایک اہم پیشرفت کی راہ ہموار ہوئی ہے، جو نہ صرف فزیوتھراپسٹس بلکہ پورے صوبے کی عوام کے لیے فائدہ مند ثابت ہوگی۔

ترجمان: بلوچستان فزیوتھراپی ایسوسی ایشن

11/02/2025

بلوچستان فزیو تھراپی ایسوسی ایشن وکلا تحریک کی بھر پور حمایت کرتی ہے.✌️

30/01/2025

بی ایم سی اور بولان میڈیکل یونیورسٹی میں بد عنوانی عروج پر ہیں جس سے پورے بلوچستان کے تعلیمی نظام شدید متاثر اور پوری قوم کے نوجوانوں کی مستقبل خطرے میں ہے ۔ہم ان عنوانیوں اور تعلیم دشمن پالیسیوں کی سخت مزمت کرتے ہیں ۔
(بلوچستان فزیوتھراپی ایسوسی ایشن )

بی ایم سی اور بولان میڈیکل یونیورسٹی میں بدعنوانی کی صورتحال نہ صرف تعلیمی اداروں کی ساکھ کو متاثر کر رہی ہے بلکہ بلوچستان کے نوجوانوں کے مستقبل کو بھی خطرے میں ڈال رہی ہے۔ یہ بدعنوانیاں تعلیمی معیار کو گرا رہی ہیں، جس کے نتیجے میں نوجوانوں کی محنت اور خوابوں کا خون ہو رہا ہے۔ بدعنوانی کا یہ ناسور تعلیمی نظام کی بنیادوں کو کھوکھلا کر رہا ہے، جس سے بلوچستان جیسے پسماندہ علاقے کے طالب علموں کے لیے مواقع محدود ہو رہے ہیں۔

اس وقت بلوچستان میں بی ایم سی اور بولان میڈیکل یونیورسٹی جیسے ادارے تعلیمی اداروں کی حیثیت رکھتے ہیں، جہاں سے ہر سال ہزاروں طلبہ میڈیکل اور دیگر شعبوں میں اپنی تعلیم مکمل کرتے ہیں۔ لیکن ان اداروں میں بدعنوانی اور کرپشن کی بڑھتی ہوئی سطح نے ان کے مقاصد کو مشکوک بنا دیا ہے۔ اس بدعنوانی کے نتیجے میں معیاری تعلیم اور انصاف کا عمل متاثر ہو رہا ہے، جس سے طلبہ کا اعتماد اور حوصلہ ٹوٹ رہا ہے۔

یہ بدعنوانیاں نہ صرف تعلیمی اداروں میں رشوت، دھاندلی اور اختیارات کے غلط استعمال کی صورت میں نظر آتی ہیں، بلکہ ان کے نتیجے میں تعلیمی پالیسیوں میں بھی پیچیدگیاں اور غیر واضحیت پیدا ہو رہی ہے۔ حکومت اور متعلقہ اداروں کی جانب سے مناسب نگرانی کی کمی اور اصلاحات کی عدم موجودگی، اس بات کا مظہر ہیں کہ ان اداروں کی ذمہ داریوں کو سنجیدگی سے نہیں لیا جا رہا۔

ہم اس صورتحال کی سخت مزمت کرتے ہیں اور حکومت سے مطالبہ کرتے ہیں کہ وہ بلوچستان کے تعلیمی اداروں میں بدعنوانی کی روک تھام کے لیے فوری اقدامات کرے۔ تعلیمی نظام میں شفافیت، احتساب اور اصلاحات کی ضرورت ہے تاکہ بلوچستان کے نوجوانوں کو ایک بہتر اور روشن مستقبل دیا جا سکے۔ بلوچستان کے ہر طالب علم کا حق ہے کہ وہ ایک معیاری تعلیم حاصل کرے اور اپنے خوابوں کو حقیقت میں تبدیل کرے، نہ کہ بدعنوانی کی بھینٹ چڑھ جائے۔

ایسی پالیسیوں کی ضرورت ہے جو طلبہ کے حقوق کو تحفظ دیں اور ان کے مستقبل کو روشن کرنے کی بجائے کسی اور کے مفادات کی بھینٹ نہ چڑھائیں۔
ترجمان: بلوچستان فزیوتھراپی ایسوسی ایشن

22/01/2025

کوئٹہ : مزاکراتی عمل کی کامیابی کے سلسلے میں اپنا احتجاج ختم کرنے اور تمام سروسز کی بحالی کا اعلان کرتے ہیں، ترجمان گرینڈ ہیلتھ الائنس بلوچستان.

