http://www.bebreastaware.org/, http://www.globalcareconsult.com/

Dr Jawad Mustafa, Kacha shahi Road, Sadiqabad (2026)

28/02/2026

رمضان میں خواتین کے لیے ہارمونز کی بہتری کے لیے ایک خصوصی گائڈ
ہارمونز کے مسائل تمام بالغ لڑکیوں اور خواتین کو متاثر کر سکتے ہیں اور انہی مسائل کی وجہ سے بریسٹ کینسر ہونے کے امکانات میں مسلسل اضافہ ہو سکتا ہے ۔
آج سے ہی چھوٹی تبدیلیاں شروع کریں اور ہارمونز کو متوازن رکھنے میں کامیابی حاصل کریں ۔

23/02/2026

بریسٹ میں گلٹی کینسر والی ہے یا بغیر کینسر والی ، اس کا فیصلہ کسی علامت ، سنی سنائی باتوں یا کسی سوشل میڈیا پر غیر مستند پوسٹ پڑھ کر کرنے کی بجائے ڈاکٹر سے معائنہ اور تشخیص کروائیں

سب سے ضروری ہے کہ اس بات کو سیکھیں اور سمجھیں کہ کیا آپ کے بریسٹ نپلز اور بغل میں محسوس ہونے والی جلد، اندرونی چربی غدود نالیاں اور پٹھے نارمل ، ایک جیسے اور صحت مند ہیں یا کسی ممکنہ اور پوشیدہ مسئلے یا خرابی کی نشاندھی کرتے ہیں ؟

سیکھیں ، سمجھیں ، عمل کریں اور صحت مند زندگی گزاریں

22/02/2026

جسمانی تبدیلیوں پر نظر رکھیں کیونکہ مسلسل علامات ، تبدیلیاں اور مسائل رونما ہونا کسی پوشیدہ بیماری یا تشویش ناک حالت کی علامت ہو سکتی ہیں
کسی ایک علامت یا تبدیلی سے پریشان ہونے کی بجائے اس کی وجوہات تلاش کریں اور بروقت تشخیص اور علاج کروائیں

17/02/2026

پاکستان میں کالج اور یونیورسٹیوں میں بریسٹ کینسر کی آگاہی مہمات کیوں ناکام ہو رہی ہیں ؟

جب تک صرف بریسٹ کینسر کی بات ہو گی اور بریسٹ کی صحت اور کینسر کے امکانات کم کرنے کی آگاہی مہم نہیں شروع ہو گی اس وقت تک کوئی بھی مہم نوجوان لڑکیوں اور خواتین میں کامیاب نہیں ہوگی کیونکہ سب مہم کینسر پر فوکس کرتی ہیں اور بتاتی ہیں کہ کینسر عموماً 40 سال سے بڑی خواتین کو ہوتا ہے تو کم عمر لڑکیوں میں صرف کینسر سے ڈرانا بے مقصد ہوگا

ڈرانے کی بجائے سکھائیں

14/02/2026

Misconceptions about breast pain and breast cancer
ایک عام خیال کہ درد والی گلٹی کینسر نہیں ہوتی ایک خام خیالی اور جھوٹ ہے ۔

بریسٹ میں درد بریسٹ کینسر کی علامت ہوسکتی ہے اور کئی حالتوں میں بریسٹ کینسر کی پہلی علامت بریسٹ ظدرد یا مخصوص حصے میں کھچاؤ درد جلن یا سرخی بھی ہو سکتی ہے ۔
بغیر معائنہ ، الٹراساؤنڈ اور باقاعدگی سے ڈاکٹر سے معائنہ کرواۓ کسی بھی علامت یا گلٹی کو نظر انداز نہیں کرنا چاہیے
اگر آپ کو کوئی علامت ، تبدیلی ، گلٹی یا درد محسوس ہوتی ہو تو اسے نظر انداز کرنے کی بجائے صحیح مشورہ اور رہنمائی حاصل کریں ۔

13/02/2026

A patient story
گلٹی کینسر والی ہے یا نہیں یہ صرف ایک الٹراساؤنڈ یا کسی ایک ڈاکٹر کی ہدایت اور تشخیص پر منحصر نہیں ہوتا ۔
جب تک بریسٹ کی کسی گلٹی یا تبدیلی کو لگاتار معائنہ ، الٹراساؤنڈ اور بائوپسی سے کنفرم نہ کیا جائے اس وقت تک کسی بھی درد سختی گلٹی کھچاؤ فرق یا تبدیلی کو نظر انداز نہیں کرنا چاہیے
ہر گلٹی اور تبدیلی کینسر نہیں لیکن ہر گلٹی تبدیلی یا فرق مسلسل نگرانی ، معائنہ اور الٹراساؤنڈ مانگتی ہے ۔

