ကိုယ္ဝန္ေဆာင္ က်န္းမာေရး

ကိုယ္ဝန္ေဆာင္ က်န္းမာေရး ကိုယ်ဝန်ဆောင်နဲ့ ကလေးငယ်တို့အတွက်
Knowladge Sharing တင်ပေးမှာပါ ။

03/07/2025

မင်မင်တို့ရဲ့
Admin fb account က lock ကျနေပီးတော့
Page ကို ဝင်လို့ မရ ဖြစ်နေခဲ့လို့ပါ ။
မေးတာတွေကို - မဖြေတာမျိုး မဟုတ်ပါဘူး ။

"မေမေတွေဘာကြောင့်ဒေါသထွက်လွယ်သူဖြစ်လာရသလဲ?" ကျွန်မတို့မိန်းမသားတွေဟာ စိတ်ခံစားမှု အပြောင်းအလဲမြန်သူမို့ အခြေအ...
09/04/2025

"မေမေတွေဘာကြောင့်ဒေါသထွက်လွယ်သူဖြစ်လာရသလဲ?"
ကျွန်မတို့မိန်းမသားတွေဟာ စိတ်ခံစားမှု အပြောင်းအလဲမြန်သူမို့ အခြေအနေကိုလိုက်ပြီး ကျွန်မတို့ရဲ့အပြုအမူ/အပြောအဆိုတွေပြောင်းလဲသွားပါတယ်။ပေမဲ့ ကိုယ်ကအဲလို
ပြောင်းလဲသွားတာကို ကိုယ်ကိုယ်တိုင်က သတိမထားမိကြ
ပါဘူး။ဒါကြောင့်လည်း ပြုပြင်ဖို့ မကြိုးစားဘဲ မိသားစုဝင်
တွေက ကိုယ်စိတ်တိုင်းမကျတဲ့ အပြုအမူတစ်ခုလုပ်တိုင်း
ဆူပူ/ကြိမ်းမောင်း နေမိတတ်ကြပါတယ်။ဘာ့ကြောင့်
မိန်းမတွေဟာ အိမ်ထောင်ကျပြီးတဲ့အခါ ဒါမှမဟုတ် မိခင်
ဘဝရောက်တဲ့အခါ အမြဲဆူလွယ်တဲ့ ရေနွေးအိုးလိုဖြစ်နေ
ရသလဲဆိုတာကို လေ့လာသုံးသပ်ကြည့်တဲ့အခါ
(၁)တစ်အိမ်လုံးရဲ့ ဝေယျာဝစ္စကို တစ်ယောက်တည်း
လုပ်နေရခြင်း။
အိမ်အလုပ်ဆိုတာ ဘာမှ ကြီးကြီးမားမားပြစရာမရှိ
ပေမဲ့ သေးသေးမွှားမွှားတွေလိုက်လုပ်ရတာ မေမေတွေ
အိမ်မှာ တစ်နေကုန် နားချိန်မရှိပါဘူး။ခင်ပွန်းသည်တွေက
တစ်နေ့ရှစ်နာရီလုပ်ရတဲ့လုပ်ငန်းခွင်မှာ နေ့လည်စာစားချိန်
တစ်နာရီ/tea break ဆယ့်ငါးမိနစ်လို အားလပ်ချိန်တွေရကြပေမဲ့ အိမ်မှာရှိတဲ့ မေမေတွေမှာ နေ့နေ့/ညည 24 hour
on dutyပါ။အမေကရှင်း/ကလေးတွေက လိုက်ဖွ/အမေက
ပြန်ရှင်း/ကလေးက လိုက်ဖွနဲ့ တစ်နေကုန် မုန့်လုံးစက္ကူကပ်
နေတာမို့ ကြာလာတဲ့အခါ မေမေတွေက ထစ်ခနဲ့ဆို ဒေါသ
ထွက်လွယ်တဲ့ သူတွေဖြစ်လာကြပါတော့တယ်။ဒါကြောင့်
ခင်ပွန်းသည်တွေအနေနဲ့ အချိန်ရရင်ရသလို ဇနီးသည်ကို
ကူညီသင့်ပါတယ်။
(၂)မျှော်လင့်ချက် ထားလွန်းခြင်း။
မေမေတွေဟာ သူတို့ပြုစုစောင့်ရှောက်ရတဲ့သားသမီးအပေါ်ပဲဖြစ်ဖြစ်/ခင်ပွန်းသည်အပေါ်ပဲဖြစ်ဖြစ် အကောင်း
