18/10/2025
♥️التعاملة المراهقين ♥️
🧠 المراهق مش مجرد مرحلة... ده عالم كامل بيحتاج فهم عميق وتعامل مرن
♻️المراهقة مش بس فترة عمرية، لكنها فترة إعادة تشكيل للهوية، واختبار للحدود، وبداية لظهور الاستقلال النفسي والاجتماعي.
فيها بيواجه المراهق تغيرات بيولوجية سريعة، تقلبات مزاجية، صراعات داخلية، وضغوط اجتماعية وثقافية👾
🪐 مبادئ أساسية للتعامل النفسي مع المراهقين:
1⃣ افهم قبل ما تحكم:
السلوك الظاهر غالبًا بيخبي رسالة أعمق: الغضب ممكن يكون ستار للقلق، والانعزال أحيانًا بيكون طريقة للحماية من الخوف من الرفض〽️
2⃣ التمرد مش عيب
المراهق بيجرب يفصل نفسه عن "السلطة" سواء كانت أبوية أو مجتمعية أو حتى علاجية. ده مش عداء، ده بحث عن هوية.
3⃣العلاقة العلاجية = الأمان
أهم شيء في الجلسات مع المراهق هو إحساسه بالأمان، وإن المساحة اللي بينكم آمنة، مش حُكمية، ومش متحيّزة.
4⃣ استخدم أدواته مش أدواتك
تواصل بلغة قريبة منه. افهم ثقافته الرقمية، واهتماماته، ومشاكله من وجهة نظره مش من منظور الكبار.
5⃣ الخصوصية أولًا
المراهق حساس جدًا تجاه الخصوصية. لازم تتحدد حدود واضحة بين سرية المعلومات ودور الأهل، مع توعية المراهق بها من البداية.
6⃣ احتواء الانفعالات مش كبتها:
المراهق من حقه يغضب، يقلق، يتلخبط، يعترض… مش دورنا نقول له "اهدى" بس، دورنا نفهم ليه هو منفعل ويمرر مشاعره بأمان.👌🏻
7⃣ تقدير الذات مش درجات النجاح
ساعده يشوف قيمته في ذاته، مش في تقييم الآخرين أو إنجازاته الدراسية أو الاجتماعية💠
🎯 في النهاية، المراهق بيحتاج مننا نكون "مراية" تعكس له صورته بوضوح، و"مساحة" يقدر يتكلم فيها بدون خوف، و"داعم" بيفهم مش بينتقد💌
📌 *الخلاصة*:
كل مراهق بيتعامل بشكل صعب، غالبًا بيخفي جواه "صراع هوية" مش لاقي له مساحة آمنة للتعبير عنه. فكن أنت هذه المساحة🤗 👇🏻*
♥️تحياتي د/محمدبندارى❤️
