Sudan Family Planning Association

Sudan Family Planning Association Contact information, map and directions, contact form, opening hours, services, ratings, photos, videos and announcements from Sudan Family Planning Association, الخرطوم الطائف مربع 22/شارع بدر/جوار مستشفي فيوتشر, Khartoum.
(335)

تأسست جمعية تنظيم الأسرة السودانية (SFPA) عام 1965 على يد رواد في طب النساء والتوليد، استجابةً لارتفاع معدلات الوفيات بين الأمهات والأطفال الرضع. وهي عضو في الاتحاد الدولي لتنظيم الأسرة (IPPF) ومن مؤسسي إقليم العالم العربي لـ IPPF/AWR.

🌙🤍 عيدكم عافيةأول يوم في العيد دايماً عنده طعم مختلف…لمة، سلامات، ضحكات، وريحة الشية المالية البيوت فرح 🐑✨بين الزيارات، ...
27/05/2026

🌙🤍 عيدكم عافية

أول يوم في العيد دايماً عنده طعم مختلف…
لمة، سلامات، ضحكات، وريحة الشية المالية البيوت فرح 🐑✨

بين الزيارات، والقهوة، والعيديات، بتتخلق ذكريات صغيرة بتعيش معانا سنين ❤️

قولوا لينا 👇
كيف كان أول يوم في العيد؟
شنو أكتر لحظة فرحتكم اليوم؟ 🌸

27/05/2026

تلقيني في… ❤️
في الضحكة البتلمنا،
في الدعوة الحلوة من قلب أم،
في اللمة البتونس البيت،
وفي زول يطمن عليك قبل ياكل
ويقول: “إنت كويس؟”🌙✨

العيد ما بس لحمة ولبس جديد،
العيد نلقى في الناس البنحبهم…

في السودان… العيد ما بس لحمة 🤍العيد يعني “أفقد جيرانك”،ويعني الصينية البتمشي من بيت لبيت والمحبة البتزيد مع كل باب 🌙✨في ...
27/05/2026

في السودان… العيد ما بس لحمة 🤍
العيد يعني “أفقد جيرانك”،
ويعني الصينية البتمشي من بيت لبيت والمحبة البتزيد مع كل باب 🌙✨

في تفاصيل صغيرة ما بتتفهم إلا عندنا…
ريحة الشية، ولمّة الأهل، و”ضوقوا معانا” البتطلع من القلب ❤️

كل سنة وإنتو حوالين الناس البتحبوكم،
وعيدكم مليان خير، ولمة، ووجوه سمحة 🫶🐑

🎉🐑العيد فرحة… واللمة أحلىوالأجواء الحلوة تكتمل بضحكة الأهل والأصحاب 🤍في عيد الأضحى، نتمنى ليكم أيام مليانة سلام، ومحبة، ...
26/05/2026

🎉🐑
العيد فرحة… واللمة أحلى
والأجواء الحلوة تكتمل بضحكة الأهل والأصحاب 🤍

في عيد الأضحى، نتمنى ليكم أيام مليانة سلام، ومحبة، وراحة بال، وضحكات ما بتغيب ✨
كل سنة وإنتو بخير، وعيدكم مبارك وسعيد 🌙💙

في يوم عرفة 🤍تتعالى الدعوات.. وتلين القلوب.. وتُفتح أبواب الرحمة.نسأل الله أن يكتب لكم القبول، ويملأ أيامكم طمأنينة وبرك...
25/05/2026

في يوم عرفة 🤍
تتعالى الدعوات.. وتلين القلوب.. وتُفتح أبواب الرحمة.
نسأل الله أن يكتب لكم القبول، ويملأ أيامكم طمأنينة وبركة، ويحقق أمنياتكم التي تحملونها بين أيديكم دعاءً ويقيناً.

رددوا اليوم خير الدعاء:
"لا إله إلا الله وحده لا شريك له، له الملك وله الحمد وهو على كل شيء قدير." ✨

يوم عرفة… فرصة للصفح، والقرب، والبدايات الجميلة.
دعواتنا لكم بعافية لا تزول وقلوب مطمئنة دائماً 🌿

في الأيام دي، البيوت كلها ماليها القلق والترتيب.. الأب بكون واقف في نص المعركة براو، شايل همين أصعب من بعض: (كسوة العيد ...
24/05/2026

في الأيام دي، البيوت كلها ماليها القلق والترتيب.. الأب بكون واقف في نص المعركة براو، شايل همين أصعب من بعض: (كسوة العيد وتجهيز الأضحية) من جهة، و(مصاريف المدارس والكتب) الراجياهم من جهة ثانية.

