عيادة الاستشارات العاطفية

عيادة الاستشارات العاطفية إذا عجبك محتوى الصفحة. ادعم استمرار الصفحة عبر تطبيق بنك الخرطوم (بنكك)
2225394
مروان محمد اسماعيل

لنشر استشارتك في صفحة عيادة الاستشارات العاطفية ارسلها عبر الرابط التالي
https://m.me/Emotional.counseling.clinic/

موجز الصفحة اننا حنعرض مشكلة عاطفية لاحد اعضاء الصفحة في كل سرية و بدون ذكر اسمو و نتناقش كلنا مع بقية الاعضاء في حلها.لو كنت عندك مشكلة عاطفية او بتعرف تحل الشاكل العاطفية او حاب تستفيد من مشاكل الناس عشان ما تقع فيها انضم الينا و اكيد ما حتندم.

27/04/2026

الحظر دا كمان فيهَ دعوة صريحة للمصانع النقلت شغلها برة تفكر ترجع عشان السودان بقى سوق خصب ومافي بديل لسلعتك الحتصنتها ف تعاال راجع افتح مصنعك في بلدك

27/04/2026

قرارات وقف الاستيراد لبعض السلع الكمالية قرار كويس دا وفي صالح البلد الناس تفكر شوية

الدراما دي نهايتها شنو؟
26/04/2026

الدراما دي نهايتها شنو؟

عيب عليك ي خالد وضح للناس القروش دي حقت شنو😉
25/04/2026

عيب عليك ي خالد وضح للناس القروش دي حقت شنو😉

25/04/2026

استشاره رقم 258296

السلام عليكم ورحمة الله وبركاته اقسم بالله العظيم اني اقول الحق

انا متزوج عمري ٣٢ سنه... عندي اخت واحده متزوجه الحمدلله وابوي متوفي
انا اتزوج وجبت مرتي معاي والحمدلله اموري مستقره من كل النواحي.. بحب مرتي وبيتي وبعمل البقدر عليه طالما الله موسعها علي
زوجتي حملت الحمدلله قررت اني اخد بيت أكبر عشان اجيب امها واختها وامي برضو
اخدت شقه كبيره يعني امها واختها في غرفه وامي ف غرفه وفيه غرفه للضيوف للنسوان جوا
وصالون بحمام للرجال وطبعا غرفتي انا ومرتي وقلت الوصف ده عشان تفهموني
اول مامرتي حملت طوالي امها قالت دايره تجي قلت اكيد واصلا دي كانت نيتي قبال تتكلم
جهزت الورق وكل الشقه جاهزه
في آخر لحظه امها قالت لا ماحنجي لان امك حتجي ماممكن ننحشر كلنا في الشقه وريتها ان الشقه كبيره وكل زول بغرفتو
أصرت على رأيها
والله العظيم لحد اللحظه دي انا كان عندي استعدادا للتفاوض والنقاش وكنت بتناقش معاهم
انا راجل طيب وحنين ومرتي من اول ماحملت والله جبت ليها بت تساعدها
لكن مابتحمل زول يقرب من اهلي او يمسكني من يدي البتوجعني
امها ضربت لأمي وقالت ليها كان انتي مشيتي لولدك انا ماحمشي وبتي تلد عندي
امي زوله مسكينه ماكلمتني بس قالت لي اجل موضوعي اسي سالتها عن السبب ماقالت لي كلام مقنع
بس اختي ضربت لي وحكت لي الحاصل
دمي فار وقلت خلاص كده الموضوع فات الحد
مشيت لمرتي قلت لها الحصل.. قالت إنها عارفه وانهم مادايرين زحمه في البيت ومافي زول حيكون فاضي يخدم امي
وانا اصلا ما طلبت زول يخدمها.. هي في السودان جايب ليها بت تخدمها وما محوجها لشي
المهم قلت ليها انتي رايك شنو قالت دايره امشي لأمي واولد هناك قلت ليها كان مشيتي ورقتك بتلحقك قالت مامشكله
ومشت وطوالي رسلت ليها الطلاق شفهي في الواتس وقلت بعد الولاده ارسل الورقه لان الطلاق مابقع طول ماهي حامل

