Trainer Yasmin Hassan

24/05/2025

الكيلاس
الخلطه الملكيه لاذابه الدهون الحشويه والكلسترول والدهون الثلاثيه
كله موجود يا حور
تمام يا جدو كله جه ومعاه كرشو وتيته كمان حضرت اهه
ومين الصغير اللي قاعد لوحده هناك ده
دا يا جدو الكرش اللي صديق الصفحه في التعليقات قال انه عنده ميعاد وحيبعت كرشه بداله
تماما تمام
تعالي يا بني هنا قدام علشان تشوف ومالك حزين كده ليه
الحمد لله اني جيت لوحدي ده يا جدو مبهدلني معاه كل يوم عند دكتور تغذيه وحبوب بيطلع عيني علشان اهضمها وجلسات و اجهزه تقرص فيها لما اتبهدلت 😡
متقلقش يا حبيبي حنخلص كل ده
من غير حبوب وجلسات وبتاع
بصوا بقي ركزوا معايا
اولا الاكل مش حقول لكم متاكلوش كذا وكذا كل كل حاجه طبيعيه معنديش مشكله ولكن قبل ما اقول الوصفه اي اكل فيه دهون مشبعه ممنوع نهائي لان دي هي سبب دهون البطن والدهون الثلاثيه والكلسترول ولو عملت مليون وصفه مش حتحيب نتيجه
يعني اي اكل بسمن نباتي اي جبنات مطبوخه او كريمي اي اكل معلبات وطبعا اللحوم الجاهزه سوسيس ولا نشون وهوت دوج والكلام ده عايز جبنه تبقي جبنه قريش طبيعي عايز لحمع اقطع من عند الجزار واديها وطبعا يفضل تعملها مشويه
الاكل كل ساعتين تلاته حاجه خفيفه وده مفيد كمان للي عندهم سكر ومقاومه انسولين
كل اللي انت عايزه بس قلل الكريوهيدرات العيش الرز المكرونه كل متحرمش نفسك بس قلل الكميات دي علي قد ما تقدر والسكر الابيض قلله كتير
اديها ميه وفاكه و خضار ذي ما انت عايز بس برضه متنساش متدبهاش كل علي اد سده جوعك بس و مش مهم عدد الوجبات و مش هقولك متاكلش بالليل ولكن اهم حاجه الحرق يعني لازم تمشي في اليوم ٣٠ دقيقه علي الاقل مش حقولك چيم وبتاع لا اتفضل انزل الصبح امشي تلت ساعه وكذلك في الليل انزل من العماره لف لفه علي رجليك في الشوارع اللي حواليك واطلع تاني
طب لوسمحت سؤال قبل الوصفه
اتفضلي يا بنتي
الوصفه دي للكرش بس يعني ده للي قدام بس ولا كمان للحاجات التانيه
ما قولت حتفيد الكولسترول الضار و الدهون الثلاثيه
لا قصدي يعني 😌 الحاجات التانيه الخلفيه
اه فهمت لا للكرش بس وبعدين انتوا عايزين تنزلوها ليه هي الست ايه غير انها تمشي بطه كده في نفسها ده الجيل المهبب ده لا فاهم تعليم ولا فاهم انوثه ولا بتاع طب دا انا وانا صغير مكنتش
حورس حورس😲 فيه ايه احنا علي الهوا 🤫
هو انا قولت حاجه يا ايزيس دا كنت حقول مكنتش بقوم من علي السجادها ابدا 😌
يلا طلعلوا الكراريس واكتبوا
كوب ماء ساخن (ليس مغليًا)
نصف ليمونة طازجة (معصورة)
ملعقة صغيرة كمون مطحون
ملعقة صغيرة زنجبيل مطحون
٣ عيدان قرنفل (اختياري)
رشة قرفة (اختياري)
ملعقة صغيرة عسل طبيعي (اختياري)
حتجيب الميه الساخنه اللي قبل الغليان سيكا وتحطوا الحاجات دي وتقلبوا كويس وتفطوها علشان مش عايزين الزيوت العطريه تطير والحاجات من عند العطار او فيه شركات محترمه حاجاتها مضمونه وطازجه ومنتقاه ببتباع في الصيدليات والسوبرماركت الكبيره ومش بقول اسماء
بعد ما تبقي دافيه اشرب علي الريق وانزل امشي الربع او التلت ساعه وبعدين ترجع تجيب خميره بلدي وتدوبها في ميه دافيه تشربها وبعده بساعتين افطر
انا مش حتكلم عن فوائد الكلام ده للضغط والسكر ومقاومه الانسولين والتهاب الأعصاب والشعر والاظافر ونضاره البشره انتوا اللي حتحكوا ليا الحاجات ده اتغيرت ازاي لكن التركيز كله علي الدهون العنيده بتاعه البطن يبقي الوصفه علي الريق المشي المشي المشي تقليل الكربوهيدرات وزياده البروتينات وتفضل مشويه او مسلوقه بلاش مقليات خضار وفاكهه وميه ذي ما انت عايز
النوم ٨ ساعات ويفضل يدري بعد العشاء لان ده مهم جدا لعمل الهرمونات التي لا تنطلق الا في ذلك الوقت طبعا فيه حاجه اخيره ومكنتش عايز اقولها بس مضطر وهو هرمون الكورتيزول وده سبب كبير في الموضوع لان ده هرمون التوتر فلازم تبعد عن التوتر لانه احد اهم اسباب تقليل الحرق والهضم والقولون العصبي وكده بس انا عارف ضغوط الحياه و انه حيبقي الشماعه للكرش ولكن حاول بقدر الامكان تقليل التوتر والنوم بدري نوم هادئ وده ممكن بتناول الماغنسيوم ستريت قبل النوم حتنام كويس و حيريح القولون وحتحس بارتياح كبير في الصباح و .
خلاص يا حورس النهارده الخميس وانت عارف بقي
حاضر يا ايزيس اه عارف المواصلات بتبقي زحمه فعلا 😉
يلا خلاص فسحه اشوفكم الكيلاس الجاي من غير كروش
يلا سلام 😘
و انتي يا ايزيس مش تقوليلي أن النهلرده الخميس انا مش واخد بالي
كنت حتخرجني اتفسح في كيمت 🤭
فسح ايه 😌الدنيا زحمه تعالي بس حقولك علي وصفه جامده علي انفراد بتريح الاعصاب🤥 تعالي تعالي متخافيش
حورس دول لسه قاعدين
ما قولنا سلام عليكم و فسحه من الصبح والجرس ضرب ده ايه ده
تعالي تعالي سبيهم قاعدين 🤗
#حورمحب