ဆုံးဖြစ်ဖို့ မျှော်လင့်ချက်ကြီးကြီးထားတတ်ကြပါတယ်။
ကိုယ်မျှော့်လင့်သလောက်ဖြစ်မလာဘဲ သားသမီးတွေက
စကားနားမထောင်တာ/ခင်ပွန်းသည်နဲ့လည်း အတွေးအခေါ်
အယူအဆ အမြဲကွဲလွဲနေတဲ့အခါမျိုးမှာ စိတ်တိုင်းမကျမှု
တွေနဲ့ အမြဲဒေါသ ထွက်လာပါတော့တယ်။
(၃)သားသမီးတွေကို သူတပါးနဲ့နှိုင်းယှဉ်လွန်းခြင်း။
ကျွန်မတို့ဟာ ပတ်ဝန်းကျင်နဲ့နေကြရသူတွေမို့ ကိုယ့်
မိသားစုထက် ပတ်ဝန်းကျင်ကလူတွေကို ပို ဂရုစိုက်မိတတ်
ကြပါတယ်။အထူးသဖြင့် သားသမီးချင်းပါ။ဟိုဖက်အိမ်က
ကလေးက ဒါလုပ်နိုင်ပြီ။ငါ့ကလေးကဘာမှမလုပ်တတ်သေးဘူး။သူ့ကလေးက စာတော်တယ်။ငါ့ကလေးက
စာညံ့တဲ့အပြင် လက်ရေးပါညံ့သေးတယ်။သူ့ကလေးက
အရပ်ရှည်ပြီး ငါ့ကလေးကျ အရပ်မထွက်ဘူး စသဖြင့်
အသေးစိတ် ကိုယ့်ကလေးနဲ့သူများကလေးတွေကို နှိုင်း
ယှဉ်လွန်းတဲ့အခါ ကိုယ့်ကလေးအပေါ်အားမလို အားမရ
စိတ်ဖြစ်လာပြီး ဒေါသထွက်လာတတ်ပါတယ်။
(၄)စိတ်ဖိစီးပြီး အားအင်ကုန်ခမ်းနေချိန် အနားမယူခြင်း။
ကျွန်မတို့ သုံးစွဲနေတဲ့ ဖုန်းတွေ/i padတွေကို နာရီများ
စွာ ပွတ်နေရင် ပူလာပြီး ဘက်ထရီကုန်တတ်ပါတယ်။အဲလို
ပါပဲ ကျွန်မတို့ လူသားတွေလည်း အားအင်ကုန်ခမ်းတဲ့
အချိန်တွေရှိတတ်ပါတယ်။ကိုယ် အားအင်ကုန်ခမ်းနေတာ
ကို မသိဘဲ ဆက်တိုက်အလုပ်လုပ်နေရင် မေမေတွေဘဝက
ယမ်းပုံပေါ်မီးကျသလို ပေါက်ကွဲလာမှာပါ။ဒါကြောင့်
မိသားစုစီးပွါးရေးအဆင်မပြေလို့ဘဲဖြစ်ဖြစ်/အိမ်ထောင်ရေး အဆင်မပြေလို့ပဲဖြစ်ဖြစ် စိတ်ဖိစီးပြီး ပင်ပန်းနွမ်း
နယ်နေတဲ့အချိန်မှာ စိတ်ကိုအေးအေးထားပြီး အနားယူဖို့
လပ်ပါတယ်။ဒါမှ ဘက်ထရီအားသွင်းလိုက်သလို အားပြန်
ပြည့်လာမှာဖြစ်ပါတယ်။
(၅)လက်တွဲဖော်ရဲ့ ပံ့ပိုးကူညီမှုနဲ့အသိအမှတ်ပြုမှုမရရှိခြင်း
မိသားစုဆိုတာ လင်နဲ့မယားအတူတူ ပူပေါင်းလုပ်
ဆောင်မှုရဲ့ ပြယုဂ်ဖြစ်ပါတယ်။ဒါကြောင့် လင်နဲ့မယား
အပြန်အလှန် ချစ်ခင်လေးစားမှု/အားပေးကူညီမှု/အသိ
အမှတ်ပြု ချီးကျူးမှုတွေ ဟန်ချက်ညီနေဖို့လိုပါတယ်။အဲ
လိုမဟုတ်ဘဲ မိန်းမဘာလုပ်လုပ် "သူလုပ်ရမဲ့တာဝန်ပဲ"
"တစ်နေကုန်ဘာလုပ်နေလဲ""ဒါလေးတောင် မသင်ပေးတာ
