What are the opening hours?

Monday 09:00 - 17:00 Tuesday 09:00 - 17:00 Wednesday 09:00 - 17:00 Thursday 09:00 - 17:00 Saturday 09:00 - 17:00 Sunday 09:00 - 17:00

https://www.facebook.com/111463448041324/

A.Y.A Optics, امدرمان, Omdurman (2025)

21/09/2025

👓 معلومة مهمة لأصحاب النظارات

هل عندك فكرة عن الطريقة الصحيحة المفروض تستخدمها لمن تطلع نظارتك وتكون عايز تختها مثلاً في الطاولة؟؟

هل تعرف أن الطريقة التي تضع بها نظارتك على الطاولة قد تسبب خدوش في العدسات؟ 🤔

🚫 أغلب الناس بطلعوا النظارة وبختوها على العدسات مباشرة… وهذا أكبر خطأ! لانو الحاجة دي بتسبب خدوش مباشرة في العدسات

✅ الصحيح: وضع النظارة على جانبها (الإطار الجانبي) أو على الأذرع المطوية.

عن طريق العادة البسيطة دي:

ـ حتحمي العدسات من الخدوش
- حتحافظ على وضوح الرؤية
- وحتطيل عمر نظارتك لسنوات

اهتم بنظارتك… لأنها بتهتم بعيونك 💙

15/09/2025

👀 نصائح عامة لصحة عينيك

1️⃣ قاعدة 20-20-20: لو بتستخدِم شاشة لفترة طويلة، كل 20 دقيقة انظر لشيء يبعد 20 قدم لمدة 20 ثانية… وريح عيونك.

2️⃣ الإضاءة الصحيحة: القراءة أو المذاكرة في ضوء ضعيف بتتعب العين، فخلي المكان دائماً منور كويس.

3️⃣ النظارة الشمسية ضرورية: مش بس للموضة، بتقي عينيك من الأشعة فوق البنفسجية وتحافظ على نظرك.

4️⃣ التغذية السليمة: الجزر، السبانخ، والأسماك الغنية بالأوميغا 3 أصدقاء أوفياء لصحة عينيك.

5️⃣ الفحص الدوري: حتى لو نظرك سليم، اعمل فحص شامل للعين كل 6–12 شهر للكشف المبكر عن أي مشكلة.

✨ اتذكّر: عيونك ما ليها بديل، واهتمامك بيها اليوم بيوفر عليك مشاكل بكرة.

09/10/2024

الأعراض الشائعة للعين: ✅

1. الرؤية الضبابية
- الوصف: شعور بعدم وضوح الرؤية، قد يؤثر على عين واحدة أو كلتا العينين.
- الأسباب المحتملة: مشاكل في العدسة مثل المياه البيضاء، الانحرافات البصرية، أو مشاكل في الشبكية.

2. احمرار العين
- الوصف: احمرار في بياض العين، قد يكون مصحوبًا بالتهيج أو الحكة.
- **الأسباب المحتملة:** التهاب الملتحمة، جفاف العين، أو الحساسية.

3. حكة العين
- لوصف: شعور بالحكة أو الانزعاج في العين.
- الأسباب المحتملة: الحساسية، جفاف العين، أو استخدام العدسات اللاصقة لفترات طويلة.

4. جفاف العين
- الوصف: شعور بعدم الراحة، قد تشعر وكأن هناك رمال في العين.
- الأسباب المحتملة: قلة إنتاج الدموع، التعرض لبيئات جافة، أو استخدام الأجهزة الإلكترونية لفترات طويلة.

5. الدموع الزائدة
- الوصف: زيادة في إفراز الدموع، قد يشعر المريض بأن عينيه تدمع بشكل غير طبيعي.
- لأسباب المحتملة: الحساسية، التهاب الملتحمة، أو انسداد القنوات الدمعية.

6. الألم في العين
- تلوصف: شعور بالألم أو الانزعاج في العين.
- الأسباب المحتملة: التهاب، عدوى، أو إصابات.

7. فقدان الرؤية المفاجئ
- الوصف: فقدان مفاجئ للرؤية في عين واحدة أو كلتا العينين.
- الأسباب المحتملة: حالات طبية طارئة مثل انفصال الشبكية أو السكتة الدماغية.