تلاقيهو طالع من الصباح وعيونه مليانة تفكير، بيحسبها بالورقة والقلم بس عشان ما يحسسكم بـ أي تقصير، ويحافظ على ضحكة أولاده في العيد.
رسالة لكل زوجة صالحة وبنت واعية:
الأيام دي خليكِ أنتِ السند ومصدر الأمان الجوه البيت.
- قللي الطلبات غير الضرورية قدر ما تقدري.
- خففي عليهو بـ الكلمة الطيبة والدعوة السمحة أول ما يدخل الباب.
- حسسيهو إنو وجوده وسطكم بالصحة والسلامة هو (العيد الحقيقي)، وأي شيء ثاني بيمشي بالبساطة.

- الراجل لما يلقى وراهو "سند" بيستحمل الصخر، لكن لما يلقى "هم وضغط" بـ ينكسر. خليكِ عونه في الشدة، عشان تفرحوا بالفرج سوا.

شاركينا في التعليقات: كلمة طيبة حابة تقوليها لـ (أبو الأولاد) أو (أبوكِ) الليلة تديهو بيها طاقة وقوة؟ 🤎✨

23/05/2026

في ظل النزاعات والظروف الاستثنائية التي تمر بها بلادنا، يظل العنف القائم على النوع الاجتماعي، وخاصة جرائم الاغتصاب، من أبشع الانتهاكات التي تُمارس ضد النساء والفتيات كواحدة من أخطر جرائم الحرب.

إيماناً بدورها الفعال في المجتمع، تقدم جمعية تنظيم الأسرة السودانية - فرع ولاية نهر النيل سلسلة فيديوهات توضيحية للتوعية بكيفية التعامل مع الناجيات وتقديم الدعم اللازم لهن.

تحدثنا في هذا الفيديو الأستاذة وعد عبد القادر (الإخصائية النفسية بالجمعية) حول الأثر النفسي العميق وصعوبة بوح الناجيات بالتجارب القاسية بسبب نظرة المجتمع، وتؤكد على دورنا جميعاً:

🛑 كيف نساند الناجيات في مجتمعنا؟
عدم إلقاء اللوم: الناجية هي ضحية لعمل عنيف، ومسؤوليتنا حمايتها لا إدانتها.

-الدعم دون ضغوط: مساندة الناجيات للاستماع لهن دون إجبارهن على الحديث أو تهديدهن.

-التوجيه للمختصين: إرشاد الناجية لتلقي الرعاية النفسية المتخصصة لتجاوز حالات الاكتئاب وتجنب التداعيات الخطيرة.

-الحماية والقبول: ضمان بيئة آمنة ومتقبلة داخل الأسرة والمجتمع لمساعدتهن على التعافي.

#السودان

في العشر الأوائل من ذي الحجة…تتضاعف الأجور، وتلين القلوب، وتقترب الأرواح من الله 🤍هي أيام مباركة،فيها الدعاء أصدق،والذكر...
22/05/2026

في العشر الأوائل من ذي الحجة…
تتضاعف الأجور، وتلين القلوب، وتقترب الأرواح من الله 🤍

هي أيام مباركة،
فيها الدعاء أصدق،
والذكر أحب،
والخير أثره أكبر 🌿

أكثِروا من:
الله أكبر
الله أكبر
لا إله إلا الله
الله أكبر ولله الحمد ✨

جمعة مباركة،
نسأل الله أن يرزقنا وإياكم القبول والطُمأنينة،
وأن يجعل أيامكم عامرة بالخير والبركة 🤲🏻

الراجل الحقيقي ما بس شريك في المصروف…الشريك الحقيقي هو البكون حاضر في كل التفاصيل ❤️في ترتيب البيت،في تعب اليوم الطويل،ف...
21/05/2026

الراجل الحقيقي ما بس شريك في المصروف…
الشريك الحقيقي هو البكون حاضر في كل التفاصيل ❤️

في ترتيب البيت،
في تعب اليوم الطويل،
في تربية الأطفال،
وفي القرارات المهمة زي زيارة المركز واختيار الوسيلة المناسبة للأسرة 👨🏽‍👩🏽‍👧🏽

المشاركة ما بتنقص من الرجولة…
بالعكس، بتكبر المحبة، وبتخلي البيت أهدى وأقرب 🌿

مرتك لمن تلقاك سند في التفاصيل الصغيرة قبل الكبيرة،
بتحس بالأمان والراحة والونس 🤍

وبيناتنا كدا ياسيد الرجال👇🏽
هل … شاركت زوجتك غسيل العِدّة؟

بنؤمن إنو الأسرة ما بتكتمل إلا بوجود كبارنا، وبحكاواهم وونساتهم اللّي بتملأ البيت بركة ودِفء.العمر المتقدم بيحتاج لاهتما...
20/05/2026