واول ماولدت رسلت الورقه لكن ولدي مامقصر منو الحمدلله ورفضت امي تمشي ليهم وبرسل اختي تشوف لو فيه حاجات ناقصه للولد وكده
كرهتها كره ما طبيعي
وبرضو جبت امي وخالتي معاي هنا عنادا فيهم وقلت امي ماحترجع
واسي طالبه ترجع وانا والله ماقادر
امي بتحنسني وخاصه انها نفسها يكون الولد قريب منها

قررت ارجعها وامها قالت دايره تجي
قلت ليها تعالي بطريقتك بعد ده انا مالي دخل بإجراءات الورق
بس المره والولد يجوني
بس انا بقيت ماطايقها نهائي
ومفكر اعمل لي غرفه براي
بس ماعارف لو يجوز

وداير حل مايكون فيه ذنب علي

25/04/2026

استشاره رقم 258295

السلام عليكم ورحمة الله وبركاته اقسم بالله العظيم اني اقول الحق

انا متزوجه وعندي أطفال. مشكلتي ما عني انا.. عن اخواني الكبار
كلنا مغتربين

عندي اخوي الكبير هو الكان شايل مسؤوليتنا ومرتو برضو اخوي الحمدلله وضعو كويس ومرتو برضو عندها براند تجميل
وزمان ابوي اتزوج بعد امي توفت الله يرحمهم
وخلف ٣ اولاد اخوي ماقصر معاهم لان ابوي اتوفى وهم صغار بعد فتره بسيطه امهم واتوفت برضو اخوي ومرتو قررو يجيبهم هنا في السعوديه وكانو صغار ومرت اخوي ماقصرت معاهم نهائي ربتهم زي أولادها
واسي ينادوها يمه
والحمدلله الكبير اتخرج من الجامعه و وطوالي نزل شغل الحمدلله
يللا مرت اخوي الأصغر اقترحت تشوف للولد ده عروس وهي اختها الصغيره وهي في مصر

قالنا مافي مشكله وكلمنا اسرتهم وكانو طمعانين شديد
في البدايه مرت اخوي الكبير سكتت سمعتهم للآخر وماردت طوالي
رجعت كلمت مرت اخوي وسالتها عن الطلبات الغريبه دي
مرت اخوي الأصغر قالت ليها ايوه دي طلبات عاديه جدا والولد وضعو كويس واختي بتستاهل مافيها شي

مرت اخوي الكبير ماعجبها الموضوع قالت انو ماحنقصر لكن فكره انهم يطمعو من اسي ماصح

في الاخير رفضت وقالت نشوف غيرها وحصلت مشكله بين اخواني بسبب الموضوع ده ومرت اخوي الصغير قالت يايتم العرس ده ياحتخلي البيت
وكل وحده مصره ع رأي
والولد قال لو امو ماوافقت الموضوع ماحيتم
وكنسل كل شي
واسي مرت اخوي الصغير دايره تمشي لأهلها ف مصر قالت ده عدم احترام
ادوني رايكم

