Dr Quratulain - Gynecologist

28/01/2023

اسلام وعلیکم ۔۔
زندگی رب تعالیٰ کا عطا کردہ سب سے خوبصورت تحفہ ہے۔۔اس کا ایک ایک لمحہ بہت قیمتی ہے۔۔اگر شک ہو تو اسپتالوں کی ایمرجنسی میں پڑے مریضوں سے پوچھیں۔۔جو ایک ایک سانس کے لیے جدو جہد کر رہے ہیں۔۔منفی سوچوں اور رویوں سے حتی الامکان دور رہنے کی کوشش کریں ۔۔اپنا بہترین وقت اللہ کی یاد میں صرف کریں۔۔اس سے تعلق مضبوط بنائیں کیونکہ صرف وہی ہے جو آپ کا اصل خیرخواہ ہے۔۔جو آپ کو کبھی تنہا نہیں چھوڑتا۔اور ایسا تعلق قائم ہونے کے بعد آپ ہر آزمائش سے لڑ جاتے ہیں ۔۔
صبح بخیر!

27/01/2023

Jis dhajj sy koi maqtal men gaya, vo shan salamat rehti hy..
Ye jan tu ani jani hy, is jan ki to koi bat nhi

25/01/2023

ذندگی ایک آزمائش ہے- ایک جہد مسلسل ہے:
کسی کی خوبصورتی دے کر آزمائش ہوتی ہے، کسی کو خوبصورتی نہ دے کر آزمائش ہوتی ہے!
کسی کی متناسب جسم دے کر آزمائش ہوتی ہے کسی کی غیر متناسب جسم سے آزمائش ہوتی ہے-
کسی کی دولت دے کر آزمائش ہوتی ہے کسی کو دولت کی فراوانی نہ دے کر آزمائش ہوتی ہے-
کسی کی صحت دے کر آزمائش ہوتی ہے، کسی کو صحت نہ دے کرآزمائش ہوتی ہے -
کسی کو والدین کی لمبی عمر دے کر آزماتا ہے، کسی کے والدین جلدی واپس لے کر آزماتا ہے-
کسی کو اولاد دے کر آزماتا ہے کسی کو اولاد نہ دے کر آزماتا ہے-
کسی کو تعلیم کے مواقع دے کر آزماتا ہے، کسی کو یہ مواقع نہ دے کر آزماتا ہے-
کسی کو قوت اظہار و قوت بیان دے کر آزماتا ہے، اور کسی کو بیان و اظہار کی قوت نہ دے کر آزماتا ہے-
کسی کو بہترین ذہن اور یادداشت دے کر آزماتا ہے اور کسی کو نہ دے کر آزماتا ہے-
کسی کو علم کی دولت دے کر آزماتا ہے، اور کسی کو علم کی دولت نہ دے کرآزماتا ہے-
کسی کو درد دل دے کر آزماتا ہے، اور کسی کو پتھر دل دے کر آزماتا ہے- ........ا
یہ جاننا ازل سے تخلیق آدم کے وقت سے آزمائش ہے کہ کون شکر کرنے والا!....

بے شک ہم نے اسے راستہ (صحیح اور غلط کا) دکھا دیا، یا تو وہ شکر گزار ہے اور یا ناشکرا ہے (76:3)