8. الصداع
- الوصف: صداع متكرر أو شديد، قد يكون مصحوبًا بآلام في العين.
- الأسباب المحتملة: إجهاد العين، مشاكل في الرؤية، أو توتر.

---

متى يجب زيارة طبيب العيون؟
- إذا كنت تعاني من أي من الأعراض المذكورة أعلاه، يُفضل زيارة طبيب العيون لتحديد السبب والحصول على العلاج المناسب.
- من المهم القيام بفحوصات دورية لرصد أي تغييرات في صحة العين.

13/09/2024

مع تقدم العمر، بتتغير احتياجات البصر بشكل مباشر✅🌸

فالفحص المنتظم بيساعد في ضبط النظارات أو العدسات وفقاً للتغيرات..

احرص على الفحص 📌

❤️

04/08/2023

كسرة النضارة اسوأ من كسرة القلب..

24/07/2023

كتير مننا بعاني من الصداع بمختلف الانواع..
يعني مرة يحس بيو في مقدمة الراس، ومرة في نهاية الراس، وكمان مرة حولين عيونو!

بس بس، ثبت لي حولين عيونو دي!❤️

عارف يا عزيزي انو لمن تحس بصداع ضاغط جداً ومتكرر وتحس بألم حولين عيونك والخلف، هنا انت لازم تراجع أخصائي بصريات أو طبيب عيون في أقرب وقت..

صداع العين من الآلآم الممكن يكون وراها مشاكل كتيرة في العين، يعني هو ما مجرد صداع بنتهي مع حبة بندول!

وأسبابو كتيرة شديد.. بذات لو السبب دا زاد زيادة عن اللزوم زي قلة النوم، أو انك بتشرب خمر، أو اتعرضت لروائح عطرية قوية وبشكل متكرر، أو حتى لو حصل ضغط عاطفي البكون وراو بكاء ودموع🙏..

حتقول لي طيب بس أنا بكون عندي اعراض تانية غير الصداع حولين العيون وفي الخلف! حأقول ليك ايوا نعم في احتمالية انو يصاحب الصداع دا اعراض تانية زي انك تتحسس من الضوء أو تشعر بغثيان أو تجيك لفة راس أو حتى ضعف واضح لي البصر❤️..

وعشان تقلق على روحك اكتر يا عزيزي وتعرف انو الموضوع ما ساهل وما عبارة عن صداع حولين العيون وداير بندول بس! تعال اوريك المشاكل الممكن تكون وراء الصداع دا..

أولاً.. لو انت في أسرة مصابة وراثياً بمرض الجلوكوما، فدا ممكن يكون من اعراضها..
ثانياً.. التهاب العصب البصري
ثالثاً.. التهاب الجيوب الأنفية
رابعاً.. التهاب الصلبة، وهو عبارة عن التهاب شديد يصيب الطبقة البيضة الخارجية للعين.
خامساً.. ضعف في البصر أو ارتخاء في عضلات العين أو خطأ انكساري كبير

وأخيراً يا عزيزي وختاماً خليك عارف انو صداع العين عموماً بجي لكل الفئات العمرية وتحديداً البتكون معرضة عينها لجهد كبير فبخليك تحس بعدم راحة.. واول ما تحس بكدا امشي اقرب مركز❤️

❤️

22/07/2023

- يا ماما.. يا ماما تعالي العبي معاي..

=دقيقة ياخ الأكل بحرق، اصبر

- يا ماما قلت ليك تعاااالي😭

=طيب هاك التلفون دا افتح سوبرمان وألعب فيو لحدي ما اخلص الفي يدي..

بعد مرور تلاتة ساعات في المطبخ ومشاهدة إعادة مسلسل..

= يا بكوري تعال جيب التلفون خلاص..

- لالا انا داير ألعب 😭

يومياً لمدة شهر بنفس السيناريو والمواعيد!🚶

في العيادة..

-والله يا دكتورة ما عارفة بس يشكي يقول لي عيوني واجعاني، وراسي واجعني، جارتنا قالت لي كدي وديو الدكتور في العادة صداع ووجع العيون إلا دكتور عيون..

=طيب انا حأعمل الفحوصات واديك خبر، وان شاء الله عافية

بعد الفحوصات الكاملة!

-اها يا دكتورة طمنيني..