17/01/2025

**بلوچستان فزیوتھراپی ایسوسی ایشن حکومت بلوچستان کے غیر قانونی اقدام کی شدید مذمت کرتی ہے**

بلوچستان فزیوتھراپی ایسوسی ایشن حکومت بلوچستان کی جانب سے کیے گئے غیر قانونی اور غیر اخلاقی اقدامات کی سخت الفاظ میں مذمت کرتی ہے۔ بلوچستان فزیوتھراپی ایسوسی ایشن کے صدر، ڈاکٹر مقبول بلوچ نے اپنے بیان میں کہا ہے کہ گزشتہ رات ڈمی حکومت کی طرف سے کی جانے والی کارروائی نہایت افسوسناک اور تشویشناک ہے۔ حکومت کی جانب سے ڈاکٹر کلیم اللہ کاکڑ کے گھر پر چھاپہ مارا گیا، جس میں نہ صرف انسانی حقوق اور قانون کی دھجیاں اُڑائی گئیں بلکہ معاشرتی روایات کی بھی پامالی کی گئی۔ اس دوران چادر اور چار دیواری کا احترام نہ کرتے ہوئے، بلاجواز طور پر ان کے چچازاد بھائی کو گرفتار کر کے نامعلوم مقام پر منتقل کر دیا گیا۔

بلوچستان فزیوتھراپی ایسوسی ایشن اس غیر انسانی سلوک کی بھرپور مذمت کرتی ہے اور اسے انسانی حقوق اور سماجی اقدار کی سنگین خلاف ورزی سمجھتی ہے۔ ہم واضح طور پر کہتے ہیں کہ ایسی کارروائیاں عوام میں خوف و ہراس پھیلانے کے ساتھ ساتھ ریاستی قانون کی حکمرانی کو بھی مجروح کرتی ہیں۔

بلوچستان میں صحت کے نظام کی حالت پہلے ہی دگرگوں ہے، اور عوام کو بنیادی صحت کی سہولتوں سے محروم ہیں جنہیں روزمرہ زندگی میں شدید مشکلات کا سامنا ہے۔ اس صورتحال میں، حکومت گرینڈ ہیلتھ الائنس کے جائز مطالبات کو نظرانداز کرتے ہوئے ان کو تسلیم کرنے کے بجائے، طاقت کے زور پر سماجی اقدار کی خلاف ورزی کرنے کے ساتھ ساتھ لوگوں کو ضدو خوف کر کے عوامی آواز کو دبانے کی کوشش کررہا ہے ۔

بلوچستان فزیوتھراپی ایسوسی ایشن حکومت وقت سے مطالبہ کرتی ہے کہ ڈاکٹر کلیم اللہ کاکڑ کے چچازاد بھائی کو فوری طور پر باعزت رہا کیا جائے اور اس غیر قانونی کارروائی میں ملوث افراد کے خلاف سخت قانونی کارروائی کی جائے۔

بلوچستان فزیوتھراپی ایسوسی ایشن گرینڈ ہیلتھ الائنس کے ساتھ ہر فورم پر شانہ بشانہ کھڑی ہے اور اپنے تمام جائز مطالبات کے پورا ہونے تک احتجاج جاری رکھنے کا عہد کرتی ہے۔ ہم اس جدوجہد کو کسی بھی حد تک جاری رکھنے کے لیے پرعزم ہیں۔

بلوچستان فزیوتھراپی ایسوسی ایشن
صدر ڈاکٹر مقبول بلوچ

14/01/2025

گرینڈ الائنس کے وہ مطالبات جو نومبر 2024 میں حکومت بلوچستان کو پیش کئے گئے تھے جس میں ایم بی بی ایس ڈاکٹرز کے ساتھ فارماسسٹ ، فزیوتھراپسٹ ، نرسز اور دیگر نوکریوں کا مطالبہ کیا جو ہسپتال میں کام کرتے ہیں
جس کی بناکر آج گرینڈ الائنس کے چیئرمین ڈاکٹر بہار شاہ کو گرفتار کرکے جھوٹے الزامات لگائے ہیں تاکہ یہ لوگ ایسے مطالبات نہ کریں
تمام نرسز ، فارماسسٹ اور بلوچستان فزیوتھراپی ایسوسی ایشن گرینڈ الائنس بلوچستان کے ساتھ شانہ بہ شانہ کھڑے ہیں
اگر ڈاکٹر بہار شاہ کو رہا کرکے مطالبات نہیں مانے گئے تو سخت ترین احتجاج کیا جائیگا ۔

