13/07/2025
آج میں آپ کی توجہ ایک خطرناک جڑی بوٹی کی طرف دلانا چاہتا ہوں جو پاکستان میں تیزی سے پھیل رہی ہے۔ اسے گاجر بوٹی کہا جاتا ہے اور یہ صحت، فصلات، اور ماحول کے لیے انتہائی نقصان دہ ہے۔ انسانوں اور جانوروں میں جلدی الرجی، دمہ، اور سانس کی بیماریاں فصلات کی پیداوار میں کمی چراگاہوں کی تباہی (آسٹریلیا میں 70٪ چراگاہیں ختم کر چکی ہے) مفید پودوں کو مارنے والا زہریلا مادہ خارج کرتی ہے۔ (Allelopathic Effect)
پھیلاؤ کا طریقہ ایک پودا 28,000 تک بیج پیدا کر سکتا ہے۔
بیج پانی، ہوا، جانوروں، اور سیلاب کے ذریعے دور دور تک پھیل جاتے ہے ۔پاکستان میں 2009 کے سیلاب میں گندم کے ساتھ آیا
اپریل سے نومبر کے دوران تیزی سے اگتی ہے، برسات میں قد 1.5 میٹر تک پہنچ جاتا ہے۔
روک تھام کیسے کریں۔
1. ثقافتی طریقہ (Cultural Control)
پودے کو جڑ سے اکھاڑ کر زمین میں گہرا دفن کریں
احتیاطاً دستانے اور ماسک ضرور پہنیں۔
پھول آنے سے پہلے کارروائی کریں تاکہ بیج نہ بنیں۔
2. کیمیائی طریقہ (Chemical Control)
"گلائفوسیٹ" یا "راؤنڈ اپ" کا اسپرے کریں۔ بڑے رقبے پر یہ مہنگا اور مشکل ہو سکتا ہے۔
یہ صرف زراعت کا نہیں، ایک قومی مسئلہ ہے۔
آئیں، ہم سب مل کر گاجر بوٹی کے خلاف آگاہی پھیلائیں۔ خاص طور پر طلباء، اساتذہ، سماجی کارکن، اور کسان اس مہم میں بڑھ چڑھ کر حصہ لیں۔
