https://www.facebook.com/261215281259842/

Dr Doaa Rashed, Jeddah (2025)

01/11/2022

ربنا يحفظ اولادنا جميعا

22/10/2022

الله عليكي يا فخر الامومه 😁😁
الحل الأمثل ههههه

17/10/2022

‏" إن عجِزتُم أن ترُدوا الجميل ، لا تُنكِروه "💌

14/10/2022

ربي .....
ارزقني راحه البال ..و هدوء القلب ...و سكينه الروح ..و طمأنينه القلب
💚💜💚💜💚💜💚💜💚💜💚💜💚💜💚💜💚💜💚

10/10/2022

مساء الفل 🤗
الحمله القوميه للتطعيم ضد مرض شلل الاطفال بدأت و هتستمر لمده خمسه ايام من ٩ الي ١٣ اكتوبر... موجوده في القاهره و الجيزه ( فرق كمان ثابته في كل مكان و فرق متنقله )
التطعيم من سن يوم الي خمس سنوات 👦👧
ايه هي موانع التطعيم ؟
📣الطفل لو درجه حرارته مرتفعه ... يأجل للتطعيم لحد ما الحراره تنزل
📣الطفل الي بيتقئ او عنده اسهال شديد ... ميطعمش
📣الطفل الذي عنده اي امراض مناعيه .... ميطعمش
📣الطفل الي بياخد علاج كيميائي اوعلاج إشعاعي .... ميطعمش
📣الطفل الي بياخد كورتيزون بجرعه كبيره لمده اكتر من اسبوعين ..... ميطعمش
🛑🛑اسأله متكرره ....
🌡ابني بيكمل كورس مضاد حيوي يطعم ولا لا .... يطعم
🌡ابني واخده تطعيم الاساسي من اسبوع .... الافضل فاصل ما بين التطعيمين ٤ اسابيع
🌡ابني اتطعم الروتا .... فاصل مابين التطعيمين اسبوعين
🌡ابني رجع بعد التطعيم علي طول .... ياخد التطعيم تاني
🌡أنا طعمت أبني .... و بعدين راح الحضانه اتطعم تاني .... مفيش مشكله
🌡ابني عنده اسهال خفيف ... يطعم
🌡ابني بياخد بخاخه كورتيزون ... او بيدهن مرهم فيه كورتيزون .... يطعم عادي
🌡ابني عنده رشح و بيعطس و بيكح .... يطعم عادي
🚩🚩🚩ناخد بالنا 🤗
الطفل ميرضعش قبل او بعد التطعيم بساعتين علشان اولا ميتقئش .... و ثانيا علشان الرضاعه الطبيعيه فيها اجسام مضاده ممكن تأثر علي التطعيم
ناخد بالنا لو الطفل الي هيتطعم عنده حد في البيت عنده مرض نقص مناعي لازم نستشير الطبيب قبل التطعيم
دمتم بخير 😍

#تطعيمات

21/09/2022

أنيميا نقص الحديد في الاطفال(فقر الدم):

هي اكثر مشاكل نقص التغذية واكثر انواع الانيميا شيوعا في العالم.مشكله انيميا نقص الحديد في الاطفال بجانب اعراض الانيميا انها بتأثر علي النمو المعرفي و ببتسبب مشاكل عصبيه كثيره في الاطفال

أسبابها:

- عدم تناول اغذية غنية بالحديد.
- زيادة حاجة الجسم للحديد خاصة اثناء مراحل النمو السريع.
- نقص الحديد في الاطفال قليلي الوزن عند الولادة وكذلك الذين يولدون قبل موعدهم.
- عدم الاهتمام بالرضاعة الطبيعية: فرغم ان حليب الام ليس غنيا جدا بالحديد الا ان نوع الحديد الذي يحتويه يُمتص بصورة اكثر من الحديد الموجود بالحليب الصناعي.
- فقدان مزمن للدم في البراز في حالات: الحساسية لبروتين حليب البقر( الحليب الصناعي) او وجود قرحة بالمعدة نتيجة لمرض ارتجاع المرئ او وجود عيوب خلقية بالامعاء او التهاب الامعاء المزمن. كذلك يحدث فقدان للدم لبعض الفتيات اثناء الدورة الشهرية. ويجب ايضا استبعاد امراض سيولة الدم.

