Zoal Sah زول صح

Zoal Sah زول صح مجموعة شبابية الهدف منها نشر الطاقة الايجابية وتعزيزها علي مستوي الفرد والاسرة والمجتمع من خلال مختلف مناشط الحياة العملية والاجتماعية والفكرية والاقتصادية

✋ كيف جسدك بيقول "لا"... من غير ما تتكلم؟ #السودان
31/08/2025

✋ كيف جسدك بيقول "لا"... من غير ما تتكلم؟

#السودان

🏠 بتدخل اوضتك … وتحس إنك مكتّف؟الهدوم في كل مكان… أوراق مرمية… موبايلك بيرن…دي ما بس فوضى مادية، دي فوضى داخلية كمان.📌 ا...
27/08/2025

🏠 بتدخل اوضتك … وتحس إنك مكتّف؟
الهدوم في كل مكان… أوراق مرمية… موبايلك بيرن…
دي ما بس فوضى مادية، دي فوضى داخلية كمان.

📌 المساحة البنعيش فيها، بتأثر علينا بدون ما نشعر:

الزحمة بتزيد التوتر

الفوضى بتشتّت التفكير

المكان اللي ما فيه نظام، بيخلينا نحس باللاسيطرة

📍 جرّب:

✅ ترتّب سريرك أول ما تصحى

✅ تخلي ركن صغير ""نظيف/مرتب"" تقعد فيهو

✅ تطفّي الإضاءة القوية وتولع شمعة أو لمبة هادية

المكان المرتّب بيريّح النفس… أكتر مما متخيل.

📱 كم ساعة بتقضيها على موبايلك يوميًا؟كم حساب متابعو بس بيخليك تحس إنك ""أقل""؟كم مرة فتحت السوشيال ميديا وقفلتها وإنت أت...
24/08/2025

📱 كم ساعة بتقضيها على موبايلك يوميًا؟
كم حساب متابعو بس بيخليك تحس إنك ""أقل""؟
كم مرة فتحت السوشيال ميديا وقفلتها وإنت أتعس من قبل؟

ما بننتبه لي تأثير الشاشة… لكن عقولنا بتحس.

📌 إشارات الخطر:

مقارنة دائمة بحياة الآخرين

إحساس بالنقص، أو إنك متأخر

ضغط نفسي إنك لازم تكون ""مميز""

📍 جرب تعمل detox بسيط:

ألغِ متابعة الحسابات السلبية

خفف وقت الشاشة

خصص وقت معين للسوشيال… ما تخليها متاحة 24 ساعة

الموبايل أداة… خليك إنت المسيطر، ما العكس.

😤 ""ليه اتجاهلتو؟ مفروض ترد عليه!""لكن الحقيقة؟في مواقف التجاهل بيكون أعلى درجات النضج.📌 التجاهل ما دايمًا هروب:أحيانًا ...
20/08/2025

😤 ""ليه اتجاهلتو؟ مفروض ترد عليه!""
لكن الحقيقة؟
في مواقف التجاهل بيكون أعلى درجات النضج.

📌 التجاهل ما دايمًا هروب:

أحيانًا وسيلة لحماية نفسك من الاستفزاز

تجنّب للجدال المرهق

حفظ لطاقتك من ناس ما بتفهم غير الإساءة

📍 التجاهل الواعي هو:
""أنا شايف، وفاهم… لكن ما حأضيع وقتي وطاقتي في الرد"".

لما تختار راحة بالك… إنت ما ضعيف.
إنت واعي بحقك في الهدوء.👌💚

بتحس صعب ترفض طلب؟😬 بتقول ""أيوه"" وأنت من جوه ما داير؟بتخاف تخسر الناس لو قلت ""لا""؟كتير مننا اتربى على إنو ""إرضاء ال...
18/08/2025

بتحس صعب ترفض طلب؟😬
بتقول ""أيوه"" وأنت من جوه ما داير؟
بتخاف تخسر الناس لو قلت ""لا""؟كتير مننا اتربى على إنو ""إرضاء الناس"" هو الصح…
لكن الحقيقة؟ قول ""لا"" أحيانًا هو أكبر نوع من حب الذات.

📌 كيف تتعلم تقول ""لا"" بطريقة واضحة ومحترمة:

ابدأ بـ: ""أنا مقدّر طلبك، لكن…""

أرفض السلوك، مش الشخص

ما تبرر كتير… حقك ترفض بدون شرح مفرط

تذكّر: ""لا"" لزول = ""نعم"" لصحتك النفسية

📍 لما تقول ""لا"" لما ما قادر… إنت بتحمي نفسك من الاستنزاف.