ဘယ်လို အမေမျိုးလဲ"စသဖြင့် တစ်ချိန်လုံး ဇနီးသည်ကို
အပြစ်တင်ပြောဆိုနေမယ်ဆိုရင် အဲဒီမိခင်က အသက်ရှင်
ရတာ အဓိပ္ပါယ်မဲ့သလို ခံစားရပြီး အချိန်တိုင်းဒေါသထွက်
နေပါလိမ့်မယ်။
(၆)တာဝန်များလွန်းခြင်း။
တချို့မိခင်တွေ မိသားစုစားဝတ်နေရေးအတွက်
အပြင်ထွက်အလုပ်လုပ်ကြရပါတယ်။Working momတိုင်း
အိမ်မှုကိစ္စ မလုပ်ဘဲ နေခွင့်မရကြပါဘူး။အလုပ်ကအိမ်ပြန်
ရောက်ချိန်တိုင်း အိမ်မှုကိစ္စအားလုံးပါ လိုက်လုပ်နေရတဲ့
အခါ လူနဲ့ ဝန်မမျှဖြစ်ပြီး ပင်ပန်းရပါတယ်။အဲဒီအခါ
အမြဲဒေါသထွက်လွယ်သူ ဖြစ်ကြရတော့တာပါပဲ။ဘဝမှာ
တချို့သော အခြေအနေတွေကို မိခင်တွေ ရွေးချယ်ခွင့်မရ
ကြပါဘူး။
(၇)Daily Routine မမှန်ခြင်း။
Daily routine ဆိုတာ မိခင်တစ်ယောက်အနေနဲ့နေ့
တိုင်း လုပ်ဆောင်ရမဲ့အရာတွေကို သူ့အချိန်နဲ့သူလုပ်ဆောင်
ခြင်းပါပဲ။မနက်နိုးလာရင် သန့်ရှင်းရေး/ချက်ပြုတ်ရေး/
ကလေးတွေကို ရေချိုး/ထမင်းကျွေး/နေ့ခင်းတစ်ရေးသိပ်
တာကအစ အချိန်မှန်မှန်မလုပ်ဘဲ လုပ်ချင်တဲ့နေ့လုပ်လိုက်/
မလုပ်ချင် တစ်နေကုန်ပစ်ထား အဲလို ပြုမူရင် အိမ်မှာနေရ
တဲ့ မိခင်ဘဝ က စနစ်တကျမရှိဘဲပရမ်းပတာဖြစ်ပြီး
စိတ်ပန်းလူပန်းဖြစ်တတ်ပါတယ်။စိတ်မကြည် နွမ်းလျတဲ့
အခါ ဒေါသထွက်လွယ်တာ လူတိုင်းပါပဲ။
ဒါကြောင့် အိမ်မှာနေတဲ့ မေမေတွေအနေနဲ့
ကိုယ့်ကို ဒေါသထွက်လွယ်စေမဲ့ အပြုအမူ/အကျင့်မျိုးကို
သတိထားပြီး ဆင်ခြင်သင့်ပါတယ်။သားရေး/သမီးရေး
အိမ်မှုကိစ္စတွေနဲ့ ပင်ပန်းသလို ခံစားရရင် ခင်ပွန်းသည်ကို
ပြောပြပြီး သူ့အကူအညီကို တောင်းခံသင့်ပါတယ်။အဓိက
ကတော့ သားသမီးတွေရဲ့ ဖြစ်တည်မှူကို လက်ခံပေးပြီး
ချိုချိုသာသာနဲ့ အမေဘာဖြစ်စေချင်တယ် ဆိုတာကို
သူတို့နားလည်လာအောင် ပြောဆိုပေးပါ။ခင်ပွန်းသည်ရဲ့
အသိအမှတ်ပြုမှုမရဖူးဘဲ အမြဲအပြစ်တင်ခံနေရတယ်ဆို
ရင်လည်း ဒေါသနဲ့ မတုန့်ပြန်ဘဲ မိမိရဲ့ စိတ်အခြေအနေကို
ပွင့်ပွင့်လင်းလင်းပြောပြလိုက်ရင် ခင်ပွန်းသည်က
ချက်ချင်း နားလည်မပေးရင်တောင်မှ ရန်ဖြစ်စကားများ
စရာ မလိုတဲ့ အခြေအနေဖြစ်သွားပါလိမ့်မယ်ရှင်။
မေတ္တာဖြင့်
ညနေမိုး(ကလေး)

