https://www.facebook.com/109132953783629/

مختبرات طبية, Omdurman (2025)

20/08/2025

البوست الي حيكون دا بتاع د.سامية نشرتها على قروب الفحيص السوداني بس ما عارفة اسمها كامل بس حبيت اشكرها💜🌸

لأنها عكست لينا صورة اختصاصي المختبر الحقيقي والي هو يتحلى بالمسؤولية والصدق والي ما بهمه كلام أي شخص عشان إنت لو دكتور لنفسك وللناس البتعالجهم ما عشان تسمع كلام إنت قايل نفسك شنو؟ وآخرك فحيص وبتاع، قول لي أي زول أنا فحيص وين المشكلة! فحيص بس بدوني شغلك مابكمل👌💜

🌸وأي حد في المجال دا وعامل شغله مظبوط ويتشغل بما يرضي الله هو دكتور عشان ما أي زول بقدر يكون كدا 👌 💜💜💜

▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬

#البوست👇

Female 28 years
البيشن جات بتشكي من حمى شديدة الحمى م طول اليوم بتجي ساعة و بعد يوم او يومين بتجي تاني و فتور م عادي مشيت عشان اشيل منها العينة الدكتور كان طالب ليها فحص
BFFM + TWBCs
لاحظت اول م شلت العينة انو البلود مغبش و لونو ماشي على اورنج م تمت ثانية العينة فصلت في الاسلايد كمية الRBCs كانت قليلة جدا بالنسبة للبلازما م واضحة جدا في الصورة كنت عاوزة اعمل ليها Hb لكن للاسف تيوب الكلوميتر كان اتكسر الصباح رجعت للبيشن شفت الجفن السفلي حرفيا كان لونو ابيض بما انو البيشن كانت تعبانة فالدكتور جا يناقش معاي الحالة هو قال انو يرقان هيديها دربات جلكوز و خلاص انا كنت بوضح ليه فكرة انو البيشن دي قاطعة دم و دا سبب ظهور اعراض اليرقان عندها و مفترض تتحول لمستشفى بسرعة يبدو اجراءت نقل الدم هو رفض بحجة انو ما قستي ليها الدم عرفتي كيف و بياض الجفن بكون بسبب اليرقان و انا بقول ليها اليرقان زاتو بسبب الانيميا هو يقتنع لا انا هنا اسكت لا طبعا😂
جريت جبت لي سيرنج و سحبت منها عينة و سنترتها و دا الظهر حرفيا الRBCs كانت عبارة عن خط رفيع جدا من عينة 3 مل حتى بعداك الدكتور اقتنع بالتحويلة
فالفيلم ظهر ملاريا (++++) p.vivax
الحمد لله البيشن اتلحقت و عملو ليها نقل دم للاسف دمها كان فالعشرينات
طيب حكيت القصة الطويلة دي ليه؟
عشان لقيت قبل شوية واحد منزل بوست كامل تحطيمي بحاول يقلل من قيمة المجال و نهاية البوست كاتب م تعملو فيها دكاترة انتو مجرد فحيصين
من هنا بحب اوصل ليه رسالة نحن مجرد فحيصين لكن ممكن ننقذ حياة بتاعت انسان كامل♥️
اتقنو شغلكم و حبو مجالكم♥️

د.سامية 💜

#العَــهْــد

17/08/2025

🌸 صباح الخير يا حلوين 💜

عارفين الفرق بين الـ Monocyte cells و Macrophage cells؟ 🤔

✅ الاتنين خلايا دم أبيض (خلايا مناعية) 🙃

💡 نشوف الفرق:

🔹 Monocyte:
خلايا ماشة في الدم، لسه صغيرة/ما نضجت.

↩️وظيفتها الأساسية:

🔶 Ready to migrate and differentiate

🔹 Macrophage:
لمن المونوسايت تطلع من الدم وتدخل الأنسجة، هناك بتكبر وتبقى ماكروفيج

↩️ وظائفها الأساسية👇

🔸Phagocytosis

🔸Cytokine production

🔸Antigen presentation

📌 الخلاصة:
🔴 Monocyte = Immature stage →

🔺في الدم (Peripheral blood)

🔵 Macrophage = Mature stage →

🔺في الأنسجة:
🔺 Liver: Kupffer cells
🔺 Lung: Alveolar macrophages
🔺 Brain: Microglia