24/01/2023

Even the longest of days will eventually come to an end . ❤

24/01/2023

17/01/2023

~ ماں اور خدا 🌸

ایک ماں کے حمل میں دو ننھے بچے ایک دوجے سے تکرار کرنے لگے۔
ایک کہنے لگا : کیا تو ماں کے پیٹ سے باہر کی زندگی کو مانتا ہے ؟ ؛
دوسرا بولا:
کیوں نہیں! پیدا ہونے کے بعد کچھ تو ضرور ہو گا جس کی خاطر اب ہم یہاں ہیں اور تیار ہو رہے ہیں۔
پہلا بچہ بولا :
بیوقوف! پیدائش کے بعد کیسی زندگی؟ ہم بس یہاں ہی زندہ ہیں اس کے بعد کہیں اور نہیں ........
دوسرا بولا:
مجھے اُس زندگی کی زیادہ خبر تو نہیں مگر شاید وہاں ، یہاں سے زیادہ روشنی ہو ، شاید وہاں ہم اپنی ٹانگوں پر چل سکیں اور منہ سے کھا پی سکیں، یا ہمارے کچھ احساسات جو ابھی معدوم ہیں وہاں ہم ان کا ادراک کر لیں۔
پہلا کہنے لگا :
انتہائی عجیب! بھلا کوئی ٹانگوں پر بھی چل سکتا ہے؛ اور منہ سے کھانا !!! تو بالکل مضحکہ خیز بات ہے۔ ہم یہاں اپنی ناف کی نالی سے خوراک لیتے ہیں اور دیکھو ذرا! یہ نالی کتنی چھوٹی سی ہے یعنی بس ہماری یہاں کی چند دن زندگی کا سامان لیے ہے ؛ اس کے بعد اگر کوئی زندگی ہوتی تو کیا یہ نالی اتنی ناپائیدار ہی ہوتی؟۔یقیناً یہاں سے باہر کوئی زندگی نہیں ہے۔
دوسرا پھر اپنی بات پہ مُصِرّ کہنے لگا :
بھائی! یہاں سے باہر کچھ نہ کچھ تو ضرور ہے جو اس پیٹ جیسا نہیں ہے بلکہ اس سے بہت بڑا اور مختلف ہے جس میں ہمیں اپنی اس خوراک کی نالی کی ضرورت بھی شاید نہ ہو۔
پہلا بچہ پھر غصے سے بولا:
ابے بے عقل! اگر باہر کوئی زندگی ہے تو پھر وہاں سے کوئی آج تک ادھر واپس کیوں نہیں آیا؟ پیدائش کے بعد کوئی زندگی نہیں ہے بلکہ ایک اندھیرا اور خاموش خلا ہے بس! جس میں ہمارا کوئی وجود نہیں؛ نہ ہم کہیں جا سکتے ہیں ۔
" اچھا !!! " دوسرا بولنے لگا:
مجھے اس بارے کچھ نہیں معلوم ، مگر میں اتنا ضرور جانتا ہوں کہ ہم اُس زندگی میں اپنی ماں سے ضرور مل سکیں گے جو ہمارا بہت خیال رکھے گی۔
یہ بات سن کر پہلا بچہ کہنے لگا:
ماں!!! ؛ کیا تم ماں کے وجود کو مانتے ہو؟ کتنی عجیب بات ہے اگر ماں ہے تو وہ ہمیں دکھائی کیوں نہیں دیتی ؟ کہاں ہے وہ ؟
دوسرے نے جواب دیا :
ماں تو ہمارے ہر طرف ہے !
اس نے ہی تو ہمارا احاطہ کر رکھا ہے۔ہم اس کے وجود سے ہی تو زندہ ہیں اور اس کے اندر سانس لیتے ہیں۔ ماں کے بغیر تو ہماری یہ دنیا بھی باقی نہیں رہ سکتی!!!
پہلا بولا : بھلے تو جو بھی کہہ؛ معقول بات یہی ہے کہ ماں ہمیں دکھائی نہیں دیتی اس وجہ سے اس کا کوئی وجود نہیں ۔
یہ سن کر دوسرا بچہ آخری بار بولا :
" تم کبھی خاموشی میں متوجہ ہونا ، تمہیں ضرور اس کے وجود کا احساس ہو گا اور تم اس کی محبت بھری آواز بھی سن سکو گے جو اوپر سے ہمیں پکار رہی ہو گی "۔
《اس کے بعد دوسرا بچہ خاموش ہو گیا》

حنظلة خليق ~

17/01/2023

اسلام علیکم!!!
صبح بخیر زندگی"
مومن کبھی خدا کی رحمت سے نا امید نہیں ہوتا
چاہئے حالات کتنے ہی خراب کیوں نہ ہوں۔۔۔
یاد رکھو ہر کوئی تمھیں ٹھکرا سکتا ہے !!!!
مگر ایک تمھارا رب ہے جو کبھی تمہیں نہیں ٹھکراتا .
چاہے تمھارے گناہ ریت کے ذروں کے برابر ہی کیوں نہ ہوں ....!!!

