https://www.facebook.com/102214998662981/

يوميات برلوم طب, kacyriu, Kigali (2026)

07/04/2023

اللّهم لا تحرمني طموحا أسعى لأجله ،،، ربي أنزل على أيامي القادمة توفيقك ورضاك ويسّر لي أموري يا الله .

02/09/2022

أكتر ناس ح تشتاق ليهم بعد تتخرج هم دفعة الجامعة ، وأكتر مكان ح تشتاق ليه هو الجامعة ، وأكتر حاجة ح تندم عليها إنك فرطت و زوقت من بعض المحاضرات وما طلعت من الأوائل في الدفعة .. صلح علاقتك مع كل دفعتك وتخصصك و مواد دراستك 🧡

🤍

02/09/2022

أريد منك أن تقتنع بهاتين الفكرتين:

1. معظم المناهج في جامعاتنا قديمة وبحاجة لتطوير وأسلوب المدرسين أيضاً بحاجة للنقد المستمر والتحسين، والطالب لا يتحمل كل اللوم عندما لا يبدع في تخصصه.

2. حتى ولو تم تطوير مناهج جامعاتنا وتحسين أسلوب الأساتذة وحتى لو أصبحنا أفضل من سويسرا فإن التعلم مهمة ليست ممتعة كمشاهدة أفلام ديزني ونتفلكس بل إن التعلم يحتاج للصبر فلا أنصحك أن تجعل من مشاكلنا التعليمية شماعة لتبرير إهمال الدراسة، بل اجتهد.

ربنا يوفقنا ويوفقكم جميعا ❤

02/07/2022

كيف تظبط الاناتومي كاامل خلال شهرين فقط او اقل حسب اجتهادك

المصادر : سامح دوز و مرجع Moore بس !

اول الAntamomy لازم تقسمه كامل عندك الاتي :

Cardio anatomy

Neck anatomy

pelvic anatomy

GIT anatomy

Head anatomy

يلا حتقول لي وين الموسكلو؟

ظبط فيه الbrachial Plexus بس والحركات الاساسية فقط مثلاً :
Extension forearm = Radial Nerve
Flexion of arm = Musclocutanous nerve
‏

وديل كيف تظبطهم ؟

ببساطة حيجي دورهم لمن تبدأ تقرا باثولوجي وتحديدا من " Board and Beyond " حيلاقيك شابتر :

" Muscloskeletal"

وطبعا دا بضم الUpper والLower الاتنين عشان كدا موضوعهم منتهي وما تفكر فيهم نهائي حالياً.

الاحتياجات شنو؟

فيديوهات سامح دوز كاملة ودفتر كبير عشان تلخص معاه ومرجع اناتومي ولو ما عندك احسن الPdf ما تشتري مرجع بالنسبة لي استخدمت مرجع :
Moore
كانه متناسب جدا مع سامح دوز 🌹

يلا اول خطوة تعمل شنو؟

تجيب ورقة فاضية وكل سيستم تكتب جمبه عدد ساعات حقات الفيديو وعدد صفحات المرجع مثلا : الكارديو عدده 22 فيديو زي 20 ساعة تقريباً وتعمل كل السيستمات. وهكذا مع باقي سيستم زي ما كاتبهم فوق اي سيستم عدد فيديوهاته وساعات الفيديوهات.

يلا ترتيب القراية كالاتي :

Cardio then abdomen then Pelvic then Neck then Head

يلا تاني اهم حاجة تحدد انت بتقدر تقرأ كم ساعة من سامح بإختصار في يوم بتقدر تخلص كم فيديو ودا بحدد الزمن الحتنتهي فيه - ليه ؟ لانه كدا حتعرف حتنتهي من كل سيستم بعد كم يوم.

ملحوظة مهم جدا :
كل سيستم لازم اكون عنده ورقة خاصة مقسم فيها السيستم لدروس رئيسية علي اساسها حتعمل جدول للسيستم كيف؟

مثلا الكارديو الدروس الرئيسية عندك الThoarci wall و الMediastinum والLungs

يلا امام كل درس تكتب عدد الفيديوهات البرشح فيها سامح الدرس دا مثلا

Medistinum = 2 vedioes - 1.5Hrs
Thoaric Wall = 4 Vedioes - 3 Hours

يلا القراية كالاتي :
تحضر الفيديوهات حقت الدرس الرئيسية كاملة اول وتلخصه معاه لمن تكمل كل الفيديوهات حقت الدرس الرئيسي تمش للملخص تقرا التلخيص بعد تقرا التلخيص بجي دور المرجع هنا تمش المرجع نفس الدرس تمر عليه منه .