يعني المونوسايت زي "الطالب في مجالنا دا "، والماكروفيج لمن يتخرج ويبقى "دكتور متخصص" 😅💜

#العَــهْــد

14/08/2025

♻أسئلة المشاركين‼️

ممكن تساعدني اول حاجة عندي حاجة سيئة في حياتي اني بخاف من الحاجة الجاية علي يعني ممكن قبل الامتحان أو قبل المحاضرة اقول الإمتحان دا انا م ح أنجح فيهو او المحاضرة دي انا م ح افهمها ولمن أنوي لي حاجة اني اعملها بكون متحمسة في البداية تاني بتكاسل منها ودي حاجة ح تضيعني بعدين دايرة حاجة تنظم لي وقتي دا وعندي بت جيرانا بتقرا مختبرات وهي محبطة خلاص كل م الاقيها تقول لي المختبرات دي والله م نافعة وانا كلمتك وتقول لي كلام كتييييير ولمن انا اقول ليها انا بحبها بتقول نشوفك بعدين وانا خلاص بقول لازم اي حاجة اعرفها عشان اتحادها واقول م افكر في كلامها بلقي نفسي في نص قرايتي بفكر فيهو وطوالي بقوم من القراية دايرة حاجة تخليني اثق في قدراتي شديد وما في تخليني اشتغل بي زول واقسم زمني ولا حاجة تبعدني من قرايتي ماف ي ريت تساعدني😢

▬▬▬▬▬▬▬▬▬▬▬▬

طيب يا صديقتنا 💜
أول شي لازم تعرفي شي إنو الخوف والتوتر قبل إنك تعملي شي جديد ايا كان الشي دا شنو دي حاجة طبيعية جدا 💜
#فخليك هادية جدا …
كيف تكوني هادية؟ حتعملي شي بسيط جدا قبل ما تدخلي المحاضرة أو الإمتحان…
#تغمضي عيونك تاخدي نفس طويل تحبسيهو مسافة تطلعيهو على مهلك 😴

#تقولي لنفسك أنا فلانة الفلانية جاية اليوم هدفي كذا كذا وتحاولي تتخيلي احساسك لو إنتي حققتي هدفك حيكون كيف!

#حتفتحي عيونك حيكون احساسك غير تماما مرتاحة متفائلة داخلة بقوة كمان 💜

✈نجي لموضوع تاني :
💡موضوع النية …
-اعرفي انو النية بلا همة لا تعني شيء 💜

يعني نويتي ودي حاجة كويسة شديد …بس مرات بتكسلي وبتملي عادي يعني!
اي عادي 😅 الانسان بطبعو ملول فلازم تخلقي جو حيوية ومرح وكدا …
حتقولي لي هي قراية ولا لعب 😅
هي قراية بس ممكن تحوليها لحاجة ممتعة ومرحة ودا بطريقة قرايتك 😊

#معلومة ع الطاير كدا 💡
سرعة حفظ الجزء الأيمن من الدماغ تعادل سرعة حفظ الأيسر 32

وهسي دا الدخلو شنو هنا صّـْْ(☑)ـْْحّ ؟ ؟

أقول ليك الجزء الأيسر دا البنتسعملو عادة وهو الخاص بالمنطق والكلمات والتحليل وكدا فبنحفط وبننسى وبنمل وغيرو

يلا نحنا حنشتغل بالأيمن 💜…دا فيهو الصور والتخيل والإدراك والألوان والأحلام وكدا

#يعني بدل ما تجي تقري بالاسود جيبي اقلام ملونة حتديك احساس ايجابي وتحلي الجو💜

#بدل ما تحفظي تعريف ممل من كَلَّمَـےـاتِـ وتكرري وتكرري وتنسيهو في الامتحان بعدين ارسميهو في رسومات بسيطة ع كيفك حتقري وتتسلي وتحفظي في نفس الوقت💜

#بدل ما تقعدي تحفظي نقاط واحد اتنين تلاتة احيكها قصة ما حتنسيها وحتمرني ذاكرتك كمان 💜

✈وآخر شي موضوع بت جيرانكم 🙃

بت جيرانكم دي مع احترامي ليك ديل من النوع البتعبرهم آفات انا … زي ما بقول ليك كدا 🙂

