06/02/2026
الأهالي الكرام 💜
من خبرتي كأخصائية أطفال، ومن خلال سنوات طويلة في علاج الأطفال والتعامل اليومي مع الأهالي، أحب أحكي معكم بكل صراحة ومحبة.
كل طفل مختلف عن الثاني:
👶 عمره
🧬 تاريخه المرضي
📈 نموه وتطوره
🤒 أعراضه بالتفصيل
والعلاج اللي ناسب طفل غيره، مش شرط يناسب طفلك، وأحيانًا ممكن يضره بدل ما يفيده.
كطبيب، ما بقدر أكون دقيق ولا أمين إذا:
❌ ما شفت الطفل
❌ ما فحصته
❌ ما سألت عن تاريخه الصحي
❌ اعتمدت فقط على صورة، أو وصف مختصر، أو معلومة من الإنترنت
الطب مش وصفة جاهزة، وطب الأطفال تحديدًا يحتاج صبر، حوار، وفهم كامل للطفل وأهله.
ثقتكم بالطبيب، وتعاونكم معه، بتختصر كتير تعب وقلق، وبتوصل طفلكم للعلاج الصحيح بشكل أسرع و آمن .
هدفنا واحد:
🌟 طفل بصحة أفضل
🌟 وأهل مطمئنين
الله يحفظ أطفالكم، ويبعد عنهم كل سوء 🤲🏻..
✍🏻 د.سهير قادري ( أخصائية الأطفال وحديثي الولادة)
