Life line +Laboratories

23/04/2025

فوری اقدامات:
1. زخم کو فوراً دھونا:
متاثرہ جگہ کو فوراً صابن اور صاف پانی سے کم از کم 15 منٹ تک دھوئیں۔ یہ وائرس کو باہر نکالنے میں مدد دیتا ہے۔
2. الکحل یا آیوڈین لگانا:
زخم صاف کرنے کے بعد اس پر الکحل، ڈیٹول یا آیوڈین لگائیں تاکہ جراثیم ختم ہوں۔
3. فوری طور پر قریبی اسپتال جائیں:
ڈاکٹر سے رابطہ کریں اور بتائیں کہ کتے نے کاٹا ہے، چاہے زخم معمولی ہی کیوں نہ ہو۔
ویکسین کا طریقہ کار:
ریبیز کے خلاف ویکسین لگوانا نہایت ضروری ہے۔ عام طور پر درج ذیل شیڈول ہوتا ہے:
Day 0: پہلی ویکسین (کتے کے کاٹنے کے دن)
Day 3: دوسری ویکسین
Day 7: تیسری ویکسین
Day 14: چوتھی ویکسین
Day 28: پانچویں ویکسین

اگر کتے کا کاٹا بہت گہرا ہو یا چہرے، گردن یا ہاتھ جیسے حساس حصے پر ہو تو Rabies Immunoglobulin بھی لگائی جاتی ہے (صرف ایک بار، Day 0 پر)۔
اہم ہدایات:
علاج میں ہرگز تاخیر نہ کریں۔
دیسی ٹوٹکوں پر انحصار نہ کریں۔
ویکسین کا کورس مکمل کریں، چاہے زخم ٹھیک بھی ہو جائے۔..

30/09/2024

یورک ایسڈ کیا ہے؟

یورک ایسڈ ایک کیمیکل ہے
جو جسم میں پروٹین کے ٹوٹنے کے عمل سے بنتا ہے۔ جب ہم زیادہ گوشت، دالیں، اور دیگر پروٹین والی غذائیں کھاتے ہیں تو یہ پیدا ہوتا ہے۔

یہ یورک ایسڈ خون میں شامل ہو کر گردوں کے ذریعے پیشاب کے راستے خارج ہو جاتا ہے۔ اگر گردے صحیح کام نہ کریں یا یورک ایسڈ کی مقدار زیادہ ہو جائے تو یہ جسم میں جمع ہو کر مختلف مسائل پیدا کر سکتا ہے، جیسے جوڑوں میں درد اور سوزش۔

یورک ایسڈ بڑھنے کی وجوہات

یورک ایسڈ بڑھنے کی کئی وجوہات ہیں۔
زیادہ پروٹین والی غذاؤں کا استعمال، جسم میں پانی کی کمی، اور گردوں کی کارکردگی میں خرابی اس کی سطح بڑھا سکتے ہیں۔

بعض ادویات اور صحت کے مسائل،
جیسے ہائی بلڈ پریشر یا موٹاپا بھی یورک ایسڈ کی سطح کو متاثر کر سکتے ہیں۔

علامات

یورک ایسڈ کی زیادتی کے علامات میں
جوڑوں میں درد، خاص طور پر پیروں کے انگوٹھے میں سوزش شامل ہیں۔ کبھی کبھار جسم میں بخار یا تھکن بھی محسوس ہو سکتی ہے۔

کنٹرول کرنے کے طریقے

یورک ایسڈ کو کنٹرول کرنے کے لیے خوراک میں تبدیلی اور پانی کا زیادہ استعمال بہت اہم ہے۔ ماہر معالج کی ہدایات کے مطابق ہومیوپیتھی اور ہربل دوائیں بھی مددگار ثابت ہو سکتی ہیں۔

پانی زیادہ پینا ضروری ہے کیونکہ یہ جسم سے زائد یورک ایسڈ کو خارج کرنے میں مدد دیتا ہے۔ بعض غذائیں، جیسے دہی، سیب، کیلا، پالک، لوکی، اور تخم مالنگاں بھی مفید ہیں۔

پرہیز

یورک ایسڈ کو بڑھانے والی غذاؤں میں سرخ گوشت، چنے، اور زیادہ چینی والی اشیاء شامل ہیں۔ کولڈ ڈرنکس سے پرہیز کرنا بہتر ہوتا ہے۔

یورک ایسڈ کی سطح کی جانچ

یورک ایسڈ کی سطح جانچنے کے لیے خون کا ٹیسٹ کیا جاتا ہے۔ نارمل سطح 3.5 سے 7.2 ملی گرام فی ڈیسی لیٹر ہوتی ہے۔ اگر یہ سطح زیادہ ہو جائے تو علاج کی ضرورت ہوتی ہے۔

وٹامن سی کا استعمال بھی یورک ایسڈ کو کنٹرول کرنے میں مددگار ہے۔ پروبایوٹک غذائیں، جیسے دہی اور گھر میں بنے پانی والے اچار، بھی مدد دیتی ہیں۔

لیموں پانی اور سیب کا سرکہ جسم کی پی ایچ کو متوازن رکھنے میں مددگار ثابت ہوتے ہیں۔ قدرتی طور پر یورک ایسڈ کو کم کرنے کے لیے ہلدی، ادرک، اور لہسن کی چائے بھی مفید ہے۔

یورک ایسڈ کی زیادتی کو کنٹرول کرنے کے لیے غذا اور طرز زندگی کو بہتر بنانا ضروری ہے۔

پانی زیادہ پینا، صحت مند غذائیں کھانا،
اور غیر ضروری ادویات سے بچنا اس مسئلے کے
حل میں مددگار ثابت ہوتا ہے۔