حتتعاملي كيف معاها؟
تلات حاجات …
#تجاهل
#تفائل
#تسامح

#حتسمعي كلاما بجاي وتطلعيهو بجاي …ولا كأنك سمعتيها، ركزي على هدفك💜
حتتفائلي لأنو إنتي عندك هدف وحتصلي ليهو مهما كانت الظروف والمصاعب …💜
#حتتسامحي مع الحياة وتتوقعي انو فيها ناس كتير زي بت جيرانكم وانتي عُاَدّيَےّ #حتتقبلي الوضع وتكوني متصالحة معاه ومع الناس ديل ولا حتشيلي في قِلًبُكً♥ منهم و ما حتدخلي معاه في تحدي لأنو هو ما هدفك اصلا فهمتي علي 💜

#كسرة 🙃
انتي بتقري لنفسك ما عشان تتحدي زول 💜 اقول ليك لي؟
لأنو قراية مختبرات ووظيفتا بعدين حاجة انسانية فما تتحدي فيها خلي كل همك انتي تعرفي وتقري عشان هدفك عشان انتي دكتورة في زول مّرَيَـضّ حيحتاجك في يوم ما 💜

#تنظيم وقتك … انتي اكتر وحدة أدرى بالحاجة دي حيبي دفتر وقلم واكتبي اهدافك وانتي في اليوم مفترض تعملي شنو وابدي رتبي وحترتبي كويس لو ماظبطت اول مرة حتظبط تاني مرة عادي …جربي عشان تتعلمي 💜

🔏

#الـعْـهـد

14/08/2025

💜 صباح الخير يا جميلين 💜

في المجال الطبي عموماً، وبالأخص المختبرات الطبية…
لو إنت ما عارف حاجة، قول ببساطة: "ما عارف"،
وما تتضايق أبداً من كونك ما عارف.
المهم تحاول تتعلّم… وحتعرف بإذن الله 💜

لكن إنك تقعد "تسوط ساي" وتقول "أنا عارف" وتتفلسف…
هنا بالجد بتتعب شديد، وبتتعب غيرك معاك.

أنا شخصياً عندي احترام كبير لأي زول في مجالنا،
يمر عليه شيء جديد أو في حاجة مابعرف ليها ويقول: "ما بعرف" بكل ثقة،
وما يشتغل أي حاجة إلا بعد ما يعرفها كويس ويتقنها.

ليه بقى؟!
عشان دا هو طالب العلم الحقيقي 💜🌸

#العَــهْــد

13/08/2025

شنو الفرق بين الـ Ring Stage والـ Deposit 🤔
تحت الميكروسكوب عشان ما تتلخبط وتضيّع وقتك ساي

🔹 أولاً: الـ Ring Stage ده البطل الحقيقي في تشخيص الملاريا
الطفيل بيكون جوا الـ RBC شكله زي الحلقة الصغيرة ومعاهو نقطة أو نقطتين داكنات بنسميها Double Chromatin

الـ Cytoplasm بتاع الطفيلي لونو أزرق فاتح والـ Chromatin (النقطة الداكنة) ثابتة في مكانها جوة الحلقة.
لو ركّزت بـ Fine Focus ببطء شديد بتلقاه ثابت وما يتحرك لأنه فعلاً داخل الخلية.
المرحلة دي تعتبر أول دليل على وجود الملاريا ولو عرفت تميزها تكون قطعت نص المشوار في التشخيص.

🔹 ثانياً: الـ Deposit ده ما طفيلي ده مجرد وسخ أو بقايا صبغة
ده عبارة عن صبغة مترسبة أو جزيئات صغيرة لزقت على الشريحة أو حتى على العدسة
شكله عشوائي وما منظم وأحيان بيكون بيلمع زي الغبار

لو عملت Fine Focus حتلقى الحاجة دي بتتحرك أو تختفي لأنها ما جوة الخلية… ده مجرد Noise في الخلفية وما عنده أي علاقة بالملاريا.

💡 كيف تميز بينهم بضربة معلم؟
شغّل الميكروسكوب واضبط الإضاءة تمام
ركّز بـ Fine Focus ببطء شديد
لو الحاجة ثابتة جوة الخلية وشكلها حلقة بنقطة داخلها → دي Ring Stage = مــلاريا
لو الحاجة بتتحرك أو بتختفي أو شكلها عشوائي → دي Deposit = تجاهلها .

