https://www.facebook.com/332850793233761/

Reya Beauty, السودان, Gedaref (2025)

02/10/2025

✨ أسباب بهتان الشعر✨

مرات بنلقى شعرنا بقى باهت ومافيهو لمعة ولا حياة 😔 .. ودي بعض الأسباب الممكن تخلي الشعر يبهت:

1️⃣ قلة الترطيب 💧
لما الشعر يكون عطشان وما بتترطبوه كويس، طبيعي يبهت.

2️⃣ الإفراط في استخدام الاستشوار والمكواة 🔥
الحرارة الكتيرة بتكسر الشعرة وتخليها باهتة.

3️⃣ التعرض للشمس بدون حماية ☀️
الشمس القوية بتسحب اللمعة من الشعر.

4️⃣ الغذاء غير المتوازن 🍟
لما جسمك ما يلقى الفيتامينات والمعادن الكافية، شعرك بيدفع الثمن.

5️⃣ الإفراط في الصبغات والمواد الكيمائية 🎨
دي بتتعب الشعرة وتخليها من غير حيوية.

💡 الحل؟
ترطيب مستمر + تغذية صحية + تقليل الحرارة والمواد الكيمائية ✨

مع 💚
Reya Beauty

01/10/2025

صباح الخير 🌹

🧴 أسباب تساقط الشعر

1. من الجسم ذاته:

نقص دم أو فايتمينات زي الحديد و D.

مشاكل في الغدة الدرقية.

بعد الولادة أو في الرضاعة.

2. من النفسية:

توتر وهم كتير.

قلة نوم.

3. من برة:

شامبوهات قوية بتخلي الشعر يتكسر.

فرد وصبغات كتيرة.

استعمال السيشوار والمكواة بشكل يومي.

شد الشعر في التسريحات.

4. المواسم:

كتير ناس شعرهم بتساقط في الخريف.

💡 النصيحة:
أكلك الصحي + شرب موية كتير + روتين سليم = فرق كبير ✨
ولو التساقط زاااااد، الأفضل تعمل فحوصات.

29/09/2025

🌿 الفروة الصحية بتدي شعر صحي 🌿

لو دايرين شعرنا يكون قوي ولامع، لازم نهتم أول حاجة بفروة الراس.
لأنو الفروة زي التربة… لو التربة تعبانة، الزرع ما بطلع صاح 🌱.

👩‍🦱 شنو الحاجات الممكن تأذي الفروة؟

تراكم الدهون والأوساخ.

استخدام شامبوهات ما مناسبة.

القشرة والحكة المستمرة.

كثرة الزيوت التقيلة البتقفل المسام.

💡 كيف نحافظ على سلامة الفروة؟

نغسل الشعر بشامبو مناسب لنوع الفروة.

ما نبالغ في الحك بالفروة، نخلي المساج يكون خفيف.

نخلي فروتنا تتنفس وما نغطيها كتير.

نستخدم زيوت خفيفة طبيعية وما نكتر منها.

✅ لما نهتم بالفروة، الدم بيمشي كويس للمسام والشعر بتغذى، وبيطلع أقوى وأنضر.

24/09/2025

🌀 *القشرة* شنو قصتها؟

القشرة ما قلة نظافة.. بالعكس 😌
🔹 مرات الفروة بتكون جافة 👉 تنزل قشرة.
🔹 ومرات دهنية زيادة 👉 تعمل قشرة لزجة وحكة وممكن تلتهب وتعمل جروح..

✨ الحل:

شامبو ضد القشرة (زي *الكيتوكونازول* ) في حال كان القشرة سببها فطريات ما جفاف بس.
في حال كانت القشرة بسبب الجفاف ما بنحتاج لي كيتوكونازول بس بنحتاج لشامبو يحتوي على *سيلينيوم سلفايد* مثلا..

غسيل منتظم لكن ما كل يوم.

ترطيب لو الفروة ناشفة.

اختيار منتجات العناية بالشعر حسب نوع الشعر

قللوا توتر، واشربوا موية كتيرة واكلوا اكل صحي...