06/01/2025

*بلوچستان فزیوتھراپی ایسوسی ایشن کی طرف سے پروگریسیو پینل کی کامیابی پر مبارکباد*

بلوچستان فزیوتھراپی ایسوسی ایشن کی طرف سے (PPTA) بلوچستان سیکٹر پروگریسیو پینل کی کامیابی پر صدر ڈاکٹر عمیر اور تمام نو منتخب عہدیداران کو دل کی گہرائیوں سے مبارکباد پیش کی جاتی ہے۔ ہم امید کرتے ہیں کہ نئے منتخب عہدیداران اپنی قائدانہ صلاحیتوں اور محنت سے فزیوتھراپی کمیونٹی کے حقوق کے لیے مسلسل جدوجہد کرتے رہیں گے۔ ہمیں یقین ہے کہ وہ نہ صرف اپنی کمیونٹی کے مفادات کے تحفظ کے لیے کام کریں گے، بلکہ ہر فورم پر اپنے کمیونٹی کے ساتھ شانہ بشانہ کھڑے رہیں گے۔

بلوچستان فزیوتھراپی ایسوسی ایشن ہمیشہ فزیوتھراپی کمیونٹی کے حقوق کے دفاع اور اتحاد کی اہمیت پر یقین رکھتی ہے۔ ہم نے ہمیشہ اس بات پر زور دیا ہے کہ فزیوتھراپسٹس کے مسائل کا حل صرف تعاون اور اتحاد سے ہی ممکن ہے۔ اسی وجہ سے، بلوچستان فزیوتھراپی ایسوسی ایشن نے بلوچستان سیکٹر پروگریسیو پینل کی الیکشن مہم کی بھرپور حمایت کی ہے اور ہم اس بات کو تسلیم کرتے ہیں کہ اس پنل کا منشور ہماری کمیونٹی کے مفادات سے ہم آہنگ ہے۔

پروگریسیو پینل کا منشور بلوچستان کے فزیوتھراپسٹس کے حقوق کے تحفظ اور پیشہ ورانہ ترقی کے لیے نہایت اہم ہے۔ اس منشور میں خود مختار فزیوتھراپی کونسل کا قیام، روزگار کے مواقع کا فروغ، پیڈ ہاؤس جابز کی فراہمی، تعلیمی و تحقیقی سہولیات کا ارتقاء اور فزیوتھراپسٹس کے قانونی حقوق کا تحفظ جیسے اہم نکات شامل ہیں۔ یہ تمام اقدامات فزیوتھراپی کے پیشے کو منظم کرنے اور کمیونٹی کے مفادات کے تحفظ کے لیے ضروری ہیں، اور بلوچستان فزیوتھراپی ایسوسی ایشن ان تمام اقدامات کی بھرپور حمایت کرتی ہے۔
مرکزی ترجمان بلوچستان فزیوتھراپی ایسوسی ایشن**

05/01/2025

Dear Members of the Newly Elected Body of PPTA,

On behalf of the Balochistan Physiotherapy Association, I extend my heartfelt congratulations to each of you on your recent election, and I especially want to congratulate Dr.Umair Baloch on being elected as the President of PPTA Balochistan. Your dedication and commitment to our profession have not gone unnoticed, and I am confident that together, we will witness remarkable growth and development in physiotherapy practice across our province. The Balochistan Physiotherapy Association has long fought for the dignity and recognition of our profession in challenging circumstances, and I assure you that we stand firmly beside you in the coming endeavors to advance our noble field. Together, we will work tirelessly to advocate for our rights, enhance our professional standards, and secure the respect that physiotherapy deserves in Balochistan. Congratulations once again, and let us embark on this journey of progress together.