مرات أكتر زول بيقلقك… هو الزول المفروض يكون أمانك.😔زول قريب، من دمّك أو قلبك… لكن وجودو بيخنقك.والمشكلة؟ إنك بتحس بالذنب...
16/08/2025

مرات أكتر زول بيقلقك… هو الزول المفروض يكون أمانك.😔
زول قريب، من دمّك أو قلبك… لكن وجودو بيخنقك.

والمشكلة؟ إنك بتحس بالذنب…
""كيف أزعل منو؟ دا زول بحبو!""
""ما مفروض أتكلم… ديل أهلي.""

لكن القُرب ما بيعني السماح بالأذى النفسي.

📌 الزول القريب ممكن:

يستخف بمشاعرك بإسم ""النصح""

يقلل من إنجازاتك بإسم ""الغيرة""

يدخل في تفاصيلك بإسم ""الاهتمام""

📍 حدودك ما مفروض تختلف حسب القرابة…
القريب البيريّحك، بيستاهل مكانو.
لكن القريب البيستنزفك؟ لازم تعيد التفكير.

في بلد كل يوم بتتغيّر ملامحو، ما بين ازمات و حروب، وانهيار اقتصادي ونفسي واجتماعي… في جيل ومثابر و مكافح… ما انكسر، و...
12/08/2025

في بلد كل يوم بتتغيّر ملامحو،
ما بين ازمات و حروب، وانهيار اقتصادي ونفسي واجتماعي…
في جيل ومثابر و مكافح…
ما انكسر، وما استسلم.

في كل زاوية من السودان، بنلقى شباب/شابات
بيحملوا البلد دي على أكتافهم من غير ضجيج…
و كل ما تنهار ، نلقاهم واقفين زي الجبال.

🔥 وقفوا في الثورة وقالوا: ""البلد دي حقتنا""وكان صوتهم أعلى من الرصاص..
🌡 وقت الكورونا، كانوا المتطوعين، المنظمين، الناشرين للوعي..وما استنوا جهة تدعمهم،
🏚 وفي الحرب و النزوح… كانوا خط الدفاع و المعين الأول لأهلهم,يساعدوا، يواسوا، يدفنوا، يداووا،
ويبدأوا من الصفر… تاني، وتالت، وعاشر.

دي ما قصص بطولية…
دي الحقيقة اليومية لجيل، رغم كل التعب،
لسه بيقول: حنبنيهو.

شباب ما لقوا دولة تحميهم، فبقوا حماية لبعض.
ما لقوا دعم نفسي، فبقوا السند لبعض.
ما لقوا استقرار، لكنهم بقوا حلم صاحي…، ورافض ينهار.
📌 اليوم العالمي للشباب… ما بس احتفال بي تاريخ.
هو تذكير، إنو التغيير الحقيقي… دايمًا بيبدأ من شباب زيكم.

الليلة، نقيف وقفة شُكر، واعتزاز، واعتراف:
إنو في بلد فيها شباب زيكم،
ما حتموت… حترجع، وتقوم، وتتعمّر بيكم.
🧡 شكراً لأنكم لسه ماسكين في الحلم،
شكراً لأنكم، رغم كل شي، ما اتخلّيتو عن البلد… ولا عن نفسكم.





مجتمعنا بيحب الجدول، الإنجاز، الشغل، الشغل، الشغل…📈لكن هل فكرت يوم إنو جسمك ونفسك ما مخلوقين للإنتاج الدائم؟أوقات الراحة...
09/08/2025

مجتمعنا بيحب الجدول، الإنجاز، الشغل، الشغل، الشغل…📈
لكن هل فكرت يوم إنو جسمك ونفسك ما مخلوقين للإنتاج الدائم؟

أوقات الراحة، اللعب، أو حتى الكسل الظاهري…
دي لحظات ضرورية للتوازن.

📌 الحياة ما سباق:

التقدم أحيانًا بيكون في شكل انسحاب واعي

الإنجاز مش بس مهنة أو راتب… ممكن يكون راحة بال

ما لازم كل يوم يجيب نتيجة ملموسة… مرات يكفي إنك لسه واقف

📍 نفسك تستاهل منك وقت، واهتمام، وسماح.

😓 تعبت من إحساسك إنك ""ما بتنجز كفاية""؟بتحس بالذنب لما تقعد بدون شغل؟بتلوم نفسك حتى وإنت محتاج ترتاح؟نحنا في مجتمع بيرب...
06/08/2025

😓 تعبت من إحساسك إنك ""ما بتنجز كفاية""؟
بتحس بالذنب لما تقعد بدون شغل؟
بتلوم نفسك حتى وإنت محتاج ترتاح؟

نحنا في مجتمع بيربط النجاح بالتعب المفرط…
لكن الراحة ما كسل، ولا ضعف…
الراحة ""احتياج إنساني""، وجزء من الصحة النفسية.

