DAHN TV

DAHN TV Contact information, map and directions, contact form, opening hours, services, ratings, photos, videos and announcements from DAHN TV, Baluchistan Quetta., Quetta.

(DAHN TV)
میں خوش آمدید! یہ ہمارا آفیشل فیس بک پیج ہے جہاں آپ کو ملیں گی پاکستان بھر کی تازہ ترین خبریں، گہرائی سے تجزیات اور دلچسپ پروگرام۔ سچائی اور بروقت معلومات ہمارا عزم ہے۔ خبروں سے باخبر رہنے اور اپنے چینل کے ساتھ جڑے رہے۔

26/02/2026

ماں کی ممتا کا کوئی متبادل نہیں... پر اس معصوم نے تنہائی کا سہارا ایک کھلونے میں ڈھونڈ لیا۔ جاپان کے ننھے 'پنچ' کی یہ جذباتی کہانی آپ کا دل پگھلا دے گی۔"

25/02/2026

DAHÑ TV

رپورٹ ظفر میرزئی

*رمضان المبارک میں آواران بازار کا اچانک دورہ، گراں فروشی کے خلاف کارروائی اور زائد المیعاد اشیاء کی سخت جانچ*
آج مورخہ 24 فروری 2026 کو ڈپٹی کمشنر آواران جناب عزت نزیر صاحب کی خصوصی ہدایت پر اسسٹنٹ کمشنر آواران جناب عبد الحمید صاحب کی سربراہی میں، انسپکٹر منظور احمد بلوچ کے ہمراہ آواران بازار کا اچانک تفصیلی دورہ کیا گیا۔
رمضان المبارک کے بابرکت مہینے میں اشیائے خوردونوش کی دستیابی، معیاری اشیاء کی فراہمی اور مقررہ سرکاری نرخوں پر فروخت کو یقینی بنانے کے لیے خصوصی چیکنگ کی گئی۔ مختلف دکانوں، سبزی منڈی اور میڈیکل اسٹورز کا معائنہ کیا گیا اور سرکاری نرخ ناموں کی جانچ پڑتال کی گئی۔
دورانِ معائنہ گراں فروشی میں ملوث بعض دکانداروں کے خلاف موقع پر کارروائی عمل میں لائی گئی اور انہیں سختی سے تنبیہ کی گئی۔ مزید برآں زائد المیعاد اشیائے خوردونوش اور ادویات کی بھی جانچ کی گئی تاکہ عوام کو محفوظ اور معیاری سامان کی فراہمی یقینی بنائی جا سکے۔
انتظامیہ کی جانب سے تمام دکانداروں کو ہدایت جاری کی گئی کہ سرکاری نرخ نامے نمایاں مقام پر آویزاں کریں اور مقررہ قیمتوں کی مکمل پابندی کریں۔ واضح کیا گیا کہ رمضان المبارک کے دوران گراں فروشی، ذخیرہ اندوزی یا زائد المیعاد اشیاء کی فروخت کسی صورت برداشت نہیں کی جائے گی، اور خلاف ورزی کی صورت میں سخت قانونی کارروائی عمل میں لائی جائے گی

24/02/2026

DAHÑ TV داہن ٹی وی
حب میں راشن کی تقسیم پر سنگین سوالات، مستحق معذور شہری محروم — شفافیت پر سوالیہ نشان
حب: مقدس ماہِ رمضان میں حکومتِ بلوچستان کی جانب سے مستحقین کے لیے فراہم کیے گئے راشن پیکیج کی تقسیم کے عمل پر سوالات اٹھنے لگے۔ ایک ہاتھ سے معذور اور نادار شہری نے میڈیا سے گفتگو کرتے ہوئے انکشاف کیا کہ شدید مالی مشکلات کے باوجود اسے راشن پیکیج سے محروم رکھا گیا۔
متاثرہ شہری کے مطابق راشن کی تقسیم مبینہ طور پر محدود اور مخصوص افراد تک رہی، جبکہ حقیقی مستحقین نظر انداز ہوتے رہے۔ شہری نے مؤقف اختیار کیا کہ اگر مستحق افراد کو ہی سہولت نہ ملے تو ایسے اقدامات کا مقصد کیسے پورا ہوگا؟
شہری حلقوں نے ضلعی انتظامیہ، بالخصوص ڈپٹی کمشنر حب سے مطالبہ کیا ہے کہ راشن کی تقسیم کے طریقہ کار کا فوری اور شفاف جائزہ لیا جائے، فہرستوں کی جانچ پڑتال کی جائے اور اگر کہیں کوتاہی یا نااہلی پائی جائے تو ذمہ داروں کے خلاف کارروائی کی جائے تاکہ آئندہ کسی غریب، یتیم یا معذور کو اپنے حق کے لیے دہائیاں نہ دینا پڑیں۔
عوامی حلقوں کا کہنا ہے کہ رمضان میں فلاحی اقدامات صرف اعداد و شمار تک محدود نہ رہیں بلکہ حقیقی مستحقین تک پہنچنا ہی اصل کامیابی ہے۔
(ظفر امیرزئی)
#حب #مستحقین