🧪 نصائح في الـ Preparation عشان تتفادى الـ Deposit وتطلع النتيجة أوضح:

الـ Smear يكون رقيق وموزع كويس.
استخدم Stain جديدة ونظيفة ما قديمة أو مغشوشة عشان ما تملأ الشريحة رواسب
زمن التلوين يكون مناسب الأفضل تحضير بنسبة 1:9 والانتظار 10 دقايق ⏳.
لو استعجلت، الـ Ring Stage بيطلع باهت.
لو طولت زيادة، الشريحة حتمتلي Deposit.

الغسيل يكون وأنت حافظ الشريحة في وضعها الطبيعي عشان ما تتجمع الرواسب على الفيلم.
العدسة لازم تتنضف كويس، والـ Oil ما يكون كتير ولا قليل.

خلاصة الكلام:
الـ Ring Stage هو المؤشر الرئيسي لتشخيص الملاريا ولو ضيّعتو وسط الـ Deposit حتضيع النتيجة كلها.
📍 قبل ما تقول دي مــلاريا اسأل نفسك:

هل الطفيلي جوة الـ RBC؟
هل شكلو حلقة واضحة فيها نقطة؟
هل ثابت في الفوكس؟
لو كل الإجابات "نعم" ✅… إنت ماشي صاح.

🎯 شغل مخك ويدك مع بعض وخلي الميكروسكوب حليفك وبإذن الله ما حتلخبط تاني.

💜
#العَــهْــد

26/06/2025

💜

24/06/2025

صباح الخير 💜

رسلوا لي بوست لزميلنا قال إنو فرق طفيف بين طبيب الامتياز و أخصائي اول مختبرات طبية وحتى كاتب انو دا رأي شخصي كدا بين قوسين..

المهم يا حلوين مبدئيا ومالوا نحترم رأيه الشخصي وكل زول معتقداته يعني...
لكن طبعا معتقداتك لما تنشرها خلاص يعني قد تلقى فيها قبول ورفض وكدا الا لو كتبت شنو ماعايز اتناقش مع زول كدا شنو ممكن نحترم رغبتك للمرة التانية...

المهم الزول دا هو ليه قال كدا؟!

❗عشان المحتوى الدراسي واحد؟!

حتقول لي لأ طبعا

❗طيب عشان المحتوى المهني واحد؟!

حتقول لي برضو لأ

❗طيب عشان متواجدين في نفس البقعة الي هي المستشفى وبمر عليهم نفس العيان مثلا؟!

انت كزول كبير كدا حتقول لي لأ برضو

طيب قرايتنا مختلفة وشغلنا في المستشفى أي زول عنده مكانه وحتى صلاحياتنا في المجال الطبي مازي بعض!

طيب الطفافة دي جات من وين!

زي ما قال رأيو الشخصي طيب نحنا ذاتنا نقول رأينا الشخصي 😁

⭕الطفافة دي جايبنها الناس لروحهم براهم...
تلقى الطبيب عندنا قاعد في مكانه ومستهون بالطب وشايف خلاص انو خطير بلا أي شي ما عارف انو في الثانية ممكن مليون معلومة المفروض تضاف ليه عشان يطور من نفسه.

⭕وفي الناحية التانية اختصاصينا بتاع المختبرات (الشليق) الي بحمد الله وقوته عنده القدرة يدخل في كل المجالات الطبية وغير الطبية ويفهمها ويديها حلول ونقاشات الا في مجاله هو المختبرات ودا طبعا المضيعنا حتى تاريخ اللحظة..نحنا للآن في ناس بفحصوا التوتل من فلم الملاريا وماقادرين نلقى ليهم حل متخيلين!

مالوا انت عايز تفهم افهم وانت ساكت افهم الحاجات البتساعدك في مجالك✅

وآخر شي شنو عايزة اقوله بكل حب 💜

لا تُقارن نفسك بالآخرين وبما آتاهم اللّٰهُ من فضل، فكلٌ له نصيبه في الحياة..💜✅

✅فشنو شوف نصيبك منها واتفوق فيه وابدع فيه واصل محل عايز تصل ولو عجبك مجال تاني وشايف انه بساعدك ارجع اقراه بتعبك وابدع فيه زي ماعايز برضو مافي زول بسألك 💜

❌لكن ما تقعد وتشكبنا ليك أنا شايف 🥴
وفي رأي الشخصي واعتقادي وبتاع

❌المجال الطبي دا ما بتاع شكل ومقارنة وحركات نسوان الحلة البنعملها ديك والطب احسن ولا ناس المختبرات بعرفوا أكتر ولا ناس الصيدلة رهيبين والتمريض مافي زيو و تخدير وأسنان دي القراية الصاح لالا أبدا...