Warm regards,
Dr. Rashid Rehmat
Chairman, Balochistan Physiotherapy Association (BPA)

02/01/2025

اعلامیہ

1 جنوری 2025

*گرینڈ ہیلتھ الائنس بلوچستان کی آل پارٹیز کانفرنس*

آج، مورخہ یکم جنوری 2025، گرینڈ ہیلتھ الائنس بلوچستان کے زیر اہتمام پی جی ایم آئی کانفرنس ہال میں آل پارٹیز کانفرنس کا انعقاد کیا گیا۔ اس کانفرنس کا مقصد بلوچستان کے صحت کے نظام کو درپیش سنگین مسائل، حکومتی پالیسیوں کے مضمرات، اور ان کے حل کے لیے مشترکہ لائحہ عمل ترتیب دینا تھا۔ کانفرنس میں بلوچستان کی تمام بڑی سیاسی جماعتوں، سماجی تنظیموں، اور طبی ماہرین نے بھرپور شرکت کی۔

*کانفرنس میں شرکت کرنے والی جماعتیں*

کانفرنس میں درج ذیل سیاسی جماعتوں نے نمائندگی کی اور اپنے موقف پیش کیے:

بلوچستان نیشنل پارٹی
پشتونخوا ملی عوامی پارٹی
پشتونخوا نیشنل عوامی پارٹی
عوامی نیشنل پارٹی
نیشنل پارٹی
بلوچستان نیشنل پارٹی (عوامی)
پاکستان تحریک انصاف
نیشنل ڈیموکریٹک موومنٹ
جمیعت علماء اسلام (ف)
جمیعت علماء اسلام (نظریاتی)
جمعیت علماء اسلام (شیرانی)
جماعت اسلامی
ہزارہ ڈیموکریٹک پارٹی
کمیونسٹ انقلابی پارٹی
مجلس وحدت المسلمین
کانفرنس میں نامور وکیل اور انسانی حقوق کے علمبردار ایڈووکیٹ علی احمد کرد نے خصوصی خطاب کیا اور عوامی حقوق کے تحفظ پر زور دیا۔

*کانفرنس کے کلیدی نکات اور مشترکہ مطالبات*

*سرکاری ہسپتالوں کی نجکاری کی مخالفت*

شرکاء نے حکومت کی جانب سے سرکاری ہسپتالوں کی نجکاری اور پبلک پرائیویٹ پارٹنرشپ منصوبوں کی شدید مذمت کی۔ انہوں نے کہا کہ یہ اقدامات عوام کو صحت کی سہولیات سے محروم کرنے کے مترادف ہیں۔ شرکاء نے واضح کیا کہ نجکاری کے بجائے موجودہ نظام میں اصلاحات لائی جائیں تاکہ عوام کو بہتر سہولیات فراہم کی جا سکیں۔

*محکمہ صحت کے ملازمین کے لیے مستقل ملازمتیں*

بلوچستان کے ہزاروں بے روزگار ڈاکٹروں، فارماسسٹس، نرسز، فزیوتھراپسٹس، پیرامیڈکس اور دیگر ملازمین کے لیے مستقل بنیادوں پر روزگار فراہم کرنے کا مطالبہ کیا گیا۔ شرکاء نے میرٹ پر بھرتی کو یقینی بنانے پر زور دیا تاکہ صحت کے نظام کو فعال بنایا جا سکے۔

*محکمہ صحت کے ملازمین کی احتسابی ذمہ داری*
کانفرنس میں یہ مطالبہ کیا گیا کہ محکمہ صحت کے تمام ملازمین اپنے فرائض دیانت داری سے انجام دیں اور کسی بھی قسم کی بدعنوانی یا غفلت کی صورت میں تنظیم ان کے خلاف کارروائی کو یقینی بنائے۔

*عدلیہ کے حالیہ فیصلوں پر تحفظات*

کانفرنس میں عدلیہ کے حالیہ یکطرفہ فیصلوں پر تحفظات کا اظہار کیا گیا اور کہا گیا کہ عدلیہ کو عوامی اور ملازمین کے حقوق کے تحفظ کے لیے غیرجانبداری کا مظاہرہ کرنا چاہیے۔ سرکاری ملازمین کی تنظیموں پر پابندیاں بنیادی حقوق کے خلاف قرار دیتے ہوئے ان کی مذمت کی گئی۔

*نااہل حکومتی نمائندوں کی مذمت*

شرکاء نے موجودہ حکومت کے نمائندوں کو نااہل قرار دیتے ہوئے کہا کہ یہ لوگ عوامی مینڈیٹ کے بغیر اقتدار میں آئے ہیں۔ عوامی وسائل اور حقوق پر ڈاکہ ڈالنے کی اجازت نہیں دی جائے گی، اور کرپشن کے خاتمے کے لیے فوری اقدامات کیے جائیں گے۔

*صحت کے بنیادی ڈھانچے کی بہتری*

شرکاء نے مطالبہ کیا کہ ہسپتالوں میں صفائی ستھرائی کے نظام کو بہتر بنایا جائے، جدید طبی آلات فراہم کیے جائیں، اور تمام سرکاری ہسپتالوں کو ضروری سہولیات سے آراستہ کیا جائے۔

*متبادل نظام کی تشکیل*

نجکاری کے بجائے ایک منصفانہ اور مؤثر متبادل نظام تشکیل دیا جائے جو عوام کی ضروریات کو مدنظر رکھے۔

*حکومت اور عوامی نمائندوں سے مطالبات*

شرکاء نے حکومت سے مطالبہ کیا کہ عوامی فلاح و بہبود کو اولین ترجیحات میں شامل کیا جائے، صحت کے شعبے کے مسائل کے حل کے لیے مؤثر اقدامات کیے جائیں، اور بیوروکریسی کے غیر ضروری اثر و رسوخ کو ختم کیا جائے۔
جماعتوں نے محمکہ صحت کے مسائل کو حل کرنے کے لیے اپنے بنیادی ترجیات میں شامل کرنے کی یقین دہانی کرائی

*مشترکہ عزم اور احتجاجی لائحہ عمل*

تمام سیاسی جماعتوں نے گرینڈ ہیلتھ الائنس بلوچستان کے مطالبات کی حمایت کا اعلان کیا۔ اگر حکومت نے ان مطالبات پر عمل نہ کیا تو تمام جماعتیں احتجاجی لائحہ عمل میں شریک ہوں گی۔

*چیئرمین گرینڈ ہیلتھ الائنس بلوچستان کا اختتامی خطاب*

چیئرمین ڈاکٹر بہار شاہ نے کانفرنس کے تمام شرکاء کا شکریہ ادا کرتے ہوئے کہا کہ صحت کے مسائل کے حل کے لیے سیاسی جماعتوں کے ساتھ رابطہ جاری رکھا جائے گا۔ انہوں نے سیاسی جماعتوں سے عوامی حقوق کے تحفظ کی اپیل کی۔

*میڈیا سیل*
*گرینڈ ہیلتھ الائنس بلوچستان*

31/12/2024

*دعوت نامہ برائے میڈیا*

*گرینڈ ہیلتھ الائنس بلوچستان کا ہسپتالوں میں سہولیات کی عدم فراہمی اور اپنے حقوق کے حوالے سے ال پارٹیز کانفرنس کا انعقاد*

السلام علیکم

*گرینڈ ہیلتھ الائنس بلوچستان نے ال پارٹیز کانفرنس بروز بدھ بتاریخ یکم جنوری 2025 کو بوقت 3 بجے دوپہر کو پی جی ایم آئی سول ہسپتال کویٹہ میں ہوگی۔ اس ال پارٹیز کانفرنس میں بلوچستان کے تمام سیاسی پارٹیوں کے رہنما شرکت کریں گے*

تمام الیکٹرانک میڈیا ، پرِنٹ میڈیا اور سوشل میڈیا کے صحافیوں سے بھر پور شرکت کی درخواست کی جاتی ہیں.

اپ کی شرکت ہمارے لیے باعث فخر اور باعث مسرت ہوگی

ڈاکٹر صبور کاکڑ
ترجمان گرینڈ ہیلتھ الائنس

29/12/2024

**پریس ریلیز**
**بلوچستان میں صحت کے شعبے کی زبوں حالی اور حکومتی نااہلی پر بلوچستان فزیوتھراپی ایسوسی ایشن کا سخت ردعمل**

بلوچستان فزیوتھراپی ایسوسی ایشن کے صدر، ڈاکٹر مقبول بلوچ نے بلوچستان گرینڈ ہیلتھ الائنس کے ساتھ مکمل یکجہتی کا اظہار کرتے ہوئے حکومت بلوچستان کی جانب سے ڈاکٹرز، پیرامیڈیکل اسٹاف اور دیگر صحت کے ملازمین پر پابندیاں عائد کرنے کی کوششوں کی شدید الفاظ میں مذمت کی ہے۔ انہوں نے ان اقدامات کو آئین پاکستان کی صریح خلاف ورزی قرار دیا، جو ہر شہری کو تنظیم سازی اور حقوق کے لیے آواز بلند کرنے کی آزادی فراہم کرتا ہے۔ ڈاکٹر مقبول بلوچ نے کہا کہ یہ ملازم دشمن پالیسیاں نہ صرف صحت کے شعبے کو مزید کمزور کریں گی بلکہ بلوچستان کے عوام کو بنیادی طبی سہولیات سے بھی محروم کر دیں گی۔

صدر بلوچستان فزیوتھراپی ایسوسی ایشن نے صحت کے شعبے میں حکومتی کارکردگی کو سخت تنقید کا نشانہ بناتے ہوئے کہا کہ بلوچستان کے 36 اضلاع میں صحت کی سہولیات نہ ہونے کے برابر ہیں۔ اس تشویشناک صورتحال کی بنیادی وجوہات حکومتی نااہلی اور بدعنوانی ہیں۔ نوجوان طبقہ بے روزگاری کے باعث مایوسی کا شکار ہے، جبکہ ہسپتالوں کی نجکاری کا منصوبہ غریب عوام کے لیے سہولت کے بجائے ان کے لیے مزید مشکلات پیدا کر رہا ہے۔

ڈاکٹر مقبول بلوچ نے حکومت کی عوام دشمن پالیسیوں پر شدید تحفظات کا اظہار کرتے ہوئے کہا کہ جائز مطالبات تسلیم کرنے کے بجائے عوام اور ملازمین کی آواز کو دبانے کی کوشش کی جا رہی ہے، جو کسی بھی طور قابل قبول نہیں۔ انہوں نے حکومت کی غیر سنجیدہ پالیسیوں کو صحت کے شعبے کی بگڑتی صورتحال کا ذمہ دار قرار دیتے ہوئے کہا کہ حکومت روزگار کے مواقع فراہم کرنے اور طبی سہولیات کو بہتر بنانے کے بجائے اپنی ناکامیوں کو چھپانے کے لیے ملازمین کو نشانہ بنا رہی ہے۔

بلوچستان گرینڈ ہیلتھ الائنس کے ساتھ مکمل یکجہتی کا اعلان کرتے ہوئے، ڈاکٹر مقبول بلوچ نے واضح کیا کہ صحت کے شعبے کی موجودہ زبوں حالی کسی طور قابل برداشت نہیں۔ انہوں نے حکومت کو متنبہ کیا کہ غیر آئینی اور غیر قانونی پابندیاں لگانے اور غیر سیاسی حربوں سے باز آجائیں۔ بلوچستان فزیوتھراپی ایسوسی ایشن ہر فورم پر اس احتجاجی تحریک کا حصہ ہے۔

آخر میں ڈاکٹر مقبول بلوچ نے صحت کے تمام ملازمین سے اپیل کی کہ وہ متحد ہو کر اپنے حقوق کے تحفظ کے لیے ہر ممکن اقدام کریں۔ انہوں نے اس عزم کا اعادہ کیا کہ صحت کے شعبے کی بحالی اور عوام کو ان کے جائز حقوق دلانے کے لیے جدوجہد جاری رہے گی۔ بلوچستان فزیوتھراپی ایسوسی ایشن حکومت کو خبردار کرتی ہے کہ ان کے غیر آئینی اقدامات کے خلاف ہر سطح پر سخت مزاحمت کی جائے گی۔
*صدر ڈاکٹر مقبول بلوچ*

Balochistan Physiotherapy Association

25/06/2025

27/05/2025

11/02/2025

30/01/2025

22/01/2025

17/01/2025

14/01/2025

06/01/2025

05/01/2025

02/01/2025

31/12/2024

29/12/2024

Address

Telephone

Website

Alerts

Shortcuts

Share

Category