-Kalay
Sang

ခင်ပွန်းသည်က သူ့မိန်းမကိုပြောတယ်–'' ငါ သူငယ်ချင်းတွေနဲ့ အပြင်သွားဦးမယ်...''သူမက ပြန်ဖြေတယ် -'' သွားလေ..' တဲ့။ခဏကြာတော့ ...
07/04/2024

ခင်ပွန်းသည်က သူ့မိန်းမကိုပြောတယ်–

'' ငါ သူငယ်ချင်းတွေနဲ့ အပြင်သွားဦးမယ်...''

သူမက ပြန်ဖြေတယ် -

'' သွားလေ..' တဲ့။

ခဏကြာတော့ သားဖြစ်သူက..

" မေမေ၊
အကြို စာမေးပွဲမှာ သားရဲ့အခြေအနေကို သိခဲ့ရတယ်… မကောင်းဘူး မေမေ...''

သားဖြစ်သူသည်
မိခင်ထံမှ ကြိမ်းမောင်းခြင်းကို ခံရမည်
ဟု မျှော်လင့်သော်လည်း အံ့အားသင့်သွားသည်။

မိခင်ဖြစ်သူက အေးအေးဆေးဆေးပြောခဲ့သည်–

" ဘာမှမဖြစ်ပါဘူးသားရယ်..
သား ကြိုးစားရင် စာမေးပွဲကြီးမှာ ဖြေနိူင်မှာပါ
ဒီလိုမှမဟုတ်ရင်တော့ နောက်တစ်နှစ် ထပ်ဖြေရမှာပေါ့ ၊ သား အပေါ်မှာပဲမူတည်ပါတယ်...''

နောက်နေ့မှာ အပြင်က ပြန်လာတဲ့ သူ့သမီးက
သူ့ဆီလာပြီး မဝံ့မရဲနဲ့ ပြောတယ်-

" အမေ၊ သမီးရဲ့ကားနဲ့ သူများကားကို တိုက်လာတယ်...''

သမီးက အမေစိတ်ဆိုးမှာကို ကြောက်ပေမယ့်
သူ့အမေစကားကြောင့် အံ့အားသင့်သွားတယ်။

“ သမီးရယ် ...
ကားကို ဝပ်ရှော့သွားပြီး ပြင်လိုက်ပေါ့..'' တဲ့။

အမှားတစ်ခုကိုမြင်လျှင်
လူတယောက်သည် ရုတ်တရက် စိတ်ဆိုးဒေါသထွက်ခါ ပြောင်းလဲသွားတတ်သော်လည်း
သူမသည် တည်ငြိမ်နေသည်။

လူတိုင်းက သူ့ဆီလာပြီး ...

“ တစ်ခုခုမှားနေသလား...
ဘာလို့ဒီလောက်တည်ငြိမ်နေတာလဲ " လို့မေးတယ်။

သူမက ပြုံးပြီး ပြန်ပြောတယ်။

“ လူတိုင်းဟာ ကိုယ့်ဘဝအတွက် ကိုယ်ပဲ တာဝန်ရှိတယ်ဆိုတာ နားလည်ဖို့ အချိန်အတော်ကြာယူခဲ့ရတယ်..''

" ကိုယ့်​ရဲ့စိတ်ပူပန်မှု၊ စိတ်ဖိစီးမှုတွေဟာ
သူများရဲ့ပြဿနာတွေကို မဖြေရှင်းနိုင်ဘူး..
ကိုယ့်ရဲ့စိတ်ခံစားမူကိုပဲ ပိုဆိုးစေတယ်....''

" လာမေးရင် အကြံဥာဏ်ပေးရုံပဲ ပေးနိုင်တယ်...
အဆင်ပြေမူကတော့ မင်းတို့​တွေလိုက်နာနိုင်မလား မလိုက်နာနိူင်ဘူးလားဆိုတဲ့အပေါ်မှာ မူတည်တယ်..''

" မင်းတို့ဆုံးဖြတ်သမျှ၊ အကျိုးဆက်တွေဟာ
ကောင်းသည်ဖြစ်စေ၊ ဆိုးသည်ဖြစ်စေ
အဲ့ဒါ​တွေနှင့်အတူ မင်းတို့နေထိုင်ရမှာဖြစ်သည်။
ဘယ်သူ့ရဲ့လုပ်ရပ်အတွက်မှ ​မေ​မေတာဝန်ယူလို့မရဘူး..''