✅دا مجال نحنا فيه كلنا من المدير لحارس باب المستشفى المفروض همنا واحد خدمة العيان الي واثق فينا وجاي يتعالج عندنا💜

#الـعْـهـد

04/06/2025

(Liver function alterations during disease)

أول مرض هو اليرقان اللهو بيطلقوا عليهو مُصطلح jaundice هي كلمه فرنسيه which means yellow
التعريف بتاعو هو is used to describe the yellow discoloration of skin , eyes , and mucous membranes ودا ناتج من ال retention of bilirubin'
وممكن يحصل ببرضو اذا حصل ريتنشن لي مواد تانية غير البيليروبين
اليرقان مابيتشاف الاعراض بتاعتو بالعين المجردة الا يصل الbilirubin 3mg /DL
وبيطلق مصطلح icterus علي السيرم او البلازما البكون مصاحبهم صَفار ودا نتيجه لي إنو البليروبن مرتفع .
مقسم الجُوندس لي تلاته أقسام :
Prehepatic jaundice
دا بيحصل لما يكون المشكلة قبل الliver ماحصلت الكبد والحاجة البتوضح ليك انو pre إنو unconjugated بكون عالي وبيصاحبا hyperbilirubinemia
النوع التاني هو hepatic jaundice
وهنا المُشكله بتكون ف اللفر زاتا intrinsic liver defect or disease
فهنا المشكله بتكون يا إما disorders of bilirubin' metabolism and transport defects ودي زي الامراض دي " crigler najjar syndrome ...Dubin Johnson syndrome... Gilbert disease ...neonatal physiological jaundice of newborn " او المشكلة تكون due to diseases resulting in hepatocellular injury or destruction ..
هنا الconjugate بكون زايد بالاضافه للانزايم برضو بكونو زايدين ، ليه؟ عشان لما يحصل تكسير للخليه اكيد الجواها حيطلع للبلازما وبي كدا بنلقى الانزايم زايد ف حاله الdestruction
النوع التالت والاخير هو ..
Post hepatic jaundice
ودا بحصل نتيجه لي biliary obstructive disease
مثلا بيحصل physical obstruction زي gallstones or tumors
بتكون سبب ف انها تمنع ال conjugated bilirubin' يمر ويمشي bile canaliculi ماعنو الخلايا بتاعت الكبد مافيها مشكله وشغاله فُل وعشان ماف بلوروبين بيطلع من اللفر معناها ماحتتكون الbile وبي كدا الstool حيفقد اللون بتاعو وبسموهوclay coloured .
المرض دا بسموهو اسم تاني بالنسبه لي newborn وهو kernicterus
وبي يكون بي سبب نقصان إنزيم محدد إسمو glucuronyl transferase
ف اطفال بيتولدو من غير الانزيم دا او مابيقدرو يصنعوهو مع العلم انو الانزيم دا مسؤؤل من الbilirubin conjugation
فالبتالي الun conjugated حيزيد وهو مهدد للحياة والunconjugate دا ما حيلقى الانزيم البعمل ليconjugate فحيمشي طوالي ويترسب ف nuclei of brain and nerve cells causing kernicterus
وبيحصل تلف لي خلايا المُخ ويموت الطفل ، والحاله دي حتكون مستمرة لحدي ماتبقى الكبد قادرة تصنع الانزيم دا
ودائماً قالو بعالجوهم بي الultraviolet ...
تاني عندنا الcirrhosis
اللهو عبارة عن scar tissue replaces normal health hy liver tissue
وبتقوم تعمل قفل لتدفق وجريان الدم ف الكبد واي حاجه مابيصلا دم ف الجسم بتتلف ومابتعمل بشكل بروبر وعندو أعراض زي "fatigue , nausea, weight loss , jaundice , bleeding from GIT , intense itching and swelling in legs and abdomen "
الاسباب لبتسببوا يا إما chronic alcoholism اوchronic hepatitis c virus
عندنا تاني الTumors ومقسم لي primary اللهو كانسر بدايتو كانت بالليفر
أو
Metastatic
ودا كانسر جانا من اي مكان تاني من الجسم ودا بمثل 95%
الكانسر الممكن يجينا من الcolon ,lung,and breast cancer
وعندو تقسيم تاني ، يا benign or malignant
في حاجه تانيه إسمها Reye syndrome وتعريفو term used to describe a group of disorders caused by infections , metabolic, toxic or drug indused disease
وهو موجود ف الشفع اكتر
السبب مامعروف مرات بكون نتيجة viral syndrome such as influenza
الحاجات البلقاها ف اللاب
Hyperbilirubinemia
زيادة ف ammonia
High Ast +Alt
تاني عندنا Drug and alcohol related disorders
قبيل قنا انو الكبد هي الحته البتعمل استقلاب لي كل drug بخش جسمنا ، فالdrug ممكن تعمل liver injury by a number of mechanism لكن اهم ميكانزم بتاعت الtoxicity عبر immune mediated injury to hepatocytes
بيقوم الجسم كوسيلة دفاع للجسم الغريب الدخل دا اللهو الDrug بيكوم يرسل اجسام مناعية ضد الكبد وبيحصلhepatic and cholestatic disease
اكتر كحول مسم او مضر بالنسبة للكبد هو الايثانول .
استهلاك الكحول لفترات طويلة بيعمل alcoholic fatty liver with inflammation وبيعملscar tissue formation ,hepatic fibrosis ,destruction of normal liver structure seen in hepatic cirrhosis