💡 الخلاصة: اسمعي فروتك.. وأديها العناية البتناسبها ❤️

18/09/2025

*عندك فراغات في الشعر؟؟* 😟
*استعملتي منتجات كتيرة وماف حل او الفراغات بترجع تاني؟*
*شعرك طويل لكن خفيف* ؟
*ما عارفة تتعاملي معاها كيف؟*
*اسمعيني* 🧕🏻

📌 *أسباب فراغات الشعر والحلول الممكنة*

يا بنات 👩‍🦱 فراغات الشعر بقت مشكلة شائعة، وأسبابها كتيرة:

👒 *شد الشعر شديد* (زي التسريحات المشدودة ).

💊 نقص فيتامينات ومعادن مهمة (زي الحديد والزنك).

😰 توتر وضغط نفسي.

🦠 التهابات فروة الرأس أو قشرة عنيدة.

🧬 عوامل وراثية.

💇🏽‍♀️ استخدام كريمات وزيوت تقيلة تسد المسام.

✅ الحلول الممكنة:

قللي من شد الشعر وخلي تسريحاتك مريحة.

اهتمي بتغذية كويسة وأخدي فيتاميناتك من أكل صحي أو مكملات.

عالجي القشرة والالتهابات أول بأول.

استخدمي زيوت خفيفة ما بتسد المسام زي Reya Follica Hair Stimulating Oil 🌿، بيساعد في تحفيز نمو الشعر ويقوي البصيلات.

خدي وقت راحة وحاولي تقللي التوتر.

ولو الموضوع مستمر شديد، ضروري تستشيري دكتور جلدية عشان يحدد السبب الأساسي.

شعرك جزء من جمالك..
العناية بيهو بتفرق كتير.
Reya Beauty

بتقدم ليك المنتجات البتساعدك تهتمي بشعرك صااح😘
حيتوفر Reya Follica قريب ان شاءالله

15/09/2025

مساء الخير 💙
بطريقة لطيفة ومبسطة خلونا نتكلم عن

🌸 *مشاكل الشعر الشائعة وأسبابها 🌸*

💧 *الشعر الجاف*

🟠 الاستحمام بمويه سخنة شديد
🟠 السشوار والمكواة
🟠 قلة الترطيب والزيوت
🟠 الشمس والهواء

---

✨ *الشعر الدهني*

🟢 إفراز الدهون بزيادة من فروة الرأس
🟢 غسيل كتير بشامبو قوي
🟢 أكل فيهو دهون زيادة
🟢 استعمال زيوت تقيلة

---

🍃 *تساقط الشعر*

🔵 قلة الأكل الصحي (حديد + بروتين)
🔵 التوتر والضغط النفسي
🔵 بعد الولادة والرضاعة
🔵 كيميائيات وصبغات كتيرة

---

❄️ *القشرة*

⚪ فروة دهنية أو جافة زيادة
⚪ غسيل قليل أو كتير شديد
⚪ شامبوهات ما مناسبة
⚪ تغير الجو (الخريف/الشتا)

---

🌬️ *التقصف والهيشان*

🟣 ما في قص أطراف منتظم
🟣 حرارة الشمس والسشوار
🟣 فرد وصبغات كيميائية
🟣 قلة الترطيب

🌱 *بطء نمو الشعر*

🟤 سوء تغذية
🟤 أمراض زي الأنيميا
🟤 منتجات ما مناسبة
🟤 قلة العناية بفروة الرأس

شعرك بعاني من اي مشكلة؟*
*وهل الأسباب دي كانت موجودة؟*
*شاركينا تجربتك؟ ونحن علينا الحلول👌🏻🌹*

11/09/2025

💆‍♀️ *روتين العناية بالشعر الدهني*

1. الغسيل

غسلي شعرك مرتين لي 3 مرات في الأسبوع بس، عشان ما نحفز الغدد الدهنية تفرز زيادة.

استخدمي شامبو خفيف ومنعش، يفضل يحتوي على نعناع أو شاي أخضر.

ما تستخدمي الموية السخنة شديد، خليها فاترة أو باردة شوية.

2. الترطيب

ختي البلسم على الأطراف بس، ما تخليه يقرب للجذور.

استخدمي زيوت خفيفة زي زيت الجوجوبا أو زيت بذور العنب، وختيها بعد الغسيل على الأطراف فقط.

3. العناية بفروة الرأس

مرة في الأسبوع اعملي مساج لفروة الرأس بتونر طبيعي (موية ورد + شوية عصير ليمون مخفف).

جربي مقشر فروة خفيف لإزالة الدهون والجلد الميت.

4. التصفيف

ابعدي عن الكريمات التقيلة.

لو بتستخدمي حرارة، ختي سيروم حماية خفيف قبل.

