د.مجدي عبد الرحمن اخصائي التوليد وأمراض النساء

20/07/2023

ياريت السيدات الحوامل متخرجش في الحر و لا تتعرض لأشعة الشمس المباشرة .. و ميزدش حرارة الجسم عن ٣٧....
علي اخر الدراسات و التوصيات ابريل ٢٠٢٣ ... حرارة الجو الشديدة بتؤدي الي مشاكل السائل الامينوسي حول الجنين و الضغط المنخفض اللي بياثر علي الدم اللي واصل للجنين فبيسبب نقص في النمو و ولادة مبكرة و انفصال في المشيمة و ممكن يسبب وفاة الجنين والاجهاض
كما ان انصح كل الحوامل بلبس الملابس القطنية و شرب السوايل و العصائر و استخدام sunblock و عدم الخروج الا فب الضرورة القصوي لان الحامل عندها فرط تعرق و مخاطر الجفاف و ضربه الشمس اكتر باضعاف من الغير حامل
كما انصح بالاستحمام المستمر بالماء الفاتر .. و عدم النوم عالظهر او تغيير المفاجيء للوضعية الجلوس او الوقوف

24/06/2023

ربنا يعين الامهات😅😅

أرجو متابعتي ع صفحاتي الرسميةhttps://officeadam1995.wixsite.com/englishwithabdulla قناتي ع ال...

24/05/2023

📌معلومه علي الماشي😅
ايه هو تكيس المبايض وايه الفرق بينه وبين كيس علي المبيض؟!🤔
💊تكيس المبايض💊
ده معناه أن في حويصلات كتير صغيره علي المبيض حجم كل واحده مش بتزيد عن ١٠-١٢ ملم يعني حوالي واحد سم بيبقوا موجودين علي سطح المبيض ورا بعض عاملين شكل العقد😅
الحويصلات الصغيرة دي بقي مش بتعمل الم ولا اي مشكله جراحيه مشكله الحويصلات دي أنها بتفضل صغيره مفيش واحده منهم بتكبر ويطلع منها بويضه وبالتالي مش بتنزل دوره غير كل كام شهر ولا بتطلع هرمونات بصوره طبيعيه وبيعلي الهرمون الذكوري ويعمل شعر زياده وحبوب في الوجه وبكده مش بيحصل حمل...
💊كيس علي المبيض💊
ده بقي معناه أن في حويصله كانت بتكبر عادي والمفروض تنفجر وتطلع منها البويضه لما توصل ٢ سم بس اللي حصل بقي أنها مانفجرتش وفضلت تكبر.....بنقول عليها كيس لما تكون أكبر من ٣ سم الكيس ده بقي مش بياثر خالص علي الحمل والهرمونات ولا بياثر علي الدوره بس ممكن تحتاج تدخل جراحي لو كبرت جدا وعدت ال ٥ سم وممكن تعمل التواء في المبيض ودي مشكله خطيره🥺....
وللحديث بقية....

20/05/2023

💌💌بوست بعنواااان اعرفي نفسك اكتر💌💌
قبل ما نتكلم عن مشاكل التبويض والانجاب أو حتي لو هنتكلم عن الحمل والولاده في شويه مصطلحات كده لازم نعرفها 😅🩻

🍇المبيض: ده المكان اللي فيه البويضات كل ست عندها اتنين واحد يمين وواحد شمال كل مبيض بيطلع بويضه واحده كل شهر بالتبادل مع المبيض التاني

🥑الرحم: ده المكان اللي بيكبر فيه الجنين اثناء الحمل ولو مفيش حمل البطانه بتاعته بتنزل كل شهر علي شكل الدوره الشهريه
🧪المهبل: ده القناه الي بتوصل الرحم بالعالم الخارجي....ده الطريق اللي بياخد الدوره الشهريه لبره وهو برضه الطريق اللي بتمشي فيه الحيوانات المنويه علشان توصل الرحم
🍐عنق الرحم: ده الجزء من الرحم اللي موجود في المهبل
🌱الانابيب: دي بقي الطريق اللي بين الرحم والمبيض والمكان اللي بيتقابل فيه البويضه مع الحيوان المنوي ويكونوا الجنين...
🌹🌹دمتم أصحاء والي اللقاء في البوست القادم🌹🌹

14/05/2023

الشبة لتضييق المهبل وطرق استخدام الشابة لتضييق المهبل....
💊ما هي الشبة؟💊
“حجر الشب” أو “شب الفؤاد” هي مادة كيميائية لونها أبيض شفاف، موجودة في محلات العطارة ولها استخدامات متعددة، من أبرزها أنها كانت تستخدمها النساء قديمًا وإلى الآن لتضييق المهبل بشكل طبيعي.