فيديو - - - - > ملخص - - - - > مرجع

يلا مع نهاية كل سيستم تمر علي كل الملخص - طبعا كتمر فيه سريع شديد لانه مع كل درس انت بتقراه - وبعذ الملخص تشوف كل شابتر من مرجع.

يلا بالطريقة دي مع كل السيستم مثال افتراضي اخيرا لتوضيح اكتر :

كارديو : عدد فيديوهات 20 عدد الساعات 22

اليوم الاول : = Thorac wall (اربع فيديوهات ساعاتهم اربعة)
اليوم التاني : قراءة تلخيص درس امس مع المرجع + نهاية يوم 2 فيديو

اليوم التالت : thoracic wall vessels and nerves
اليوم الرابع : قراءة الملخص والمرجع + نهاية اليوم 2 فيديو
اليوم الخامس : Mediastinum videos

طبعا فترة الشهرين دي بتختلف من زول لي زول لكن هي كمتوسط لمعظم الناس فلو اجتهدت اكتر حتقل ولو عندك مشغوليات حتزيد..

في ناس حتقول كلامك دا مع فيديوهات مستحيلة عديل لانها كتيرة!

بقول ليك في سيستمات فيديوهاتهم بسيطة شديد وهم :
Neck = 9 Hours!!
pelvic = 9 Hours!!

يعني نعتبرهم حمام وانتهوا ف زمن وجييز شديد لانهم الاتنين م بتموا واحد من الباقي .. والعجب لو ف جامعة كنت اخدت واحد من السيستمات امورك بتكون وضحت 😎.

الطريقة دي مجربة شخصياً مجربهاُ قبل سنة ولسة الحمدلله المعلومات قاعدة و لمن يكون في الجامعة ف امتحان فيه اناتومي بذاكره قبل يومين بس من الامتحان 😂😂 .

يلا حتتذكره لفترة اطول لانه نظام الفيديوهات نظام محفز للحفظ والذاكرة طويلة المدي اكتر من باقي الطُرق.

يلا لو كملت الاناتومي حيكون عندك وقت فاضي كتيير ف الجامعة تقدر تختم بيه باقي حاجات زي كل فسيو لوجي والباثولوجي وتتم كل البيزك قبل تدخل الكلارك بزمن بعيييد. وكمان ممكن تبدأ تفكر تقرا تمتحن زمالات زي الStep والIFOM والMRCP

فإكمال الاناتومي بعتبرها دائما اول خطوة للحاجات دي. وخاصة انه دي فترة إجازات

ملوحظة اخيرة ومهمة : قبل الكلام دا كلو لو ما اتوكلت علي الله سبحانه وتعالي حتبقي ونسة فيس بوك ساي واحلام انك نفسه تعملها فتوكل وما حيعجزك شي إن شاء الله.

30/05/2022

دا بوست مهم جدا ♥

في نوع من الدكاتره بعد يصل الجامعه ويلقى كل شئ جاهز تلقاهو مزاجو متغير واقل سبب بسيط من الطلبه يلغي المحاضره

في النوع الممكن يصل مع الزمن ولو جيت بعديهو بدقايق يطرد الطالب بحجة انو بدا المحاضره خلاص.

وف النوع الممكن بعد يحدد المحاضره ويكون فعلا في محاضره والناس اتجهزت الصباح يقول ليك اتلغت من دون مقدمات للطالب.