" ကိုယ့်ကိုကိုယ်ပဲ ထိန်းချုပ်နိုင်တယ်
ဆိုတာ မေမေ သိလာတယ်...''

" ​မေ​မေ့အလုပ်က မင်းတို့ကို ပြုစုစောင့်ရှောက်ဖို့၊
မင်းတို့ကိုချစ်ဖို့၊ အားပေးဖို့ပဲ...''

" ဒါပေမယ့် မင်းတို့ရဲ့ပြဿနာတွေကို ဖြေရှင်းဖို့နဲ့
မင်းတို့ရဲ့ပျော်ရွှင်မှုကို ရှာဖွေဖို့ကတော့
မင်းတို့အပေါ်မှာပဲ မူတည်တယ်..''

" ဒါကြောင့် အေးအေးဆေးဆေးနေပြီး
မင်းတို့ရဲ့ ပြဿနာတွေကို မင်းတို့ကိုယ်တိုင်ပဲ ဖြေရှင်းခွင့်ပေးတာပါ ''

သူမ ဒီလိုရှင်းပြလိုက်တော့ အားလုံးနှုတ်ဆိတ်သွားကြတယ်။

အဲဒီနေ့ကစပြီး အိမ်မှာရှိတဲ့လူတိုင်းဟာ
ဘာလုပ်ရမယ်ဆိုတာ အတိအကျသိတဲ့အတွက်
မိသားစုက ပိုမိုကောင်းမွန်လာ​ကြတယ်။


🫃🏻🫃🏻🫃🏻
25/03/2024

🫃🏻🫃🏻🫃🏻

Good Night မေမေတို့ ...... ၊ စိတ်ကို ထားတတ်အောင်ထားပြီး နေတတ်အောင် နေကြပါ ၊ ခက်ခဲတမ်းကြမ်း ပင်ပန်းတာတွေက အများလည်း ရင်ဆိ...
17/02/2024

Good Night မေမေတို့ ...... ၊

စိတ်ကို ထားတတ်အောင်ထားပြီး
နေတတ်အောင် နေကြပါ ၊
ခက်ခဲတမ်းကြမ်း ပင်ပန်းတာတွေက
အများလည်း ရင်ဆိုင်ဖြတ်သန်းနေကြရတာမလို့
အခက်အခဲတွေကို ရင်ဆိုင်ရင်းနဲ့ပဲ
အားတင်းထားကြပါ ၊

မေမေတွေ အားလုံး
ကိုယ်ကျန်းမာ စိတ်ချမ်းသာကြပါစေ ။

နှစ်အကြာ ခြားပြီးမှ ရိုးရိုးမွေးကြတာတွေလည်း ရှိပါတယ် တစ်ခါခွဲမွေးပြီးပေမယ့် နောက်ကိုယ်ဝန်ကို ရိုးရိုးမွေးလို့ရမလား----...
11/02/2024

နှစ်အကြာ ခြားပြီးမှ ရိုးရိုးမွေးကြတာတွေလည်း ရှိပါတယ်

တစ်ခါခွဲမွေးပြီးပေမယ့် နောက်ကိုယ်ဝန်ကို ရိုးရိုးမွေးလို့ရမလား
-----------------------------------------------------

တစ်ခါ ခွဲမွေးထားဖူးလျှင် နောက်‌ထပ်လည်း ခွဲမွေးရပါတယ်။ သုံးခါထက် ပိုမခွဲရပါဘူးဆိုတာ ဗိုက်ခွဲမွေးဖူးသူတိုင်း သိပါတယ်။

ဘာကြောင့်လည်းဆိုတော့...
(ပုံနှင့်တကွ သေချာ‌ရှင်းပြပေးထားပါတယ်။ ပုံလေးတွေကို နှိပ်ကြည့်ပေးပါ။ )

တစ်ခါခွဲလိုက်လျှင် သားအိမ်မှာ အမာရွတ်တစ်ခု ဖြစ်သွားပါတယ်။ သားအိမ်ဆိုတာ သာမန်အချိန်မှာ လက်သီးဆုပ်သာသာ ကြွက်သားတခုပါ။ သူ့ထဲ ကလေးရှိလာတဲ့အခါ ပူဖောင်းလို ဖောင်းကားလာပါတယ်။

