10/12/2024
تحریر: ملک بھورل (ماہرِ نفسیات ، ماہرِ جنسیات)
کچھ دنوں سے میرے وٹس ایپ نمبر پر لاتعداد لوگ پوچھ رہے تھے کہ پاکستان میں کتنے لوگوں کو نفسیاتی علاج کی ضرورت ہے؟
ماہرین نفسیات کے ایک سروے کے مطابق پاکستان میں ہر تیسرے شخص کو نفسیاتی علاج کی اشد ضرورت ہے جبکہ ایک دوسرے سروے کے مطابق دنیا میں ہر چوتھے شخص کو نفسیاتی علاج کی اشد ضرورت ہے۔
پاکستان میں بے انتہا جہالت ہے جہاں پر نفسیاتی بیماریوں کو جسمانی بیماریوں کی طرح اہمیت نہ دی جاتی ہے۔دوسری بات یہ ہے کہ نفسیاتی بیماریوں کا شعور اور آگاہی بھی کم ہے۔ لوگ نفسیاتی بیماریوں کو جنات کے اثرات یا جنات کا سایہ سمجھتے ہوئے ماہرِ نفسیات سے علاج کروانے کی بجائے پیرو فقیروں کے پاس مریض کو علاج کے لیے لے جاتے ہیں کچھ مریض ایسے شدید نفسیاتی امراض کا شکار ہوتے ہیں کہ پیر صاحب کو علاج کے دوران ہی زور دار کسی تیز دھار آلے کا استعمال کرتے ہوئے قتل بھی کردیتے ہیں۔ کچھ ذہنی مریض پیر صاحب کے پاس جاتے ہی پیر صاحب کو دھرتی میں گاڑھ دیتے ہیں۔ پاکستان کے لوگوں کو نفسیاتی اور روحانی علاج میں فرق کرنا سیکھنا چاہیے۔
پاکستان میں روزانہ نفسیاتی امراض میں مبتلا لوگ کئی کئی دوسرے لوگوں کو قتل کردیتے ہیں۔ لوگ کہتے ہیں ذاتی دشمنی تھی جس نے اپنے بچے قتل کردیے بھلا معصوم بچوں کے ساتھ قاتل کی کیا دشمنی تھی۔ میرے پوچھنے پر مجھے کوئی بھی آج تک نہیں بتا سکا اور نہ ثابت کرسکا کہ قاتل کی معصوم بچہ سے کیا دشمنی تھی کہ اس نے بڑوں کے ساتھ ساتھ بچہ کو بھی نہیں بخشا۔
پاکستان میں لوگ آئے روز خود کشیاں کرکے زندگیاں ختم کررہے ہیں۔ میں بطور ماہرِ نفسیات روزانہ مختلف خودکشیاں ہوتی دیکھتا ہوں۔ خودکشیوں کی بنیادی طور پر اصل وجہ مختلف نفسیاتی بیماریاں ہوتی ہیں۔
حقیقت تو یہ ہے کہ ان مختلف نفسیاتی بیماریوں کی وجہ سے لوگوں کو ٪80 جسمانی بیماریاں بھی لاحق ہوتی ہیں۔
عرصہ دراز سے دنیا بھر کے مختلف ممالک سے تعلق رکھنے والے لوگوں کو بطور کنسلٹنٹ کلینیکل سائیکالوجسٹ و سیکسالوجسٹ آن لائن نفسیاتی و جنسیاتی علاج کے سیشنز کروا رہا ہوں۔ آج سوچا کہ نفسیاتی و جنسیاتی علاج کی آگاہی و شعور کے لیے اور ذہنی صحت میں بہتری لانے کے لیے کالم لکھنے کا سلسلہ جو کچھ عرصہ قبل مصروفیت کی وجہ سے بند کردیا تھا دوبارہ کھول دوں۔اب انشاللہ ضرور آپ لوگوں کے لیے ذہنی و جنسی صحت کے موضوع پر کالم لکھتا رہوں گا۔
میرے ذہنی صحت پر مشتمل مذکورہ کالموں پر اپنی ذاتی رائے ضرور دیں۔میرے رابطہ نمبر پر وقت لیکر کال یا میسیج کرکے مجھے مثبت رائے سے آپ ضرور آگاہ کریں تاکہ میں آپ لوگوں کا مزید ساتھ دے سکوں اور بطور ماہر نفسیات مزید محنت کرکے دنیا بھر کے لوگوں کو خودکشیوں سے بچا سکوں۔
کال یا وٹس ایپ نمبر 03060254191
