Dr.Rania Badawi / رانيا بدوي

26/02/2026

دي احلي وضعيه للبيبي ربنا ييسر لكل ام و يسعل عليكم

26/02/2026

حاولي تعملي التمارين و اتبعي النصايح من اول السابع عشان مندخلش التاسع و نلاقي الصوره دي البيبي وجه قدام دي وضعيه صعبه للطبيعي كل ماكان وجه البيبي لظهرك كل ماكانت الامور اسهل تمارين تمارين

24/01/2026

لو رايحين معرض الكتاب، لا تفوتوا كتاب (بنوتي الحلوة) وكتاب (أنا والحجاب) من أجمل الهدايا اللي ممكن تقدميها لبنتك عشان تبدأ رحلتها بكل طمأنينة وإيمان. بجد يستحقوا يكونوا في مكتبة كل بنت. 🩷

بمعرض الكتاب جناح دار طابا (صالة 4 - C32). 📚

23/01/2026

بنوتي الحلوة 💝
لكل أم بتدور على الشياكة والاحتشام لأميرتها الصغيرة.. 👑
تابعوا براند بنوتي الحلوة، براند متخصص بجمال وتفاصيل لبس الفتيات الصغيرات المحجبات. 🌸
موديلات بتجمع بين الرقي والراحة عشان بنوتك تكبر وهي فخورة بجمالها

20/01/2026

05/12/2025

مينفعش نبدا حبوب منع الحمل بعد اليوم الخامس لان التبويض هيكون بدا و بالتالي البويضه هتفضل تكبر و ممكن يحصل حمل الهدف من حبوب منع الحمل انها تمنع البويضه من الخروج من البدايه و بالتالي يفضل نبداها اليوم الثالث او الخامس باقصي وقت لو اخرتيها عن الخامس يبقي مش هتشتغل

14/11/2025

01/09/2025

أهمية الماغنسيوم أثناء الحمل


#نساءوتوليد

13/07/2025

النهارده هتكلم عن ال history
ده ال abc الي بنعمله لطلبه الطب ازاي تاخد التاريخ المرضي صح !
بيشتكوا اني بتكلم كثير و بتاخر فالعياده
و كنت شايفه ده مشكله كبيره و شكوي مشرفات العياده
حتي أتي اليوم .....
دعاء بنوته جميله دخلت العياده فالتاسع اول مره تقابلني
عمليتها بعد اسبوعين و جت عايزاكي تعمليهالي
معاها مامتها و زوجها
و كالعاده بديت بالاساله العاديه انتوا منين ! انا من المنوفيه
كلام اخليها تهدا و تبدا تاخد عليه
لاحظت نفسها سريع بتنهج شفايفها مش احسن حاجه
بصيت علي الضغط و النبض
نبضها سريع
ليه كده دعاء متقلقيش
بس خلينا نعمل صوره دم نشوف لو في انيميا هي السبب و نعمل تخطيط قلب بسيط
قالتلي لا انا كويسه هو بس يمكن من الزعل
زعلانه ليه دعاء؟
مامتها ردت اصل ابن عمها اتوفي فجاه ياعيني شاب صغير
طب ايه السبب ؟ منعرفش
ده حتي اخوها حبيبي مات في نفس العمر
طبعا ده اداني انذار في حاجه غلط
و بديت فنفس اللحظه اكلم دكتور القلب و اعملها تحويل طارئ و اصريت تروح و حددت لها الموعد عشان اصمن انها مش هتكسل
و هنا جت المفاجاءه
عيب خلقي في صمام الاورطي
ياربي
يارحمن يارحيم يعني لو كنت حجزتلها و اتخدرت و احنا مش عارفين كان ايه الي هيحصل ؟
طبعا كل حاجه اتغيرت و جبنا تخدير متخصص فحالات القلب و الحمدلله اجمل بيبي و اجمل دعاء قامت بالسلامه و الحمدلله كانت مبسوطه و اتحدد لها العمليه بعد ٣ شهور و مشيت علي ادويه
و نفسها انتظم و وجها نفسه اتغير
و عرفت ان مندمش ابدا علي الوقت الي بقضيه الهستوري
ABC medicine
بيخليني اكتشف حاجات كثير بس المره دي انقذني و انقذ دعاء

13/07/2025

حبيباتي الحوامل شايفه الجلسه دي ؟
الاولي و انتي قاعده و ظهرك عامل حرف C مع الكرسي القعده دي هتخلي البيبي واخد ظهره لظهر الام و الوضعيه دي صعبه للولاده
عشان كده حاولي دايما تكوني متنيه لقدام ازعجيه عشان يلف و يكون وجهه لظهرك و ده بيخلي الولاده اسهل

13/06/2025

سا... كلمتني علي الواتس انها فالتاسع و دكتورتها سافرت مرعوبه
هترض
ي تستقبليني من غير زيارات
قلتلها و لا يهمك تعالي وقت ماربنا يأذن
و فعلا كان اول لقاء في الولاده و علي قد ماكانت صعبه علي قد ماكان دعم الزوج و الام الجميله هايل و قدرت تولد بسلام و فرحه البيبي نستنا كل التعب 🌹

12/06/2025

💊 هل حبوب الطوارئ آمنة❓متى تستخدميها❓ الأعراض الجانبية
حبوب الطواري بتتاخد خلال ٧٢ ساعه من التبويض لو بعد كده مش هتشتغل