=والله للأسف عندو حول خفي، ودا سبب الصداع ووجع العيون وغيرو.. لازم تهتمي بيو شديد ويعمل تمارين معينة عشان ما يتحول لحول ظاهر لانو وقتها ما حيكون في علاج غير العمليات.. ياريت تعملي حسابك

- لا حولا ولا قوة إلا بالله.. وجاو من شنو الحول دا كمان

=والله لطفل صغير العين ياداب بتكون اتكونت فالارهاق المتواصل ليها حيخليها تتأثر، زي انو مثلاً يحضر التلفزيون من قريب شديد أو يلعب بالتلفون وكدا يعني..

⭕ الآن الأم تبكي في زاوية هي ومعاها أمهات كتير بنفس الشاكلة دي! ارتاحوا هم في لحظات كانوا مشغولين فيها، بس أولادهم نالوا الجزاء🙏💔 ابقوا عافية على أولادكم!

❤️

22/07/2023

اخصائي البصريات ما بياع نضارات❤️

نحن شغلنا كلو بختص في الرعاية الصحية الأولية للعين❤️ بدايةً من فحصها وتصحيحها إذا كان في خطأ انكساري، وصولاً للتشخيص والعلاج وإدارة التغييرات الممكن تحصل للرؤية!

نحن ما لينا علاقة بالعمليات الجراحية!

01/03/2023

نصيحة "٣"

اكيد كلكم سمعتوا انو الجزر يقوي النظر ودي اكتر مقولة شهيرة عن البصر❤️

بس قوة النظر ما بتعتمد على خضار معين وبس..
بالعكس في كذا حاجة ممكن نقوي بيها البصر من الفاكهة والخضار، مثلاً:-

١-الكرنب والسبانخ: عموماً الخضروات الاوراقها داكنة بتحتوي على اللوتين والزياكسانثين، وهم عبارة عن مركبين مضادين للأكسدة، فبالتالي يساعدوا في الوقاية من تشكل الساد
٢-العنب: بساعدك على تحسين صحة العين بشكل عام، خاصة مشاكل الشبكية.
٣-الاسماك الغنية بأحماض اوميغا ٣ الدهنية: كأسماك السلمون والهلبوت والماكريل والسردين والتونة (تحديداً السردين والتونة لأنهم الاكثر شيوع في البلاد).
احماض الاوميقا ٣ بتحسن التهابات العين وبتساعد الخلايا البصرية على الوقاية من الأمراض والأذى المستقبلي

18/02/2023

نصيحة "٢"
اتعودوا على لبس النظارات الشمسية لأنها بتقي العيون من الأتربة والشمس وكمان بتحمي العين من انتكاس الشبكية وبتقيها من الأشعة فوق البنفسجية، يمكن عندها شوية اضرار زي أنها حتعمل ألم طفيف على الجلد مكان لبسها أو صداع خفيف، بس ما دائماً..

وحتى انها بتحمي العين المريضة من الاضطرابات زي التهابات القرنية أو الرمد أو أغشية العين الحساسة ضد أشعة الشمس..

17/02/2023

لازم نحرص على أننا نعتني بالعيون أتم العناية، عن طريق الطرق البتحميها من الضرر، فلازم نتبع شوية خطوات أساسية أو ثانوية عشان صحتها❤️..
نصيحة "١"

انك تريح عيونك تمام الراحة💙 خاصةً لو كان عملك بحتاج جهد أكبر من عيونك، زي الشغل على الكمبيوتر او الجوال..
فعشان ما تدخل في مشاكل بتخص العيون وتفقد التركيز وغيرو، لازم تريح عيونك كل 20دقيقة لمدة 20ثانية أقل حاجة..

#

12/02/2023

( إِنَّ السَّمْعَ وَالْبَصَرَ وَالْفُؤَادَ كُلُّ أُولـئِكَ كَانَ عَنْهُ مَسْؤُولاً ) سورة الإسراء :36

A.Y.A Optics

21/09/2025

15/09/2025

09/10/2024

13/09/2024

04/08/2023

24/07/2023

22/07/2023

22/07/2023

01/03/2023

18/02/2023

17/02/2023

12/02/2023

Address

Opening Hours

Website

Alerts

Contact The Practice

Shortcuts

Share

Monday	09:00 - 17:00
Tuesday	09:00 - 17:00
Wednesday	09:00 - 17:00
Thursday	09:00 - 17:00
Saturday	09:00 - 17:00
Sunday	09:00 - 17:00