د.مروهــة وداعهــة الكودهــة

#الـعْـهـد

03/06/2025

Liver functions "🌸

Biochemical functions :
1...Excretory and secretory
ود بتضمن حاجتين :
A) break down of erythrocytes
وزي ماعارفين انو كريات الدم الحمراء عندها لايف سايكل اللهي 120 يوم ، بيقوم بعد تتم لايف سايكلها بحصل ليها rupture and releasing hemoglobin in to blood plasma تمام يلا الهيموقلوبين دا بحصل لي absorbed by phagocytosis by kuppfer cells in liver فالهموقلوبين بينقسم لي شقين شق 1/ Heme groups الليهو عبارة عن ( 1/iron وبمشي لي البون مرو عشان يصنع هيموقلوبين جديد لي كريات دم جديدة وتتعاد اللايف سايكل مره تانيه و 2/bilirubin عشان تكون الbile )
2/globins
بيحصل ليهو hydrolysed to amino acid and returned to blood
B)bilirubin formation
أصلا بتتصنع ف reticulo endothelial system as break down of hemoglobin الليهو الheme group بيتكسر عشان يديني biliverdin وف النهايه بديني bilirubin والbiliubin دا in soluble in water بيقوم يرتبط مع albumin. وبمشي ف الدم قبل مايحصل ليهو اب تيك بواسطه الليفر ، بيقوم يحصل ليهو taken up in to hepatocytes and conjugated to glucuronic acid حتى يبقى soluble ويحصل لي excreted in to bile
قال انو ال conjugated bilirublin degraded to urobilnogen يا إما حصل ليها إعاده امتصاص بالقَت ومشت تاني لي الليفر او تتحول لي urobilin ويحصل ليها اعاده امتصاص وتمشي للبلازما عشان تطلع بالكُلى
او acted upon by bacterial enzymes within the gut to form the bile pigment stercobilinogen /stercobilin اللهو بدي الbrown color of f***s .
2...Synthetic function
A)carbohydrates
العمليات الاستقلابيه التلاته للمحافظة علي الجلكوز ف الوضع الطبيعي بتتم ف liver وهي
(glyucogenesis : store glucose as glycogen)
(Glycogenolysis degrade glycogen or break down عشان يدينا جلكوز ف حاله الهايبوجلاسيميا )
) glyconeogensis create glucose from non suger carbon substrates like pyruvate , lactate , amino acid )

B)protein
بيتم تصنيع a a ف الليفر برضو
C)lipids برضو بتم تصنيعها ف الليفر
آخر وظيفه لليفر هي ..
3)Detoxification and drug metabolism function
ودي المفهوم بتاعا بتعمل إزالة السميه من الجسم وبيتم لي اي دواء بنتناولوا ف جسمنا العملية الاستقلابيه ليهو ، وإزاله السميه دي بأنو يرتبط مع مواد تخلي يبقى أقل سمية ويطلع من الجسم بواسطه الكلى او بالطرق المعروفة 🌸

د.مروهــة وداعهــة الكودهــة

ويتبع... 💜🙏
#الـعْـهـد

23/05/2025

⭕️⭕️الكوليرا Cholera ☠

🔹تعرف الكوليرا من قبل منظمة الصحة العالمية أنها عبارة عن إسهال مائي حاد يسبب بواسطة بكتريا ال Vibrio Cholerae ، قد يكون فتاكا أو قاتلا في خلال ساعات إذا لم يتم علاجه بسرعة.