جاوید اختر آرائیں
30 ستمبر 2024

15/09/2024

مردانہ بانجھ پن / Azoospermia ایزو سپرمیا کیوں ہوتا ہے وجوہات اور علاج کیا ہے ؟

مردانہ بانجھ پن کی سب سے بڑی وجہ ایزو سپرمیا ہے ایسے مرد کے مادہ تولید میں ایک بھی جراثیم/ سپرم نہیں پایا جاتا یا پھر سپرمز کی اتنی کم مقدارہوتی ہے کہ ان کا پتہ ہی نہیں چل پاتامرودوں میں ایزو سپرمیا کی شرح 15فیصد تک ہے جیسے ہی مردوں ایزو سپرمیا کے متعلق معلوم ہوتا ہے تو وہ پریشان ہو جاتے ہیں اور سمجھ بیٹھے ہیں کہ شاید وہ زندگی بھر باپ نہیں بن سکیں گے حالانکہ ایسا بالکل نہیں ہےمیڈیکل سائنس اس قدر ترقی کر چکی ہے کہ قدرت کا ساتھ ہو تو اب کسی بھی بیماری کا علاج نا ممکن نہیںIUI IVFٹیسٹ ٹیوب بے بی تکنیک کے زریعے ایزو سپرمیا کے مریض بھی اپنے ہی جراثیم سے اپنی حقیقی بچے کے باپ بن سکتے ہیں۔

سپر م/جراثیم کیسے بنتے ہیں ؟

سپرمز مردکے ٹیسٹیز/ گولیوں میں موجود سیمنی فیرس ٹبیولزمیں بنتے ہیں اس کے بعد سپرم ٹیسٹیز میں موجود ایک جگہ جیسے ایپی ڈیڈائمس بولتے ہیں اس میں سٹور
ہوتے ہیں جب مرد ہمبستری کے دوران انزال کے قریب ہوتا ہے تب یہی سپرم ایپی ڈیڈائمس سے سفر کر ایک ٹیوب (واس ڈیفرنس )کے زریعے پیشاب کی نالی تک پہنچتے ہیں اور مرد ڈسچارج ہو جاتا ہے سپرم نکل آتے ہیں اس سارے عمل کو spermetogenesis کہتے ہیں جو ہمارے جسم کے پچوٹری ہارمونز کے کنڑول میں ہوتا ہے اس سے ملی جلتی بڑی غلط فہمی یہ بھی پائی جاتی ہے کہ سپرم مرد کی ٹانگوں کےدرمیان پائے جانے والے گھٹنوں میں بنتے اور سٹور ہوتے ہیں جو زیادہ ہمبستری کرنے کی وجہ سے ختم ہو جاتے ہیں جوکہ سرا سر غلط بات ہے۔

ایزو سپرمیا کے مریض دو طرح کے ہوتے ہیں ایک obstructive azoospermiaاور دوسرا Non obstructive azoospermiaتفصیل ذیل ہے ۔

obstructive azoospermia

ایسے مریض میں سپرم بن تو رہے ہوتے ہیں لیکن انزال کے وقت سپرم کا اخراج نہیں ہوتا مرد کے ٹیسٹیز/گولیوں سے پیشاب کی نالی تک جو سپرم نکلنے کا راستہ ہوتا ہے اس راستے میں کہیں بلاکیج آ جاتی ہےمثال کے طور پر کبھی دوران لڑائی جھگڑا یا کسی بھی طرح سے مرد کوٹیسٹیز پر چوٹ سخت چوٹ آئی ہودوران کھیل کود ٹیسٹیز پر گیند لگی ہو ،ہرنیاں یا hydrocele operationکا آ پریشن ہوا ہو ٹیسٹیز میں چھوٹی چھوٹی وینز کا گچھا یعنی Varicoceleہو تو ایسی حالت کا مریضobstructive azoospermiaکے مسلے سے دوچار ہو سکتا ہے ایسے مریض کا فیزیکل باڈی ایگزامینیشن کیا جاتا ہے ہارمونل ٹیسٹ جیسا کے ٹیسٹوسٹیرون ، پرالیکٹن ، تھائی رائیڈ کیے جاتےہیں ٹیسٹیز سکروٹم کا الٹرا ساؤنڈ کیا جاتا ہے اگر تمام ٹیسٹ نارمل ہوں تو پھرobstructive azoospermiaہوتا ہے ۔

Non obstructive azoospermia

ایسے مریض میں سپرم/جراثیم بالکل بنتے ہی نہیں جس کی وجہ پیدائشی یا پھر کوئی بیماری ہو سکتی ہےاگر ہارمونل ٹیسٹ نارمل نہیں آتے یا پھر الٹرا ساؤنڈ میں ٹیسٹیز/گولیاں صحت مند دیکھائی نہیں دیتی تو پھر Non obstructive azoospermia
ہوتا ہے.

جنہیں سمجھ نہیں آئی تو انہیں آسان زبان میں سمجھاؤں آپ کی پانی کی ٹینکی ہو اورنل میں پانی نہ آ رہا ہو تو اس کی دو وجوہات ہو سکتی ہے یا تو آپ کی ٹینکی میں پانی موجود ہی نہیں یا اگر پانی ہے تو آپ کی ٹینکی کے پائپ یا نل میں کہیں بلاکیج ہےجس وجہ سے پانی نہیں آ رہا اگر پانی ہوا تو آپ ٹینکی سے ڈائریکٹ پانی نکال لیں گےیا پائپ /نل کی بلاکیج ختم کریں گے ۔
مکمل چیک اپ کروانے کے بعد ہی اس کے علاج کے بارے میں پتا چل سکتا ہے کہ آیا یہ بلاکیج دوا سے ختم ہوسکتی ہے یا اسکے لیے آپریشن کروانا پڑے گا..!

09/04/2024