Ndera Neuropsychiatric Teaching Hospital

01/05/2025

25/03/2025

Glad to host a delegation from University of Global Health Equity at Ndera Hospital today. Excited for a potential collaboration to advance psychiatry education and research.

15/11/2024

Glad to let you know that Ndera Neuropsychiatric Teaching Hospital is at the two-day Days 2024 exhibition at UR-CMHS!

Visit our stand and learn more about mental health & neurology services provided by the hospital!

10/10/2024

Tariki 10 Ukwakira buri mwaka twizihiza Umunsi mpuzamahanga wahariwe ubuzima bwo mu mutwe. Tubwiteho buri munsi. By'umwihariko uyu munsi tuributswa kubwitaho no mu kazi ka buri munsi dukora.

"TWITE KU BUZIMA BWO MU MUTWE AHO DUKORERA"

05/06/2024

Kuwa Kabiri tariki 04 Kamena 2024, Ibitaro bya binyuze mu ishami ryabyo rya Icyizere Psychotherapeutic Center, byatangije uburyo bushya bwo kuvura ababaswe n'ibiyobyabwenge byo mu bwoko bwa OPIOIDS birimo He**in izwi nka Mugo. Bukaba ari uburyo butari bumenyerewe mu Rwanda.

· Ubu buryo bwo kuvura bwitwa Medication-Assisted Treatment (MAT).
· Biteganyijwe ko ku ikubitiro hazifashishwa imiti irimo Methadone, nyuma hagende hongerwamo ikoreshwa ry'iyitwa Buprenorphine na Naltrexone.
· Ni uburyo byemezwa ko bwari bukenewe kuko hari abo byabaga ngombwa ko bajya gushaka ubuvuzi hanze y’igihugu.

Umuyobozi w'Ishami rishinzwe Ubuzima bwo mu mutwe muri RBC, Dr Darius Gishoma yashimiye Ibitaro bya Ndera iyi ntambwe, ndetse anabishimira umusanzu wabyo mu myaka irenga 50 bimaze bitanga serivisi z'ubuzima bwo mu mutwe, anabisaba kutadohoka mu gushaka ibisubizo bifasha sosiyete.

16/04/2024

Tubatumiye kuza kwifatanya natwe mu Kwibuka ku nshuro ya 30 abakozi, abarwayi n'abaturanyi b'Ibitaro by'indwara zo mu mutwe bya Ndera biciwe muri ibi bitaro muri Jenoside yakorewe Abatutsi mu 1994.

Iki gikorwa ni kuri uyu wa 17 Mata 2024, saa 16:00 ku bitaro i Ndera.
Tubatumiye kuza kwifatanya natwe mu Kwibuka ku nshuro ya 30 abakozi, abarwayi n'abaturanyi b'Ibitaro by'indwara zo mu mutwe bya Ndera, biciwe muri ibi bitaro muri Jenoside yakorewe Abatutsi mu 1994.
Iki gikorwa ni kuri uyu wa 17 Mata 2024, saa 16:00 ku bitaro i Ndera.

17/11/2023

Dukurikije igitabo cy’Abanyamerika gishyira indwara zo mu mutwe ku rutonde (DSM),

Ihungabana (PTSD) ni bumwe mu burwayi bwo mu mutwe bugaragazwa n’ihinduka ry’imyitwarire, imitekerereze n’imikorere idasanzwe, bitewe n’ikintu ndengakamere, gitunguranye kandi kidasanzwe (ikiza), maze umuntu akabura uko abyifatamo kuko biba birenze.

“Icyo kintu gituma ibyiyumviro by’umuntu bisa n’ibikanguka, hanyuma ibyo yabonye, ibyo yumvise, ibyamukorewe cyangwa ibyamunukiye bigasa n’ibyiyanditse mu bwenge bwe, igihe kimwe bikajya bigaruka agasa nk’aho yongeye kubibamo."

15/11/2023

𝐊𝐮𝐤𝐢 abarwayi bakunda kujya ahabereye ibiterane, mu nsengero cyangwa ahantu hari abantu benshi?

Mu burwayi bwo mu mutwe hari bumwe na bumwe butuma umuntu ajya ahantu hari abantu benshi nko mu nsengero, mu isoko n’ahandi bitewe n’imiterere y’uburwayi afite.

Aha twavuga:
- Indwara ituma umurwayi ashaka kugaragara mu ruhame nk’umuntu w’igitangaza udasanzwe

- Abarwayi bamwe,kubera uburwayi,bisanga mu bukene bakajya gusabiriza no gutoragura.

Ariko mu burwayi bwo mu mutwe hari ubutuma umuntu yigunga ntiyifuze kujya aho abandi bari.

10/10/2023

Tariki 10 Ukwakira ni Umunsi Mpuzamahanga wahariwe kwita ku buzima bwo mu mutwe, insanganyamatsiko y'uyu mwaka igira iti: "UBUZIMA BWIZA BWO MU MUTWE NI UBURENGANZIRA BWA BURI WESE." TUBWITEHO!

