20/09/2025
الايكوبراكسيا موضوع مهم و شائع بين كتير من الأطفال
#تخاطب #جدة #السعودية
كنا اتكلمنا قبل كده عن #الايكولاليا
و إللي هي إن الطفل يردد كلامك زي ما هو
لكن كان بيقابلني أطفال مش بس بتردد الكلام لأ دول كمان بيرددوا الحركه و حقيقي كنت محتار في شكل السلوك ده و مكنتش اعرف إسم المشكله إيه ‼️ 🤔
لحد ما استاذه اميره الدمراني ذكرت إسم "ايكوبراكسيا"
Echopraxia
فلما عملت سيرش و تعمقت في الموضوع لاقيت إيه ؟
إن فيه أشخاص بيكون عندهم ايكولاليا و ده الشائع عادي طفل بيردد الكلام لضعف اللغه الاستقباليه عنده
أما بقى في أشخاص بيكون عندهم ايكوبراكسيا
و دول بيكون عندهم ترديد للكلام و كمان ترديد للحركه
و بتنتشر عند المشخصين بالآتي:
✅ اضطراب طيف التوحد
✅ متلازمة توريت
✅ الفصام
✅ و بعض الأمراض العقلية الأخرى و الإصابه الدماغيه
بالإضافة إلى ذلك ، قد تظهر إيكوبراكسيا في الأشخاص الذين يعانون من:
✅ ظروف المناعة الذاتية
✅ الصرع
✅ اضطراب إدراكي عصبي (المعروف سابقًا باسم الخرف)
✅ متلازمات مرتبطة بالثقافة ، بما في ذلك لاتاه ، وأموراخ ، وإيمو
🟢 إيه هو echopraxia ؟
هو اضطراب عصبي و بيكون الشخص المصاب بالمشكله دي بيقلد حركاتك و ايمائاتك و الحركات اللااراديه دي ممكن تكون حركات ضاره زي العض أو الركل سواء نفسه أو الآخرين
✅ أعراض إكوبراكسيا :
العرض الرئيسي هو التقليد اللاإرادي لحركات أو إيماءات شخص آخر و يمكن أن يشمل ذلك تعبيرات الوجه، وإيماءات اليد و وضعية الجسم وحتى أنماط الكلام و قد لا يدرك الأفراد المصابون بالصدى أنهم يقلدون تصرفات الشخص الآخر وقد لا يكون لديهم سيطرة على تحركاتهم
✅ انواع الايكوبراكسيا :
1️⃣ ايكوبراكسيا بسيطه
2️⃣ ايكوبراكسيا معقده
3️⃣ ايكوبراكسيا تلقائيه
✅ مثال لشكل ايكوبراكسيا:
كنت في جلسه عادي جداً
و أنا شغال مع الولد كنت ماسك دقني لاقيته مسك دقنه زيي و مركزتش مع الموضوع قولت يمكن صدفه لكن مع تكرار الحركه بتاعتي أو ايماءاتي ( اكح / اخبط على الترابيزه) بقى يعمل زي حركتي بالظبط
📝 علاج الايكوبراكسيا :
1️⃣ علاج سلوكي
2️⃣ علاج دوائي
" أدوية لعلاج إكوبراكسيا "
يعتمد نوع الدواء الموصوف للعلاج على السبب وراء الاضطراب و قد تشمل الأدوية مضادات الذهان أو مثبتات المزاج أو مضادات الاكتئاب أو أدوية أخرى تساعد في تنظيم وظائف المخ وتقليل الحركات اللاإرادية و من المهم التحدث مع الطبيب قبل البدء في تناول أي دواء للعلاج .
و دي ڤيديوهات عشان تعرف شكل ايكوبراكسيا على الواقع شكلها إيه و خلي بالك إن فيه ڤيديو قديم من ١٩٤٠ فالاضطراب شائع و من زمان
1️⃣
https://youtu.be/8mvcg8lYbCU?si=NWbALNDqtKwzEUJa
2️⃣
https://youtu.be/4NLj2YqfjJE?si=C16LSVUtgzt7HubQ
#تخاطب #اطفال #تربيةخاصة #تربيه #ايكولاليا #ايكوبراكسيا #المصاداه #توحد #توحدي #اضطراب #متلازمة #متلازمةداون #توعية