دي حاجات كلنا بنعاني منها في مسيرتنا الدراسيه بس هل الدكاتره ديل بختو احساس الطالب دا ظروفو شنو او اصلا جاء مجاسفا كيف عشان يحضر ويستفيد ...✓

السودان حاليا كل الطبقات فيهو كادحه فيهم الاهلو بدفعو دم قلبهم واقسم باالله في طلبه اهلهم بخلو قيمة وجبه عشان يمشو بيها ولدهم او بتهم يتعلم ... عشان عسى يتوظف ويغير مصير حياتهم للاحسن ... و في جزء كبير من الطلبه بيصل بعد معاناة المواصلات وزمن بعدا يلقا الدكتور خشا يفتح الباب يطردو ... 😔

وفي اسباب كتييره متاكد لو حكيتو ف التعليقات ح تلقاها غريبه لتصرفات دكاتره .
كلنا بنعاني ف البلد دي ف يا ريت البوست دا لو وصل كل دكتور محاضر عليك الله م تخلي في قاموسك تمنع طالب لاي سبب ... ظروفك م بتسمح ليك الصباح اكد للطلبه الشغال ليهم م ح تجي بس م الصباح يتفاجاؤ وتتلغي!

و في انصاف لازم يتقال انو ف دكاتره والله يخليك وكان جيت متاخر يعيد ليك الفاتك اثناء المحاضره وببقا للباقيين مراجعه 🧡

حياتنا بتتصلح لما نهونا علي بعض ♥♥

14/05/2022

م مهم الدرجات و الكلام النظري أهم حاجة الكلينيكال وشغل العملي
=أنا ف الكلينكال:

08/05/2022

انا واصحابي كل فاينل :

03/05/2022

الدكتور : كحح كحح

ناس البينش الأول : ثم كحة كحةً

27/04/2022

في بيتنا
-إنسان ما مفيد خالص
-طول الأسبوع مافيش وبرجع متاخر واذا في يا نايم يا مدبرس يا بذاكر
-24ساعة فتران وزهجان
-ممتحن طول السنة ويوم ما شفنا ليه نتيجة
-مااااابقد العين نهاااائي
-كئيب وما بتونس وقاعد جوة غرفتو بس مصاحب القهوة
-مالي لينا البيت كلووو أوراق وكتب
-ليهو مية سنة بقرأ وما عارفين زاتو حيتخرج متين
-لو قرر إنّو يتنازل ويتونس معانا بقعد يحكي حاجات مقززة ويتفلسف فيها اكلو دا وابلعو دا
-طوااالي الزول دا مصدع
-أصحابو نفس النسخة ناس مساكين كدا وفي حالهم (والله كنت قايل النوعية دي انقرضت)
اذا في بيتكم الشخص دا موجود:
عاملوه كويس لانه هو زول مسكين 😭
جيبو ليهو اي شي هو عاوزو عشان نفسياته ما تزيد
لو قال ممتحن ما تشغلوه عن المذاكرة لانه لو ذاكر ولا ما ذاكر الامتحان بجيهو صعب
اوووووعى تقولو ليه انت ما بتعمل حاجة في البيت كدا بتجرحو قلبو😥ما ممكن انتو والجامعة عليهو
شخص زي دا ثروة قومية فحافظو عليه لانه بعد يتخرج ما حتشوفوه اصلا 😹🙊

18/02/2022

اللهم إنَّا نسألك تلك اللحظة 🤲
اللهم لا تحرمنا منها ي ارحم الراحمين ❤❤

18/02/2022

إهمالك في الدارسة الجامعية هو ختام سيئ لرحلة دراسة استمرت اكثر من 15 سنة..
ارجوك قاوم فأنت في اهم مرحلة دراسية .
هذه السنوات ستحدد وجهتك ل 40 سنة ❤❤

17/02/2022

تجي بدري الدكتور م يجي والمحاضرة تتلغي
م تجي بدري الدكتور يجي ويدرس نص الشيت ويشيل الحضور ويديهم تيست ويوزع نيوتيلاا..
تجي بدري والدكتور يجي بدري م بشيل حضور ونص المحاضرة بكون يحكي عن انجازاتو لمن كان في امريكا....بيااااخه بياااااخه بيااااخه...

يوميات برلوم طب

07/04/2023

02/09/2022

02/09/2022

02/07/2022

30/05/2022

14/05/2022

08/05/2022

03/05/2022

27/04/2022

18/02/2022

18/02/2022

17/02/2022

Address

Website

Alerts

Shortcuts

Share

Category