Tubifurije umunsi mwiza!

09/10/2023

𝗘𝘀𝗲 𝗶𝗴𝗶𝗰𝘂𝗿𝗶 𝗸𝗶𝗿𝗮𝗻𝗱𝘂𝗿𝗮?

Igicuri ni indwara itandura, ntiterwa n’amarozi, imyuka mibi cyangwa ibihano by’abakurambere; ahubwo igicuri ni indwara y’ubwonko aho uturemangingo tw’ubwonko tugira imikorerere mibi mu bwonko. Nta buryo na bumwe rero igicuri cyandura haba gukora ku muntu ukirwaye, gusangira nawe n’ibindi..

Tuzirikane ko igihe umurwayi w'igicuri yahawe ubufasha bwiza bwizewe, bubangutse kandi buhoraho, hari amahirwe menshi yo guhagarika gusubirwa (relapse), kugabanya inshuro zo kugwa igicuri (seizure frequency) no kugabanya ubukana (severity&duration) bw’ubwo burwayi.

09/08/2023

25/07/2023

Ese abarwayi baza kwivuriza mu bitaro i Ndera iyo bafite ubundi burwayi butari ubwo mu mutwe bigenda bite? Urugero nka Virusi itera SIDA, Malaria,..

Ibitaro bya Ndera ntabwo byita gusa ku burwayi bwo mu mutwe, kuko umurwayi wo mu mutwe nawe ashobora gufatwa n’izindi ndwara nk’uko n’abandi bazirwara.

· Ingero:
- Diyabete
- Umuvuduko ukabije w’amaraso
- Ubwandu bw’agakoko gatera SIDA
- Malariya
- Imvune n’ibikomere, n’izindi

· Iyo umurwayi azanywe kubera uburwayi bwo mu mutwe cyangwa imyakura, ntasuzumwa by’igice ngo harebwe gusa ubuzima bwo mu mutwe. Asuzumwa wese kuva ku mutwe kugera ku birenge, agafatwa ibipimo byose (vital signs & laboratory), ndetse akavurwa hakurikijwe indwara yagaragaye.

· Ibitaro bifite inzobere mu kuvura indwara zo mu mutwe (psychiatrists), iz’imyakura (neurologists), ndetse n’ab’izindi ndwara z’umubiri (specialist in internal medicine).

· Ibitaro bifite serivisi yihariye yita ku burwayi buterwa n’agakoko gatera SIDA:

Muri iyi serivisi abarwayi bakorerwa ibi bikurikira:
- Kubakangurira kwipimisha ku bushake,
- Kubategura kwipimisha,
- Gupima ubwandu,
- Kwita ku bafite ubwandu bw’agakoko gatera SIDA babaha imiti, kubasura mu rugo, gupima abasirikare b’umubiri n’ingano y’agakoko gatera SIDA

· Ibitaro bifite kandi serivisi yihariye yita ku bibazo by’ubwonko n’imyakura; muri iyo serivisi havurirwa indwara zikurikira:

- Indwara z’ubwonko:
§ Igicuri
§ Kwangirika k’udutsi tw’ubwonko
§ Ibibyimba ku bwonko
§ Gukomereka k’ubwonko
§ Isusumira
§ Mugiga n'izindi zigira umuriro mwinshi zifata ubwonko

- Indwara z’imyakura:
§ Paralysie,
§ Umugongo
§ Umutwe uhoraho n'izindi..
§ Hari na serivisi y'ubugorozi bw’ingingo (physiotherapy).
· Ibitaro bifite ishami ryihariye ryita ku ngaruka z’ikoreshwa ry’ibiyobyabwenge, ibisindisha n’ihungabana (Icyizere Psychotherapeutic Center) riri Niboye ku Kicukiro.

Muri iryo shami hatangwamo serivisi zikurikira:
- Gutanga
amakuru arambuye ku biyobyabwenge, ku ngaruka zabyo ku mubiri, mu mibanire n’abandi, no mu iterambere,
- Gupima ingano y’ibiyobyabwenge mu mubiri hakoreshejwe ibizamini byabugenewe bya laboratwari
- Gufasha abagizwe imbata n’ibiyobyabwenge
- Iyo umuntu amaze koroherwa neza tumufasha kudasubira gukoresha ibiyobyabwenge, dukoresha amatsinda y’abahoze bakoresha ibiyobyabwenge (alcoholic anonymous) no kubaganiriza ku buryo bwimbitse (psychotherapy)
- Gukoresha imiti yabugenewe iyo bibaye ngombwa
- Gufasha abafite ibibazo by’ihungabana

· Ibitaro by’indwara zo mu mutwe bikorana n’ibindi bitaro bikuru (urugero: CHUK, KFH, RMH) mu guhererekanya abarwayi igihe bikenewe.