📌 الراحة النفسية بتساعد:

جسمك يتعافى من التوتر المزمن

دماغك يرتب أفكارو

عواطفك تهدا وتستقر

الراحة ما معناتا إنك تبطل تسعى…
لكن إنك تعرف حدودك، وتسمع لجسمك لما يقول ""كفاية اليوم"".

📍 ما تعتذر عن حاجتك للراحة… إنت بشر، ما روبوت.

🩺 مرات بنفتش لي اسباب جسدية للتعب…لكن الجسم مرات بيصرخ بلغة ما بنفهمها.القلق ما دايمًا بيظهر كحزن أو خوف…أوقات بيظهر كأل...
04/08/2025

🩺 مرات بنفتش لي اسباب جسدية للتعب…
لكن الجسم مرات بيصرخ بلغة ما بنفهمها.

القلق ما دايمًا بيظهر كحزن أو خوف…
أوقات بيظهر كألم، دوخة، أو وجع ما بنلقى ليه تفسير.

📌 أعراض جسدية للقلق:

خفقان قلب مفاجئ

ضيق في النفس أو شعور بالاختناق

وجع في البطن أو اضطراب المعدة

شد في العضلات خاصة الرقبة والكتف

رعشة أو تنميل في الأطراف

صداع متكرر بدون سبب عضوي

كل الأعراض دي حقيقية… وما وهم.

📍 لو زرت دكتور وقال كل شي تمام، اسأل السؤال التاني: ""هل ممكن يكون ده قلق؟""

الجسم ما بكذب… بس مرات إحنا ما بنسمعو كويس.

😥 كلنا بنقلق… لكن هل كل قلق معناتو إنك مريض او مصاب بإضطراب قلق ؟في فرق كبير بين ""القلق الطبيعي"" البيخلينا نجهز لاختبا...
02/08/2025

😥 كلنا بنقلق… لكن هل كل قلق معناتو إنك مريض او مصاب بإضطراب قلق ؟

في فرق كبير بين ""القلق الطبيعي"" البيخلينا نجهز لاختبار، أو نفكر قبل قرار مهم…
وبين ""اضطراب القلق""، البيخليك خايف حتى لما ما في شي بخوف.

📌 القلق الطبيعي؟

بيجي في مواقف واضحة (زي مقابلة شغل أو سفر) وبيروح بعد انتهاء الظرف ما بيأثر في نومك أو شهيتك

💡و القلق الطبيعي في الحقيقة، قلق إيجابي!

هو زي جرس إنذار داخلي…
ينبّهنا إنو في شي مهم، ويحفّزنا نستعد ونكون في أفضل حال.
هو البخلينا نذاكر، نراجع، نخطط، ونشتغل كويس، وهو البورينا إنو الموقف ده عندو قيمة… وإننا مهتمين ننجح ونثبت نفسنا.

📌 أمّا اضطراب القلق؟

قلق دايم… بدون سبب ظاهر

تفكير مفرط في أسوأ الاحتمالات

أعراض جسدية (زي خفقان، تعرق، ضيق نفس)

صعوبة في النوم والتركيز

الإحساس إنك ""ما طبيعي""

✅ لو القلق بقى جزء من روتينك، وبدأ يأثر على حياتك… ده ما ضعف، ده صوت من جسمك بيقول ""ساعدني"".

📍 اسمع ليه، واطلب المساعدة. في علاج، وفي أمل، وفي ناس فاهمة الحاصل جواك.

في زحمة الحروب والنزوح، في ناس بتختفي...ناس بتُستغل، وتتباع كأنها سِلعة.وفي الغالب، بيكونوا نساء، أطفال، وأشخاص هشّين.📌 ...
30/07/2025

في زحمة الحروب والنزوح، في ناس بتختفي...
ناس بتُستغل، وتتباع كأنها سِلعة.
وفي الغالب، بيكونوا نساء، أطفال، وأشخاص هشّين.

📌 الإتجار بالبشر ما بعيد مننا...
ممكن يكون في شكل استغلال عمل، زواج قسري، أو تهريب.
والمؤلم؟ إنو الناجي/ة مرات ما بيقدر حتى يحكي القصة.

💛 دورنا شنو؟
– ننشر الوعي
– نكسر الصمت
– ونخلق مساحات آمنة للناس تحكي، تتشاف، وتلقى دعم

✴️ ما في زول لازم يدفع ثمن إنو بس ""ضعيف"".

Address

Khartoum

Opening Hours

Monday 10:00 - 16:00
Tuesday 10:00 - 16:00
Wednesday 10:00 - 16:00
Thursday 10:00 - 16:00
Saturday 10:00 - 04:45
Sunday 09:00 - 16:00

Telephone

+249912403666

Website

Alerts

Be the first to know and let us send you an email when Zoal Sah زول صح posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Zoal Sah زول صح:

Shortcuts

Share

Category