Intikhab Marriage Bureau and Adviser

10/09/2025

10/09/2025

ہر مسکراہٹ لازمی طور پر خوشی کی علامت نہیں ہوتی، کبھی انسان اس لیے ہنستا ہے تاکہ دوسروں کو اس کا دکھ محسوس نہ ہو۔ دل کے وہ زخم ہوتے ہیں جو نظر نہیں آتے مگر انسان کو اندر سے کھوکھلا کر دیتے ہیں۔ کچھ غم وقت کے ساتھ کم نہیں ہوتے بلکہ انسان کے ساتھ قبر تک اتر جاتے ہیں۔ خاموشی کبھی سب کچھ کہہ دیتی ہے، بس سننے والا چاہیے۔ دنیا صرف وہی دیکھتی ہے جو ہم دکھاتے ہیں، مگر کوئی نہیں جانتا کہ اندر سے کیا ٹوٹ رہا ہے۔ زندگی یہی ہے کہ دکھ چھپانا، مسکرانا اور خاموشی سہنا۔

10/09/2025

مجھے وہ لوگ بڑے اچھے لگتے ہیں جن سے ملنے کے لیے کوئی تکلف نہیں کرنا پڑتا مطلب پتہ ہے کہ جیسے بھی منہ اٹھا کر چلے جاؤ انہیں ہم اچھے ہی لگیں گے اور وہ ہمیں قبول کریں گے

10/09/2025

سیلابی آفت کے دنوں میں یہ سوال بار بار دل کو چیرتا ہے کہ آخر لوگ اپنے گھر بار چھوڑ کر محفوظ مقامات کا رُخ کیوں نہیں کرتے؟ کیا زندگی سب سے قیمتی متاع اور جان سب سے بڑھ کر عزیز نہیں؟ مگر حقیقت اس سوال سے کہیں زیادہ تلخ اور کہیں زیادہ کربناک ہے۔

کسان کی دُنیا بڑی مختصر مگر اُس کے لیے بڑی قیمتی ہوتی ہے۔ اُس کی دولت کھیت کا چھوٹا سا ٹُکڑا، ٹپکتی چھت والا کچّا مکان، صحن میں بندھے دو چار جانور اور وہ چند برتن ہیں جو نسلوں سے اس کے ساتھ جڑے ہُوئے ہیں۔ اگر وہ اپنا گھر چھوڑ دے تو یہ سب کچھ سیلابی موجوں کی نذر یا درندہ صِفت لُٹیروں کے ہاتھوں برباد ہو جاتا ہے۔ وہ سوچتا ہے کہ اپنی جان کو خطرے میں ڈال لینا شاید آسان ہے مگر سب کچھ لُٹا دینا برداشت سے باہر۔

کھیت اور کھلیان اُس کے لیے صرف زمین کا ٹکڑا ہی نہیں بلکہ آبرو، پہچان اور زندگی کا دوسرا نام ہیں۔ کسان اس اُمید کے سہارے بیٹھا رہتا ہے کہ شاید سیلاب سے بچ جائے اور فصل کے چند تنکے ہی سہی مگر اپنے بچّوں کی شِکم سیری کے لیے کچھ نہ کچھ بچا سکے۔

غُربت بھی اُس کے قدموں کی زنجیر ہے۔ نہ سواری میّسر اور نہ ہی اتنی سکّت کہ کئی دِن یا ہفتے کسی محفوظ مقام پر بچوں کا پیٹ بھر سکے۔ اُس کے سامنے ایک ہی سوال ہوتا ہے کہ بے سروسامانی کے ساتھ دربدر ذلیل ہونا بہتر ہے یا اپنے ہی صحن میں ڈوب مرنا؟

ریلیف کیمپس پر عدم اعتماد بھی اُس کے دل میں زہر گھول دیتا ہے۔ وہ جانتا ہے کہ وہاں چھت کے نام پر تمبُّو کا ایک ٹُکڑا ہے، کھانے کا بندوبست قلیل اور فقط فوٹو سیشن تک محدُود ہے اور عزّتِ نفس ہر لمحہ مجروح ہوتی ہے۔ ماضی کے یہی تلخ تجربات اُسے اپنی اُجڑی بستی چھوڑنے سے ڈراتے ہیں۔

پھر گاؤں اور آبائی زمین سے ایسا رشتہ ہے جو خون کی ڈور کی طرح ٹوٹنے کا نام نہیں لیتا۔ وہ اپنی جنم بھومی کو چھوڑنے کو بے وفائی اور کمزوری سمجھتا ہے۔ یہی محبت اور یہی ضِد اُسے پانی کے عذاب میں بھی باندھے رکھتی ہے۔

اکثر ایسا بھی ہوتا ہے کہ سیلاب اچانک لپک کر آتا ہے۔ لمحوں میں بستیوں کو اپنی بانہوں میں جکڑ لیتا ہے اور نکلنے کا کوئی راستہ باقی نہیں چھوڑتا۔

اور جو لوگ نکلنے کی ہمت کرتے ہیں اُن کے دل ایک اور خوف سے گِھر جاتے ہیں کہ خالی گھروں کو گروہ در گروہ دنداتے پِھرتے لُٹیرے نوچ کھسوٹ جاتے ہیں۔ چھتوں کے ٹی آر اور گارڈر تک اُکھاڑ لیے جاتے ہیں، پانی کی ٹینکیاں اور موٹریں چُرا لی جاتی ہیں، دروازے اور کھڑکیاں تک نوچ کر بیچ دی جاتی ہیں۔ کسان تڑپ کر سوچتا ہے کہ ڈوبتے پانی سے تو شاید چھت بچ جائے مگر ان انسان نما درندوں سے ہرگز نہیں۔

یوں سیلاب کے دنوں میں انسان ایک دل دہلا دینے والے انتخاب کے سامنے کھڑا رہتا ہے کہ یا تو اپنی جان بچا لے اور سب کچھ گَنوا کر ساری زندگی افلاس و لاچاری کی اذیت سہتا رہے یا سب کچھ بچانے کی خاطر اپنی جان کا سودا کر لے۔

یہی وہ المیہ ہے جو سمجھنے والوں کے لیے سوال بن کر دل کو کاٹتا ہے اور سہنے والوں کے لیے ایک ایسا زخم جو کبھی نہیں بھرتا۔

08/09/2025

وراثت میں حصہ نہ لینا کیسا

08/09/2025

08/09/2025

08/09/2025

08/09/2025