DAHÑ TV داہن ٹی ویبلوچستان میں نئے ڈویژنز اور اضلاع کے قیام کی منظوریکوئٹہ: Government of Balochistan کی صوبائی کابینہ ن...
24/02/2026

DAHÑ TV داہن ٹی وی

بلوچستان میں نئے ڈویژنز اور اضلاع کے قیام کی منظوری

کوئٹہ: Government of Balochistan کی صوبائی کابینہ نے صوبے میں نئے ڈویژنز اور اضلاع کے قیام کی منظوری دے دی۔ پشین ڈویژن اور بارشور کے نام سے نیا ضلع قائم کیا جائے گا، جبکہ کوئٹہ ضلع کو دو حصوں میں تقسیم کرنے کا فیصلہ بھی کیا گیا ہے۔

کوہِ سلیمان کے نام سے نیا ڈویژن بھی تشکیل دیا جائے گا جس کا ہیڈکوارٹر رکھنی ہوگا۔ حکام کے مطابق اقدام کا مقصد انتظامی نظام کو مؤثر بنانا ہے۔

(ظفر امیرزئی)

24/02/2026

(DAHÑ TV)

Reporter (SHAIKH UMAR AMIN)

(LAST PART)

جہاں سمندر کی خاموشی باتیں کرتی ہے 🌊

"گڈانی محض ایک پکنک پوائنٹ نہیں، بلکہ بلوچستان کے ساحل پر بکھرا وہ سحر ہے جہاں نیلی لہریں ریت پر اپنی داستانیں لکھتی ہیں۔ یہاں کی سنہری ریت اور ڈھلتے سورج کا منظر صرف آنکھوں کو سکون نہیں دیتا، بلکہ روح کی تھکن بھی اتار دیتا ہے۔

حالیہ سفر کے دوران وہاں موجود لوگوں سے بات کر کے یہ احساس ہوا کہ گڈانی صرف ایک منزل نہیں، ایک احساس ہے۔ کوئی یہاں کی لہروں میں فوٹوگرافی کے رنگ ڈھونڈ رہا ہے، تو کوئی اپنوں کے ساتھ خاموشی کے چند حسین پل چرانے آیا ہے۔ یہ قدرت کا وہ شاہکار ہے جو آپ کو خود سے ملوا دیتا ہے۔"

24/02/2026

DAHÑ TV

اوتھل۔ (رپورٹ عزیز یوسفزئی)


اوتھل میں سنوکر کا رنگا رنگ میلہ سج گیا، جہاں پہلا پیر باقر علی شاہ جیلانی میموریل سنوکر چیمپئن شپ شاندار انداز میں شروع ہو گئی۔ اس ٹورنامنٹ کا انعقاد ایم اے سنوکر کلب کی جانب سے کیا گیا ہے، جس میں ضلع لسبیلہ اور حب کے نامور کھلاڑی اپنی مہارت کا لوہا منوانے کے لیے میدان میں اتر آئے ہیں۔

افتتاحی میچ نور الحق اور زبیر بلوچ کے درمیان کھیلا گیا، جس میں دونوں کھلاڑیوں نے شاندار کھیل کا مظاہرہ کرتے ہوئے شائقین سے خوب داد وصول کی۔ میچ کے دوران سنوکر ہال میں موجود تماشائیوں کا جوش و خروش دیدنی تھا۔

افتتاحی تقریب کے مہمانِ خصوصی پیر محمد شاہ جیلانی تھے، جن کی آمد پر معروف سماجی شخصیت ماما اسلم نے انہیں پھولوں کا گلدستہ پیش کیا۔ اس موقع پر تنویر بلوچ اور وڈیرہ غلام نبی بھی ان کے ہمراہ موجود تھے۔ مہمانِ خصوصی نے اپنے خطاب میں کہا کہ اس طرح کی کھیلوں کی سرگرمیاں نوجوانوں کو مثبت سرگرمیوں کی طرف راغب کرنے میں اہم کردار ادا کرتی ہیں اور صحت مند معاشرے کی تشکیل میں معاون ثابت ہوتی ہیں۔