ပေါက်ထားလို့ ဖာထားတဲ့ ပူဖောင်းတစ်ခုကို မြင်‌ယောင်ကြည့်ပါ။ ပူဖောင်းဖောင်းလာလေလေ ဖာထားတဲ့နေရာကနေ ပေါက်ထွက်နိုင်လေလေပါပဲ။ ဒါကြောင့် ဗိုက်မနာခင် သားအိမ်မညှစ်ခင် ခွဲရပါတယ်။ ဓားနဲ့ သပ်သပ်ရပ်ရပ် ခွဲထားတဲ့ ပူဖောင်းလေးဟာ အနားစတွေ သပ်ရပ်တာမို့ ပြန်ချုပ်ရင် သပ်သပ်ရပ်ရပ်လေး ချုပ်လို့ရသလိုပါပဲ။ သေချာခွဲထားတဲ့ ‌သားအိမ်ဟာလည်း သပ်သပ်ရပ်ရပ်ပြန်ချုပ်ထားရင် အနာကျတ်မြန်ပါတယ်။

သားအိမ်တအားညှစ်လျှင် ကွဲထွက်နိုင်ပါတယ်။ ကွဲထွက်သွားတဲ့ ပူဖောင်းလေးဟာ အနားစတွေ ဖွာလန်ကြဲနေသလိုမျိုးပဲ ကွဲထွက်သွားတဲ့ သားအိမ်ဟာလည်း အနားစတွေ ဖွာလန်ကြဲပြီး သွေးထွက်လည်း များတတ်ပါတယ်။ သားအိမ်ကို ပြန်ချုပ်ရင်လည်း သပ်သပ်ရပ်ရပ်ပြန်ချုပ်ဖို့ ခက်ခဲပါတယ်။ အနာကျတ်တာ နှေးတတ်ပါတယ်။

နောက်တခါထပ်မွေးတဲ့အခါ အမာရွတ်က နှစ်ခုဖြစ်လာပါတယ်။ သုံးခါလောက်မွေးပြီးလျှင် လက်သီးဆုပ်အရွယ်သားအိမ်မှာ အမာရွတ်တွေ ပြည့်နေပါပြီ။ နောက်ထပ် မခွဲသင့်တော့ပါဘူး။ ဒါကြောင့် သားကြောပါ တခါတည်းဖြတ်ကြရပါတယ်။

ကိုယ်ဝန်ရှိလာတဲ့အခါ ကလေးရဲ့အချင်းဟာ သားအိမ်ထဲမှာ တွယ်ချင်တဲ့နေရာ တွယ်တာပါ။ အမာရွတ်တွေများလာလျှင် ကလေးမွေးဖူးတာများလာလျှင် အချင်းက အမာရွတ်တွေပေါ်သွားတွယ်နေတတ်ပါတယ်။ ဒါကြောင့်မို့ အချင်းမကျဘဲသွေးသွန်တာကနေ သားအိမ်ပါထုတ်လိုက်ရတဲ့အထိဖြစ်နိုင်ပါတယ်။

နယ်ဆေးရုံလေးတစ်ခုက OG တစ်ယောက်ပြောပြတဲ့ အတွေ့အကြုံလေးတစ်ခုကို မျှဝေပါရစေ။

ကလေးအမေတ​ယောက် ပထမဆုံးကလေးကို ခွဲမွေးထားတယ်။ ဒုတိယနဲ့ တတိယကိုယ်ဝန်ကို ဘယ်လိုပြောပြော စကားနားမထောင်ပဲ အိမ်မှာ ရိုးရိုးမွေးထားတယ်။ ကလေးသေးတော့ ဘာပြသနာမှ မဖြစ်လိုက်ပါဘူး။ နောက် စတုတ္ထကိုယ်ဝန်ရှိလာတော့လည်း ဗိုက်ကို ကြိုမအပ်ထားဘူး။ လမစေ့သေးဘဲ ညကြီးအချိန်မတော်ကျမှ ဗိုက်နာပြီး မွေးချင်လာတော့မှ ဆေးရုံရောက်လာတယ်။ လမစေ့ပေါင်မပြည့်ကလေးကို ရိုးရိုးထွက်သွားတယ်။ မွေးပြီးတဲ့အခါ အချင်းလုံးဝမကျဘဲသွေးသွန်တယ်။ ကလေးအများကြီး မွေးထားတဲ့ သားအိမ်က ကြွက်သားတွေ လျော့ရဲနေပြီး ကလေးထွက်တာနဲ့ ချက်ချင်း သားအိမ်ကြွက်သားတွေ ပြန်ကျုံ့ရမှာ မကျုံ့နိုင်ဘဲ အရင်အမာရွတ်နေရာမှာ အချင်းက အသေတွယ်နေပုံရပါတယ်။ ဆရာဝန်ဆရာမတွေကြိုးစားပေမယ့် ဗိုက်ခွဲသားအိမ်ထုတ်မှ ရတော့မယ့်အခြေနေမှာ ကိုယ်ဝန်ဆောင်မိခင်ဟာ သွေးထွက်လွန်ပြီး ဆုံးသွားပါတယ်။ စိတ်‌မကောင်းစရာပါ။

