Qasmia Medical Care

25/05/2025

آج ہالار میمن جماعت سکھر کے زیرِ انتظام ہالار میمن جنرل اسپتال میں فری میگا میڈیکل کیمپ کا انعقاد کیا گیا، جس میں قاسمیہ میڈیکل کیئر کی جانب سے ڈاکٹر محمد وجیح شیخ نے دل، شوگر اور بلڈ پریشر کے مریضوں کا مفت معائنہ کیا۔
فری میڈیکل کیمپ میں مفت معائنہ کرنے پر ہالار میمن جماعت سکھر کے جنرل سیکریٹری اور چیئرمین ہالار میمن جنرل اسپتال سکھر محمد آصف ہارون صاحب(سچانا والے) نے ڈاکٹر صاحب کا شکریہ ادا کیا۔

24/05/2025

ھالار میمن جماعت سکھر کی جانب سے سکھر کی عوام کی آسانی کے لئے ایک روزہ میگا میڈیکل کئمپ کا انعقاد کیا گیا ہے، جس سکھر کے معروف ڈاکٹر مریضوں کا مفت معائنہ کریں گے اور قاسمیہ میڈیکل کئیر کی جانب سے ڈاکٹر محمد وجیح شیخ دل شوگر و بلڈپریشر کے مریضوں کا مفت معائنہ کریں گے۔

15/05/2025

"Updated OPD Timings of Qasmia Medical Clinic Doctors"🕓👍

10/05/2025

29/04/2025

28/04/2025

"Our Qasmia Medical Care heroes, serving humanity on the road. ❤️"

26/04/2025

ببرلوباء پاس پر وکلاء کی جانب سے کینال کے خلاف دھرنے میں موجود افراد کی سہولت کے لیے قاسمیہ میڈیکل کئیر کی جانب سے ڈاکٹر محمد صبیح شیخ نے جناب احسان خان مہر اور حسنین خان مہر کے زیرِ اہتمام لگائے گئے کیمپ میں مریضوں کا مفت معائنہ کیا اور مختلف بیماریوں کے حوالے سے مفت ادویات فراہم کئے۔

25/04/2025

Newspaper Report: One Day Free Medical at Halar Memon General Hospital Sukkur by Qasmia Medical Care Dr M. Wajeeh Shaikh

23/04/2025

سکھر، ھالار میمن جنرل ھسپتال میں ڈاکٹر محمد وجیح کی جانب سے ایک روزہ فری میڈیکل کئمپ کا انعقاد کیا گیا، جس میں قاسمیہ میڈیکل کئیر سے ڈاکٹر محمد وجیح شیخ نے مریضوں کا مفت معائنہ کیا اور مریضوں کی دل کی پٹی اور شوگر و کولیسٹرول ٹیسٹ بھی مفت کئے گئے۔

22/04/2025

News Report: Free Skin Camp

21/04/2025

کیا واقعی ڈاکٹر قصائی ہیں؟ — ذرا رُک کر سوچیں

جب کوئی مریض اسپتال میں دم توڑتا ہے، جب کوئی بچہ وقت پر آکسیجن نہ ملنے سے جان ہار جاتا ہے، جب کسی کے پیارے کی بیماری بگڑ جاتی ہے… تو دل سے ایک فریاد نکلتی ہے، "یہ ڈاکٹر قصائی ہیں!"
مگر کیا کبھی آپ نے سوچا، اُس ڈاکٹر کے دل پر کیا گزرتی ہے؟

کیا آپ نے کبھی رات 3 بجے اسپتال کی ایمرجنسی میں، اپنی نیند اور اپنے سکون کو قربان کر کے، ایک اجنبی کی جان بچانے والے ڈاکٹر کی آنکھوں میں جھانکا ہے؟
کیا آپ نے دیکھا ہے کہ کیسے ایک نوجوان ڈاکٹر 36 گھنٹے کی ڈیوٹی کے بعد بھی بغیر شکایت کے اگلے مریض کو چیک کرتا ہے؟
نہیں… کیونکہ ہم صرف تب دیکھتے ہیں جب کچھ غلط ہو۔

ڈاکٹر صرف ہسپتال میں ڈاکٹر نہیں ہوتا !
آپ اُسے شادی میں روک کر دوائی پوچھ لیتے ہیں، راستے میں ایکسرے دکھا دیتے ہیں، گلی میں ملیں تو بچے کا بخار بتا دیتے ہیں اور وہ بغیر نخرے کے، بغیر فیس کے، آپ کو جواب دیتا ہے۔
کیا کسی اور پیشے کا شخص یہ کرتا ہے؟ جج، پولیس افسر، وکیل، یا انجینئر؟
پھر بھی تنقید صرف ڈاکٹر پر کیوں؟

ڈاکٹر بننے کا سفر ایک قربانیوں بھرا راستہ ہے۔
میٹرک ، انٹر میں مقابلے کی دوڑ، انٹری ٹیسٹ کا دباؤ، پھر پانچ سال کا مشکل ترین ایم بی بی ایس، ایک سال کی ہاؤس جاب، چار سے پانچ سال کی اسپیشلائزیشن، اور سپر اسپیشلسٹ بننے کے لیے مزید دو سال — وہ بھی سخت امتحانات، وسیع نصاب، اور مسلسل ذہنی دباؤ کے ساتھ۔
یہی نہیں، ایک ڈاکٹر کے لیے عید ہو یا کسی پیارے کی شادی، اکثر فرض پہلے ہوتا ہے۔ وہ ڈیوٹی پر ہوتا ہے جب سب خوشیاں منا رہے ہوتے ہیں۔ اُس کی سوشل زندگی، ذاتی لمحے، سب قربان ہوتے ہیں — صرف انسانیت کی خدمت کے لیے۔

