14/07/2023
Let's be professional
وندي العيش لي خبازه...
ونتعلم نترك لكل ذي شأن شانه...
جيشنا تخرج من اعرق كلية حربية...
بيحارب مرتزقة خلا... بيقولوا الدواس ما داير قراية...
هل صحيح الدواس ما داير قراية..؟؟
كتب ملازم أول مجاهد أحمد..⭐️⭐️
في negative energy حاااصل لييه يا شباب..؟🔥
حابي أوريكم إنه (الكمين) ده من العمليات التعرضية اللي الجيش قراها في المنهج العسكري بالكليه الحربيه السودانيه واتدرب في المشاريع الخلوية على نصب و إزالة الكمين ضمن مقرر العمليات والحروب الخاصة ...
(أذكر في المشروع الخلوي كنت ضمن قوة إزالة الكمين واتقدمنا على محور التقدم والقوة النصبت الكمين دفنوا أنفسهم في الأرض على جوانب الطريق ؟ ونالت الدرجات الكامله في نصب الكمين )
ده في تدريبنا فما بالك لمن نجي على أرض الميدان؟
الكليات العسكريه الحميدتي إستهتر بيها الان عرف يقينا إنها ما كلام ساااي🔥
يعني ما اتفاجأنا في الحرب دي بي الكمائن البتعملها المليشيا..
ونحن زاتنا الحمد لله بننصب كمائن للعدو وكتير منها نجح وقوات العمل الخاص خير شاهد ...
طبيعي أي جيش متحرك في محور معين ولا سيما داخل الخرطوم المليشيا تعمل ليه كمين (مع إنهم ما فاهمين الكمين ده بيتنصب كيف أصلا )والحمد لله المعلومات بتصل لي جيشنا قبل الوصول لي موقع الكمين وبتعامل على أساسها...
الطبيعي في الكمين يكون بقوة أقل من القوة المستهدفه بثلاث مرات لتجنب الخسارة في حاله فشل الكمين ويعتمد على تلات عناصر ..
١/المفاجئه
٢/قفل الصندوق
٣/كثافه النيران
وكان جينا نشرح شبه الكمين الاتعرض ليهو المتحرك الجاي من حطاب بنلقى إنه الدعم السريع حشد قوة توازي نصف المتحرك أو يزيد ودي عقليه من بدايه الحرب المتمردين م فاهمين خطورتها والمعلومة وصلت المتحرك قبل يصل نقطة العدو والصندوق بحمد الله ما اتقفل بدلالة الحمد لله أكتر القوة وصلت الحلفايا وكرري واعادت تنظيمها وغنمت اكتر من ٢٠ عربيه بكامل عتادها...
الكمين نجح كيف إذا يا متمرد؟
وبعدين المبرمجين بيعرفوا إنه الفيديو الممنتج ده عبارة عن كذب إعلامي بدلالات واضحه فيهو ..
المليشيا اتبلت أمس في أم درمان وخسائرها تتوالي وليهم قرابه الشهر ما لاقين حاجه ينشروها في صفحتهم الرسميه غير المساعدات الانسانيه المكذوبه ..
والليله الحمد لله جبهه بحري إشتغلت 🔥..
تاني النوم تاباه يامتمرد🔥🦂
في مقال سابق بينت إننا بنعاني من الهشاشه العاطفيه وبنستعجل الشعور بالهزيمة وبنخذل في جيشنا وأنفسنا وننسى إنها حرب ما معركة ، وطبيعي تكون في خسائر ونصر والعاقبة بالخواتيم 🔥
نسأل الله النصر للجيش ويحفظ قواتنا ويتقبل موتانا في الشهداء ويشفي جرحانا ويفك أسرانا ..
#جيشكم
🔥