ٹورنامنٹ آرگنائزر اور انتظامیہ نے اس عزم کا اظہار کیا کہ چیمپئن شپ کو شفاف اور بہترین انداز میں مکمل کیا جائے گا تاکہ علاقے میں سنوکر کے کھیل کو مزید فروغ مل سکے۔

واضح رہے کہ یہ میموریل چیمپئن شپ مرحوم پیر باقر علی شاہ جیلانی کی یاد میں منعقد کی جا رہی ہے، جس کا مقصد کھیلوں کے فروغ کے ساتھ ساتھ نوجوان ٹیلنٹ کو آگے لانا ہے۔ شائقینِ سنوکر کی بڑی تعداد کی شرکت اس بات کا ثبوت ہے کہ اوتھل میں کھیلوں کے میدان آباد ہو رہے ہیں۔

23/02/2026

گڈانی کا ساحل: جہاں لہریں داستانیں سناتی ہیں 🌊
"گڈانی صرف ایک پکنک پوائنٹ نہیں، بلکہ سکون اور قدرتی حسن کا وہ شاہکار ہے جو بلوچستان کی پہچان بن چکا ہے۔ یہاں کی نیلی لہریں اور سنہری ریت جب آپ کے قدموں کو چھوتی ہیں، تو شہر کی تمام تھکن منٹوں میں غائب ہو جاتی ہے۔

حال ہی میں وہاں موجود سیاحوں سے گفتگو ہوئی، تو اندازہ ہوا کہ لوگ یہاں صرف گھومنے نہیں آتے، بلکہ قدرت کے اس حسین سحر میں خود کو کھونے آتے ہیں۔ کسی کے لیے یہ فوٹوگرافی کا بہترین مقام ہے، تو کسی کے لیے فیملی کے ساتھ گزارے ہوئے یادگار لمحات۔"

23/02/2026

گڈانی بیچ: عوامی تاثرات اور ایک مختصر جائزہ
"گڈانی کا ساحل صرف ریت اور پانی کا مجموعہ نہیں، بلکہ بلوچستان کی خوبصورتی کا وہ رخ ہے جو ہر دیکھنے والے پر اپنا سحر طاری کر دیتا ہے۔ حال ہی میں مجھے یہاں آنے والے لوگوں سے بات کرنے کا موقع ملا اور ان کے خیالات جان کر گڈانی کی اہمیت مزید واضح ہوئی۔"

21/02/2026

مراد علی شاہ نے سندھ اسمبلی میں سندھ کی تقسیم کے خلاف قرارداد پیش کر دی۔
قرارداد میں صوبے کی جغرافیائی و انتظامی وحدت کے تحفظ کا عزم ظاہر کیا گیا۔
وزیراعلیٰ نے واضح کیا کہ سندھ کے عوام کسی بھی قسم کی تقسیم کو مسترد کرتے ہیں۔
ایوان میں قرارداد پیش ہوتے ہی سیاسی ماحول گرم ہو گیا۔

21/02/2026

کراچی کو الگ صوبہ بنانے اور سندھ کو توڑنے کی باتوں کی مذمت کرتا ہوں، وزیراعلیٰ سندھ
سندھ کی تقسیم کیخلاف قرارداد منظور

20/02/2026

DAHÑ TV داہن ٹی وی

Ali Hassan Zehri کی آڈیو سامنے آگئی جس میں انہوں نے کہا کہ وہ ذاتی مفاد کے لیے نہیں بلکہ عوام کے حقوق کے لیے بڑی طاقتوں سے لڑ رہے تھے۔
ان کا دعویٰ تھا کہ انہوں نے بلوچستان میں 1500 سے زائد نوکریاں دلوانے میں کردار ادا کیا۔
آڈیو میں لندن سے کال اور چیف سیکریٹری کو آگاہ کرنے کا ذکر بھی سامنے آیا۔
سیاسی حلقوں میں اس بیان کے بعد نئی بحث چھڑ گئی ہے۔

(ظفر امیرزئی)

20/02/2026

کوئٹہ ‘ نیشنل پارٹی خیر جان بلوچ کا بلوچستان اسمبلی میں خظاب

Address

Baluchistan Quetta.
Quetta
NONEVER

Website

Alerts

Be the first to know and let us send you an email when DAHN TV posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to DAHN TV:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram