03/11/2022
အကြောင်းအမျိုးမျိုးကြောင့် အကြာကြီး ပစ်ထားခဲ့ရတဲ့ မခိုင်ရဲ့ အလုပ် page လေးပါ။ တခါတလေ ပြောပြချင်တာတွေ ၊ မျှဝေချင်တာလေးတွေ များလှပေမယ့် အချိန်မရလွန်းလို့ တမင် မေ့ထားခံရတဲ့ page လေး။ အားတဲ့ အချိန်လေးတွေမှာ အချိန်လုပြီး update လေးတွေ ရေးချင်၊ မျှဝေစရာလေးတွေ မျှဝေချင်ပါသေးတယ် 🥰
Khaing IPCFS ရဲ့ အစ
7/5/2018 မှာ Khaing IPCFS, International Patients Coordination & Facilitation Services ကျန်းမာရေးဝန်ဆောင်မှု လုပ်ငန်းကို Singapore မှာ လုပ်ငန်းမှတ်ပုံတင်ခဲ့တာဆိုတော့ အခု 7/5/2020 မှာ ၂ နှစ်ပြည့်ခဲ့ပါပြီ။ ၂ နှစ်ပြည့်အနေနဲ့ ကျမတို့ Khaing IPCFS စတင် ဖြစ်ပေါ်လာပုံ၊ ကျမတို့ ကျန်းမာရေးဝန်ဆောင်မှုရဲ့ သဘောသဘာဝ၊ ဒီ ၂ နှစ်တာ အလုပ် အတွေ့အကြုံအရ လူနာများအတွက် ပြုလုပ်ပေးလိုသော ဖြည့်စွက်ဝန်ဆောင်မှုများအကြောင်းကို ပြောပြချင်ပါတယ်။
ကျမက Khaing IPCFS ကို စတင်ခဲ့တဲ့ Dr. ခိုင်သန္တာလင်းပါ။ ၂၀၀၃ ခုနှစ်မှာ ဆေးတက္ကသိုလ် ၁ ရန်ကုန်မှ ဆေးပညာဘွဲ့ရရှိခဲ့ပြီး ရန်ကုန် အနောက်ပိုင်းဆေးရုံကြီးမှာ လက်ထောက်ဆရာဝန်အနေနဲ့ တစ်နှစ်ခွဲခန့် တာဝန်ထမ်းဆောင်ခဲ့ပါတယ်။ ၂၀၀၅ ခုနှစ် နှစ်ကုန်ပိုင်းမှာ အမျိုးသားရှိရာ Singapore နိုင်ငံကို လိုက်လာခဲ့ပါတယ်။ ဆေးပညာကို ဝါသနာပါပြီး ဆရာဝန်အဖြစ် ဆက်လက်ဆေးကုသလိုတာကြောင့် Australia ဆေးကောင်စီ AMC စာမေးပွဲကို ဖြေဆိုခဲ့ပြီး အပိုင်း ၁ စာတွေ့စာမေးပွဲကို Singapore မှာ၊ လူနာနဲ့ လက်တွေ့ဖြေရတဲ့ အပိုင်း ၂ စာမေးပွဲကို Melbourne, Australia မှာ ဖြေဆိုအောင်မြင်ခဲ့ပေမယ့် မိသားစု သံယောဇဉ်ကြောင့်ရော ၊ အဲဒီအချိန်မှာ National Heart Centre Singapore နှလုံးအထူးကုဆေးရုံကြီးမှာ ဝန်ထမ်းအနေနဲ့ တာဝန်ထမ်းဆောင်နေတဲ့ ကျန်းမာရေးဝန်ဆောင်မှုအလုပ်မှာ ပျော်မွေ့နေတာရောကြောင့် ဆရာဝန်ဆက်မလုပ်ဖြစ်တော့ပါဘူး။ နောက်ပိုင်းမှာ ကိုယ်ကူညီပေးတဲ့ လူနာတွေရဲ့ ရောဂါနဲ့ပတ်သက်ပြီး ဆေးပညာကို ဆက်လက်လေ့လာဖြစ်ပေမယ့် အဲဒီမှာပဲ ကျမရဲ့ ဆရာဝန်ဘဝ နိဂုံးချုပ်ခဲ့ပါတယ်။ ဆေးတက္ကသိုလ် တလျောက်လုံး ပညာသင်ကြားပေးခဲ့တဲ့ ဆရာဆရာမများကို အလွန်အားနာမိပေမယ့် ကျမ ဆေးလောကထဲမှာပဲ ဆက်လက်ရှိနေပြီး လူနာများကို ဆရာဝန်အနေနဲ့မဟုတ်သော်လည်း သူတို့သင်ကြားပေးခဲ့တဲ့ ပညာတွေနဲ့ တဖက်တလမ်းက ဆက်လက်ကူညီပေးနေတာကို ဆရာဆရာမများသိရင် ကျေနပ်ကောင်းပါရဲ့။
ကျမဘဝမှာ ကျေနပ်မိတာတစ်ခုက ကျမဝါသနာပါလို့၊ နှစ်သက်မိလို့ ကူညီတဲ့အနေနဲ့ စ လုပ်မိတဲ့ အလုပ်တွေက ကျမရဲ့ အသက်မွေးဝမ်းကျောင်းအလုပ် ဖြစ်လာတတ်တာပါ။ ကျန်းမာရေးဝန်ဆောင်မှုကို အသက်မွေးဝမ်းကျောင်း အလုပ်အနေနဲ့့လုပ်ခွင့်ရခဲ့တာကို တွေးမိတိုင်း ကျမရဲ့ ကျေးဇူးရှင် မိဘ ၂ ပါး၊ အကိုအမတွေလိုခင်မင်ရတဲ့ ကိုဇော်ဝင်းဦး နဲ့ မစု ၊ အစ်မလိုအဒေါ်လို ချစ်ရတဲ့ ကျမ Singapore မှာ ပထမဆုံး ကူညီခွင့်ရခဲ့တဲ့ လူနာ မရင်ရင်မြ၊ ညီမ မချွန်ချွန်အောင်နဲ့ Myanmar Zircon က Dr. ထင်လင်းတို့ရဲ့ ကျေးဇူးကို အမြဲ အမှတ်ရ ကျေးဇူးတင်ပါတယ်။
ကျမရဲ့ အဖေဟာ ၂၀၀၃ ခုနှစ်မှာ Singapore အထွေထွေရောဂါကု ဆေးရုံကြီး Singapore General Hospital (SGH) မှာ ကျောက်ကပ်အစားထိုးခွဲစိတ်ကုသမှု ခံယူခဲ့ပါတယ်။ အဲဒီအတွက် Singapore မှာ နှစ်လနီးပါးခန့် နေခဲ့ရပြီး ဆေးရုံနဲ့ပတ်သက်တဲ့ အတွေ့အကြုံတွေလည်း အများကြီး ရရှိခဲ့ပါတယ်။ ၂၀၀၅ ခုနှစ်မှာ Singapore ကို ကျမ ရောက်လာပြီး အလုပ်မရှိသေးလို့ အိမ်နဲ့ စာကြည့်တိုက်တွေမှာပဲ စာမေးပွဲအတွက် စာဖတ်ဖြစ်နေတုန်း ဖေဖေ ဆေးကုဖို့လာတုန်းက အစစအရာရာ ကူညီပေးခဲ့တဲ့ ကိုဇော်ဝင်းဦး နဲ့ မစုတို့က သူတို့ရဲ့မိတ်ဆွေ မရင်ရင်မြ Singapore မှာ ဆေးလာကုတာကို ကူညီပေးဖို့ အကူအညီ တောင်းလာပါတယ်။ အစ်မဆေးကုတာကို ကူညီပေးနေရင်းနဲ့ပဲ မိတ်ဆွေသူငယ်ချင်းတွေက သူတို့မိသားစုတွေ ဆွေမျိုးတွေ Singapore မှာ ဆေးကုဖို့လာလို့ အကူအညီတောင်းရင် လိုက်ကူညီပေးရင်း ပျော်နေခဲ့ပါတယ်။ အဲဒီလို အကူအညီပေးနေရင်းနဲ့ပဲ ညီမ မချွန်ရဲ့ ကျေးဇူးနဲ့ Myanmar Zircon က Dr. ထင်လင်းက ကျမအကြောင်း သိသွားပြီး ဆက်သွယ်လာပါတယ်။ အဲဒီအချိန်တုန်းက Myanmar Zircon ဟာ SGH ရဲ့ အပြည်ပြည်ဆိုင်ရာ ကျန်းမာရေးဝန်ဆောင်မှုဌာနနဲ့ ချိတ်ဆက်ပြီး မြန်မာပြည်ကလူနာတွေကို ကူညီပေးနေတဲ့ ကိုယ်စားလှယ် ကုမ္ပဏီ တစ်ခုပါ။ စ ဆက်သွယ်တုန်းက သူတို့အနေနဲ့ အလုပ်ခန့်ပြီး သူတို့ လူနာတွေကို အကူအညီပေးဖို့ပေမယ့် SGH ရဲ့ အပြည်ပြည်ဆိုင်ရာ ကျန်းမာရေးဝန်ဆောင်မှုဌာနက မြန်မာဝန်ထမ်းတစ်ယောက် ခန့်အပ်ချင်နေတာရော၊ ကျမ အဲဒီမှာအလုပ်လုပ်ရင် လူနာတွေအတွက် ပိုပြီးအကျိုးရှိနိုင်တယ်လို့ယူဆတာရောကြောင့် Dr. ထင်လင်းဟာ ကျမရဲ့ အလုပ်လျောက်ရာမှာ အသုံးပြုတဲ့ ကိုယ်ရေးရာဇဝင်မှတ်တမ်းကို SGH ကို ပေးခဲ့ပါတယ်။
SGH က အလုပ် Interview ခေါ်တော့ အလုပ်လျောက်မထားတဲ့ကျမ ကြောင်တောင်တောင်နဲ့ပဲ Interview သွားခဲ့ပါတယ်။ အဲဒီရောက်တော့မှ အလုပ်သဘာဝက ကိုယ်လုပ်ချင်တာမျိုးဖြစ်နေပါတယ်။ Interview လုပ်တဲ့ မန်နေဂျာ ၂ ယောက်ကလည်း အခကြေးငွေမယူဘဲ လူနာတွေကို လိုက်ကူညီပေးနေတဲ့ ကျမရဲ့စေတနာကို သဘောကျတာကြောင့် ချက်ချင်းအလုပ်ခန့်ခဲ့ပါတယ်။ ဒါကတော့ ကျမရဲ့ ကျန်းမာရေးဝန်ဆောင်မှု အလုပ် အစပြုခဲ့ပုံပေါ့။
SGH နဲ့ National Heart Centre Singapore (NHCS) တို့ရဲ့ အပြည်ပြည်ဆိုင်ရာကျန်းမာရေးဝန်ဆောင်မှုဌာနတွေမှာ ၈ နှစ်ကြာ တာဝန်ထမ်းဆောင်ခဲ့ပါတယ်။ ကျမတို့အလုပ်က နိုင်ငံရပ်ခြားက လူနာတွေ Singapore မှာ ဆေးလာကုချင်ရင် သူတို့ရဲ့ ဆေးမှတ်တမ်းနဲ့ ရောဂါအခြေအနေအရ သင့်တော်တဲ့ ဌာနနဲ့ ဆရာဝန်ကို အကြံပေးရတာ၊ ဆေးလာမကုခင် လိုအပ်တဲ့ အကြောင်းအချက်အလက်တွေကို ဆရာဝန်တွေနဲ့ တိုင်ပင်မေးမြန်းပြီး အကြောင်းပြန်ပေးရတာ၊ ဆရာဝန်နဲ့တွေ့ဖို့ ရက်ချိန်းစီစဉ်ပေးရတာနဲ့ ဆေးကုသဖို့ Singapore မှာ နေစဉ်တလျောက်လုံး လိုအပ်တာတွေကို ကူညီစီစဉ်ပေးရတာပါ။
Subspecialty (ရောဂါ အမျိုးအစားအုပ်စုအလိုက် သီးသန့်လေ့ကျင့်သင်ကြားထားသော သက်ဆိုင်ရာ အထူးကုဆရာဝန်ကြီးများနှင့် ပြုစုကုသပေးခြင်း) ၄၂ ခု ရှိတဲ့ SGH မှာ လူနာတိုင်းဟာ ကျမအတွက် သင်ယူစရာတွေချည်းပါပဲ။ ဒီ ၈ နှစ်တာကာလအတွင်းမှာ မြန်မာနိုင်ငံက နိုင်ငံတော် လူကြီးများအပါအဝင် မြန်မာလူနာများစွာနဲ့ English စကားပြောတတ်တဲ့ အခြားနိုင်ငံများမှ လူနာများစွာကို ကူညီပေးခွင့် ရခဲ့ပါတယ်။ လူနာတိုင်း လူနာတိုင်းဟာ ကျမကို အတွေ့အကြုံအသစ်တွေ သင်ပေးတဲ့ ကျေးဇူးရှင်တွေပါပဲ။
အဲဒီနောက်မှာ NHCS ရဲ့ Programme Development ဌာနမှာ ၂ နှစ် တာဝန်ထမ်းဆောင်ခဲ့ပါတယ်။ အဲဒီဌာနမှာ ကျမရဲ့ တာဝန်က NHCS က နှလုံးအထူးကုဆရာဝန်ကြီးတွေ မြန်မာနိုင်ငံကိုသွားပြီး မြန်မာနိုင်ငံကဆေးရုံတွေမှာ ဆရာဝန်ကြီးတွေနဲ့ အတွေ့အကြုံဖလှယ်ဖို့၊ လူနာတွေကို အတူ ပူးပေါင်းကုသပေးကြဖို့ စီစဉ်ပေးရတာပါ။ ဆရာဝန်များအတွက် ဆွေးနွေးပွဲတွေ၊ ပြည်သူတွေအတွက် ကျန်းမာရေးဟောပြောပွဲတွေလည်း စီစဉ်ပေးရပါတယ်။ ကိုယ့်နိုင်ငံအတွက် ကိုယ်နိုင်သလောက် ကူညီပေးခွင့်ရတော့ အဲဒီအလုပ်မှာလဲ အတော်ပျော်ခဲ့တာပေါ့။ နောက်ပြီး အဲဒီအလုပ်ဟာ ကျမရဲ့ Khaing IPCFS စတင်မွေးဖွားဖို့ အစပျိုးခဲ့တာလည်း ဖြစ်နေပြန်ပါတယ်။
မိသားစုအတွက် အချိန်ပိုပေးချင်လို့ 2018 February မှာ အလုပ်က အနားယူခဲ့ပါတယ်။ သို့သော်လည်း ကျမ အလုပ်ကြိုးစားတာ၊ ကျမရဲ့ အတွေ့အကြုံ ၊ လူနာတွေအပေါ်ထားတဲ့ ကျမရဲ့ စေတနာကို သိနေတဲ့ NHCS က ကျမရဲ့ ဒါရိုက်တာဟာ ကျန်းမာရေးဝန်ဆောင်မှုကို ကိုယ်ပိုင်လုပ်ငန်းအနေနဲ့ လုပ်ဖို့ ဆက်တိုက် တိုက်တွန်းနေခဲ့ပါတယ်။ အလုပ်က အနားယူထားသော်လည်း ဆက်သွယ်လာတဲ့ လူနာတွေကို ဆက်လက် ကူညီနေရဆဲ ကျမ၊ အချို့လူနာတွေ ငွေကြေးအကုန်အကျ အများကြီးခံပြီး Singapore လာရောက်ဆေးကုသပြီးမှ အဆင်မပြေဖြစ်ကြတာတွေမြင်ရင် စိတ်မကောင်းဖြစ်နေတတ်တဲ့ကျမ ကျန်းမာရေးဝန်ဆောင်မှုကို ကိုယ်ပိုင်အလုပ်အနေနဲ့ စတင်ဖို့ ဆုံးဖြတ်ခဲ့ပါတော့တယ်။
ဆေးရုံမှာ ဝန်ထမ်းတော်တော်များများနဲ့ အဆင်မပြေ၊ ဆက်ဆံရခက်တယ်လို့ နာမည်ကြီးလှပေမယ့် ကျမအပေါ် ယုံကြည် ချစ်ခင်ပြီး အလွန်ကောင်းရှာတဲ့ ကျမရဲ့ ဒါရိုက်တာဟာ ကျမ Singapore မှာ လုပ်ငန်းမှတ်ပုံတင်ဖို့ ၊ ဆေးရုံတွေနဲ့ သဘောတူညီချက် လက်မှတ်ထိုးဖို့ အများကြီး ကူညီပေးခဲ့ပါတယ်။ တစ်ဦးစေတနာ တစ်ဦးမှာ ပါပဲ။
အဲဒီလိုနဲ့ပဲ 2018 May မှာ လုပ်ငန်းမှတ်ပုံတင် ၊ 2018 June မှာ NHCS နဲ့ ပထမဆုံး သဘောတူညီချက် လက်မှတ်ရေးထိုးပြီး Khaing IPCFS International Patients Coordination & Facilitation Services ကျန်းမာရေးဝန်ဆောင်မှု စတင်ခဲ့ပါတော့တယ်။
ကျမ ပြောတာ တော်တော်တောင် ရှည်သွားခဲ့ပြီ။ အခုလို သေချာ ပြောပြချင်နေခဲ့တာ ကြာပေါ့။ အလုပ် စ လုပ်ကတည်းက လူနာတွေနဲ့ အလုပ်ရှုပ်နေခဲ့တာကြောင့် အခု Covid 19 ကြောင့် အိမ်မှာ အနားရမှပဲ ရေးဖြစ်ပါတော့တယ်။
ကျမတို့ရဲ့ ဝန်ဆောင်မှုများနဲ့ အလုပ်သဘောသဘာဝ ၊ လူနာများအတွက် လိုအပ်တယ်လို့ ယူဆလို့ နောက်ထပ် ဖြည့်စွက်လုပ်ကိုင်သွားဖို့ ကြံရွယ်ထားတဲ့ အစီအစဉ်တွေကို နောက်တစ်ပိုင်းမှာ ပြောပြပေးပါမယ်နော်။
အားလုံး ကိုယ်စိတ်နှစ်ဖြာ ကျန်းမာ ချမ်းသာကြပါစေ။
(Zawgi)
Khaing IPCFS ရဲ႕ အစ
7/5/2018 မွာ Khaing IPCFS, International Patients Coordination & Facilitation Services က်န္းမာေရးဝန္ေဆာင္မႈ လုပ္ငန္းကို Singapore မွာ လုပ္ငန္းမွတ္ပုံတင္ခဲ့တာဆိုေတာ့ အခု 7/5/2020 မွာ ၂ ႏွစ္ျပည့္ခဲ့ပါၿပီ။ ၂ ႏွစ္ျပည့္အေနနဲ႔ က်မတို႔ Khaing IPCFS စတင္ ျဖစ္ေပၚလာပုံ၊ က်မတို႔ က်န္းမာေရးဝန္ေဆာင္မႈရဲ႕ သေဘာသဘာဝ၊ ဒီ ၂ ႏွစ္တာ အလုပ္ အေတြ႕အႀကဳံအရ လူနာမ်ားအတြက္ ျပဳလုပ္ေပးလိုေသာ ျဖည့္စြက္ဝန္ေဆာင္မႈမ်ားအေၾကာင္းကို ေျပာျပခ်င္ပါတယ္။
က်မက Khaing IPCFS ကို စတင္ခဲ့တဲ့ Dr. ခိုင္သႏၲာလင္းပါ။ ၂၀၀၃ ခုႏွစ္မွာ ေဆးတကၠသိုလ္ ၁ ရန္ကုန္မွ ေဆးပညာဘြဲ႕ရရွိခဲ့ၿပီး ရန္ကုန္ အေနာက္ပိုင္းေဆး႐ုံႀကီးမွာ လက္ေထာက္ဆရာဝန္အေနနဲ႔ တစ္ႏွစ္ခြဲခန႔္ တာဝန္ထမ္းေဆာင္ခဲ့ပါတယ္။ ၂၀၀၅ ခုႏွစ္ ႏွစ္ကုန္ပိုင္းမွာ အမ်ိဳးသားရွိရာ Singapore ႏိုင္ငံကို လိုက္လာခဲ့ပါတယ္။ ေဆးပညာကို ဝါသနာပါၿပီး ဆရာဝန္အျဖစ္ ဆက္လက္ေဆးကုသလိုတာေၾကာင့္ Australia ေဆးေကာင္စီ AMC စာေမးပြဲကို ေျဖဆိုခဲ့ၿပီး အပိုင္း ၁ စာေတြ႕စာေမးပြဲကို Singapore မွာ၊ လူနာနဲ႔ လက္ေတြ႕ေျဖရတဲ့ အပိုင္း ၂ စာေမးပြဲကို Melbourne, Australia မွာ ေျဖဆိုေအာင္ျမင္ခဲ့ေပမယ့္ မိသားစု သံေယာဇဥ္ေၾကာင့္ေရာ ၊ အဲဒီအခ်ိန္မွာ National Heart Centre Singapore ႏွလုံးအထူးကုေဆး႐ုံႀကီးမွာ ဝန္ထမ္းအေနနဲ႔ တာဝန္ထမ္းေဆာင္ေနတဲ့ က်န္းမာေရးဝန္ေဆာင္မႈအလုပ္မွာ ေပ်ာ္ေမြ႕ေနတာေရာေၾကာင့္ ဆရာဝန္ဆက္မလုပ္ျဖစ္ေတာ့ပါဘူး။ ေနာက္ပိုင္းမွာ ကိုယ္ကူညီေပးတဲ့ လူနာေတြရဲ႕ ေရာဂါနဲ႔ပတ္သက္ၿပီး ေဆးပညာကို ဆက္လက္ေလ့လာျဖစ္ေပမယ့္ အဲဒီမွာပဲ က်မရဲ႕ ဆရာဝန္ဘဝ နိဂုံးခ်ဳပ္ခဲ့ပါတယ္။ ေဆးတကၠသိုလ္ တေလ်ာက္လုံး ပညာသင္ၾကားေပးခဲ့တဲ့ ဆရာဆရာမမ်ားကို အလြန္အားနာမိေပမယ့္ က်မ ေဆးေလာကထဲမွာပဲ ဆက္လက္ရွိေနၿပီး လူနာမ်ားကို ဆရာဝန္အေနနဲ႔မဟုတ္ေသာ္လည္း သူတို႔သင္ၾကားေပးခဲ့တဲ့ ပညာေတြနဲ႔ တဖက္တလမ္းက ဆက္လက္ကူညီေပးေနတာကို ဆရာဆရာမမ်ားသိရင္ ေက်နပ္ေကာင္းပါရဲ႕။
