https://www.facebook.com/107516925180712/

Maarij Clinic, Khartoum (2026)

10/10/2025

🧠✨ *ورشة جديدة من منصة جديان* ✨🧠
مع *دكتوره/ معارج بلدو*

📌 *عنوان الورشة:*
*استراتيجيات التكيف وقت الضغوط*

🔍 *محاور الورشة:*
- استراتيجيات فعّالة للتكيف وقت الضغوط
- مهارات عملية للتهدئة الذاتية
- أدوات لإدارة القلق
- كيف ندير مشاعرنا بطريقة صحيحة ومتزنة

📅 *التاريخ:* 10/10/2025
🕗 *الزمن:* الساعة 8:00 مساءً
💬 *الورشة مجانية ومفتوحة للجميع*
رابط الإنضمام :-

https://chat.whatsapp.com/L7900NdH4ISGyceseP9S4w?mode=ems_copy_t

📍 *كونوا معنا في مساحة من الوعي والراحة النفسية*

📲 تابعوا قناتنا الرسمية علي منصه علي الواتس اب لمعرفه كل جديد

Follow the Jidyan Platform 🦅 channel https://whatsapp.com/channel/0029VbBVGNOAe5VylIJyGj2h

03/10/2025

ممتنة جداً لفرصة تقديم ورشة بعنوان "إدارة المشاعر والتأقلم وعلاج القلق" ضمن برنامج OML-MENA Fellowship (زمالة مليون قائد – الشرق الأوسط وشمال أفريقيا) بالتعاون مع Nelis (مبادرة القادة الجدد من أجل الاستدامة). 🌍✨

كانت تجربة ثرية وملهمة، أتاحـت نقاشات عميقة وتفاعل قيّم حول أهمية الصحة النفسية 🌿.

كل الشكر والتقدير للمنظمين على هذه الفرصة، ولكل المشاركين والمشاركات على إثراء الحوار. 💚

$1\10\2025 ✨️ اللهم اجعل هذا الشهر بداية خير وسلام لقلوبنا، وراحة لأنفسنا، وطمأنينة لأرواحنا.اللهم ارزقنا الصحة النفسية،...$

01/10/2025

1\10\2025 ✨️ اللهم اجعل هذا الشهر بداية خير وسلام لقلوبنا، وراحة لأنفسنا، وطمأنينة لأرواحنا.
اللهم ارزقنا الصحة النفسية، والسكينة في كل خطوة، والرضا بما قسمت، والقدرة على الصبر والتوازن.✨
🤗
الصحة النفسية لا تعني غياب الألم، بل القدرة على العيش رغم الألم، بإيمان أن التوازن ممكن، والشفاء خطوة بخطوة. فلنجعل من أكتوبر بداية جديدة، نعامل فيها أنفسنا بلطف كما نعامل الآخرين، ونتذكر دائمًا أن طلب المساعدة قوة لا ضعف. ✨

05/09/2025

خليك دائماً مؤمن أنو في قصة بتمسح قصة و نجاح بنسيك فشل ، و زول بيمسح زول ، و حياه بتنسيك حياه ، خليك مؤمن بالعوض من ربنا دايما أحلا و أجمل من الفات🥰

طبتم و طابت جمعاكم .... ✨ و ما تنسو سوره الكهف و الدعاء بعد صلاه العصر للمغرب ... و ربنا كريم بعباده

28/08/2025

اقولكم حقيقة صادمة كمعالجة نفسية؟
مرات بتجيني حالات بتتعلق بوجعها أكتر ما بتتعلق بعلاج و فهم نفسها ❤‍🩹.
ف بقيت عارفه ما كل الناس اللي بتيجي و تختار تتكلم مع معالج نفسي في الجلسات عايزة تتعافى ⚠️..

بيقولوا انهم عايزين يتغيروا، بس لما تقرب من ملفات جروحهم القديمة تكتشف إنهم عايشين وحابين يعيشوا في دور الضحية ،و كأنو الشفاء تهديد ليهم مش نجاة.

بالنسبه لهم بيفكروا إن الضحية مش مطلوب منها تتغير، لانو الضحية دايما بتلاقي تعاطف من الحولها و دا مريح ليها ، وبتتهرب من المواجهة لانها دايما ح تلاقي الح ينغزها.

