د.سلمي حمودهDr.Salma Hamouda

31/03/2025

جهازنا الهضمي لما يلاقي داخل عليه فسيخ و رنجة وكحك وبسكوت وبيتيفور وترمس وشاي بلبن 😂😂

كل سنه وانتو طيبين❤️

25/01/2025

عارف لما تنزل تجري 🏃🏻 و في بداية الكيلو الثاني تجيلك نغزة في جنبك وتحس إنك مش قادر و هتقف في اي لحظة ؟
لو إستحملت الوجع ده " لحد ماتقفلها ١٠ دقايق " الوجع هيروح وهتكمل الجرية و يبقى لسه فيك حيل تكمل 💪🏻💪🏻
عارف لما تبقى صايم ، وتيجي في نص اليوم معدتك تلف حولين بعضها و تخليك تقول " أنا بتألم من الجوع " 😫 وماتبقاش متخيل إنت هتكمل ازاي ؟ بعدها بخمس دقايق الإحساس دا بيروح ، ولما المغرب بيأذن بتحس إنك ممكن تاكل بعد التراويح كمان🍕🍟
الإنسان دايماً أقوى من الموقف اللي بيتحط فيه ، ومهما بدت الظروف مستحيلة ، هـتيجي لحظة لو ضغطت فيها على نفسك شوية كمان هتكمل بعدها كثيـر😉
اللحظة اللي بتحس فيها إنك خلاص خلصت ، بتبقى علامة نص الطريق .
متقفش ودوس وكمل لما تفقد الحماس افتكر انت بداءت ليه.

09/09/2024

وجع العضلات اللي هيستمر فتره اول ماتروح الجيم

😞
واكيد التغذيه ليها دور معانا اننا نقلل من ال muscle soreness🤕
✅الشاي الاخضر قبل و بعد التمرين او الشاي الاحمر:
لانه مليان بمضادات الاكسده

✅الكاكاو:
الكاكاو الخام كمان فيه مضادات اكسده (فلافانول )و فيتامين ب و ماغنيسيوم
الكاكاو بيحسن من انتاج اكسيد النيتريك اللي اتكلمنا عنه قبل كده مع السترولين و اللي بدوره بيعمل انبساط في الاوعيه الدمويه و يزود من كميه الدم اللي هتروح للعضل
و اتعملت دراسات كتير عن اللبن بالتشوكليت وتاثيره بعد التمرين في انه قلل من الاجهاد العضلي

✅السبانخ :
من ال super food
فيها ماغنيسيوم واللي برضو بيحافظ علي وظائف الاعصاب و العضل و كمان بيظبط الضغط
نقدر ناكلها مطبوخه او سلطه او سموزي مع بنجر تبقي رائعه

✅الجبنه القريش:
مصدر للواي و للكازين و بكده نقدر ناخدها في وجبه قبل التمرين بفتره و كمان ممكن ناخدها قبل النوم وبرضو العبره بتوتال جرامات البروتين اليوميه

✅مكسرات:
لان فيها اوميجا ثري نباتي و هو من الحاجات اللي ممكن تساعد كمضاد التهاب
بلاش قبل التمرين مباشره لكن نحطها في نظامنا اليومي
وكمان مصدر الطاقه المستخدم اللي بيحدده نوع اللعبه اللي بنلعبها عليه عامل في اختيار الاكل

✅الاسماك البارده:
غنيه بالاوميجا ثري و الدهون الصحيه
وجبه محترمه جدا بعد التمرين

✅الكركم :
وحاليا في موضه اللبن الذهبي
الكركم من الحاجات الذهبيه فعلا في ذاته لانه مضاد اكسده ممتاز
بيقلل من ارهاق العضل و الاتهاب وكمان بيقلل التورم

✅الميه:
نكتر من شرب الميه علي مدار اليوم وفيه التمرين

الناس اللي عندهم فايبروميالجيا زي حالاتي يفضل وخايفين اصلا من فكره ازاي هاوجع نفسي اكتر ..فاول فتره حتي لو شهر كامل العبوا بسيط و اوزان بسيطه جدا لان انا جايالكو من المستقبل و باقولكو لما تشدوا العضلات فعليا هتحسوها محروقه مش موجوعه 😂

تمارين مقاومه في الميه ممتازه (بس انا مش باحبها لان بحب اشيل اوزان بس فعليا هي ممتازه للحاله 🌺