یہ مریضہ بھی آنلائن پوسٹ دیکھ کر معائنہ اور الٹراساؤنڈ پر آمادہ ہوئیں اور بریسٹ کینسر کی تشخیص ہوئی

10/02/2026

Neglected Breast Lump in a 30 year old female.
بریسٹ میں گلٹی محسوس ہو رہی تھی لیکن کئی ماہ تک ہسپتال جا کر معائنہ یا الٹراساؤنڈ کروانے کی ہمت نہیں ہوتی تھی
یہ مریضہ کئی بار آنلائن رابطہ کر کے بریسٹ میں درد، کھچاؤ ، گلٹی اور دونوں بریسٹ کی حساسیت میں معمولی فرق کے متعلق معلومات حاصل کر رہی تھیں اور بار بار حوصلہ افزائی کے بعد جب کلینک میں معائنہ اور الٹراساؤنڈ کیا گیا تو بریسٹ میں گلٹی واضح تھی جو ایک انچ سائز سے بڑی ہو چکی تھی اور بغل میں غدود بھی بڑھ چکے تھے۔

یہی قیمتی وقت ہوتا ہے کہ گلٹی کا سائز سب سے کم ہو، بغل میں غدود نہ بڑھے ہوں اور دونوں بریسٹ نپلز میں ظاہری علامات نہ ہوں تو علاج اور شفاء کے %95 تک امکانات ہوتے ہیں لیکن اس مریضہ میں مکمل شفاء کے لیے امکانات بھی کم محسوس ہو رہے تھے اور علاج بھی مشکل ہوگا۔

مستقل بیماری یا کینسر ، دونوں حالتوں میں مکمل شفاء کا دارومدار جلد تشخیص ، صحیح مشورہ اور بروقت مکمل علاج پر منحصر ہے ۔

کسی بھی بالغ لڑکی یا خاتون کو بریسٹ نپلز بغل یا چھاتی میں کوئی بھی علامت ، فرق ، تبدیلی یا تکلیف محسوس ہو تو سب سے پہلے خوف اور جھجھک کی بجائے اپنی صحت اور زندگی کو ترجیح دینی چاہیے اور ڈاکٹر سے رجوع کرنا چاہیے ۔ جب تک تسلی بخش جواب اور تشخیص نہ ہو اس وقت تک دوسری یا تیسری جگہ سے مشورہ اور تشخیص ضرور کروائیں ۔

08/02/2026

Breasts Health, Beauty Standards and Rishta Culture in Pakistan
ایک معزز سائیکالوجسٹ اور خود ان حالات کا شکار خاتون کی رپورٹ کا خلاصہ

دنیا بھر میں سوشل میڈیا اور ذرائع ابلاغ کے منفی رجحانات کی بدولت اس طرح کے مسائل اور ذہنی الجھنوں میں مسلسل اضافہ ہو رہا ہے ۔
پاکستان کے سماجی اور ثقافتی روایات کی وجہ سے اکثر یہ مسائل مستقل جسمانی ، اعصابی بیماریوں کو جنم دینے کا باعث بن رہے ہیں ۔

ان مسائل کا شکار خصوصاً ایسی لڑکیاں اور خواتین ہیں جنہیں بریسٹ کی صحت ، ساخت ، گروتھ کے مسائل ہیں یا جنہیں بریسٹ میں گلٹی کی تشخیص ہو چکی ہے ۔

یہ آگاہی مہم Bebreastaware organization, Global Care Consult USA
اور مقامی صحت سے منسلک پروفیشنلز کی جانب سے مرتب کی گئی ہے ۔ کسی بھی لڑکی یا خاتون میں اس طرح کی جسمانی یا اعصابی الجھنوں کے بروقت حل کے لیے گھر کے افراد ، دوستوں ، ڈاکٹرز اور تھراپسٹ کا کردار اہم ہے اور مدد حاصل کرنے میں دیر نہیں کرنی چاہیے ۔