က်မဘဝမွာ ေက်နပ္မိတာတစ္ခုက က်မဝါသနာပါလို႔၊ ႏွစ္သက္မိလို႔ ကူညီတဲ့အေနနဲ႔ စ လုပ္မိတဲ့ အလုပ္ေတြက က်မရဲ႕ အသက္ေမြးဝမ္းေက်ာင္းအလုပ္ ျဖစ္လာတတ္တာပါ။ က်န္းမာေရးဝန္ေဆာင္မႈကို အသက္ေမြးဝမ္းေက်ာင္း အလုပ္အေနနဲ႔့လုပ္ခြင့္ရခဲ့တာကို ေတြးမိတိုင္း က်မရဲ႕ ေက်းဇူးရွင္ မိဘ ၂ ပါး၊ အကိုအမေတြလိုခင္မင္ရတဲ့ ကိုေဇာ္ဝင္းဦး နဲ႔ မစု ၊ အစ္မလိုအေဒၚလို ခ်စ္ရတဲ့ က်မ Singapore မွာ ပထမဆုံး ကူညီခြင့္ရခဲ့တဲ့ လူနာ မရင္ရင္ျမ၊ ညီမ မခြၽန္ခြၽန္ေအာင္နဲ႔ Myanmar Zircon က Dr. ထင္လင္းတို႔ရဲ႕ ေက်းဇူးကို အၿမဲ အမွတ္ရ ေက်းဇူးတင္ပါတယ္။ က်မရဲ႕ အေဖဟာ ၂၀၀၃ ခုႏွစ္မွာ Singapore အေထြေထြေရာဂါကု ေဆး႐ုံႀကီး Singapore General Hospital (SGH) မွာ ေက်ာက္ကပ္အစားထိုးခြဲစိတ္ကုသမႈ ခံယူခဲ့ပါတယ္။ အဲဒီအတြက္ Singapore မွာ ႏွစ္လနီးပါးခန႔္ ေနခဲ့ရၿပီး ေဆး႐ုံနဲ႔ပတ္သက္တဲ့ အေတြ႕အႀကဳံေတြလည္း အမ်ားႀကီး ရရွိခဲ့ပါတယ္။ ၂၀၀၅ ခုႏွစ္မွာ Singapore ကို ေရာက္လာၿပီး အလုပ္မရွိေသးလို႔ အိမ္နဲ႔ စာၾကည့္တိုက္ေတြမွာပဲ စာေမးပြဲအတြက္ စာဖတ္ျဖစ္ေနတုန္း ေဖေဖ ေဆးကုဖို႔လာတုန္းက အစစအရာရာ ကူညီေပးခဲ့တဲ့ ကိုေဇာ္ဝင္းဦး နဲ႔ မစုတို႔က သူတို႔ရဲ႕မိတ္ေဆြ မရင္ရင္ျမ Singapore မွာ ေဆးလာကုတာကို ကူညီေပးဖို႔ အကူအညီ ေတာင္းလာပါတယ္။ အစ္မေဆးကုတာကို ကူညီေပးေနရင္းနဲ႔ပဲ မိတ္ေဆြသူငယ္ခ်င္းေတြက သူတို႔မိသားစုေတြ ေဆြမ်ိဳးေတြ Singapore မွာ ေဆးကုဖို႔လာလို႔ အကူအညီေတာင္းရင္ လိုက္ကူညီေပးရင္း ေပ်ာ္ေနခဲ့ပါတယ္။ အဲဒီလို အကူအညီေပးေနရင္းနဲ႔ပဲ ညီမ မခြၽန္ရဲ႕ ေက်းဇူးနဲ႔ Myanmar Zircon က Dr. ထိန္လင္းက က်မအေၾကာင္း သိသြားၿပီး ဆက္သြယ္လာပါတယ္။ အဲဒီအခ်ိန္တုန္းက Myanmar Zircon ဟာ SGH ရဲ႕ အျပည္ျပည္ဆိုင္ရာ က်န္းမာေရးဝန္ေဆာင္မႈဌာနနဲ႔ ခ်ိတ္ဆက္ၿပီး ျမန္မာျပည္ကလူနာေတြကို ကူညီေပးေနတဲ့ ကိုယ္စားလွယ္ ကုမၸဏီ တစ္ခုပါ။ စ ဆက္သြယ္တုန္းက သူတို႔အေနနဲ႔ အလုပ္ခန္႔ၿပီး သူတို႔ လူနာေတြကို အကူအညီေပးဖို႔ေပမယ့္ SGH ရဲ႕ အျပည္ျပည္ဆိုင္ရာ က်န္းမာေရးဝန္ေဆာင္မႈဌာနက ျမန္မာဝန္ထမ္းတစ္ေယာက္ ခန႔္အပ္ခ်င္ေနတာေရာ၊ က်မ အဲဒီမွာအလုပ္လုပ္ရင္ လူနာေတြအတြက္ ပိုၿပီးအက်ိဳးရွိႏိုင္တယ္လို႔ယူဆတာေရာေၾကာင့္ Dr. ထိန္လင္းဟာ က်မရဲ႕ အလုပ္ေလ်ာက္ရာမွာ အသုံးျပဳတဲ့ ကိုယ္ေရးရာဇဝင္မွတ္တမ္းကို SGH ကို ေပးခဲ့ပါတယ္။ SGH က အလုပ္ Interview ေခၚေတာ့ အလုပ္ေလ်ာက္မထားတဲ့က်မ ေၾကာင္ေတာင္ေတာင္နဲ႔ပဲ Interview သြားခဲ့ပါတယ္။ အဲဒီေရာက္ေတာ့မွ အလုပ္သဘာဝက ကိုယ္လုပ္ခ်င္တာမ်ိဳးျဖစ္ေနပါတယ္။ Interview လုပ္တဲ့ မန္ေနဂ်ာ ၂ ေယာက္ကလည္း အခေၾကးေငြမယူဘဲ လူနာေတြကို လိုက္ကူညီေပးေနတဲ့ က်မရဲ႕ေစတနာကို သေဘာက်တာေၾကာင့္ ခ်က္ခ်င္းအလုပ္ခန႔္ခဲ့ပါတယ္။ ဒါကေတာ့ က်မရဲ႕ က်န္းမာေရးဝန္ေဆာင္မႈ အလုပ္ အစျပဳခဲ့ပုံေပါ့။
SGH နဲ႔ National Heart Centre Singapore (NHCS) တို႔ရဲ႕ အျပည္ျပည္ဆိုင္ရာက်န္းမာေရးဝန္ေဆာင္မႈဌာနေတြမွာ ၈ ႏွစ္ၾကာ တာဝန္ထမ္းေဆာင္ခဲ့ပါတယ္။ က်မတို႔အလုပ္က ႏိုင္ငံရပ္ျခားက လူနာေတြ Singapore မွာ ေဆးလာကုခ်င္ရင္ သူတို႔ရဲ႕ ေဆးမွတ္တမ္းနဲ႔ ေရာဂါအေျခအေနအရ သင့္ေတာ္တဲ့ ဌာနနဲ႔ ဆရာဝန္ကို အႀကံေပးရတာ၊ ေဆးလာမကုခင္ လိုအပ္တဲ့ အေၾကာင္းအခ်က္အလက္ေတြကို ဆရာဝန္ေတြနဲ႔ တိုင္ပင္ေမးျမန္းၿပီး အေၾကာင္းျပန္ေပးရတာ၊ ဆရာဝန္နဲ႔ေတြ႕ဖို႔ ရက္ခ်ိန္းစီစဥ္ေပးရတာနဲ႔ ေဆးကုသဖို႔ Singapore မွာ ေနစဥ္တေလ်ာက္လုံး လိုအပ္တာေတြကို ကူညီစီစဥ္ေပးရတာပါ။
Subspecialty (ေရာဂါ အမ်ိဳးအစားအုပ္စုအလိုက္ သီးသန႔္ေလ့က်င့္သင္ၾကားထားေသာ သက္ဆိုင္ရာ အထူးကုဆရာဝန္ႀကီးမ်ားႏွင့္ ျပဳစုကုသေပးျခင္း) ၄၂ ခု ရွိတဲ့ SGH မွာ လူနာတိုင္းဟာ က်မအတြက္ သင္ယူစရာေတြခ်ည္းပါပဲ။ ဒီ ၈ ႏွစ္တာကာလအတြင္းမွာ ျမန္မာျပည္က ႏိုင္ငံေတာ္ လူႀကီးမ်ားအပါအဝင္ ျမန္မာလူနာမ်ားစြာနဲ႔ English စကားေျပာတတ္တဲ့ အျခားႏိုင္ငံမ်ားမွ လူနာမ်ားစြာကို ကူညီေပးခြင့္ ရခဲ့ပါတယ္။ လူနာတိုင္း လူနာတိုင္းဟာ က်မကို အေတြ႕အႀကဳံအသစ္ေတြ သင္ေပးတဲ့ ေက်းဇူးရွင္ေတြပါပဲ။
အဲဒီေနာက္မွာ NHCS ရဲ႕ Programme Development ဌာနမွာ ၂ ႏွစ္ တာဝန္ထမ္းေဆာင္ခဲ့ပါတယ္။ အဲဒီဌာနမွာ က်မရဲ႕ တာဝန္က NHCS က ႏွလုံးအထူးကုဆရာဝန္ႀကီးေတြ ျမန္မာျပည္ကိုသြားၿပီး ျမန္မာျပည္ကေဆး႐ုံေတြမွာ ဆရာဝန္ႀကီးေတြနဲ႔ အေတြ႕အႀကဳံဖလွယ္ဖို႔၊ လူနာေတြကို အတူ ပူးေပါင္းကုသေပးၾကဖို႔ စီစဥ္ေပးရတာပါ။ ဆရာဝန္မ်ားအတြက္ ေဆြးေႏြးပြဲေတြ၊ ျပည္သူေတြအတြက္ က်န္းမာေရးေဟာေျပာပြဲေတြလည္း စီစဥ္ေပးရပါတယ္။ ကိုယ့္ႏိုင္ငံအတြက္ ကိုယ္ႏိုင္သေလာက္ ကူညီေပးခြင့္ရေတာ့ အဲဒီအလုပ္မွာလဲ အေတာ္ေပ်ာ္ခဲ့တာေပါ့။ ေနာက္ၿပီး ဒီအလုပ္ဟာ က်မရဲ႕ Khaing IPCFS စတင္ေမြးဖြားဖို႔ အစပ်ိဳးခဲ့တာလည္း ျဖစ္ေနျပန္ပါတယ္။