جب ایک تجربہ کار پروفیسر ڈاکٹر، جس نے اپنی ساری زندگی طب کے شعبے کو دی، فیس لیتا ہے تو ہم اُسے لٹیرا کہتے ہیں؟
جبکہ وکیل مہنگا ہو تو "کامیاب"، انجینئر مہنگا ہو تو "قابل"، مگر ڈاکٹر مہنگا ہو تو "ظالم"؟
سینئر ڈاکٹر، پروفیسر، یا سپیشلسٹ — اُن کی فیس اُن کی مہارت، تجربے اور قربانیوں کی قیمت ہے۔
کیا ایک نوبیل انعام یافتہ سائنسدان اور ایک عام ٹیچر کی تنخواہ برابر ہو سکتی ہے؟
پھر ڈاکٹر کے ساتھ یہ دوہرا معیار کیوں؟

پاکستانی ڈاکٹرز بلا شبہ دنیا کے بہترین معالج ہیں۔
یہی ڈاکٹر جب امریکہ، برطانیہ یا کینیڈا جاتے ہیں، تو وہاں کے اسپتالوں میں پروفیسر، ہیڈ آف ڈیپارٹمنٹس، اور ریسرچ لیڈرز بنتے ہیں۔
یہ وہی پاکستانی ڈاکٹر ہوتے ہیں جنہیں ہم یہاں “قصائی” کہہ دیتے ہیں۔
وہ دنیا میں میڈیکل بُکس کے مصنف، نامور اسپیشلسٹ، اور انسانی خدمت کی مثال ہیں — یہ ہمارے اصل ہیرو ہیں۔

پاکستان میں، آپ براہِ راست کسی بھی سپیشلسٹ سے رابطہ کر سکتے ہیں۔ آپ کا بچہ بیمار ہے؟ سیدھا چائلڈ سپیشلسٹ کے پاس جائیں۔دنیا کے کئی ممالک جیسے برطانیہ میں، آپ کو پہلے جنرل پریکٹشنر کے پاس جانا پڑتا ہے، وہاں سے ریفرل لینا پڑتا ہے، اور پھر مہینوں بعد اسپیشلسٹ سے ملنے کا وقت ملتا ہے۔
ایمرجنسی کی بات کریں تو وہاں بھی ٹرائیج سسٹم ہوتا ہے — آپ کی حالت زیادہ سنگین نہ ہو تو گھنٹوں انتظار کرنا پڑتا ہے۔
جبکہ پاکستان میں، آپ براہِ راست ایمرجنسی میں ڈاکٹر کے سامنے ہوتے ہیں۔

سرکاری اسپتالوں میں اکثر ایسا ہوتا ہے ڈاکٹرز ٹیسٹ اور ادویات کے لیے مریضوں کو اپنی جیب سے پیسے دے رہے ہوتے ہیں ،صرف اس لیے کہ اُس کے سامنے ایک انسان تکلیف میں ہے۔
مگر یہ کہانیاں کبھی وائرل نہیں ہوتیں، نہ ہی ہیڈلائن بنتی ہیں۔

کالی بھیڑیں ہر شعبے میں ہوتی ہیں اور میں اس سے انکاری نہیں،
جو ڈاکٹر بددیانتی کرتا ہے، کمیشن پر دوائیں لکھتا ہے، وقت پر نہیں آتا — وہ مجرم ہے۔
اُسے سزا ضرور ملنی چاہیے۔
مگر چند غلط چہرے، ہزاروں نیک نیت، محنتی ڈاکٹروں کو دھندلا نہ کریں۔

پاکستان کے بیشتر سرکاری اسپتال اپنی اصل صلاحیت سے پانچ گنا زیادہ مریضوں کا علاج کر رہے ہوتے ہیں۔ جہاں روزانہ سو مریضوں کا انتظام ہونا چاہیے، وہاں پانچ سو سے زائد مریض آ جاتے ہیں۔ او پی ڈی(OPD) مریضوں کا ہجوم روزانہ کی حقیقت ہے۔ قطاریں، شور، بےچینی اور درمیان میں ایک تھکا ہارا ڈاکٹر، جو سب کو سننے کی کوشش کرتا ہے۔
ڈاکٹر کو معلوم ہے کہ ہر مریض احترام، توجہ اور رہنمائی کا حق رکھتا ہے۔مگر اُسے جلدی کرنی پڑتی ہے چند منٹ میں چیک اپ، دوا، مشورہ… تاکہ زیادہ سے زیادہ مریض دیکھے جا سکیں۔
نتیجہ کئی مریض عدم اطمینان کا شکار ہو جاتے ہیں، اور الزام ڈاکٹر پر آتا ہے. نہ تو مریض قصوروار ہے، نہ ہی وہ ڈاکٹر جو اپنی نیند، تھکن اور ذاتی زندگی کو قربان کر کے سینکڑوں مریضوں کی خدمت کر رہا ہے۔
قصور نظام کا ہے — جس میں وسائل کم، آبادی زیادہ، اور دباؤ ناقابلِ تصور ہے۔

حکومت کو چاہیے کہ چھوٹے شہروں میں بنیادی سہولیات فراہم کرے، ریفرل سسٹم بنائے، اور میڈیکل شعبے میں اصلاحات لائے
اور ہمیں چاہیے کہ ہم ڈاکٹر کو صرف الزام کا نشانہ نہ بنائیں، اُس کی قربانی، اُس کی محنت، اُس کی انسانیت کو تسلیم کریں۔

آخر میں ایک سوال — اگر واقعی ڈاکٹر قصائی ہیں، تو پھر شفا کہاں سے آئے گی؟