07/02/2026

Isla Sneddon Story
یہ کہانی 15 سالہ اسلہ کی ہے جنہیں سکاٹ لینڈ میں بریسٹ کی گلٹی محسوس ہونے کی صورت میں تمام ڈاکٹروں اور صحت کے ادارے کی طرف سے یہ کہا گیا کہ اس عمر میں ہارمونز کے کی تبدیلی سے گلٹیاں بن سکتی ہیں اور کوئی پریشانی کی بات نہیں ۔
اسلہ کے بار بار اصرار کرنے اور تکلیف بڑھنے کے باوجود اسے مکمل تشخیص اور علاج کی سہولت سے محروم رکھا گیا اور 17 سال کی عمر میں کینسر کی دیر سے تشخیص اور علاج نہ ہونے سے اس کی وفات ہوگئی ۔
ہمارے ملک میں بھی کم عمر لڑکیوں اور خواتین کو بریسٹ کی صحت ، معائنہ ، تشخیص اور علاج کی سہولت سے محروم رکھا جاتا ہے اور یہی کم عمر میں کینسر بڑھنے پھیلنے اور اموات کی وجہ بن رہا ہے ۔
اگر آپ کو بھی کسی بھی عمر میں بریسٹ میں سختی گلٹی تکلیف یا تبدیلی محسوس ہوتی ہے تو مزید معلومات کے لیے رابطہ کریں یا قریبی معالج سے لازمی رجوع کریں اور جب تک تسلی بخش تشخیص اور علاج نہ ہو اس وقت تک اپنی صحت کے متعلق معلومات ضرور حاصل کریں

19/01/2026

بریسٹ کی نالیوں میں گلٹی لیکن علامت صرف درد اور کبھی کبھار نپل سے معمولی مواد نکلتا ہے

ایک ماہ تک مختلف ڈاکٹروں سے وقتی درد کی دوا اور سپلیمنٹس کے استعمال کے باوجود درد اور کھچاؤ میں فرق نہیں آیا تو الٹراساؤنڈ کے لیے مریضہ نے آنلائن رابطہ کیا ۔

بریسٹ کی نالیوں میں رکاوٹ ، نپل کے نیچے سوجن کے ساتھ بریسٹ کی ایک نالی میں گلٹی موجود تھی اور بغل کے غدود بھی سوجے ہوئے تھے ۔

بریسٹ کی نالی میں یہ والی گلٹی عموماً کینسر نہیں ہوتی لیکن اس سے منسلک رکاوٹ سوجن انفیکشن خطرناک ثابت ہو سکتی ہے ۔

کسی بھی درد ، کھچاؤ ، بریسٹ نپل سائز یا حساسیت میں تبدیلی کو نظر انداز نہ کریں کیونکہ جب تک مکمل معائنہ اور الٹراساؤنڈ نہ ہو جائے تب تک صحیح تشخیص ممکن نہیں

کیا آپ نے باقاعدگی سے مکمل معائنہ اور الٹراساؤنڈ کی روٹین بنائ ہے؟

17/01/2026

ایک مریضہ نے حال ہی میں ایک بین الاقوامی گروپ کے توسط سے رابطہ کیا اور فارمیسیز میں موجود بریسٹ کریم ، لوشن ، سیرم اور سوشل میڈیا پر اشتہارات کے متعلق سوالات پوچھے جن کے جوابات اس پوسٹ میں دیے گئے ہیں ۔

جسمانی صحت اور گروتھ کی طرح بریسٹ کی صحت ، گروتھ اور ساخت میں بہتری چند دن میں ممکن نہیں ہو سکتی بلکہ اس کے لیے مسلسل احتیاطی تدابیر اور اقدامات کی ضرورت ہوتی ہے ۔

صرف بہتر نتائج حاصل کرنے کا نہ سوچیں بلکہ اس کی سیفٹی پروفائل کا بھی دھیان رکھیں

بریسٹ کی صحت بہتر بنانے اور بریسٹ کینسر ہونے کے امکانات کم کرنے کے لیے کم از کم 10 ایسے اقدامات سیکھے اور باقاعدگی سے روزمرہ زندگی میں شامل کیے جا سکتے ہیں جن سے بہتری اور حفاظت ممکن ہے ۔

Dr Jawad Mustafa

28/02/2026

23/02/2026

22/02/2026

17/02/2026

14/02/2026

13/02/2026

10/02/2026

08/02/2026

07/02/2026

19/01/2026

17/01/2026

Address

Telephone

Website

Alerts

Shortcuts

Share

Category