ဒါကြောင့်
တစ်ခါ ခွဲမွေးထားဖူးလျှင် နောက်‌ထပ်လည်း ခွဲမွေးရပါတယ်။

Credit to Original Writer

မနေ့က မတင်လိုက်ရလို့ပါ ❤️❤️❤️Happy mother's day 🫃🏻🤱🏻
26/01/2024

မနေ့က မတင်လိုက်ရလို့ပါ ❤️❤️❤️

Happy mother's day 🫃🏻🤱🏻

ခေါင်းတစ်ခြမ်းကိုက်ရောဂါ "မိုင်ဂရိန်း" မိုင်ဂရိန်း (𝗠𝗶𝗴𝗿𝗮𝗶𝗻𝗲) ဟာ ရိုးရိုးခေါင်းကိုက်တာထက် ပိုမိုပြင်းထန်တဲ့ ခေါင်းကိုက်ရ...
26/01/2024

ခေါင်းတစ်ခြမ်းကိုက်ရောဂါ "မိုင်ဂရိန်း"

မိုင်ဂရိန်း (𝗠𝗶𝗴𝗿𝗮𝗶𝗻𝗲) ဟာ ရိုးရိုးခေါင်းကိုက်တာထက် ပိုမိုပြင်းထန်တဲ့ ခေါင်းကိုက်ရောဂါ ဖြစ်ပါတယ်။ ဖြစ်လိုက် ပျောက်လိုက်နဲ့လည်း နာတာရှည် ဖြစ်လေ့ရှိပါတယ်။ ခေါင်းကိုက်တယ်ဆိုတာနဲ့ ပျို့ချင်အန်ချင်စိတ်ပါ တစ်ခါတည်း တွဲဖြစ်လေ့ရှိပါတယ်။ အချို့ဆို တစ်ခါတည်း ထိုးအန်တတ်ပါတယ်။ ပြီးတော့ မျက်စိထဲမှာ ပုံမှန်မဟုတ်တဲ့ အလင်းရောင်တွေ ပြိုးပြိုးပြက်ပြက်တွေ မြင်ရလေ့ရှိပါတယ်။ များသောအားဖြင့် မျိုးရိုးလိုက်တတ်ပါတယ်။ အဖေ သို့မဟုတ် အမေလုပ်သူမှာ မိုင်ဂရိန်းရှိခဲ့ရင် သားသမီးအချို့လည်း ဒီရောဂါရနိုင်တယ်လို့ ဆိုလိုတာပါ။ ခေါင်းကိုက်တယ်ဆိုတဲ့နေရာမှာ ခေါင်းတစ်ခုလုံး ကိုက်တာရှိသလို တစ်ခါတစ်လေမှာ ခေါင်းတစ်ခြမ်းဘဲကိုက်လို့ ‌‌ခေါင်းတစ်ခြမ်းကိုက်ရောဂါလို့လည်း လူသိများလေ့ရှိပါတယ်။

ဖြစ်ရသည့်အကြောင်းရင်းများ
===============
အဓိကအချက်ကတော့ ဦးခေါင်းအတွင်းပိုင်းမှာရှိတဲ့ သွေးကြောလေးတွေ ရုတ်တရက် ကျယ်သွားလို့ ဖြစ်ပါတယ်။ သွေးကြောတွေ ကျယ်သွားတော့ သူ့ရဲ့နံရံမှာရှိတဲ့ အာရုံကြောလေးတွေကို လှုံ့ဆော် (Irritate) တဲ့အတွက် ရုတ်တရက် ခေါင်းကိုက်လာရခြင်းဖြစ်ပါတယ်။ သွေးကြောတွေ ရုတ်တရက် ဘာကြောင့် ကျယ်သွားရသလဲဆိုတာတော့ ပြောဖို့ခက်ပါတယ်။ တိတိကျကျရယ်လို့ မဟုတ်ပေမဲ့ ဆက်စပ်တဲ့အကြောင်းအရာအနေနဲ့