5. نصائح إضافية

ما تلمسي شعرك كتير خلال اليوم.

غيّري المخدة بانتظام عشان ما تتجمع الدهون.

كتري من شرب الموية وأكلك الصحي.

10/09/2025

مساء الخير
🌹
*روتين العناية بالشعر الجاف*

عشان يفضل شعرك ناعم ورطب التزمي بالحاجات البتقدري عليها من ديل ...

🛁 *الغسيل* :

اغسلي شعرك كل ٧أيام، ما تكترى الغسيل عشان ما يشيل الزيوت الطبيعية.

استعملي *شامبو* مخصص للشعر الجاف، يكون فيه زيوت طبيعية أو حليب جوز الهند ويكون خالي من المنظفات القوية.

بعد الشامبو، ضروري تحطي *بلسم* من نص الشعر للأطراف.

💧 *الترطيب اليومي* :

رشي شوية مويه على الشعر بالنهار، بعدين حطي كريم ترطيب زي كريم لافندر للشعر من reya Beauty او leave-in conditioner.

الزيوت كويسة للشعر الجاف، زي زيت الأرجان، جوز الهند أو اللوز. ختيها على الأطراف بس عشان الجذور ما تتدهن.

🛡 *الحماية* :

لو بتطلعي في الشمس أو الهواء، غطي شعرك .

قبل ما تستعملي السيشوار أو المكواة، لازم سيروم أو سبراي حماية.

🍯 *التغذية* :

مرة في الأسبوع، اعملي ماسك طبيعي زي:

*زيت الزيتون + عسل + زبادي*

*أو أفوكادو مهروس + زيت جوز الهند*

خليه نص ساعة بعدين اغسليه.

🚫 *الحاجات البتضر الشعر الجاف* :

الإكثار من الشامبو.

المويه السخنة شديد.

الربطات الضيقة أو المشط الخشن.

09/09/2025

*معرفة نوع شعرك دي حاجة مهمة شديد، لأنو هي البتحدد ليك كيف تعتني بيهو بالطريقة الصح، ولو ما عرفتي نوعو ممكن تستعملي حاجات ما بتنفعك وتخرب شعرك بدل ما تصلحو.*

الأسباب:

1. *تختاري الحاجات المناسبة*

كل نوع شعر عندو شامبو وبلسم وزيوت بتناسبو.

مثلاً الشعر الدهني بحتاج شامبو ينضف الدهون، لكن الجاف بحتاج شامبو مرطب.

2. *تعرفي كيف ترطبيه*

الشعر الكيرلي أو المموج بحتاج ترطيب أكتر من الشعر المستقيم.

3. *تحميه من التلف*

لو عرفتي نوعه، بتعرفي كم يتحمل حرارة، صبغات أو معالجات بدون ما يتقصف.

4. *تحلي مشاكله بسرعة*

الهيشان، القشرة، التساقط… بتعرفي سببها من جفاف أو زيادة دهون أو عادات غلط.

5. *يطلع شكلك أحلى*

لما تهتمي بيهو صح، بيبقى لامع ومرتب حتى من غير تعب كتير.

08/09/2025

مساء الخير ❤️
طيب لو شعرك دهني تعملي شنو؟؟؟؟

🧴 لو شعرك دهني، أعملي كدا 👇🏽

1. ما تغسلي شعرك كل يوم:
لأن الغسيل الكتير بخلي فروة الراس تنشف، ودا بخليها تطلع دهون أكتر! غسلي شعرك مرتين أو تلاتة في الأسبوع كفاية.

2. أستعملي شامبو خفيف للشعر الدهني:
يعني ما فيه زيوت كتيرة، وفيه مكونات بتنشف الدهون زي الشاي الأخضر أو الطين أو الزنك.

3. البلسم في الأطراف بس:
ما تحطيه في الجذور، علشان ما يزيد الدهون، خليه في نهاية الشعر وبس.

4. أبعدي من الزيوت الثقيلة:
لو دايرة تدهني، أدهني أطراف الشعر بس وبكمية خفيفة جداً.

5. أستعملي خل تفاح مخفف أو ماء ورد بعد الغسيل:
يرتب الفروة ويقلل الدهون الزايدة.

6. ما تمشطي شعرك كتير:
لأن المشط بنقل الدهون من الفروة لباقي الشعر، مرة الصباح ومرة بالليل كفاية.

