11/05/2023
♻️للاهمية:
⚠️حبيت ااكد على موضوع التبخيرة لانه كتير من الاهل بيضلو يسالو عن هالموضوع...
⁉️هل التبخيره بتعمل ادمان يا دكتور... بخاف اعطيها لابني يتعود عليها... الناس بيخوفوني منها....؟؟
📣الجواب... اكيد لا ... التبخيره اول شي هي مصطلح لطريقه امتصاص الدوا وليس الدوا نفسه
يعني التبخيره هي جهاز بنقدر نحط فيه مجموعة انواع من الادويه
الجسم بستفيد منها عن طريق البخار زي ما مثلا بنعطي دوا بالفم وامتصاصه بكون بالجهاز الهضمي
فاذا التبخيره ممكن نحط فيها اكتر من نوع دوا معظمها بكون موسعات للقصبات ... والادويه هاي علاج حيوي للغاية في مرضى حساسية الصدر من الاطفال... ولا يجوز مهما كان ..ايقافها او الخوف من استعمالها اذا كان طفلك يعاني من الحساسية... ولا تسبب الادمان او التعويد...
📣يعني بالاختصار... مرضى التحسس اوعكم تردوا على اللي بيخوفكم من التبخيرة... لانها ممكن تنقذ حياة ابنكم في كتير من الاحيان... وطبعاً ما بنستعملها غير بعد استشارة الطبيب .. و مش على مسؤوليتك الشخصية...
لانه بالاخر حسب فحص صدر المريض رح نختار النوع المناسب من الدوا اللي رح نستخدمه بالتبخيره
📣ودواء الفنتولين الشراب بالفم... ليس بديل ابداً للتبخيرة... ولا ينصح باستعماله بتاتاً
🚫🚫ملاحظة مهمة: مرة تانية تبخيرة الفنتولين كسائر الادوية لا يجوز استعمالها على مسؤوليتك الشخصية بدون نصيحة الطبيب🚫🚫