‏

17/01/2023

From Jammu Kashmir .. Thanks for so much love ❤🙏🙏

12/01/2023

*ایک عربی پوسٹ کا ترجمہ*

*"نہایت حوصلہ افزاء مضمون"*

ہم کیوں قبر کی نعمتوں کے بارے میں بات نہی کرتے، ہم یہ کیو‌ں نہیں کہتے کہ وہ سب سے بہترین دن ہوگا جب ہم اپنے رب سے ملیں گے۔ ہمیں یہ کیوں نہی بتایا جاتا کہ جب ہم اس دنیا سے کوچ کریں گے تو ہم ارحم الراحمین کی لامحدود اور بیمثال رحمت اور محبت کے سائے میں ہوں گے، وہ رحمان جو ماں سے بھی زیادہ مہربان ہے۔
رسول اللہ صلی اللہ علیہ وسلم نے ایک جانور کو دیکھا جو اپنا پاوں اپنےبچے پر رکھنے سے بچا رہی تھی، تو آپ نے صحابہ سے فرمایا "بے شک ہمارا رب ہم پر اس ماں سے کہیں زیادہ مہربان ہے"
کیوں ہمیشہ، صرف عذاب قبر کی باتیں ہو رہی ہیں، کیوں ہمیں موت سے ڈرایا جا رہا ہے، یہاں تک کہ ہمیں، معاذ اللہ، پختہ یقین ہو گیا کہ ہمارا رب ہمیں مرتے ہی ایسا عذاب دے گا جس کا تصور بھی نہی کیا جا سکتا۔
ہم کیوں اس بات پرمصر ہیں کہ ہمارا رب ہمیں صرف عذاب ہی دے گا، ہم یہ کیوں نہی سوچتے کہ ہمارا رب ہم پر رحم کرے گا۔
ہم یہ بات کیوں نہی کہتے کہ جب قبر میں مومن صالح سے منکرنکیر کے سوال جواب ہو جائیں تو ہمارا رب کہے گا "میرے بندے نے سچ کہا، اس کے لئے جنت کا بچھونا بچھاو، اس کو جنت کے کپڑے پہناو اور جنت کی طرف سےاس کے لئے دروازہ کھول دو اور اس کو عزت کے ساتھ رکھو۔ پھر وہ اپنامقام جنت میں دیکھےگا تو اللہ سے گڑگڑا کر دعا کرے گا :پروردگار قیامت برپا کر تاکہ میں اطمینان کے ساتھ جنت چلا جاوں۔ (احمد، ابوداوود)
ہم یہ بات کیوں نہی بتاتے کہ ہمارا عمل صالح ہم سےالگ نہ ہوگا اور قبر میں ہمارا مونس اور غمخوار ہوگا۔
جب کوئی نیک آدمی وفات پا جاتا ہے تو اس کےتمام رشتہ دار جو دنیا سے چلے جا چکے ہیں، ان کی طرف دوڑیں گے اور سلام کریں گے، خیر مقدم کریں گے۔ اس ملاقات کےبارے میں رسول اللہ صلی اللہ علیہ وسلم نےفرمایا کہ "یہ ملاقات اس سے کہیں زیادہ خوشی کی ہوگی جب تم دنیامیں اپنےکسی عزیز سے طویل جدائی کے بعد ملتے ہو۔ اور وہ اس سے دنیا کے لوگوں کے بارے میں پوچھیں گے۔ ان میں سے ایک کہے گا اس کو آرام کرنے دو یہ دنیا کے غموں سے آیا ہے۔ (صحیح الترغیب لالبانی)
موت دنیا کے غموں اور تکلیفوں سے راحت کا ذریعہ ہے۔ صالحین کی موت درحقیقت ان کے لئے راحت ہے۔اس لئے ہمیں دعاء سکھائی گئی ہے ۔۔
*اللھم اجعل الموت راحة لنا من كل الشر*..
(اے اللہ موت کو ہمارے لئے تمام شروں سے راحت کا ذریعہ بنا دے)۔
ہم لوگوں کو یہ کیوں نہی بتاتے کہ موت زندگی کا دوام ہےاور یہ حقیقی زندگی اورہمیشہ کی نعمتوں کا دروازہ ہے۔
ہم یہ حقیقت کیوں چھپاتے ہیں کہ روح جسم میں قیدی ہے اور وہ موت کے ذریعے اس جیل سےآزاد ہو جاتی ہےاور عالم برزخ کی خوبصورت زندگی میں جہاں مکان و زمان کی کوئی قید نہی ہے، رہنا شروع کرتی ہے۔
ہم کیوں موت کو رشتہ داروں سےجدائی، غم اور اندوہ کےطور پر پیش کرتے ہیں، کیوں نہیں ہم یہ سوچھتے کہ یہ اپنے آباواجداد، احباب اور نیک لوگوں سے ملاقات کا ذریعہ ہے۔
قبرسانپ کامنہ نہی ہے کہ آدمی اس میں جائگا اور سانپ اس کو چباتا رہے گا بلکہ وہ تو حسین جنت اور حسیناوں کا عروس ہے جو ہمارے انتظار میں ہیں۔
اللہ سے نیک امید رکھو اور اپنے اوپر خوف طاری مت کرو ۔
ہم مسلمان ہیں، اسلئے ہم اللہ کی رحمت سے دور نہی پھینک دئے گئے ہیں۔
اللہ نے ہمیں عذاب کے خاطر پیدا نہی کیا ہے۔ اللہ نےہمیں بتایا ہے کہ وہ ہم سے کیا چاہتا ہے اور کیا نہی چاہتا اور ہم اچھی طرح جانتے ہیں کہ اللہ کی رضا کے کام کون سے ہیں اور ناراضگی کےکون سے ہیں اور ہم دنیا میں آزاد ہیں جو چاہے کریں۔
*اللھم اجعل خیر اعمالنا خواتیمھا وخیر اعما رنا او اخرھا وخیرا یامنا یوم ان نلقاک*
(اے اللہ ہمارے اعمال کا خاتمہ بالخیر کریں، ہماری آخری عمر کو بہترین بنا دیں اور سب سے بہترین دن وہ جس دن آپ سے ملاقات ہوگی۔ آمین).....