الأعراض:
🍗🍳🍖هناك اعراض عامه الانيميا و هي :

- شحوب الوجه والشفتين
- الدوخة
- الشعور بالاجهاد
- فقدان الشهية
- الصداع
- ضعف الشعر والاظافر وتقصفها
- سرعة ضربات القلب وفي الحالات الشديدة قد تؤدي الى هبوط القلب.
🍖🍗🍳في اعراض خاصه بالنمو العقلي و المعرفي
سوء التحصيل الدراسي
عدم التركيز ...
انقطاع النفس عند البكاء ... و ده بيحصل في الاطفال و ممكن يتشخص انه صرع و احيانا بيكون نتيجه نقص الحديد
الألام الاقدام خاصه اثناء الليل دايما الطفل بيشتكي أن رجليه بتوجعه
البيكا ... و انه يحب ياكل حاجات مش مفيده زي التلج التراب الطين يلحس الحيطه
التهاب و نعومه اللسان

الفحوصات المعملية:

- عمل تحليل دم CBC حيث يبين نقص الهيموجلوبين عن المعدل وكذلك تكون كرات الدم الحمراء صغيرة وشاحبة
- نقص الحديد والفيريتين والترانسفيرين و ده من اهم التحاليل اللازمه
و ياريت يكون عند عمر ٩ شهور ... و اي فحوصات دوريه

الوقاية:

- تشجيع الرضاعة الطبيعية او اعطاء حليب صناعي غني بالحديد في حالة عدم توفر حليب الام.
- الاغذية الغنية بالحديد:
🍖🍖🍗 اللحوم والدواجن والكبدة والطحال من اهم المصادر
🍳🍳🍳 صفار البيض
🍚🍚🍚 الحبوب مثل العدس والقمح والحمص
🍀🌱🌿الفاصوليا والسبانخ والبازلاء
🌿🌿🌿الخضروات خاصة الورقية الداكنة مثل
🌿🌿🍃 الملوخية والجرجير وورق العنب
🍑🍆🌶الشمندر واللفت والفلفل
🍇🍇🍇الفواكه مثل التمر والعنب والزبيب
🍓🍈🍓والكيوي والفراولة والخوخ

الاغذية التي تساعد على امتصاص
الحديد:
🍋🍋🍋الحمضيات والجوافة والطماطم فيتامين c

الاغذيةالتي تقلل امتصاص الحديد:
☕☕🍵الشاي والقهوة والمشروبات الغازية و دي ممنوعه في الاطفال اساسا

العلاج:

- علاج الاسباب التي تؤدي الى فقدان الدم عن طريق الجهاز الهضمي.
- اعطاء الحديد عن طريق الفم (شراب اوحبوب) بالجرعة والمدة التي يحددها الطبيب .
دمتم بخير 😍😍

- في الحالات الشديدة جدا وهي نادرة قد يحتاج المريض للحديد بالحقن وقد يحتاج نقل دم.

18/11/2021

الكحه 😷😷😷
مفيش بيت مفهوش حد مش بيكح في موسم الشتاء .... الكحه من اهم الاعراض الي فعلا بتكون مزعجه للطفل و الام 😷
بس احنا ظالمين الكحه ... لانها عباره عن رد فعل الجسم لانه يطرد البلغم او الاجسام الغريبه من الرئتين و القصبه الهوائيه ..... و شكل الكحه ... و نوعها .... وو قتها بيقولنا ايه هو السبب الي مسبب العرض المزعج ده كمان الكحه ممكن تكون سببها التهاب الجيوب الانفيه او الحلق او الاذن الخارجيه موجود فيها كمان مستقبلات خاصه بالكحه
أمتي اروح للطبيبب؟
انواع الكحه ووقتها و دلائلها؟
اسباب الكحه؟؟و أفرق بينهم ازاي؟
العلاج لكل سن و خطر استخدام ادويه الكحه؟
بوستات قادمه أن شاءالله
#الكحه