الفيس بوك🌹

https://www.facebook.com/Dr.SalmaHamoudaNutritionist1/

الانستجرام🌹

https://instagram.com/dr.salma.hamouda?igshid=14om802wgw8tj

تيك توك🌹

https://vm.tiktok.com/ZSJNkCw2j/

15/03/2024

13/03/2024

عزومات رمضان 🌺

ربنا ينصر اخواننا في غزه

08/03/2024

كوليسترولك عالي؟؟؟
خلي نظام يومك فيه الاكلات دي و عيد التحليل و شوف النتيجه بعد شهر

١-شوفان
٢-رده
٣-فول
٤-بتنجان
٥-باميه
٦-زيت زيتون
٧-تفاح
٨-فراوله
٩-عنب
١٠-حبوب كامله برغل و فريك
١١-شاي اخضر

فاضل مكانين فقط في عرض رمضان كل سنه وانتو طيبين ❤️


❤️

‏

06/03/2024

🔰🔰الكبد الدهني
——————————
😞شويه دهون متراكمه علي الكبد يعني ايه المشكله؟؟

😞الدهون دي بتخلي الكبد في حاله التهاب و مع تقدم الوقت بيسوء الوضع و ممكن يتطور لتليف بالكبد و يحتاج نقل كبد و لا قدر الله ممكن كانسر

🔰🔰الكبد الدهني : بيصيب حوالي ٢٠٪؜ ل ٣٠٪؜من الناس و بيزيد انتشاره نتيجه لزياده معدلات السمنه و السكر و زياده الكوليسترول

🔰🔰الكبده الدهني في منه نوعين :نوع بسبب الكحوليات و نوع لا NAFLDو ٣٠٪؜ من الحالات بيتطور ل NASH و ١٥٪؜ منهم ممكن زي ماقولنا تليف تام او سرطان

🔆طيب بيتعالج و لا لا؟؟
✅في المراحل الاولي بيتعالج تماما بنزول الوزن و الرياضه

🔆ممكن يحصل للاطفال؟؟
✅للاسف ايوه

🔆مين اكتر الناس اللي معرضه للكبد الدهني؟
✅اللي عندهم سمنه و زياده في محيط البطن
اللي عندهم كوليسترول عالي
مقاومه انسولين او مرضي سكري

🔆ممكن يحصل لحد مش مريض سمنه؟؟
✅ايوه

🔆هنتصرف ازاي؟؟
✅نزول الوزن رقم واحد
✅رياضه
✅مكملات تدعم الكبد

🔆الدايت يكون ايه؟؟
✅غني بالخضار و الفاكهه
✅نقلل اللحوم الحمراء
✅شرب ٢ ل ٣ فنجان قهوه بيحسن من كفاءه الكبد و بيقلل من فرصه حدوث سرطان كبد
✅نقلل الدهون المتحوله و زيت النخيل و السكريات(علشان نقدر نقلل الكوليسترول و السكر)
✅ناكل الياف (سيليوم )
✅العنب الاحمر و التوت الازرق
✅مكسرات
✅بنجر
✅بروكلي و قرنبيط
✅زيت زيتون
✅التوم
✅نقلل من المسكنات

🔆ايه المكملات ؟؟
✅لو نش بتحب القهوه ممكن كافيين
✅اوميجا ثري هيقلل الكوليسترول ١٠٠٠ ملجم يوميا
✅كولوميوسيل هيقلل الكوليسترول و السكر (معلقه كبيره علي كوب ماء يوميا)
✅الكركم من الحاجات المحببه جداااا للكبد ممكن يتشرب او مكمل غذائي
✅سيليمارين
فيتامين D ( لان الكبد بيشارك في تنشيط فيتامين D)
✅كو انزيم A
١٠٠ ملجم يوميا لمده ٣ اسابيع لقوا انهم بتحسن من انزيمات الكبد
وتتاخد باستشاره طبيب

شير للبوست علشان الفايده تعم ❤️

‏

06/03/2024

علشان تعرف تمشي ازاي بدون دكتور تغذيه

في كذا طريقه:
١-نظام الحصص الغذائيه ..و الصور هي شرح الحصه عباره عن ايه
بتحسب سعراتك و تاخد كميه الحصص اليوميه ليك …و هانزل البوست اللي جاي امثله لحصص سعرات مختلفه.