أما الزول البفتش علي المتعافي.. بكون عندو حب المواجهة و الاعتراف بضعفه و مشاكله ، و بشتغل على نفسه، وياخد خطوات ويبطل يلوم غيره على اللي هو فيه.

💔 الضحيه لما يجي يتكلم ساعات بكون مقنع نفسوا وعاوز يقنع الحوليه انو ضحيه و ما جاي يتعافى ، و جاي يكرر نفس قصصو ، بنفس النبرة ، وبنفس الشكوى و بدور ع التعاطف.

ومن الحالات الاخيره الكنت بتعامل معاها وكنت كل مره استمع ليهم و احاول اضغط عشان اخرجهم من مسار دور الضحيه مباشرا الاقي نفسي اضفت عندهم لقايمة الأشرار في حياتهم

ف فهت حاجه :
❌ ما كل صرخة وجع وراها نية شفاء.
❤️‍🩹 و ما دايمًا العلاج و النقاش بيعالج ال ما عاوز يساعد نفسو .
💔 و أوقات المعالج بيتوجّع أكتر من العميل نفسه.

اللهم أَرِنا الحق حقاً و ارزقنا اتباعه، وأرِنا الباطل باطلاً وارزقنا اجتنابه 🤲🏼

14/08/2025

تعال ومعاك الحل (وفر البديل)♻️
عن التربيه اتحدث
كتير بشوف أمهات علاقاتهم مع اطفالهم لما يحاولوا يوقفوا سلوك غير مرغوب عباره عن أومر عسكريه تنفيذ أومر دون تبرير و لا وتوفير بديل ، بس تربية الاطفال أو في العلاقات بصوره عامه مثلا المدير و الموظفين بتكون العلاقه ناجحه دائما اذا كانت مبنيه علي توفر البدايل في السلوكيات الخطاء او المرفوضه من الطرف الاخر .

لانو الزول بطبيعته لما تمنعو من حاجة بيحس بالضغط أو التحدي و مرات العناد فبستمر في ممارسه نفس السلوك ، وده ممكن يخليه يتمسك بالسلوك المرفوض او الغير مرغوب فيه أكتر. عشان كده، بدل ما تقول: "ما تعمل كده"، ساعده بفهم السبب و خلي كلامك هادي وبعيد عن العصبية، وبعدها أديهو البديل. فلما الزول يعرف السبب ويحس إنك واقف معاه ما ضده وعاوز انو يعدل سلوكه لاحسن حيستجيب و حيتقبل التغيير بسهولة ويمشي في الطريق الصح.

فسواء كنت بتربي ولدك أو انت مسؤل و عندك ناس تحت إداراتك، دايمًا حاول تمنع ومعاك البديل. قول: "ما تعمل كده، وأعمل كده بدلها لمصلحتناا". بالطريقة دي الزول حيتقبل منك الكلام وينفذه برضا، بدل ما يحس إنه محشور في زاوية.
بختصار في أي علاقه لمنع سلوك سيئ او لتغيره لافضل جيب معاك الحل ما بس تقول المشكلة و تنتقد . لانو ده بيخفف عنك الضغط انت في نفسك، وبيخلي الطرف التاني يشعر بهتمامك بيه اولا و يتقبل السلوك البديل و يستمر عليه علشان علاقتكم تنجح.

التغيير ما بس منع، التغيير ذكاء وبدائل✨

وصلت .✅

01/08/2025

الأول من اغسطس 2025 ✨

"بداية شهر جديد، وفي يومٌ من خير أيام الله… الجمعة 🌿

اللهم اجعل هذا الشهر بداية فرح، وباب رزق، وستر، وشفاء، وتيسير لكل عسير🤲🏼.

ابدأوا شهركم بيقين أن الله لا يُضيع من أحسن التوكل عليه.

قل: يا رب، واختمها بـ: أنا مُطمئن لأنك معي ❤️

جمعة مباركة عليكم ، وشهركم مليان بالخير بإذن الله🫰🏼.

