12/02/2025
ابني ما بحكي وما بطلب شو بده..
** بعد جلستين **
- ليش ابني لسا ما حكى ؟؟!!
- ابني بتأتئ بس يحكي مع حدا وبتوتر بالكلام..
** بعد أول شهر بالعلاج **
- ابني لسا بتأتئ ومش كل مرة بسيطر على كلامه زي عندك بالجلسة !!
- أنا عندي مشكلة بصوت /ر/ ببدلها /و/ بالكلام..
** بنفس الجلسة **
- لسا ما زبطت معي وما طلعت ر واضحة شكله مش رح تزبط خلص 🙆🏻♀️
ب
علاج النطق مش كبسة زر، ومعايلج النطق مش المارد السحري إلي رح يحل المشكلة بحركة خفية بنفس الجلسة.. العلاج بحتاج وقت / صبر / متابعة / تدريب بالبيت والجلسة وكل مكان / وكمان مرة صبر ❗
أغلب المشاكل الي بنتعامل معها بتكون مرافقة للشخص فترة طويلة.. وزي أي مشكلة تانية صعب تنتهي بشكل لحظي، بس بالنهاية ومع المتابعة بتنتهي بإذن الله ❤️
الشغلة مش صعبة ولا مستحيلة أكييييد، بس مهم نفهم أي مشكلة ونفهم أبعادها وكيف نتعامل معها ✔️
- طبعًا ما بلوم الأم والأب وأي شخص بده يتخلص من مشكلة بالنطق، لإنه بالنهاية دورنا نحكيلهم التوقعات الممكنة والمدة الي بحتاجها لتحقيق هاي التوقعات وفهم كيفية تحقيقها.. لكن مهم نعرف إنه علاج مشاكل النطق مش كبسة زر بنفس اللحظة بشتغل❗
