04/04/2026
#عدم انتظام الدورة الشهرية
ح نقسم المنشور على اتنين لانو كتير شويه
شوفي يا بنتا الدورة الشهرية ما بس دم بينزل، دي علامة مهمة بتوريك إنو جسمك شغال كويس ولا في لخبطة.
#بمعنى تاني: الدورة تعتبر مؤشر على توازن الهرمونات في جسمك.
#الدورة الطبيعية شكلها كيف؟
الدورة الطبيعية بتجي كل 21 إلى 35 يوم تقريباً، وبتقعد من 3 إلى 7 أيام. ما لازم تكون في نفس اليوم بالضبط، لكن لازم تكون قريبة من بعض وما تكون عشوائية.
#متين نقول في عدم انتظام؟
نقول في عدم انتظام لو الدورة اتأخرت أكتر من 35 يوم، أو جات بدري شديد أقل من 21 يوم، أو غابت شهرين أو تلاتة، أو كانت مرة خفيفة شديد ومرة غزيرة شديد، أو ما عندها نمط ثابت.
#نفهم الحاصل جوة الجسم خطوة خطوة
كل شهر الجسم بيمر بمراحل معينة.
المخ بدي إشارات للمبيض عشان يجهز بويضة، بعد داك البويضة بتطلع في مرحلة اسمها التبويض، والرحم بجهز نفسه لاستقبال الحمل. لو ما حصل حمل، الطبقة البتكونت في الرحم بتنزل في شكل دم، ودي هي الدورة.
#النقطة المهمة إنو لو التبويض ما حصل، غالباً الدورة ما حتجي في وقتها أو ممكن تتأخر.
#السبب الحقيقي لعدم الانتظام
السبب الأساسي في أغلب الحالات هو عدم حدوث تبويض بصورة منتظمة، والسبب وراء دا غالباً لخبطة في الهرمونات.
الأسباب بالتفصيل ح تكون في المشور الجابي
صحتكم بتهمنا💜
عافانا الله وإياكم من كل سوء💛
🔃اعمل مشاركة قد تفيد غيرك
#بدعمكم #نستمر
دمتم بخير وصحة وسلامة 🌺
𝐃𝐫.𝐌𝐨𝐧𝐭𝐚𝐬𝐫 𝐌𝐨𝐡𝐚𝐦𝐞𝐝👨⚕️