بنؤمن إنو الأسرة ما بتكتمل إلا بوجود كبارنا، وبحكاواهم وونساتهم اللّي بتملأ البيت بركة ودِفء.
العمر المتقدم بيحتاج لاهتمام خاص ورعاية صحية ونفسية مستمرة، وعشان تستمر الونسة الحلوة والضحكة الصافية، بنقدم في عياداتنا ومراكزنا خدمات صحية متكاملة مخصصة لرعاية كبار السن، بتشمل:
🔹 الفحوصات الدورية ومتابعة الأمراض المزمنة.
🔹 الاستشارات الطبية والنفسية لضمان جودة حياة أفضل.
🔹 الدعم التوعوي للتعامل مع التغيرات الصحية المصاحبة لتقدم العمر.

حبّنا ليهم بيبدأ برعايتهم والاهتمام بصحتهم. ❤️

📞 للاستفسار ومعرفة أقرب فرع أو عيادة لجمعية تنظيم الأسرة السودانية، اتصلوا بنا على الرقم الموحد: 1700

#السودان

يا أمهاتنا ويا حواملنا، في ظل الظروف الصعبة والضغط العصبي والمعيشي الفوق طاقتنا، أكتر حاجة محتاجين نركز عليها هي صحتنا و...
19/05/2026

يا أمهاتنا ويا حواملنا، في ظل الظروف الصعبة والضغط العصبي والمعيشي الفوق طاقتنا، أكتر حاجة محتاجين نركز عليها هي صحتنا ومناعتنا. الحمل وتربية الشُّفّع بياكلوا من صحة الواحدة فينا بالتناوب، وعشان نقدر نقيف على حيلنا، لازم نغذي جسمنا صح بالمتوفر والمتاح من غير ما نكلف نفسنا فوق طاقتها.

المناعة ما محتاجة أدوية غالية ولا "سوبر فود" مستورد؛ المناعة قاعدة في أكلنا البسيط والمتاح في السوق وبدائلنا السودانية الغنية:

1. بديل "فيتامين C" (ما ليمون وبس!)
كلنا بنجري ورا الليمون، لكن في بدائل تانية متوفرة، رخيصة، ومفعولها سحر للمناعة:
-التبلدي (القنقليز):كنز من مضادات الأكسدة وفيتامين C، كبّاية عصير تبلدي باردة ومن غير سكر كتير كفيلة بتجديد طاقة الجسم.
-الجرجير والفلفلية الخضراء: متوفرين في أي سوق خضار، ضيفيهم لصحن السلطة اليومي لتقوية دفاعات جسمك.

2. بديل "البروتين" لبناء الخلايا
الحامل والمرضعة محتاجين بروتين ضروري، وإذا كانت اللحوم والفراخ صعبة شديد على الميزانية، البدائل النباتية بتسد الخانة وزيادة:
-العدس، الفول، واللوبيا: البقوليات دي "لحمة الفقرا" الحقيقية، غنية بالبروتين والحديد وممتازة جداً للجنين وللأم.
-البيض: بيضة واحدة مسلوقة في اليوم بتديك بروتين عالي الجودة ومغذيات أساسية لنمو الدماغ عند الجنين والرضيع.

3. بديل "الكالسيوم والحديد" (لقوة العظام والدم)
الأنيميا وهشاشة العظام من أكبر مهددات مناعة الأمهات والحوامل في بلدنا:
-العسل الأسود (المولاس): معلقة واحدة الصباح بتعوض نقص الحديد وبتحارب فقر الدم.
-السمسم: رشة سمسم فوق الأكل أو معلقة طحينة بتديك نسبة كالسيوم ممتازة جداً لحماية عظامك وأسنانك أثناء الحمل والرضاعة.

4. صحة الأمعاء = 70% من المناعة
عشان جسمك يمتص الفيتامينات دي كلها صح، لازم جهازك الهضمي يكون شغال برواق:
-الروب (الزبادي): غني بالبكتيريا النافعة (البروبايوتكس) البتحارب الالتهابات وبتحسن الهضم والامتصاص.

صحتك ما رفاهية، صحتك هي الأساس البيقوم عليهو بيتك وعيالك. بأقل الإمكانيات المتاحة في المطبخ، وبالمكونات الحنينة البسيطة دي، تقدري تحمي نفسك وتقوي مناعتك.
شاركينا في التعليقات: شنو البديل الغذائي المعتمدة عليهو في بيتك الأيام دي؟ 👇

Address

الخرطوم الطائف مربع 22/شارع بدر/جوار مستشفي فيوتشر
Khartoum
249

Website

Alerts

Be the first to know and let us send you an email when Sudan Family Planning Association posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Sudan Family Planning Association:

Shortcuts

Share