🔹صرحت الصحة العالمية أنه توجد 1.3 مليون - 4 مليون إصابة سنويا بالكوليرا ؛ 21000-43000 حالة موت سنويا.

🔻التاريخ المرضي:-
تم تسجيل أول وباء عالمي في القرن 19 و قتلت ملايين الناس.

🔻أعراض مرض الكوليرا:

▪️إسهال مائي حاد rice water
▪️معظم الأشخاص قد يحملون المرض و لا تظهر عليهم أعراض و ينقلون الكوليرا عبر البراز من 1-10 يوم.
▪️تبدأ الأعراض بعد ساعتين إلى 5 أيام من التعرض و الإصابة.
▪️الجفاف الشديد الذي قد يؤدي إلى صدمة و وفاة.

⭕️مضاعفات مرض الكوليرا:

▪️انخفاض نسبة السكر في الدم.
▪️انخفاض مستويات البوتاسيوم مما قد يؤثر على القلب.
▪️الفشل الكلوي.

🔻أنواع بكتريا الكوليرا:
هناك نوعين يسببان نفسي الكوليرا.
الأول : O1
الثاني : O139 و هذا اشتهر في تفشي حالات الكوليرا في آسيا.

🔻طرق الإصابة و الإنتقال للمرض:
▪️المصادر الرئيسية لانتقال مرض الكوليرا هي تلوث الطعام و مصادر المياه.
▪️ عدم توفير مرافق صحية يلوث المياه.
▪️توجد بكتريا الفبريو بكثرة في مياه الآبار الملوثة ، المأكولات البحرية غير المطبوخة جيدا و الفواكه و الخضراوات غير المغسولة جيدا.

♦️العوامل التي تزيد من خطورة الإصابة:
▪️مخيمات اللاجئين و الدول الفقيرة و الفيها حرب ذي السودان طبعا😢
▪️مخالطة شخص مصاب.
▪️ الأشخاص الذين لديهم اضطرابات في المعدة؛ وذلك أن حمض المعدة يعتبر من آليات دفاع عن الجسم و بحدوث مشكلة فيه يجعل الشخص معرضا للاصابة ببكتريا الكوليرا.

♦️ التشخيص المعملي لمرض الكوليرا diagnosis:
▪️الفحص السريع
Rapid diagnostic test.
يستخدم في حالة المناطق المتفشية فيها الكوليرا لسهولة و سرعة التشخيص به.
▪️ لكنه يحتاج فحوصات تأكيدية مثل:
-الPCR
-الزراعة culture
-الserology
♦️الوقاية و الحماية Prevention:
▪️غسل اليدين بالماء و الصابون.
▪️أشرب الماء المعقم و ذلك بغليه دوما.
▪️تناول الطعام الساخن و المطبوخ جيدا و لا تشتري من الباعة المتجولين عند تفشي الكوليرا.
▪️غسل الفواكه و الخضروات جيدا.

♦️لقاح الكوليرا:
توصي منظمة الصحة العالمية بأخذ اللقاح الفموي oral vaccine في المناطق الموبوءة.

19/05/2025

طبعا HbA1C يبكي في الزاوية😭😭💔

المهم الكتبوا حيكون أي شي في العالم إلا اختصاصي مختبرات 🫣

#تعديل

عارفاكم مابتعملوا كدا بس وفي كادر نصيح حتى لو قرأ خاص بيعمل كدا بس برضو الشواذ موجودة بنقول ليهم ما تعملوا كدا فلو منهم اعتبرها رسالة ولو ما منهم اضحك وانت ساكت 😆😂

اااي قريتا صاح اضحك وانت ساكت 😆

وضيف ليهم البكتبوا جمب فحص ال BFFM =النتيجة +ve و -ve

والبعدوا التوتال منو برضو، والبول عمومي والدم للملاريا والبكتبوا فحص (fahs) وغيرهم وغيرهم نسأل الله السلامة

🫣
#العَــهْــد

مختبرات طبية

20/08/2025

17/08/2025

14/08/2025

14/08/2025

13/08/2025

26/06/2025

24/06/2025

04/06/2025

03/06/2025

23/05/2025

19/05/2025

Address

Telephone

Website

Alerts

Contact The Practice

Shortcuts

Share

Category