هشام حسونة

31/08/2025

وصلتنا المساهمة رقم 13 وقيمتها 130شيكل ليصبح مجموع ما وصلنا 1570شيكل، بانتظار مساهماتكم لإغاثة أهلكم في ظل حالة النزوح وسوء الأوضاع المادية، التواصل واتساب #فقط لمن يرغب في المساهمة، وأكرر أنه لا نستقبل مناشدات جديدة وتم شرح ذلك مسبقاً مرات كثيرة.

#غزة #مناشدات

31/08/2025

أبو غازي المصري

رحمك الله
رحمة واسعة

31/08/2025

كورنتوا ولا لسا
😄

31/08/2025

انتوا مستوعبين انه الجيش ليلة أمس نازل مشي وبالدبسات تحت جسر وادي غزة وأعدموا الآباء أمام أطفالهم !!!!

31/08/2025

اللهم أوقف مخططات النزوح والتهجير وأطفئ نار الحرب

31/08/2025

من لديه معلومات عن صاحبة هذا الحساب يتواصل معي مشكوراً ويزودني بها للضرورة.

أكتب تغريدات عن الحياة تحت الاحتلال والمعاناة اليومية في قطاع غزة
أدعم نشاطي الإنساني
freepalestine 🇵🇸

31/08/2025

هل هذه نور النجار إياها؟؟؟

31/08/2025

مشهد النزوح ليلاً مرعب جداً.

30/08/2025

طيب نحكي شوية جد، بالنسبة لمنشور الدعوة للنزوح، هو دعوة للنجاة والأخذ بالأسباب وكل شخص حر في قراره، ورح احكيلكم موقف صار معي شخصياً أمس وأول أمس، بنت باعرفها كانت نازحة بالجنوب ورجعت غزة، واشتد الخطر وبدها تنزح، وجوزها من الفلس بدوش ينزح، تواصلت مع اختها اللي برة غزة واقنعتها تقنع اختها تقنع جوزها تنزح، ضله رافض، نزحوا اهلها، ضله رافض، قصفوا بيت قرايبها المجاور ومات 4، ضله رافض، تاني يوم قصفوا بيت تاني مجاور لقرايبها كمان ومات 7، وقتها استسلم لما شاف الموت بيبلع المنطقة بلع، اليوم من الصبح اتصلت في وبلغتني انها جهزت اغراضها للنزوح ورح تحط زوجها بالأمر الواقع، وخلت عديله يحكي معه ويقنعه، فقط بدي دعواتكم الها تنجو قبل ميصير شي اكتر في منطقتهم، وللعلم انا قلتلها اقل شي تطلع على غرب غزة بدل متضل بمنطقة خطر، انا حكتلكم ماعندي حلول لاني مش انا اللي صنعت المأساة هاي، عندي الخوف عليكم، الحلول عند حماس واليهود واحنا ضحايا، ربنا ينجينا ويكتبلنا السلامة.

30/08/2025

الأخت المناضلة سناء حفظها الله، تعتبر منشوراتي محرضة على النزوح، وكأن النزوح جريمة ههههههههههه

اطمني يا سناء، أصحاب التكاتك واللي بيأجروا أراضيهم وبيوتهم ورصيف الشارع وشط البحر، واقفين لمخططاتي بالمرصاد، وهيثبتوكي مكانك بالمسامير وغرا أمير، ويجعلني ألمح خيالك في الجنوب يا مناضلة، ابعتولها المنشور لأنها محظورة😁

30/08/2025

وصرنا كل منسأل مبادر حرامي أو مبادرة حرامية ليش وزنك زايد يقولولنا مرض وبياخدوا علاجات ههههههه، الله ما يبتلينا ويزيدكم يا سقط المتاع، يا بئس من صار له صوت ويتحدث باسم غزة ويتاجر بمعاناتها ويجمع الملايين.

30/08/2025

وصلني أن تكلفة النقلة الواحدة على التوكتوك من غزة لدير البلح ألف شيكل، هل هذا صحيح؟ وماهي تكاليف النقل حسب تجربتكم؟