💊طرق استخدام الشبة لتضييق المهبل💊
يوجد أكثر من طريقة يمكن من خلالها استخدام الشبة لتضييق المهبل ، وهي:

🌹الطريقة الأولى:
قومي بملء الحوض الخاص بالاستحمام بكمية مناسبة من الماء، وضعي فيه مقدار مناسب من الشبة.
اجلسي في الماء لمدة 20 دقيقة إلى أن يغطي المهبل بالكامل.
اشطفي المهبل بالماء الفاتر.
🌹الطريقة الثانية: يمكنك استخدام بودرة الشبة على المهبل مباشرة قبل العلاقة الحميمة، أو يوميًا كل صباح وسوف تنبهرين بالنتيجة.
🌹الطريقة الثالثة: يمكن استخدام الشبة كغسول عن طريق الخطوات التالية:
احضري لتر من الماء الدافئ مع قطرات من عصير الليمون وملعقة عسل وقومي بوضع معلقة كبيرة من الشبة وامزجي الخليط.
استخدمي هذا الخليط كغسول مهبلي على مدار اليوم.
وباتباع الخطوات السابقة تعمل الشبة على قبض عضلات المهبل وكذلك الأوعية الدموية، مما يؤدي إلى تضييق فتحة المهبل.

💊أضرار استخدام الشبة لتضييق المهبل💊
لأن هذه المنطقة حساسة جدًا ينصح بالتعامل معها بحذر وعدم استخدام مكون غير علاجي لها، حتى لا يتسبب في أي أضرار، مثل: الالتهابات ومضاعفات أخرى خطيرة، منها:

⛔قتل البكتيريا الجيدة: بالرغم من أن الشبة تستخدم كمضاد جيد للبكتيريا، إلا أن الإفراط في استخدامها قد يؤدي إلى قتل البكتيريا الجيدة وبدلًا من معالجة المشكلة سوف تتعرضين لمشكلة أكبر؛ مما يتسبب في عدوى مهبلية متكررة.
⛔الالتهابات: تُعرف الشبة بأنها تعمل على قبض عضلات المهبل والأوعية الدموية، مما قد يسبب التهابات عند ممارسة العلاقة الحميمة.
⛔جفاف المهبل: تعمل الشبة على سحب الرطوبة الموجودة في أغشية المهبل، مما يتسبب في جرح المهبل أثناء العلاقة الحميمة.

14/04/2023

🚑💊💉🩺🇸🇦🇸🇦

12/04/2023

الحمدلله.....
حاله حامل ١٩ اسبوع الجنين متوفي وتعاني من ارتفاع شديد في ضغط الدم وتسمم حمل شديد تم عمل اجهاض للمريضه واستخراج المشيمه وعلاج ارتفاع ضغط الدم وتسمم الحمل والمريضه حاليا بصحه جيده...

31/03/2023

طبعاً عايزه تسمعي صوت نبض البيبي...
افتكري اني قولتلك بلاش!!!!😅
بتتولد حراره من جهاز السونار مش هتحسيها انتي طبعا لكن ممكن تبقي مضره للجنين في العمر ده...كفايه اوي تشوفي النبض أو الدكتور يطمنك أن النبض تمام😎

29/03/2023

صيام رمضان والحمل ....
هل صيام رمضان له تأثير علي الام الحامل او الجنين او كليهما ؟؟
الابحاث والنصوص العلمية التي تطرقت الي موضوع صيام رمضان في الحمل قليلة جدا ،
ولكن هناك القليل من الابحاث التي تكلمت عن هذا الموضوع وخرجت بنتايج بعضها سلبي والاخر ايجابي...
خلاصة هذه النتائج ::..
نتائج علي المدي القصير ،
ونتائج اخري علي المدي البعيد ....

نتائج المدي القصير :.
هي اضطراب التمثيل الغذائي اثناء ساعات الصيام ،
يعني زيادة الكيتونات والاحماض الدهنية الحرة في الدم ،
ليس لها تأثير علي وزن الجنين ،
ولكن لها تأثير علي الخلايا العصبية والذي بدوره قد يحدث تأثير اكثر ضررا علي المدي البعيد ....

نتائج المدي البعيد ؛..
الدراسات كانت قليلة جدا ولكنها اظهرت ما يلي :.
حدوث وظهور امراض خاصة بالقلب والشرايين التاجية ،
امراض خاصة بالكلي ،،
امراض ارتفاع ضغط الدم والسكري من النوع الثاني ...

هذا غير اخطر هذه التاثيرات وهي نقص واضح في معدل الذكاء ...

التفسير العلمي لهذه النتايج علي المدي البعيد ؛.
هي ظاهرة اسمها ( بيئة النقص التي تحدث اثناء ساعات الصيام ) ،
بيئة النقص التي تحدث اثناء صيام الام تؤدي الي ارتفاع هرمونات التوتر في الجنين ويمكن ان ترتفع بطريقة مزمنة ،
هي هرمونات الكورتيزون والادرينالين...

يعني بالبلدي كده
( الجنين كيف نفسه وبرمج نفسه علي بيئة النقص اللي بتحصل اثناء فترات الصيام )
وده بيخلق حالة من التوتر عند الجنين وتعتبر هي السبب في ارتفاع هذه الهرمونات
( الكورتيزونات والادرينالين ) .....

اخيرا :..
لا يوجد رأي جازم واضح قوي في هذا الموضوع ...
ولكن هذا هو المتاح حاليا وما وصل اليه العلم في الفترة الاخيرة ....