🔸 အချို့သောအစားအစာတွေကြောင့် Migraine attack ရတတ်ပါတယ်။
🔸 သွေးထဲမှာ ဂလူးကို့စ်ဓာတ် ရုတ်တရက် လျော့နည်းသွားခဲ့ရင် Migraine attack ရတတ်ပါတယ်။
🔸 အမျိုးသမီးဟော်မုန်းတွေကြောင့် Migraine ရတတ်ပါတယ်။
🔸 Stress လို့ခေါ်တဲ့ စိတ်ပူပင်သောကတို့ကြောင့် Migraine ရတတ်ပါတယ်။
🔸 ပြင်းထန်တဲ့လေ့ကျင့်ခန်း (Vigorous exercises) တွေကြောင့်လည်း Migraine ရတတ်ပါတယ်။

အကြံပြုချက်
=======
မိုင်ဂရိန်း ခေါင်းကိုက်ဝေဒနာ ဖြစ်ပြီဆိုတာနဲ့

☑️ စိတ်ရောကိုယ်ပါ ချက်ချင်းအနားယူလိုက်ပါ။

☑️ အကိုက်အခဲပျောက်ဆေး တစ်ခုခု (မိုးမခဆေး Salixin®) မြန်မြန်သောက်ပါ။ အစာနဲ့အတူ သောက်ဖို့ မမေ့ပါနဲ့။

☑️ ငါးကြီးဆီ၊ အိုမီဂါ-၃ (သို့) အိုမီဂါ-၃-၆-၉ ပါသော အစားအစာများ သို့မဟုတ် ဆေးဝါးများကို သေက်သုံးပါ။

☑️ ဆရာဝန် ညွှန်ကြားထားတဲ့ ဆေးတွေရှိရင်လည်း ချက်ချင်းသောက်ပါ။ ဥပမာ Triptans, Avamigran, Propranolol စတဲ့ဆေးများ

☑️ ရှောင်ရမယ့် အစားအစာတွေကို လုံးဝရှောင်ပါ။ ဥပမာ ချောကလက်၊ ဒိန်ခဲ၊ ဝိုင်အရက်၊ ဘီယာ၊ ကိုလာ၊ ဆိုဒါပါသော အချိုရည်များ

☑️ စားသင့်တာကို စားပါ။ ဥပမာ ဟင်းရွက်စိမ်းများ။ Caffeine ပါဝင်သော ကော်ဖီ၊ လက်ဖက်ရည် သောက်ပါ။

☑️ ညအိပ်ခါနီး တရားထိုင်ပါ။ (၁၅ မိနစ်- မိနစ် ၃၀ ခန့်)

☑️ ပတ်ဝန်းကျင်ကို အလင်းရောင်မများဘဲ ဆူညံသံမများဘဲ ရှိအောင်ထားပါ။

☑️ Vitamin supplements အနေနဲ့ ဗီတာမင်ဘီ-၂၊ မဂ္ဂနီစီယမ်၊ ဗီတာမင်ဒီ၊ ကိုအင်ဇိုင်းကျူ-၁၀ (Nature-Q10®) တို့လည်း သောက်ပါ။

☑️ ပခုံးနဲ့ လည်ပင်းနောက်ပိုင်းကို အကိုက်အခဲပျောက်လိမ်းဆေး တစ်မျိုးမျိုး (Herbigesic®) လိမ်းပြီး ညင်သာစွာ နှိပ်ပေးနိုင်ပါတယ်။

☑️ အပ်စိုက်ကုသမှု ခံယူနိုင်ပါတယ်။

ဒေါက်တာခင်မောင်လွင်

ကလေးတို့ မေမေ ❤️❤️❤️
10/01/2024

ကလေးတို့ မေမေ ❤️❤️❤️

မေမေ
10/01/2024

မေမေ

ဖေဖေ ၊ ပါပါး ❤️❤️❤️
09/01/2024

ဖေဖေ ၊ ပါပါး ❤️❤️❤️

Address

Singapore
11021

Telephone

+6588649615

Website

Alerts

Be the first to know and let us send you an email when ကိုယ္ဝန္ေဆာင္ က်န္းမာေရး posts news and promotions. Your email address will not be used for any other purpose, and you can unsubscribe at any time.

Shortcuts

Featured

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category