٢-نظام السعرات:وهو بيكون ادق شويه لو قسمته لبروتين علي حسب نشاطك اليومي و محهودك و نشويات و دهون صحيه

٣-تقسيم الطبق بطريقه myplate دي هتعودك انك بدون حصص و لا سعرات تحدد كميه اكل معينه و تختارها بعنايه

٤-مؤشرات الشبع و الجوع:طريقه مفيده جداااا للتحلص من الجوع العاطفي و رمرمه الاكل و الوزن الزايد

كل الطرق دي ليها شروط وهاشرحها كلها بامر الله و اختار المناسب ليك 🌺

عرض رمضان فاضل عليه ٣ ايام فقط 🌺🌺

‏

05/03/2024

تعرف ان في دايت او نظام غذائي بدون ماتروح لدكتور تغذيه تقدر تنفذه لو ضغطك عالي شويه و طبيبك قالك ظبط اكلك؟؟

الDASH diet
‏Dietary approach to stop hypertension

🛑و للاسف مرض الضغط المرتفع بيتضاعف في اعداد المرضي ومرتبط بامراض تانيه كتير فلما تعمل كنترول عليه هتبعد عن نفسك امراض كتير

❇️طيب ايه هو الدايت ده؟؟
✅ده نظام غذائي الصوديوم فيه قليل و البوتاسيوم والماغنيسيوم اكتر
فبنزود خضار و فاكهه و بروتين قليل الدسم و البان قليله الدسم

✅ولو مشيت عليه شويه هتلاقي ان ضغطك اللي فوق قل ١٢ درجه و اللي تحت ٥ درجات

‏https://pubmed.ncbi.nlm.nih.gov/10410299/

❇️طيب هنمشي عليه ازاي؟؟
١- هتحسب سعراتك بمعادلات او باي موقع او ابليكيشن بيحسب سعرات

٢- تقلل منهم ٤٠٠ او ٥٠٠ كالوري علشان نقلل الوزن تدريجي

٣- تشوف الجدول اللي انا حاطاه ده و تمشي عليه

٤- هتلاقي لو سعراتك 1600 كال مثلا انت محتاج عدد معين من الحصص الغذائيه

💙يعني محتاج ٦ حصص نشويات بقوليات و عيش و شوفان و هكذا
💙من ٣ ل ٤ خضار
💙٤ فاكهه
💙من ٢ ل ٣ منتجات البان قليله الدسم
💙 ٥بروتين
💙مكسرات قليل يعني ٣ حصص اسبوعيا

طيب ايه الحصص دي تساوي ايه؟؟

تابع البوست علشان لما انزل الجديد يظهرلك ❤️




عرض رمضان فاضل عليه ٤ ايام❤️

‏

04/03/2024

دايت لتقليل التهاب الجسم

✅و ده هيفيد اي مريض عنده مرض مناعي ..او الفايبروميالجيا و مرضي الزهايمر و تقليل حتي الشد العضلي بعد التمرين

✅بيكون دايت غني بالفواكهه و الخضرات لان فيهم phytochemicals كتير اللي بدورها مضاده اكسده و مضاده التهاب و كمان الاسماك الدهنيه

✅يحتوي علي
مكسرات
طماطم
فراوله
برتقال
سلمون
ماكريل
تونه
سبانخ
زيت زيتون
بقوليات الا لو بتتعبك
جزر
بروكلي
شوفان
شوكولاته غامقه
سمسم

♻️♻️يعني لو وظفنا الاكل ده في وجبات هتلاقي:
الفطار :شوفان بالزبادي و الفراوله و مكسرات بسيط

السناك: سلطه فواكهه او سلطه خضراء

العداء:حصه البروتين مطبوخه صحي +سبانخ +برغل

العشاء:طبق فول بزيت الزيتون +شوكولاته

❇️في مقوله بتقول Try to eat fewer foods that come from packages and more that come from the ground."