7. حاولي ما تلمسي شعرك كتير:
لأن يدك بتنقل الدهون والأوساخ للشعر.

8. الشامبو الجاف خيار ممتاز:
لو ما دايرة تغسلي شعرك، أستعملي شامبو جاف (بودرة بترشّيها) بيمتص الدهون ويخلي الشعر شكله نظيف.

✨ نصيحة أخيرة:

أكلك مهم كمان، قللي من الحاجات الدهنية والسكر الكتير، وأشربي موية كتيرة.
حقيقي التفاصيل دي بتفرق جدااا

06/09/2025

صباح الخيير ...
😍😍😍

*لو عرفتي إنو شعرك جاف، تعالي نوريك كيف تعتني بيهو* 👇🏽

الشعر الجاف محتاج حب واهتمام أكتر من غيرو، ودي شوية خطوات تساعدك تخليهو صحي ولامع:

🌿 *الترطيب أهم حاجة*
استعملي كريمات مرطبة بعد كل غسلة، وزيتي شعرك مرتين في الأسبوع بزيوت خفيفة زي زيت اللوز أو جوز الهند.

🚿 *ابعدي من الغسيل الكتير*
غسيل الشعر كل يوم بنشفو أكتر، غسليه مرتين في الأسبوع كفاية، وبشامبو خالي من السلفات.

🧴 *حمام الزيت صحبك الوفي*
اعملي حمام زيت مرة في الأسبوع، خليه في شعرك ساعة على الأقل وبعدين اغسليه بمويه فاترة.

✂️ *قصي الأطراف كل فترة*
الأطراف المتقصفة بتخلي الشعر يبين تعبان، قصيها كل شهرين.

🚫 *قللي من السشوار والمكواة*
الحرارة العالية بتزيد الجفاف، خليه يجف طبيعي كل ما تقدري.

💦 *اشربي موية كتيرة*
الترطيب من جوة زي من برة، جسمك لما يكون رطب شعرك بيكون مرتاح.

---

البشرة والشعر مرايتنا.. دلليهم بحب 💕
ّا

05/09/2025

مساء النور 🌹🌹🌹🌹🌹🌹

نكمّل البوست بإضافة عن نوع المسامية ونمط الشعر (ناعم، مموج، كيرلي، كينكي)

💧 المسامية شنو؟

يعني شعرك بيمتص وبيحتفظ بالرطوبة كيف؟

1️⃣ مسامية عالية؟
شعرك بيشرب الزيت أو الماء بسرعة، لكن بينشف بسرعة برضو
🔸 غالبًا بيكون هايش ومتشقق
✨ محتاج زيوت ثقيلة زي الشيا والافوكادو، وترطيب مستمر

2️⃣ مسامية منخفضة؟
الموية والزيوت بتقيف فوق الشعرة، وبتتأخر تدخل
🔸 بتحسي الكريم ما بيتشرب بسهولة
✨ استخدمي منتجات خفيفة وادخلي البخار في روتينك

3️⃣ مسامية متوسطة؟
ده الوسط المريح، شعرك بيتقبل الترطيب وما بيحتاج مجهود كبير
✨ حافظي على روتين بسيط ومتوازن

💁🏾‍♀️ نوع الشعر؟

شكلك في المراية ما زي أي زول، ونوع الشعر بيفرق في العناية:

شعر ناعم (Straight):
سايح وما بيحتفظ بالكيرلي
→ محتاج منتجات ما تقيله عشان ما يتدهن بسرعة

مموج (Wavy):
موجات خفيفة أو متوسطة
→ محتاج تعريف خفيف وترطيب معتدل

كيرلي (Curly):
لفات واضحة، لكن ممكن تكون هايشة
→ محتاج تعريف بالجل أو الكريم، وترطيب منتظم

كينكي (Coily/Afro):
لفات ضيقة، غالبًا ناشف
→ محتاج زيوت ومكثفات قوية وترطيب يومي

🎯 اعرفي شعرك، اسمعيهو، واديهو البيناسب حالتو...
العناية الصح بتبدأ من الفهم 💕

Reya Beauty

02/10/2025

01/10/2025

29/09/2025

24/09/2025

18/09/2025

15/09/2025

11/09/2025

10/09/2025

09/09/2025

08/09/2025

06/09/2025

05/09/2025

Address

Telephone

Website

Alerts

Shortcuts

Share

Category