မိသားစုအတြက္ အခ်ိန္ပိုေပးခ်င္လို႔ 2018 February မွာ အလုပ္က အနားယူခဲ့ပါတယ္။ သို႔ေသာ္လည္း က်မ အလုပ္ႀကိဳးစားတာ၊ က်မရဲ႕ အေတြ႕အႀကဳံ ၊ လူနာေတြအေပၚထားတဲ့ က်မရဲ႕ ေစတနာကို သိေနတဲ့ NHCS က က်မရဲ႕ ဒါ႐ိုက္တာဟာ က်န္းမာေရးဝန္ေဆာင္မႈကို ကိုယ္ပိုင္လုပ္ငန္းအေနနဲ႔ လုပ္ဖို႔ ဆက္တိုက္ တိုက္တြန္းေနခဲ့ပါတယ္။ အလုပ္က အနားယူထားေသာ္လည္း ဆက္သြယ္လာတဲ့ လူနာေတြကို ဆက္လက္ ကူညီေနရဆဲ က်မ၊ အခ်ိဳ႕လူနာေတြ ေငြေၾကးအကုန္အက် အမ်ားႀကီးခံၿပီး Singapore လာေရာက္ေဆးကုသၿပီးမွ အဆင္မေျပျဖစ္ၾကတာေတြျမင္ရင္ စိတ္မေကာင္းျဖစ္ေနတတ္တဲ့က်မ က်န္းမာေရးဝန္ေဆာင္မႈကို ကိုယ္ပိုင္အလုပ္အေနနဲ႔ စတင္ဖို႔ ဆုံးျဖတ္ခဲ့ပါေတာ့တယ္။
ေဆး႐ုံမွာ ဝန္ထမ္းေတာ္ေတာ္မ်ားမ်ားနဲ႔ အဆင္မေျပ၊ ဆက္ဆံရခက္တယ္လို႔ နာမည္ႀကီးလွေပမယ့္ က်မအေပၚ ယုံၾကည္ ခ်စ္ခင္ၿပီး အလြန္ေကာင္းရွာတဲ့ က်မရဲ႕ ဒါ႐ိုက္တာဟာ က်မ Singapore မွာ လုပ္ငန္းမွတ္ပုံတင္ဖို႔ ေဆး႐ုံေတြနဲ႔ သေဘာတူညီခ်က္ လက္မွတ္ထိုးဖို႔ အမ်ားႀကီး ကူညီေပးခဲ့ပါတယ္။ တစ္ဦးေစတနာ တစ္ဦးမွာ ပါပဲ။
အဲဒီလိုနဲ႔ပဲ 2018 May မွာ လုပ္ငန္းမွတ္ပုံတင္ ၊ 2018 June မွာ NHCS နဲ႔ ပထမဆုံး သေဘာတူညီခ်က္ လက္မွတ္ေရးထိုးၿပီး Khaing IPCFS International Patients Coordination & Facilitation Services က်န္းမာေရးဝန္ေဆာင္မႈ စတင္ခဲ့ပါေတာ့တယ္။
က်မ ေျပာတာ ေတာ္ေတာ္ေတာင္ ရွည္သြားခဲ့ၿပီ။ အခုလို ေသခ်ာ ေျပာျပခ်င္ေနခဲ့တာ ၾကာေပါ့။ အလုပ္ စ လုပ္ကတည္းက လူနာေတြနဲ႔ အလုပ္ရႈပ္ေနခဲ့တာေၾကာင့္ အခု Covid 19 ေၾကာင့္ အိမ္မွာ အနားရမွပဲ ေရးျဖစ္ပါေတာ့တယ္။
က်မတို႔ရဲ႕ ဝန္ေဆာင္မႈမ်ားနဲ႔ အလုပ္သေဘာသဘာဝ ၊ လူနာမ်ားအတြက္ လိုအပ္တယ္လို႔ ယူဆလို႔ ေနာက္ထပ္ ျဖည့္စြက္လုပ္ကိုင္သြားဖို႔ ႀကံ႐ြယ္ထားတဲ့ အစီအစဥ္ေတြကို ေနာက္တစ္ပိုင္းမွာ ေျပာျပေပးပါမယ္ေနာ္။
အားလုံး ကိုယ္စိတ္ႏွစ္ျဖာ က်န္းမာ ခ်မ္းသာၾကပါေစ။