20/05/2023

26/04/2023

5️⃣ عادات صباحية تجعل من جسمك محرقة دهون:
1) شرب كوب أو كوبين ماء علي الريق:🥛
يساعد علي زيادة معدل الحرق ... باقي اليوم نكمل شرب الماء علي الأقل 8 أكواب.
2) تناول البروتين في الافطار: 🍳🥚
الدراسات وجدت انه الأشخاص الذين يعتمدون علي البروتين مثل البيض والجبن والزبادي يحرقون الدهون بشكل أسرع بكثير من الأشخاص المعتادين علي تناول النشويات صباحا.
3) الإستحمام بالماء البارد: 🛀
ينشط الدورة الدموية ويجعل الجسم يبذل طاقة لضبط حرارة الجسم مرة اخري.
4) القهوة: ☕
فنجان من القهوة في الصباح يزيد من الحرق... بشرط أن لا يزيد عن فنجانين طوال اليوم.
5) ممارسة الرياضة: 🏃‍♀️🏃‍♂️
من أهم العادات الصحية ممارسة تمارين خفيفة بعد الاستيقاظ من النوم لمدة نصف ساعة علي الأقل.... يزيد من معدل الحرق ويخرج الطاقة السلبية من الجسم ويساعد الإنسان علي استقبال يوم جديد وهو في نشاط وحيوية.

01/04/2023

مفيش حد هيحسسك بضعفك إلا نفسك ،
مفيش حد هيحسسك بقوتك إلا نفسك ،
المشكلة تكمن فقط ، مع علاقتك بنفسك....
فمن انت وما هى صورتك عن نفسك
ماذا تكره وماذا ترفض من انت؟؟؟

01/04/2023

"‏جرب أن تظل وحيدا فترة، ستجد أن البشر بلا أي فائدة حقيقية سوى إنهاكك في تفاهة سطحية لمشاكلهم النفسية طوال الوقت .."

28/03/2023

❞ المفاوض الجيد يستعد دائماً بخيارات بديلة؛ فحين يتشدد الطرف الآخر يجب أن تكون مستعداً لطرح بديل ثانٍ وثالث ورابع.. حتى يلين وتتحاشى جولة جديدة يستعد فيها بشكل أفضل!. ❝

04/03/2023

لا تتعجل في ايجاد شخص لقلبك.
الحب ليس مسألة سرعة ،انهُ مسألة جودة.

أن تكون وحيداً لن تكون مشكلة أبداً
أن تكون وحيداً هو أن تقضي وقتك برفقة أغلى شخص في حياتك وهو أنت.

لا يستحق أن تتاجر بسلامك العاطفي ورفاهيتك فقط من أجل أن يكون هنالك شخص بجانبك.

ما يحتاجهُ الناس ليس شخصا ما بل أشياء جيدة للعقل والقلب واذا وجدت من يتقدم لك ،ذلك رائع ، غير ذلك لا تستعجل .

فالأفضل دائماً يأتي في الوقت المناسب وبطريقة لا يمكن التنبؤ بها.

يمكن أن يستغرق العثور على شخص الكثير من الوقت، ولكن العثور على شخص يستحق الانتظار، في هذةٖ الأثناء استثمر في نفسك في نموك الشخصي ، في خلق تقديرك لذاتك ،في تقدير صفاتك.

عندما تتعلم تطوير هذا المستوى من الحب لنفسك، فأنك تقبل فقط أن يمنحك شخصاٌ ما حُباً بهذا المستوى أيضاً.

04/03/2023

مشاعر العصبية وتوتر والغضب بيكون دليل علي وجود خلل ومشاكل فى شاكرا الضفيرة الشمسية
وهي لها تأثير كبير جدا على اعضاء حيوية فى جسم الانسان مثل الكبد وجزء كبير من المعده والطحال والبنكرياس ولو في اى خلل فيها بتأثر بالسلب على كل الاعضاء دى .
لازم تتحكم فى الانفعالات الخاصة بك لتحمى نفسك من الأمراض النفسية والعضوية
وسيدنا رسول الله قال لا تغضب لا تغضب لا تغضب اتبع ارشاده حتي تكون في نعيم 💞👌
ولازم تكون ممارس للتنفس عميق لانه يعمل على طرد الطاقات السلبية وظبط الحاله النفسية بشكل كبير
وعمل رياضه بشكل منتظم واذا الوضع عندك خارج السيطرة هتحتاج جلسات علاجية بالطاقه حتي تتخلص من تلك الطاقات السلبية .