فترنا🙂
24/04/2026

فترنا🙂

23/04/2026

استشارة رقم 458294
التنمر والاستهتار يعرضك للحظر

اقسم بالله اقول الحق ولا شي غير الحق

متزوجة لي ثلاث سنوات وعمري 27وعندي طفلين وانا للان ما قادرة استقر في بيتي والله بقيت ما فاهمة حاجة راجلي عندوا البيوت وكل م نجهز بيت في حتة راجلي فجأة بغير رايو انو نمش محل تاني يعني اصلا بيتي الأول مع نسابتي في قرية قعدنا فيها فترة ولمن ربنا فتحتها على زوجي اشترينا بيت في المدينة وبنيناهو على الحاجة الانا بحبها من كل حاجة جيت الولادة عن ناس امي اختو قالت ليهو البيت بدل يكون فاضي للحد زوجتك تلد وتجي احسن تأجروا وفعلا اجروا وقروش الإيجار بت شلها اختو قلت اسكت وما ادخل اللهم زنيت عليهو وعشان نبعد من الأهل شوية اشترا لي بيت في امدرمان والبيت برضو ظبط بنفس الألوان والشي البحبوا انا يلا هسي مفترض نرحل فيهو قام قال لي نرجع البلد عندوا عرس اخوهو نحضروا ونجي قلت خير اللهم تاني البيت الهنا اديهو للناس يقعدوا فيهو للفترة للحد م نجي وكمان قال لي لمن نرجع ح يرجع معانا اخوهو عشان يسكن معانا وعندو خالو شغال هنا قال ليهو تعال اقعد معاي في بيتي وأولاد اخوهو بت وولد جايين يقروا الجامعة برضوا ح يستقروا معاي وانا والله نفسي اخد راحتي في بيتي واستقر بس هو هموا بس اهلوا أهلو انا م صدقت اني بعدت منهم تاني جو لاحقني هنا ولو قلت ليهو اهلك صفتهم وصفتهم ح يطلقني اللهم قبل شوية تاني جاني قال لي عايز ابيع البيت الهسي دا واشتري بيت ل قدام شوية من المنطقة الاحنا فيها هسي دي والله م عارفة اسوي شنو ولا اطير وين زاتو يعني انا م قادرة استقر بسبب قرارتو الما فاهمة ليها حاجة دي وفجأة كدة ببقى معاي عسل وفجأة بقول لي انا رأيك لو بدخلني الجنة م بسمعوا يلا فهموني اعمل شنو يخ وهل انا اتحمل ولا اوريهوا انو البعمل فيهو غلط ولو اتكلمت ح يقول عني كعبة واموا واختو من النوع ال حسبي الله ونعم الوكيل فيهم بس والإخوان ما بحسوا خاتين المسؤليه كلها عليهو وانا والله حق الكريم يمكن ما عندي ولو قلت دايرة حاجة يسب لي ويسمعني كلام فارغ في المقابل اخوهو لو طلب مليارات او اختو طلبت ح يديها بدون كلام عايزة أفهم حاجة بس عليكن الله اخواتي دلوني للطريق الصح وشاكرة ليكن للحسن تعاملكن ونصائحكن السمحة

23/04/2026

اميتوا الباطل بالسكوت عنه .. وقفو تداول الاسكرينات دي وكل شويتين واحد منزل اسكرين ويتكلم وحتطلعو الموضوع تريند والما عارف حيعرف والناس تفتش عن قروباتهم وتكبر وتنتشر .. إحنا زاتو ما ناقصين سمعة كفاية الطلعت ف الحرب دي

في السعودية إشتغلت مع واحد بيأخر الرواتب ،، بعد ما كنت بجي الشغل بي بدلة كاملة بقيت اجي بي قميص وبنطلون وكرافتة، شوية...
19/04/2026

في السعودية إشتغلت مع واحد بيأخر الرواتب ،، بعد ما كنت بجي الشغل بي بدلة كاملة بقيت اجي بي قميص وبنطلون وكرافتة، شوية بقيت اجي بي بنطلون وقميص ما شاكيهو، شوية بقيت اجي بي فنلة و بنطلون جينز،، وفي النهاية بقيت بجي بي على الله،، زي الماشي العصر احضر كورة في ميدان عقرب ،، وزولنا ساكت ما سألني لغاية ما جات قروش وعاوز يدينا الرواتب بقى يسمعنا الفارغة قام عاين لي وقال ( وأستاذ خالد كمان بيجي الشغل بي بيجامة النوم)،،،،،

19/04/2026

🔴🔴🔴 مهم جدا🔴🔴🔴

يلتقوها بجاي تتقدا ب غاادي😁
19/04/2026

يلتقوها بجاي تتقدا ب غاادي😁

Address

شارع الوادي
Khartoum

Telephone

+249908333556

Website

Alerts

Be the first to know and let us send you an email when عيادة الاستشارات العاطفية posts news and promotions. Your email address will not be used for any other purpose, and you can unsubscribe at any time.

Shortcuts

Share