كل اكتر من الاطعمه اللي جايه من الارض مش المعلبه
🌺
عرض رمضان فاضل عليه اسبوع❤️

‏

04/03/2024

الفايبروميالجيا و رمضان

✔️نصايح من فايبروميالجاويه بقالي ٣ سنين ونص😂

🥹اول ماتعبت كانت الحياه سودا مخططه باسمر و ماكنتش متخيله ان هاقدز استعيد نشاطي و خصوصا اني شخص بحب الحركه و الانجاز

و كانت quality of life = صيييييفر 😀بس من سنه بدات اتاقلم علي الوجع …يعني هو قل او راح؟؟ابدااااا نفس الالم لكن بقيت متأقلمه و ببقي عارفه ان هيعدي اليوم وخلاص ((التأقلم طبعا بيروح اول ما الالم يشد جامد 😊)) بس اتطمني هتستعيدي ٤٠٪؜ ل ٥٠٪؜ كده من نشاطك و قدرتك الجسديه ..😍

١-لو معتمد علي ادويه فاخرها تدريجي و خليها تكون بعد المغرب علشان بنكون معتمدين كليا عليها((من غيرها بتحس ان حد طفي النور و شد الفيشه😂))

٢-حلويات ومشروبات بسكر من اكتر الحاجات اللي فعلا هتتعبك

🛑السكريات بتزود الالتهابات و فعليا بتزود الالم
🛑الحلويات لو فيها دقيق هتتعب الجهاز الهضمي لان غالبا الفايبرو بيكون معاها تعب في الجهاز الهضمي ((انا الدقيق بقي يتعبني جدا ))
🛑الاكلات الدسمه هتزود الامساك و تزود الالتهاب

٣-الكافيين :بيزود من ضربات القلب و هي اصلا بتكون زايده لوحدها

٤-في البعض بيتعب من اللبن و منتجاته فلازم تعرف ايه الاكل اللي بيزود تعب الجهاز الهضمي و تقلله

٥-الحمام الدافي بيريح نسبيا العضلات

٦-الرياضه فعليا مهمه جداااا ومتخيله احساس حد متألم جدااا و بنقوله روح اعمل مجهود واتعب اكتر 🫣بس ابدا حتي باسترتشات و يوجا ومقاومه في الماء لكن المهم انك تبدأ

٧-الضغط بيقلل الالم :يعني جربي تلفي اطرافك وقت الالم لما بيزيد و هتلاقي الالم خف شويه ببقي عاوزه الف نفسي زي فيلم واحد تاني😄

٩-مش عارفه اقولها ازاي بس لازم نعتزل ما يؤذينا 😃 ومنها مذاكره العيال 😜

١٠-ناكل ايه بقي يحسن من الصحه؟؟anti-inflammatory diet

وده هيكون مفيد لمرضي القولون التقرحي و الرومانويد واي مرضي مناعي

هاشرحه البوست اللي جاي 😇باذن الله

عرض رمضان فاضل عليه اسبوع❤️

‏

03/03/2024

عاوز اكل بروتين واكفي احتياجي اليومي و الاسعار زادت
هل ممكن اكل بروتين نباتي نسبه كبيره و اكمل ببروتين حيواني؟؟

✔️ايوه جدا بس هناخد في اعتبارنا كام نقطه
❇️البروتين النباتي غير كامل ويفضل نعمل دمج بين نوعين تلاته..يعني ايه بروتين عير كامل؟؟يعني احنا جسمنا بيحتاج ٢٠ حمض اميني علشان يبقي اخد احتياجه من البروتين ..والبروتين الحيواني بيكون فيه ال ٢٠ و تمام جداااا..لكن النباتي بيكون ناقص فعلشان كده يفضل ناكل نوعين تلاته مع بعض
✅البروتين النباتي كتره ممكن برضو يتعب مرضي النقرص فناخذ بالنا
❇️ممكن يحصل نقص في فينامين ب 12لو قللت اوي من البروتين الحيواني فيفضل لو حسيت باعراض مقص فيتامين ب تستشير طبيب و تبدا بمكمل ولو عاوز من الاساس تحافظ علي فيتامين ب فالخميره مصدر ممتاز ليه
البروتين النباتي لو اعتمدت عليه فقط لازم تعوض احتياجك من الكالسيوم و الزنك فلو عاوز تحافظ علي نسبه الكالسيوم تقدر تاكل خضار ورقي غامق كتير و علشان نحافظ علي الزنك فناكل الاطعمه المدعمه بالرنك
✅البروتين النباتي الكامل زي فول الصويا و الكينوا ممتازين

ايه ده؟؟هو مش بيبوظ الهرمونات وغلط علي الولاد و الرجال؟؟؟لا خالص و الدراسات الحديثه اثبتت ان كل الكلام ده مالوش لازمه

✔️خلي نظامك اليومي فيه
فول صويا
فول عادي
عدس
حمص
بسله
دره صفرا

عرض رمضان فاضل عليه اسبوع❤️

‏