09/11/2021

ارتفاع الصفراء في الدم .... او الصفرا 🙂
ارتفاع نسبه الصفراء دي حاجه عالميه ... في الاغلب كل المواليد بيعانوا من ارتفاع نسبه الصفراء بدرجات متفاوته
في اغلب الأحيان بتلاحظ الام اصفرار لون الوجه الأنف العين الجسم ... في معظم الأحيان مش مطلوب من الاهل الا والمتابعه و ضروره استشاره طبيب الاطفال ... و قياس الصفرا ... علشان بعد كده ممكن يتابع مع الام و الاب نسبه الصفراء في الايام الي بعد كده .... مع أن الصفراء حاجه فسيوليجيه لكن في بعض الأحيان الصفراء الفسيوليجيه بتوصل لارقام عاليه و ده لاقدر الله ممكن يأثر علي المخ لو محصلش تدخل ... و حجز الطفل و وضعه علي العلاج الضوئي
طبعا القلق غير مطلوب ... كل الي مطلوب من الاهل ان اول ما تظهر الصفراء نستشير الطبيب علي طول ... و بعد كده نتابع نسبه الصفراء مع الطبيب المعالج
كل الي مطلوب من الام هو الرضاعه ثم الرضاعه ثم الرضاعه ... منسيبش البيبي ينام و منرضعوش لان الرضاعه بتساعد علي نزول الصفراء
طبعا في كلام كتير عن أن البيبي يتحط في لامبه نيون او اديله جلوكوز ... كل الحاجات دي ملهاش اي دليل علمي لو البيبي محتاج علاج ضوئي لازم يتحجز ... في كلام عن أن اشعه الشمس مفيده ... اوك ... لكن برده مش هتنزل الصفراء العاليه
و طبعا في صفراء باثولوجيه و دي نتيجه حاجات كتير جدا ... الي يهمك منها كام أن لو فصيله دمك O او بتاخدي حقنه ال Rh بعد الولاده ... لازم تراقبي الصفراء و تغير لون البيبي من اول يوم
كل المطلوب منك كام المتابعه مع الطبيب اول ما تظهر الصفرا ... و الرضاعه ... دمتم بخير😍

#الصفراء

27/10/2021

دلوقتي هنتكلم شويه علي شفط و تخزين اللبن 👍
و قولنا قبل كده أن ممكن اخزن اللبن علشان مثلا لو هرجع الشغل او هخرج مثلا 😷
في في السوق انواع كتيره جدا من شفاطات اللبن منها اليدوي و ده بيستخدم لو مش مستعجله في البيت براحتك
و في الكهربائي و ده سريع طبعا و في منه بيستخدم لشفط اللبن من الثديين مع بعض و ممكن كمان بالبطاريات و ده مناسب لو هترجعي الشغل و تقعدي فترات طويله بعيده عن ابنك علشان نتجنب احتقان الثدي
طبعا في حاجات مهمه أن الشفاط مينفعش حد تاني يستخدمها غيرك ... و طبعا بيتعقم زي تعقيم الببرونات (هنتكلم عنه في بوست منفصل)
ممكن تخزني اللبن في ببرونات البيبي نفسها... في اكياس مخصوصه لكده ... و كمان في برطمنات لكده
بنخاف شويه من عبوات الزجاج لانها ممكن تنكسر في الفريزر ... كمان ناخد بالنا من الاكياس لان ممكن تتقطع
طبعا كل عبوه هنكتب عليها التاريخ ... و منملاش العبوه و نسيب مساحه لان اللبن بيتمدد شويه لما يتجمد
نستخدم الاقدم فالاحدث
طبعا نخزن كميات صغيره علي قد رضعه البيبي مش اكتر
لما نيجي ندفي اللبن للبيبي مينفعش نسخنه ... بنحط الببرونه في مايه دافئه او نسيبه يفك لوحده
طبعا لازم نراعي جميع احتياطات النظافه و التعقيم عند شفط اللبن ... غسيل الايدي ... تعقيم الشفاط و الببرونه
اللبن ممكن يقعد في حراره الغرفه من ٦-٨ساعات (٢٤درجه مئويه)
اللبن ممكن يفضل في ايس باج لمده ٢٤ ساعه
في الثلاجه خمس ايام علي الرف من جوه مش في باب الثلاجه
في الفريزر العادي من ٣ الي ٦ شهور
معلومه علي الماشي ... بابا ممكن يرضع البيبي اللبن ده و انت تنامي شويه 😀😀😀😀

Dr Doaa Rashed

01/11/2022

22/10/2022

17/10/2022

14/10/2022

10/10/2022

21/09/2022

18/11/2021

09/11/2021

27/10/2021

Address

Website

Alerts

Contact The Practice

Shortcuts

Share

Category