11/04/2025

🏃🏽‍♀️💪🏼التمرين ما بس للجسم...... كمان للنفس والعقل! 🧠❤️

يخواانااا، انتو عارفين إنو الحركة والرياضة بتلعب دور كبييير في تحسين الصحة النفسية والعقلية؟ 😌

لمن تمشي تتمشى، او تجري، ولا حتى ترقص، جسمك بيفرز مواد زي الـ"اندورفين" – ودي بتخلي مزاجك يتعدل وتبعد عنك التوتر والاكتئاب.

📌طيب سؤال الاندورفين ده هو زاتو شنو؟!!

الاندورفين هو هرمون بيفرزو الجسم وقت ما نعمل حاجة ممتعة زي التمارين الرياضية، الضحك، أو حتى الأكل ، نقعد مع ناس بنحبهم🧡

هو زي "مسكن طبيعي للألم" ، وكمان بيرفع وبيعدل المزاج وبيخليك تحس بالسعادة والراحة.

عشان كدا لمن تمشي أو تتمرن أو تضحك من قلبك، بتحس إنك أحسن ومبسوط — دا شغل الاندورفين 💥

ف عشان كده #جرب أنك تقوم اتحرك... ، أمشي، أعمل أي نوع من الحركة وحتشوف الفرق 🔥

07/04/2025

كيف ممكن التوتر او موقف ضايقك او ذكرى سيئة يزيدو ليك الألم او المرض ؟!

لمن تكون تعبات او عيان جسديا ويحصل شئ يخليك تقلق أو تتوتر ، هنا جسمك بيفرز هرمون اسمو الكورتيزول.

📌الكورتيزول هو هرمون بيفرزو الجسم وقت الزعل أو التوتر، بنقول عليه "هرمون التوتر". لما تزيد المشاكل أو الضغوط النفسية عليك، الجسم بيفرز الكورتيزول عشان يساعدك تعرف تتعامل مع المواقف، لكن لو فضل عالي لفترة طويلة، ممكن يسبب تعب وإرهاق ومشاكل في النوم ولو كان في مرض جسدي بيزيدو.....
وده هو المشكلة انو الهرمون ده بخلي الجسم مرهق وبعض مرات بتكون حاسي بي صداع والألم في المفاصل او العضلات....

عشان كده الراحة النفسية مهمة في أي علاج.

01/04/2025

📌في مرات كثيره بتظهر علينا امراض جسدية بتكون أسبابها ما واضحة!!!

*بنمشي الدكتور ونعمل فحوصات لكن النتيجه بتاعت الفحوصات كلها بتطلع نظيفه، فبنسأل نفسنا طيب ليه لحد هسه انا عندي الصداع والام المعده وارتفاع ضغط الدم ...الخ.

*والمشكله نحن ما بنكون منتبهين لانو ممكن تكون؟ الامراض الظهرت دي بسبب ضغوطات نفسيه!!!!

📌خلونا نتفق ونثبت انو الصحة الجسدية والنفسية وجهان لعملة واحدة🔗مرتبطات ارتباط شديد، وكل واحدة بتأثر على التانية بطريقة معقدة ومتداخلة.

الجسم والعقل شغالين مع بعض كأنهم وحدة واحدة، يعني لو حصلت مشكلة في الصحة الجسدية ممكن تأدي لمشاكل نفسية زي القلق والاكتئاب، وفي نفس الوقت الضغوط النفسية لو زادت ممكن تسبب مشاكل جسدية زي الصداع، آلام المعدة، وارتفاع ضغط الدم.

📌عشان كده، أي زول محتاج يتوازن بين صحته الجسدية والنفسية، لأنو الاهتمام بالجسم بيساعد في تحسين المزاج وتقليل التوتر، وكمان الراحة النفسية بتنعكس على نشاط الجسم وقوته. 💪🏼🧠

30/03/2025

✨تتقدم عيادة بأحر التهاني بمناسبة عيد الفطر المبارك.
العيد فرحة تجمع القلوب، وأجمل ما فيه سعادة الأطفال وراحة النفس.
اجعلوا صحتكم النفسية أولوية واستمتعوا بالعيد مع أحبائكم.

✨🧡

Maarij Clinic

10/10/2025

03/10/2025

01/10/2025

05/09/2025

28/08/2025

14/08/2025

01/08/2025

11/04/2025

07/04/2025

01/04/2025

30/03/2025

Address

Telephone

Website

Alerts

Contact The Practice

Shortcuts

Share

Category