16/12/2025
مساء الخير
سؤال اتكرر كتير في التعليقات عن اضافة الكاكاو للحليب و هل بيقلل من فوائد الحليب و لا لأ
تعالوا نفهم مع بعض فوائد الحليب و الكاكاو و هل بيأثروا على بعض و لا لأ و ايه الطريقة الصحيحة لتناول المشروب ده.
ايه فوائد الحليب اللي يتخاف عليها؟
البروتين و الكالسيوم
الكاكاو فيه اوكسالات ، لكنه مبيأثرش على امتصاص الكالسيوم من الحليب وفيه دراسة بتثبت الموضوع ده في التعليقات.
الكاكاو فيه كافيين بنسبة بسيطة، وده برده تأثيره على الكالسيوم قليل جدا.
الكاكاو الخام من الاضافات الصحية الغنية بالمعادن زي الكالسيوم و المغنيسيوم و بوتاسيوم و فيه حديد كمان.
ده غير ان الكاكاو غني جدا بمضادات الاكسدة زي البولي فينول و الفلافنول و دول ليهم فوائد كتيرة لصحة القلب و مستوي السكر في الدم.
و فيه الياف بتغذي البكتيريا المفيدة في الجهاز الهضمي
(بكتيريا طبيعية موجودة في جسمك و ليها وظائف كتير مهمة).
كمان فيه مواد في الكاكاو بتحسن الموود و تقلل من حدوث الاكتئاب.
طيب هل الحليب بيأثر على المواد المفيدة اللي في الكاكاو؟
لا ، فيه دراسة اتعملت بتقول انه مبيأثرش على البولي فينول
طيب و الحديد في الكاكاو هل كالسيوم الحليب بيأثر عليه؟
لا ،فيه دراسة عن النقطة دي.
حلو الكلام ده كله يبقي الكاكاو بالحليب حلو
ندوس بقي في النسكويك
لا ثانية واحدة.
الكاكاو اللي بتكلم عنه هنا هو الكاكاو الخام بدون سكر مضاف و بدون تحلية.
اي مشروب فيه سكر مضاف او تحلية ممنوع للاطفال تحت ٥ سنين تماما.
المشروبات اللي فيها سكر من اكبر المشاكل اللي بتقابل الاطفال و المراهقين و بتدخل في امراض كتيرة في المستقبل.
النسكويك و المشروبات المشابهة له غير صحية تماما ، انت عارفة انها مليانة سكر وغير صحية و انا عارف و الأرنب اللي علي العلبة عارف انها غير صحية.
و اي فوائد من الحليب او الكاكاو متساويش خطر اضافة السكر في مشروبات الاطفال اللي هتأثر على صحة طفلك دلوقتي و في المستقبل.
هتلاقي كل المصادر في ستوري الصفحة
هتلاقي كمان بوست عن المشروبات الصحية للاطفال ، بوست عن فوائد الشيكولاتة.
قوليلنا في التعليقات عن مشروبات اطفالك المفضلة
وازاي يتحاولي تخليها صحية؟
دور علي هاشتاج عشان تعرف اكتر عن الاكل الصحي
، ، , #ريجيم , , #صحة, #تغذية, ، #دايت
،
، ،
#جبنة #صحي #صحة
