20/11/2025
💊
قبل فترة مابعيدة شديد كدا (شهور) حصلت لي خلافات وحر_ب كرامة عديل كدا مع صاحب صفحة التلاتة حبات (الشريف) والخلافات دي كان سببها انه الشريف اتعرض لبعض النقاط المزعجة لا داعي لذكرها وكلكم عارفنها .
لكن هل دا يعني الصفحة دي ما نافعة والناس ما تتابعها ؟ لا .. الصفحة دي بتقدم محتوى مميز جدا وبتقدم توعية للمجتمع وصاحب الصفحة دي صيدلي وزول متعلم ما زول "ساي"
لمن بديت افكر في موضوع السلام في السودان وكيف الناس تقبل بعض .. طوالي جا في بالي الموضوع دا ولقيت انه نحن زاتنا كأفراد وصناع محتوى ماقابلين بعض فكيف 40 مليون سوداني حيقبلو بعض ؟
انا ما محتاج لأي وساطة لا جدة لا أمبدة لا واشنطن .. من الليلة ولي قدام الشريف دا صحبي وانا صحبو ، وصفحة التلاته حبات دي زي صفحتي وكلنا بنقدم توعية باختلاف المحتوى.
علما بانه ما حصل بيني وبين الشريف أي تواصل لا رسلت ليو لا رسل لي لا استشرتو في الموضوع دا ولا كلمت بيو زول .. انا بتكلم من ناحيتي بس .
وانا من طرفي دا عافي لاي صانع محتوى ولأي متابع اساء لي وحتى لو بكرهني "ساي" كدا ما عندي مشكلة عافي ليو دنيا واخرة .
الناس تتقبل بعض وتتعايش مع بعض .. لا للعنصرية .. لا للقبلية .. لا للحر_ب ونعم للسلام 🕊️
#شكرا ❤️
